01/02/2026
كبسة القريدس 🍤
من أشهى الأطباق الّي جربتها 😋
المقادير:
٢ كوب أرز.
زيت نباتي.
بصلة مفرومة.
٣ حصوص ثوم مدقوقين.
ملعقة كبيرة زنجبيل مبروش.
ملعقة صغيرة كمون.
١/٢ ملعقة صغيرة بهار الكاري.
١/٤ ملعقة عقدة صفراء.
١/٢ ملعقة صغيرة بهار اسود.
ملعقة صغيرة بابريكا.
ملعقة كبيرة كبسة.
١ بندورة مفررمة ناعم.
١/٢ كوب جزر مبروش.
رشة كزبرة خضراء مفرومة.
ملح (حسب الرغبة).
ملعقة كبيرة زبدة.
ملعقة صغيرة دبس الفليفلة.
حبتين لومي.
كيلو قريدس (مقشور).
لتتبيلة القريدس:
حامضة / ٣ حصوص ثوم مدقوقين/ زنجبيل مبروش/ رشة كمون/ رشة فلفل اسود/ ملعقة صغيرة بهار كبسة/ملح / زيت زيتون. (منتبلهم اقل شيء ٢٠ دقيقة).
الطريقة:
منحط الزيت والزبدة او السمنة، منقلي البصل والثوم وبس يدبلوا منحط الزنجبيل البندورة والجزر والكزبرة.
منحط البهارات ودبس الفليفلة واللومي.
بنقلبهم ١٠ دقائق على نار متوسطة وبعدها منزيد القريدس.
منقلّب شواي ومنزيد شواي ماي (١/٢ كوب تقريباً).
منخفف النار ومنغطي الطنجرة تقريباً ٢٠ دقيقة.
منزيد الأرز المغسول فوق الخضار، ولازم تكون الماي فوق الأرز ب ٢ سم تقريباً.
بس تنشف ميّة الأرز منخفف النار ومنغطي الطنجرة.
وفينا نحط على وجه الأرز شوية سمنة أو زبدة.
أنا قدمّت على جنبها صوص حر (بندورة وبصل وثوم وبقدونس وحامض وحر ورشة ملح وبهار أسود)
وصحة وهنا ❤️
#كبسة #وصفات #قريدس
