Nim’s Melbourne Days

Nim’s Melbourne Days Daily snippets of my Melbourne life ♡
🌸 Just a Srilankan 🇱🇰

11/05/2026

සීනි බනිස් කන අය එන්න....😍🫣

11/05/2026

Super soft සීනි බනිස් එකක් කමුද?

මේ වගේ රසම රස Chocolate කේක් එකක් කන්න කවුද කැමති 🫣🍫🤎පහුගිය දවසක මම ගෙදර කන්න හදපු කේක් එකක් තමයි මේ තියෙන්නේ.ඉතින් මේ C...
09/05/2026

මේ වගේ රසම රස Chocolate කේක් එකක් කන්න කවුද කැමති 🫣🍫🤎

පහුගිය දවසක මම ගෙදර කන්න හදපු කේක් එකක් තමයි මේ තියෙන්නේ.ඉතින් මේ Chocolate Cake එකේ තියෙන්නේ හරිම ගැඹුරු චොක්ලට් පාටක්.(මගේ රස රහසක්)
මේකේ රස තවත් වැඩි කරන්න මම පාවිච්චි කළේ Russian Butter Cream කියන icing එක🧁
ගොඩක් අය මේ අයිසින් එකට කැමති ඒකේ තියෙන සුවිශේෂී රස නිසා. මේක හදන්න ප්‍රධාන වශයෙන්ම ගන්නේ
Condensed milk(හැමෝම දන්න මිල්ක්මේඩ්) සහ බටර් විතරයි.ඒ නිසා සාමාන්‍ය අයිසින් වල වගේ අධික පැණි රසක් (overly sweet) මේකේ නැහැ.
හරිම සිනිඳු, මෘදු රසයක් තමයි තියෙන්නේ😍✨

ඒ මදිවට උඩින් ඉහපු චොප් කරපු කජු ටිකත් එක්ක හැපෙනකොට දැනෙන රස නම් කියලා වැඩක් නැහැ! 😁😋

Recipe ඕන අය පහළින් comment එකක් දාගෙනම යන්නකෝ 🥰

🍰✨

ආදරණීය මැයි මාසෙ පළවෙනිදා හදපු කිරිබත් ❤️මැයි මාසය කියන්නේ මගේ ජීවිතයට ගොඩක් සමීප, ආශිර්වාද ගොඩක් අරන් එන සුන්දර මාසයක්....
07/05/2026

ආදරණීය මැයි මාසෙ පළවෙනිදා හදපු කිරිබත් ❤️
මැයි මාසය කියන්නේ මගේ ජීවිතයට ගොඩක් සමීප, ආශිර්වාද ගොඩක් අරන් එන සුන්දර මාසයක්. මේ මාසය අපිට සුවිශේෂී වෙන්න හේතු කිහිපයක්ම තියෙනවා.

අපි දෙන්නා යුග දිවියට පිය නැගුවේ මේ වගේ මැයි මාසයක. ජීවිතයේ අලුත් ගමනක් ආරම්භ කරපු ඒ සුන්දර මතකය හැමදාමත් හදවතේ තියෙනවා.
ඒ වගේම තමයි මැයි මාසය කියන්නේ ජේසු අම්මාට (මරිය මෑණියන්ට) කැප කරපු මාසය. මෑණියන්ගේ ආශිර්වාදය සහ මගපෙන්වීම අපේ පවුල් ජීවිතයට නිරන්තරයෙන් ලැබෙනවා කියන විශ්වාසය අපේ හිතට ලොකු ශක්තියක්.

