cooking with Samia

27/04/2024

Commande 3roussa mkhabazz el hama w chan

27/11/2023

ارواحو معايا نعطيكم لاستوس
🌸انا ندير قشور القارص والبرتقال 🍊🍋
👈 الطريقة 🫰
شوفو كاين زوج طرق يا سكرفجي القشور غير لصفر من القارص و كذلك بنسبة للبرتقال غير الطبقة البرتقالية فقط الابيض مر .. وديريه ييبس في الفورنو لي ندفاو بيه من بعد ارحيه يولي بودرة او في الفرن تاني تصلح
او ديري القشور دوائر كيما في صورة وخليهم ييبسو و أرحيهم بصح الطريقة 😘
الصور منقولة 💛

22/04/2023

14/11/2022

أسرار نجاح الصابلي ✔💯
1🔹زبدة / زيت 👇
يجب إحترام المقادير :
الكيلة لي فيها : 250 غ زبدة تحتاج :125 غ سكر + صفار بيضة +بيضةكاملة + نصف باكي خميرة+ فاني+ فرينة .
الكيلة لي فيها : 500 غ زبدة ، تحتاج : 250غ سكر + 2-3 صفار + 2 بيضة كاملة+ باكي خميرة+ فرينة. 🔹عجينة الصابلي عندها مقادير مضبوطة حيث :
*كمية المرغرين تكون نصف كمية الفرينة و كمية السكر هي نص كمية المرغرين.
يعني إذا درتي باكي مرغرين تاع 250 غ يعني تستعملي 500 غ فرينة و 125 غ سكر هاذي مقادير تقريبية و عمومية
ممكن تزيدي و لا تنقصي شوية الفرينة على حساب واش تاكلك العجينة بصح هذا هو المبدأ تاع الصابلي
2🔹البيض 👇
في القاطو صفار البيض يهشش العجينة و البياض ييبسها
علي هذا و إذا حبيتي يجيك هشيش بزاف إستعملي صفار البيض باش اطمي لعجينة أحسن ما تستعملي بيضة كومبلي يعني.. 250 غ مرغرين لازملها 2 حبات بيض... أنت في عوض أديري 2 حبات كاملين... ديري 2 صفار و حبة كاملة... أو تستغناي على البياض نهائيا
3🔹المايزينة👇
تقدري أتلمي العجينة بالفرينة وحدها و تجي مليحة بصح كي تزيديلها شوية مايزينة تجي هشيشة بزاف... يعني إذا حبيتي الصابلي تاعك يجي يقرمش شوية ديري الفرينة وحدها و اذا حبيتيها تجي مرملة كيما الغريبية زيديلها مايزينة...هاذي مسالة ذوق أنا مرات نديرو بالفرينة وحدها و مرات نزيدلها مايزينة يعني القوام إلي يتبدل برك
4🔹الزيت👇
حنونة إذا زدتي شوية زيت رح يجيك الصابلي محمر، بحيث :
الكيلة تاع 500 غ زبدة ضيفي في العجينة نص كأس زيت.
الكيلة تاع 250 غ زبدة ضيفي في العجينة 2 مغارف زيت.
5🔹السكر👇
إستعملي السكر الرطب ڨلاصي أحسن و أفضل , لأن السكر العادي يبس العجينة ⁦♥️⁩
6🔹 الإضافات 👇
نضيف في صابلي تاعي وش نحب:
زبيب مفور ، حلقوم مقطع صغير ، كاوكاو ، جلجلان ، مكسرات على العموم ، بودرة كاكاو و ملونات غذائية ، قهوة ، نيسكافيه ، شامية ، عسل....

13/11/2022

حلوة الترك في المنزل😍😋🇩🇿✅

🫶المكونات👇 :
كاس حليب بودره(لحظة)
كاس سكر ڨلاصي
كاس طحينة( تتباع جاهزة)
نصف كاس مكسرات حسب الذوق واختيارية والموجود
🫶طريقة التخضير👇:
خلط المكونات مع بعض حتى نحصل على عجينه طريه واضافة نصف كمية المكسرات مع الخليط.
نغلف علبة بالنايلون ونضع باقي كمية المكسرات في اسفل الوعاء ونسكب الخليط. نحط العلبة في الثلاجه لمدة ساعتين اخراجها بعد الساعتين وتقطيعها.

