16/10/2026
ක්‍රිස්පි චිකන් පැටිස්
විවේකී සති අන්තයට ........ 🤗😇
අවශ්‍ය දේවල් 👇
▪️පාන් පිටි 3 cup
▪️බටර් 4 tbs
▪️බේකින් පවුඩර් 1/4 tsp
▪️ලුණු 1 tsp
▪️අයිස් වතුර
පිරවුම සඳහා 👇
▪️චිකන් 300g
▪️අල 200g
▪️බී ළුණු ගෙඩියක්
▪️ඉඟුරු සුදුළුණු පේස්ට් ටිකක්
▪️රම්පෙ / කරපිංචා
▪️සැර අනුව ▪️ගම්මිරිස්
▪️රස අනුව ලුණු
සාදාගන්නා ආකාරය 👇
▪️මුලින්ම ඩෝ එක සාදාගෙන ඉමු . බෝල් එහෙකට පිටි දාගෙන ඒකටම ලුණු , බේකින් පවුඩර් දාලා මිශ්‍ර කර බටර් දමා කලවම් කරන්න . පසු අයිස් වතුර ටික ටික දමමින් හොඳ සොෂ්ට් ඩෝ එකක් හදා පසුව බෝලයක් ආකාරයට හදා වසා පැත්තකින් තියන්න .
▪️දැන් අල හා චිකන් වෙන වෙනම තැම්බෙන්න තියන්න . චිකන් එකට කරාබු නැට්ටක් ගම්මිරිස් ඇටයක් දෙකක් හා ලුණු පිංචක් දාන්න .
▪️මේ ටික තැම්බුනාට පසුව අල පොතු හැර කුඩා කෑලි වලට පොඩි කරගන්න . තම්බාගත් චිකන් කුඩා තීරු වලට කඩාගන්න .
▪️දැන් තාච්චියක් ලිපේ තියා තෙල් ටිකක් දාලා රත් වෙද්දී පොඩියට කපාගත් බී ළුණු දාන්න . ඒ ටික බැදීගෙන එද්දී ඉඟුරු සුදුළුණු පේස්ට් , රම්පෙ කරපිංචා දාලා කලවම් කරන්න . පසු චිකන් තීරු දාන්න . මදක් වේලා තෙම්පරාදු කර , ලුණු , කහ , ගම්මිරිස් දාන්න . හොඳින් මිශ්‍ර කර පොඩිකරගත් අල දාන්න . සියල්ලම මිශ්‍ර කරන්න . ලුණු බලා මදිපාඩු දාලා ටිකක් නිවෙන්න තියන්න .
▪️පිරවුම නිවෙනකම් ඩෝ එක තුනී කර රවුම් කපාගන්න . නැතිනම් කටර් එක සඳහා ලෑස්ති කරගන්න . කපාගත් රවුමකට පිරවුමෙන් අවශ්‍ය පමණට දාලා මැදින් නවා ගෑරුප්පුවෙන් වටේටම සීල් කරන්න . කටර් එකට නම් රවුමක් දාලා පිරවුමෙන් ස්වල්පයක් දමා කටර් එක නවා තදින් සීල් කරන්න . එලෙස සියල්ලම සාදාගන්න .
▪️බැදීමට පෙර ශීතකරණයෙ විනාඩි 30 දමාගත්තාට පසුව ගැඹුරු තෙලේ රන්වන් පාටට බැදගන්න නැතිනම් 180° විනාඩි 10 ප්‍රී හීට් කරගත් අවන් එකේ ,බිත්තර සාරු තවරා විනාඩි 15 - 20 බේක් කරගන්න .
Laxmi palihakkara ✍️