මුළු ලෝකයම ආලෝකවත් කරමින් උදාවන වෙසක් මංගල්‍යයත් මේ මාසයටම හිමියි. සම්මා සම්බුදුරජාණන් වහන්සේගේ තෙමඟුල සමරන මේ පින්බර කාලසීමාව අපේ සිත් වලට ගේන්නේ මහත් වූ ශාන්තියක්🥰

ආදරය, භක්තිය සහ ආධ්‍යාත්මික සුවය පිරි මැයි මාසයක් ඔබ සැමට ප්‍රාර්ථනා කරනවා! ✨❤️

🇱🇰 ලංකාවට ගිය ගමන් ඇඟ "ඉදිමිලා" වගේ පේන්නේ ඇයි? 🧐ඕස්ට්‍රේලියාව, යුරෝපය, කැනඩාව වගේ සීතල හෝ වියළි දේශගුණයක් තියෙන රටක ඉඳල...
26/04/2026

🇱🇰 ලංකාවට ගිය ගමන් ඇඟ "ඉදිමිලා" වගේ පේන්නේ ඇයි? 🧐

ඕස්ට්‍රේලියාව, යුරෝපය, කැනඩාව වගේ සීතල හෝ වියළි දේශගුණයක් තියෙන රටක ඉඳලා නිවාඩුවකට ලංකාවට ගොඩබැස්ස ගමන් අපිට දැනෙන ප්‍රධාන වෙනසක් තමයි ඇඟ මහතට පේන්න ගන්න එක. කණ්ණාඩියෙන් බලද්දී මුහුණ පිරිලා, කකුල් දෙක ඉදිමිලා වගේ පෙනුමක් එන්නේ ඇයි කියලා ඔබ කවදාහරි හිතුවද?

මේක ඇත්තටම ලංකාවෙ "තෙල් දාපු කෑම" නිසා එකපාරටම සිද්ධ වෙන මහත් වීමක් නෙවෙයි. මේකට කියන්නේ "Water Retention" (සිරුරේ ජලය රැඳී සිටීම) කියලා.

🔺මේකට බලපාන ප්‍රධාන හේතු කිහිපයක් මෙන්න:

1️⃣ අධික ආර්ද්‍රතාවය (High Humidity):
සීතල රටවල තියෙන්නේ වියළි දේශගුණයක්. ලංකාව වැනි නිවර්තන කලාපීය රටක වාතයේ තෙතමනය (Humidity) වැඩියි. මේ නිසා දහඩිය ඉක්මනින් වාෂ්ප වෙන්නේ නැහැ. සිරුරේ උෂ්ණත්වය පාලනය කරගන්න අපේ පටක තුළ වැඩිපුර ජලය රඳවා ගන්න සිරුර පෙළඹෙනවා.

2️⃣ සීතල දේශගුණයේ සිට රස්නයට මාරු වීම:
ඕනෑම සීතල රටක සිට එකපාරටම රස්නය තියෙන රටකට ගිය විට සිරුරේ රුධිර නාල (Blood vessels) ප්‍රසාරණය වෙනවා. එවිට සිරුරේ පටක අතරට වැඩිපුර දියර වර්ග කාන්දු වීම නිසා "ඉදිමුණු" ස්වභාවයක් පේන්න ගන්නවා.

3️⃣ ලුණු සහ කුළුබඩු (Sodium Effect):
ලංකාවේ කෑම වල ලුණු සහ රසකාරක භාවිතය වැඩියි. අපි ලංකාවට ගිය ගමන් කන කෑම බීම වල තියෙන අධික සෝඩියම් ප්‍රමාණය නිසා, ඒ ලුණු සමබර කරන්න සිරුර විසින් ජලය රඳවා ගන්නවා.

4️⃣ දීර්ඝ ගුවන් ගමන (Long-haul Flights):
පැය ගණනාවක් එක දිගට අසුන්ගෙන සිටීම නිසා රුධිර සංසරණය මන්දගාමී වෙනවා. මෙය විශේෂයෙන්ම කකුල් සහ වළලුකර ආශ්‍රිතව ඉදිමීම (Edema) ඇති කරනවා.

🔺මේ පෙනුම අඩු කරගන්නේ කොහොමද?