12/11/2022

تارتولات الفواكه المشكلة 🇩🇿
🫶العجين 👇
250 غرام فرينة
125 غرام زبدة
3 ملاعق سكر ناعم
صفار بيضة
رشة ملح
4ملاعق ماء بارد
🫶الحشوة👇🇩🇿
كريمة الحلواني (كريم باتيسير نصف لتر حليب 4 ملاعق كبيرة سكر 3 ملاعق كبيرة فرينة اي ذوق تحبيه حطيها فوق النار حتى تعقد)
فواکه
نباج
🫶التحضير👇🇩🇿
نمزج كل المكونات ما عدا الماء ثم نضيف الماء تدريجيا ونجمع العجين دون عجن، نشكل في قوالب نضعها في الفرن لما تطهی نتركها تبرد ونضع الكريمة ثم نزين بالفواكه والنباج للمعان والحفاض على الفواكه
و الف صحة
🇩🇿✅حلويات تقلدية عصرية طبخ افكار

12/11/2022

دزيريات معسلين للقلب 😍

🫶مقادير الحشو:
3 كأس لوز/ كوكاو مطحون
1 كأس ناقص صبع سكر
مبشور (كيلو ليمون) قشر الليمون من الاحسن الاخضر
بيضحسب الحاجة

🫶مقادير العجينة👇:
3 كيسان فرينة(عبر صغير)
نصف كأس زبدة ذائبة(زبدة توريق)
مغرف صغيرة ملون ابيض
فانيلا
ملح
ماء الزهر

🫶للتعسال👇:

كيلة عسيلة
كيلة شاربات ثقيلة شوية

🫶لتحضير الحشو👇:
نخلط السكر مع الكوكاو أو اللوز المطحون
نضيف مبشور قشر الليمون ثم نجمع الخليط بالبيض حسب الحاجة حتى نتحصل على عجينة، نضعه في كيس بلاستيكي و نتركه يرتاح في الثلاجة لمدة ساعتين على الاقل

لتحضير العجينة:

نخلط الفرينة مع قرصة ملح، و الزبدة.
نضيف ماء الزهر مع الماء على دفعات مع الاستمرار في الخلط حتى نتحصل على عجينة متماسكة و ملساء
نضع العجينة في كيس بلاستيكي و نتركها ترتاح في الثلاجة مدة ساعتين

نشكل الحشو على شكل كريات صغيرة وزن كل واحدة 30 غرام

نرش طاولة العمل بالفرينة و نفتح فوقها العجينة بالحلال حتى تصبح رقيقة جدا

نقطع العجينة بالطابع على شكل دوائر

نضع الدوائر في قوالب الدزيريات و نشكلها حسب القالب

نضع كرية من الحشو داخل القالب نزينها بحبة لوز (يمكن الاستغناء عنها)، و نزينها بالملعقة.
نتركها ترتاح قبل ادخالها الى الفرن بدرجة 180 مئوية حتى يصير اللون ذهبي
نعسلها مباشرة بعد اخراجها من الفرن في عسيلة مخففة بماء الزهر
صحة و هنا
#الجزائر 🇩🇿 🇩🇿 #دزيريات

12/11/2022

منظر الغيوم من شباك الطائرة✈️✈️ .. من تصويري 🌠✌️...

12/11/2022

واش نحكيلكم على البنة 😲🤩 لي ماذقهمش راااهوو يراااطي 😍🤣
وصفة أم يارا

12/11/2022

وصفة لامونا خفيفة و قطنية🥰👌
🫶المقادير 👇:
كأس حليب دافئ .
1/2 كأس سكر.
1/4 كأس زيت.
م ك خميرة الخبز.
1 خميرة كيميائية.
طحين أبيض .
ملح.
🫶مقادير الكريم باتيسيير👇:
1/2 لتر حليب .
3 م ك سكر .
2.5 م ك نشاء .
1 م ك زبدة .
1 م ك فانيليا .
🫶طريقة التحضير👇 :
-نمزج الحليب مع السكر و خميرة الخبز ثم نضيف الزيت و نواصل المزج ثم نضيف الفرينة و الملح و خميرة الكيميائية ونمزج حتى نتحصل على عجينة طرية ، ثم ندلك العجينة لمدة دقيقتين حتى تصبح ملساء، ثم نتركها ترتاح لمدة 15 دقيقة .

- نقسم العجين الى جزئين و نشكله على شكل دائرة و نضعه في صينية فرن فيها ورق طهي مدهون بالزيت و نشكل خبزتين من لامونا سميكة نوعا ما، ثم نتركها تخمر .

نضع لامونة في فرن ساخن مسبقا على 200 درجة او اكثر، نشعله من الاسفل فقط حتى تحمر من تحت ثم نشعله من الاعلى حتى تحمر جيدا من فوق .

نخلط الحليب مع السكر و النشاء ثم نضعهم فوق النار و نخلط بدون توقف حتى تعقد و تصبح ثقيلة، ثم نطفئ النار و نضيف مباشرة الزبدة و الفانيليا و نخلط جيدا ثم نتركها تبرد .

نقسم لامونة على اثنين (اسفل و اعلى) بسكين مسنن، ثم نضع الكريمة فوق النصف السفلي، ثم نغطيها بالنصف العلوي و ندهنه بالجولي او المربى .