• 💧 වැඩිපුර වතුර බොන්න: පුදුමයක් වුණත්, ඔබ ඇති තරම් වතුර බොන විට සිරුර අනවශ්‍ය ජලය රඳවා ගැනීම නතර කරනවා.
• 🚫 ලුණු පාලනය කරන්න: අමතර ලුණු එකතු කළ කෑම සහ පැකට් කළ ආහාර (Processed food) අඩු කරන්න.
• 🚶‍♂️ ඇඟ වෙහෙසන්න: දිනපතා විනාඩි 20ක්වත් ඇවිදීම හෝ ව්‍යායාම කිරීම මගින් රුධිර සංසරණය ක්‍රමවත් කරගන්න.
• 🍌 පොටෑසියම් බහුල ආහාර: කෙසෙල්, කුරුම්බා වැනි ආහාර ගැනීමෙන් සිරුරේ ලුණු මට්ටම පාලනය කරගන්න පුළුවන්.

ඉතින් ඊළඟ වතාවේ ලංකාවට ගියහම "මම මහත් වෙලා" කියලා වද වෙන්න එපා.🤭
සති කිහිපයකින් සිරුර දේශගුණයට හුරු වුණාම මේ තත්ත්වය ඉබේම මඟ හැරිලා යනවා!
ඔයාලටත් ලංකාවට ගිය ගමන් මේ වෙනස දැනිලා තියෙනවාද? Comment එකකින් කියන්න! 👇

-Nim's Melbourne Days-

Missed me? 😉 පොඩි නිහඬතාවයකින් පස්සේ ආයෙමත් ඔයාලගේ feed එකට රසම රස කෑම ටිකක් අරගෙන එන්නයි ලෑස්තිය 🥳🥐☕
26/04/2026

Missed me? 😉 පොඩි නිහඬතාවයකින් පස්සේ ආයෙමත් ඔයාලගේ feed එකට රසම රස කෑම ටිකක් අරගෙන එන්නයි ලෑස්තිය 🥳🥐☕

ඉස්සර අපේ ගෙදර කේක් හදන්නේ මගේ තාත්තා.එයා හදන කේක් වල රස නම් වෙන කවුරු හැදුවත් ගන්න බැහැ.ඒ කාලෙ කේක් එකක් ගෙදර හදන්නෙ මො...
25/02/2026

ඉස්සර අපේ ගෙදර කේක් හදන්නේ මගේ තාත්තා.එයා හදන කේක් වල රස නම් වෙන කවුරු හැදුවත් ගන්න බැහැ.ඒ කාලෙ කේක් එකක් ගෙදර හදන්නෙ මොකක් හරි විශේෂ දෙයක් තියෙනවනම් විතරයි.මොකද නිතර නිතර හදන්න තරම් ඒක ලේසි වැඩක් නෙවෙයිනෙ ඒ කාලෙ.මට අද වගේ මතකයි එතකොට මට වයස අවුරුදු හතරක් වගේ ඇති.(මට සාමාන්‍යයෙන් පුංචි කාලෙ දේවල් මාර විදියට මතක තියෙනවා 😁 ඒත් දැන් නම් ඊයෙ වෙච්ච දේවල්වත් මතක හිටින්නෙ නැහැ හරියට 😂) අම්මයි තාත්තායි මමයි ගියා ගෙදරට අවන් එකක් තෝරන්න.එදා තාත්තා ලස්සන සුදුපාට අවන් එකක් අරගත්තා.මට නම් හරිම සතුටුයි.ඒ වෙන මොකුත් නිසා නෙවෙයි ඒක ලස්සන නිසා.ඒ කාලෙ මම දන්නෙවත් නෑ අවන් එකක් කියන්නෙ මොකක්ද කියලා.කේක් හදන එකක් කියන්න විතරයි දැනන් හිටියේ.ඒකෙන් මොකද වෙන්නෙ කියලවත් දන්නෙ නෑ මම.මට ඒක පෙනුනේ ලස්සන ටීවි එකක් වගේ.මම ඒත් අම්මගෙන් ඇහුවලු මේක කේක් හදන ටීවි එකක්ද කියලත්.(🤣)

ඉතින් ඕක ගෙනත් තාත්තා කේක් එකක් හැදුවා මුලින්ම.මට ඉතින් හරි සතුටුයි ඒ දවසෙ.මොකද ගෙදර කේක් එකක් හදන්නෙ පලවෙනි වතාවටනේ.තාත්තා කරන හැමදේම එයාගෙ ළඟටම වෙලා බලාගෙන හිටියා.ඒ කාලෙ ඇස්ට්‍රා ආවෙ රවුම් කප් එකක.මොනදේ කරන්නත් ඒක සොෆ්ට් කරගෙන ඉන්න ඕනනේ.තාත්තා ඉතින් ඒක උදෙන්ම ෆ්‍රිජ් එකෙන් එළියට අරගෙන කේක් එක හදන්න ඉන්න භාජනේට දාලා තියනවා අයිස් ගතිය නැති වෙනකන්.ඊටපස්සෙ එයා බිත්තර ටිකත් හෝදලා පිහලා තියනවා වෙන වෙනම.පස්සෙ පිටි,සීනි,වැනිලා,වතුර පොඩ්ඩක් දාලා උකුවට දියකරගත්ත කිරිපිටි හදලා තියාගන්නවා ළඟින්. ඊටපස්සෙ එයා කරන්නෙ ඇස්ට්‍රා භාජනේ ඉතිරි වෙලා තියෙන ටික අරගෙන කේක් ට්‍රේ එකට තෙල් කොළ අලවගන්න එක.

ඒ කාලෙ ඉතින් බීටර් තිබුණෙ නෑනෙ.ලී පත්තෙන් තමයි කේක් එක ගහන්නෙ.තාත්තා එක දිගට පැය ගානක් අතින් කේක් එක බීට් කරපු හැටි මතක් වෙද්දි නම් මට මාර දුකයි.එයාගෙ අත් කොච්චර රිදෙන්න ඇතිද."එක පැත්තකට තමයි චූටිනෝනා මේක ගහගන්න ඕනෙ" කියලා මට කියලා දීපු හැටි මට තවම මතකයි.එදා තමයි මම මුලින්ම කේක් බැටර් එකක රස බැලුවේ.එයා හදන ගමන් මට ඇගිල්ලට අරන් දුන්නා රස බලන්න කියලා.ඒ රස නම් තවමත් මතකයි මට.අපේ සතුට වෙනුවෙන් කොච්චර නම් දේවල් එයා කැපකරාද කියලා මටනම් හිතාගන්නවත් බැහැ.

ඔක්කොම කරලා කේක් එක අවන් එකට දාලා තාත්තා යනවා නාන්න.මම ඉතින් තාත්තාට කියනවා පුංචි වීරයා වගේ මම කේක් එක බලාගන්නම් කියලා.පොඩි හිනාවකුත් දාලා තාත්තා නාන්න ගියාම මම අවන් එක ළඟටම වෙලා ඉන්නවා.හෙල්ලෙන්නෙවත් නැහැ තාත්තා එනකන්.අවන් එකේ වීදුරුවෙන් ඇතුලෙ තියන කේක් එක හැදෙන හැටි කී දවසක් නම් බලන් ඉන්න ඇතිද මම.🥺

අපේ තාත්තා කේක් හදන්න ඉගෙනගෙන තියෙන්නෙ එයාගෙ අක්කගෙන්.අපේ නැන්දට රසට කේක් හදන්න පුළුවන්.තාත්තා නුගේගොඩ එයාගෙ ගෙදර නැවතිලා ක්ලාස් ගියපු කාලෙ එහෙදි එයාගෙන් පුරුදු උනා කියලා නිතරම මට කියනවා.කොහෙවත් රෙසිපි ලියාගත්තෙවත් නැතිව හැමදේම තාත්තා අවුරුදු ගානක් කොහොම මතක තියාගත්තද කියලා ඒ කාලෙ චූටි මම හිතනවා.මගේ තාත්තාට තිබුණ මතකය නම් මාරයි.තාත්තා නොදන්න දෙයක් තිබුණෙ නෑ.මම අහන හැම ප්‍රශ්නෙටම තාත්තා ළඟ උත්තර තිබුණා.

ඔහොම ගිහින් මගේ මල්ලිගෙ අවුරුද්දෙ උපන්දිනය ආවා.එදා තාත්තා අයිසින් කේක් එකක් හැදුවා ගෙදර පළවෙනි වතාවට.එයා එදා හදපු අයිසින් කේක් එක කොච්චර රසද කියනව නම් මේ වෙනකන් එහෙම එකක් මම කාලා නැහැ කවදාවත්.තාත්තා ඔෆිස් ගිහින් එන ගමන් අරන් ආවා අයිසින් කරන අමුතු අයිටම් එකක්.ඒක ඇලුමිනියම් වලින් හදපු තඩි සිරින්ජර් එකක් වගේ එකක්.තාත්තා ඒකෙන් අයිසින් කරපු ලස්සන මට තවම මතකයි.
ඔහොම කාලයක් යද්දි අපි ගත්තා බීටර් එකක්.ඊටපස්සෙ නම් නිතරම වගේ ගෙදර කේක් හැදුණා.ඔය අතරෙදි දවසක් තාත්තා මට හදන්න කියලා ළඟට වෙලා කියලා දුන්නා හදන විදිය.එහෙම තමයි මම මුලින්ම කේක් හදන්න පටන් ගත්තෙ.ඊටපස්සෙ ඉතින් ඒ රාජකාරිය පැවරුණේ මට 😁 තාත්තා මම ඉන්නකන් ආයෙ ගෙදර කේක් හැදුවෙ නැහැ.ඒත් 2024 මම බැඳලා ඕස්ට්‍රේලියාවට ආවට පස්සෙ ආයෙත් තාත්තා අලුත් අවුරුද්දට කේක් හදලා තිබුණා 🥺 හැබැයි මට රස බලන්න ලැබුණෙ නෑ ඒවගේ.ආයෙ රස බලන්න වෙන්නෙත් නැහැ මට කවදාවත්.තාත්තා නැති වෙලා දැනට මාස හයක් වෙනවා.කේක් එකක් හදන ගානෙ මට එයාව මතක් වෙනවා.ඒ මතක විතරයි ඔළුවට එන්නෙ.මාව ඒ හැමවෙලාවකම පිච්චිලා යන තරම් මට හිතාගන්නත් බැහැ.තාත්තා නැති ජීවිතේ තරම් අමාරු දෙයක් නම් මගේ ජීවිතේ කවදාවත් විඳලා නැහැ.මගේ හුස්ම යනකන් හැමදාම මේ වේදනාව මම දරාගන්නෙ කොහොමද කියල මටවත් හිතාගන්න බැහැ.තාත්තා තරම් කවුරුත් නැහැ ♥️

✍Nim's Melbourne Days

🇦🇺 Chicken Schnitzel & Parmiඕස්ට්‍රේලියාවේ ඕනෑම හෝටලයකට (Pub) හෝ කැෆේ එකකට ගියොත් අපිට අනිවාර්යයෙන්ම දකින්න පුළුවන් කෑම...
24/01/2026

🇦🇺 Chicken Schnitzel & Parmi

ඕස්ට්‍රේලියාවේ ඕනෑම හෝටලයකට (Pub) හෝ කැෆේ එකකට ගියොත් අපිට අනිවාර්යයෙන්ම දකින්න පුළුවන් කෑම දෙකක් තමයි Chicken Schnitzel සහ එහි "Upgraded Version එකක්" වන Chicken Parmi.

මේක නිකන්ම කෑමක් නෙවෙයි,මෙහෙ සංස්කෘතියේ කොටසක්! 🤣🤭

📜 The Origin

• Schnitzel: මෙහි මුල් අයිතිය තියෙන්නේ ඔස්ට්‍රියාවට (Austria).එයාලගේ "Wiener Schnitzel" කියන හරක් මස් වලින් හදපු කෑම ලොව පුරා ප්‍රසිද්ධ වුණාට පස්සේ, 19 වැනි සියවසේදී යුරෝපා සංක්‍රමණිකයන් හරහා මේ රසය ඔස්ට්‍රේලියාවට ආවා.ඕස්ට්‍රේලියානුවන් මේක එයාලගෙ රසයට ගැලපෙන විදියට chicken යොදාගෙන හදලා බලලා තියෙනවා.

• Parmi (Parmigiana): මේක නම් ඉතාලි-ඇමරිකානු කියන සම්භවයන් එක්ක හැදුණු එකක්. මුලින්ම වම්බටු (Eggplant) යොදාගෙන හැදුණු මේ කෑම, 1950 දශකයේදී පමණ ඕස්ට්‍රේලියාවේදී chicken schnitzel එක්ක එකතු වෙලා හැදිලා;අද තියෙන මේ "Chicken Parmi" එක බවට පත් වුණා.

✨ ස්වභාවය සහ පෙනුම (Nature & Appearance)

• Schnitzel: හොඳින් තලන ලද (tenderized) චිකන් breast පෙත්තක් පාන් කුඩු (breadcrumbs) තට්ටුවක දවටා රන්වන් පැහැය වනතුරු බැදගන්නවා.මේක දකිද්දිම ඒකෙ Crispy ගතිය කැපී පෙනෙනවා.

• Parmi: බැදගත් Schnitzel එක උඩට තක්කාලි සෝස් (Napolitana sauce), හැම් (Ham) සහ හොඳින් දියවුණු මොසරෙල්ලා චීස් (Mozzarella cheese) තට්ටුවක් දමා නැවත බේක් කරනවා. චීස් බුබුළු දමමින්, රතු සහ රන්වන් පැහැයෙන් දිලිසෙන මේ පෙනුම ඕනෑම කෙනෙකුගේ බඩගින්න වැඩි කරනවා.

🍟සුවඳ සහ රසය (Aroma & Taste)

• සුවඳ: බැදපු චිකන් වල ප්‍රණීත සුවඳ සමඟ බටර් සහ චීස් මිශ්‍ර වුණු අපූරු සුවඳක් මෙහි තියෙනවා. Parmi එකක නම් තක්කාලි සෝස් සහ ඔරිගානෝ (Oregano) වල සුවඳ කැපී පෙනෙනවා.
• රසය: පළමු කටේදීම දැනෙන Crunchy ගතියත්, ඒ සමඟම ඇතුළත ඇති ජූසි (Juicy) මස් රසයත් මේකෙ නියම සංකලනයක්.
Parmi එකක නම් චීස් වල ඇති ක්‍රීමි ගතිය සහ තක්කාලි සෝස් වල ඇඹුල්-පැණිරස රසය දිවට දැනෙන්නේ මාර රසක් විදිහට.

🍽කොහොමද මේවා serve කරන්නේ?

සාමාන්‍යයෙන් මේ කෑම දෙකම serve කරන්නේ:
1. Hot Chips (බැදපු අල පෙති)🍟
2. Fresh Garden Salad (නැවුම් සලාද)🥗
3. සමහර විට Gravy සෝස් එකක් එක්ක තමයි.🍵

මේක නිකම්ම කේක් එකක් නෙවෙයි... කටේ දියවෙන මැජික් එකක්! 🍒🍫ගොඩක් අය මේකට කියන්නේ Black Forest Mousse Slice කියලා. ඔයාලා ඕස...
19/01/2026

මේක නිකම්ම කේක් එකක් නෙවෙයි... කටේ දියවෙන මැජික් එකක්! 🍒🍫

ගොඩක් අය මේකට කියන්නේ Black Forest Mousse Slice කියලා. ඔයාලා ඕස්ට්‍රේලියාවේ වගේ Christmas Buffet එකකට ගියොත් අනිවාර්යයෙන්ම දකින්න ලැබෙන, හැමෝම ආසාවෙන් කන කේක් එකක් තමයි මේ.😍

ඇත්තටම මේක ජර්මනියේ ප්‍රසිද්ධ "Black Forest" කේක් එකේ අලුත් පරම්පරාවේ (Modern version) එකක්. ඉස්සර තිබුණේ බර කේක් එකක් වුණාට, දැන් මේක හදන්නේ හරිම සැහැල්ලුවට, "Mousse" එකක් විදියට. ඕස්ට්‍රේලියාවේ නත්තල් කාලේ තියෙන රස්නයට ගැලපෙන විදියට හදපු, හරිම "Refreshing" ඩෙසර්ට් එකක් විදියට මේක හරිම ජනප්‍රියයි.

◾️කොහොමද මේකේ රස සහ සුවඳ?

මුලින්ම දැනෙන්නේ ඒ නැවුම් චොකලට් සුවඳ සහ චෙරි වල තියෙන පළතුරු සුවඳ තමයි.

• යටම ලේයර් එක: මෘදු චොකලට් ස්පොන්ජ් එකක්.
• මැද ලේයර් එක: මේක තමයි රසම කොටස😋තද රෝස පාටින් තියෙන ක්‍රීමි චෙරි මූස් එක. ඒක ඇතුලේ පුංචි චෙරි කෑලි (Cherry chunks) හපද්දී දැනෙන රස වචනයෙන් කියන්න බැහැ 🍒
• උඩම ලේයර් එක: හිම වගේ සුදු පාට බටර් අයිසින් හෝ ක්‍රීම් ලේයර් එකක්. ඒ උඩට ග්‍රේට් කරගත්ත චොකලට් (Chocolate shavings) ඉහලා තියෙන්නේ.

පැණිරසයි, චෙරි වල තියෙන පොඩි ඇඹුල් ගතියයි එකට එකතු වුණාම ඕනෑම කෙනෙක් එක පාරක් නෙවෙයි, දහ පාරක් වුණත් මේක කන්න ආස හිතෙනවා 😁

ඇත්තටම මේක කනකොට දැනෙන්නේ කට ඇතුළේ කේක් එක දියවෙලා යනවා වගේ හැඟීමක්. ඔයාලත් මේ වගේ කේක් එකක් කාලා තියෙනවද? නැත්නම් කන්න ආසද?
පහළින් කමෙන්ට් එකක් දාගෙන යන්න! 👇


🇮🇹 Panettone🎄🍞නත්තල් කාලයට ලෝකයම ආදරය කරන, කේක් එකක් වගේ පෙනුනත් ඇත්තටම "පැණිරස පාන්" වර්ගයක් වන Panettone ගැන ඔබ දැනුවත...
12/01/2026

🇮🇹 Panettone🎄🍞

නත්තල් කාලයට ලෝකයම ආදරය කරන, කේක් එකක් වගේ පෙනුනත් ඇත්තටම "පැණිරස පාන්" වර්ගයක් වන Panettone ගැන ඔබ දැනුවත්ද? ඉතාලියේ මිලාන් නගරයෙන් ඇරඹුණු මේ අපූරු අතුරුපස අද ලොව පුරා ඉතාමත් ජනප්‍රියයි.

📜 ඉතිහාසය (History)

▪️පැනටෝනි වල උපත ගැන ජනප්‍රිය කතාවක් තියෙනවා. 15 වන සියවසේ ලුඩොවිකෝ ආදිපාදවරයාගේ රාජකීය භෝජන සංග්‍රහයකදී අතුරුපස පිලිස්සී ගිය පසු, මුළුතැන්ගෙයි සහායකයෙකු වූ "Toni" විසින් ඉතිරිව තිබූ පිටි, බටර් සහ වියළි පලතුරු යොදාගෙන ඉක්මනින් අලුත් දෙයක් සෑදූ බව පැවසෙනවා. එය ඉතා රසවත් වූ නිසා එයට "Pane di Toni" (ටෝනිගේ පාන්) යන නම ලැබී, පසුව එය "Panettone" බවට පත් වුණා.

✨ රසය සහ ස්වභාවය (Taste & Texture)

• ටෙක්ස්චර් එක: මෙය සාමාන්‍ය පාන් වලට වඩා සැහැල්ලුයි (Fluffy), ඒ වගේම දිගු කෙඳි සහිතයි (Feathery texture). මෙහි ඇති වායු කුහර නිසා එය කටේ දියවන සුළුයි.
• රසය: බටර් සහ බිත්තර කහ මදය නිසා ලැබෙන පොහොසත් රසයත්, ලෙමන් ලෙලි (Zest) නිසා ලැබෙන නැවුම් සුවඳත් මෙහි විශේෂයි. වියළි මිදි සහ කැන්ඩිඩ් ෆෘට්ස් (Candied fruits) නිසා සෑම සැපීමකදීම පැණිරසක් දැනෙනවා.

👨‍🍳 පැනටෝනි රෙසිපි එක (Basic Recipe)
අවශ්‍ය ද්‍රව්‍ය:
• පාන් පිටි (Strong Bread Flour) 500g
• ඊස්ට් (Instant Yeast) 10g
• සීනි 150g
• උණුසුම් කිරි 150ml
• බිත්තර 3ක් (කාමර උෂ්ණත්වයේ)
• බටර් 150g (Softened)
• වැනිලා තේ හැඳි 1ක්
•ලෙමන් ලෙලි (Zest)
• වියළි මිදි (Raisins) සහ කැන්ඩිඩ් ෆෘට්ස් 150g

සාදන ක්‍රමය:
1. මුලින්ම කිරි, සීනි සහ ඊස්ට් මිශ්‍ර කර විනාඩි 10ක් තබන්න.
2. පිටි බඳුනකට බිත්තර, වැනිලා සහ ඊස්ට් මිශ්‍රණය එකතු කර හොඳින් අනා ගන්න.
3. එයට බටර් ටිකෙන් ටික එකතු කරමින් විනාඩි 15-20ක් පමණ ඇදෙන සුළු මෘදු ඩෝ (Dough) එකක් වන තුරු අනා ගන්න.
4. අවසානයට වියළි පලතුරු සහ ලෙමන් ලෙලි එකතු කර මිශ්‍ර කරන්න.
5. ඩෝ එක ප්‍රමාණයෙන් දෙගුණයක් වන තුරු පැය 2ක් පමණ පිපෙන්න හරින්න.
6. පසුව එය පැනටෝනි මෝල්ඩ් එකකට දමා නැවත පැයක් පිපෙන්න හැර, 170°C ක උෂ්ණත්වයේ විනාඩි 40-45ක් බේක් කරන්න.
🔴🔴🔴🔴🔴🔴🔴🔴🔴🔴🔴🔴
🙃 Upside Down Method: ඇයි අපි පැනටෝනි එක යටිකුරු කරන්නේ?

පැනටෝනි එකක් අවන් එකෙන් එලියට ගත්ත ගමන්ම ඉතාමත් මෘදුයි. මෙහි බටර් සහ බිත්තර අධික නිසාත්, එහි ඇති "Fluffy" ගතිය නිසාත් නිවෙන අතරතුර එය මැදින් හැකිලීමට හෝ පාත්වීමට (Collapse) ඉඩ තිබෙනවා.

කරන ආකාරය:
අවන් එකෙන් ගත් සැනින් දිගු කූරු දෙකක් (Metal skewers) පැනටෝනි එකේ අඩිය හරහා ගසා, බඳුනක් උඩින් යටිකුරු කර (Upside down) එල්ලා තබන්න. පැය 4-5ක් සම්පූර්ණයෙන්ම නිවෙන තුරු මෙසේ තැබීමෙන් එහි උස සහ වායු කුහර සහිත සැහැල්ලු බව නොවෙනස්ව ආරක්ෂා කරගන්න පුළුවන්.
(මේ ක්‍රමයේ photo එකක් මම comments වල දාන්නම් ඔයාලට අදහසක් ගන්න 🥰)

ඔබත් නත්තලට ගෙදරදීම පැනටෝනි එකක් හදලා බලන්න! 🍞✨

Address

Melbourne, VIC

Website

Alerts

Be the first to know and let us send you an email when Nim’s Melbourne Days posts news and promotions. Your email address will not be used for any other purpose, and you can unsubscribe at any time.

Shortcuts

Share

Category