حكاية غرزة و لون

21/04/2026

من مقبيل و فيديوهات يخرجولي تاع وحد المعثرة دارت عقيقة لوليدها و عاودت عرسها كلش لهنا لباس و كلشي مبروك
الكارثة وييييين كمية العري و الموسيقى الصاخبة و الإختلاط و الشطيح أمام الرجال و الحركات المائلة كاااارثة و كأنو شيء عادي
صراحة قعدت بلا رأس 👎

21/04/2026

شكون تخدم les cartes visite و هاذ النوع الملصقات و تكون من العاصمة ؟

20/04/2026

لبارح كمونديت دوزان كروشيه تاع دي كوموند ... اليوم لحقوني ... و المفاجأة الكوموند ناقصة 😲
عيط زوجي للمحل قالك بعثناها كاملة ...
عيط لليفرور قالو أنا هكاك لحقتني ...
كيفاه و وعلاه و وين ما نعرف 🥱🥺
لقيت مكانش كبة بيضاء و كبة رمادية و 25 قطعة تاع لي بورت كلي 💔

لي يقولولي علاه ما درتيش روتور السبب أنو زوجي هو لي ريكوبيرا الكولي و أنا بأه نقولو واش كمونديت كامل يفيريفيي قبل ما يجيبو نسيت راحت من بالي كااامل 😟

الحمد لله على كل حال 💜

20/04/2026

قد تبدو الأيام كمياه راكدة ... قمر لا ينام و ليال باردة 🥺😍
شكون مازالها متذكرة ❤️‍🩹
عندما كنا لا نحمل هما و لا نعرف للشقاء طعما
كانت سعادتنا تختصر كي نقابلو التلفاز برجلينا متسخين هههه و نتفرجو سالي و لا إيميلي ...

19/04/2026

جاهزين لأقوى عروض حكاية غرزة و لون 😍
راح يكون كاين تخفيضات بصح على واش الله أعلم 🥱
بصح كاين مشكل صغير العدد محدود جداااا 🥺

11/04/2026

إلى اللقاء ميوشة 💔

11/04/2026

ماااتت حبيبة قلبي ميوشة 💔
قلبي راه يبكي عليك قبل عينيا يا الحنينة تشوفو شحال كانت حنينة و عاقلة 💔
عضها كلب من كرشها 💔 كانت ثقيلة مسكينة لكن ما كتبتش ربي لا هي تكمل حملها و لا أولادها يجو للدنيا
ثالث مرة يموتلي قط ربيتو 💔
آخرة تربية الحيوانات ليست بالهينة على أصحابها 💔

06/04/2026

يا الحنونَة الصاك هاذاك لي تضلي غير بيه بدا يطلب التقاعد ، الجلد بدا يتقشر و السحابة تصارع من أجل البقاء و نتا مزالك تقوليلي لالا لباس مازالو مليح 🥱☻️
أرحميه و ارحمي عيوننا و ديريلو بلاصة بسك راح جييييه الضرة 😂
عرض اليوم ماشي كل يوووم 📢📢📢📣
​أول طلبيات على هاذ الحقائب راح نحسبها بسعر مخفض ❤️💰
كل مودال أول وحدة تكمونديه راح نديرلها تخفيييض عليه
​و بهذا تكون الكمية محدودة. 😟. يعني لو طيرتي هاذ الفرصة ما تلومي غير روحك سيدتي 😛
هاذ لي صاك راهم بتصاميم تخلي حتى عدواتك يسألونك "من وين جبتيها؟" 😉

05/04/2026

جماعة ماعليش نقصدكم 🥱
ديرولي زدمة صحيحة واكتبو رأيكم فالصفحة هنا وعدد النجوم اللي تسحقها حكاية غرزة و لون .. اذا بغيتو زعما برك 🥺❤️

04/04/2026

شوفولي جمال حقيبة للقلب 😍❤️
للأناقة عنوان و راكي لقيتي العنوان 🥺

04/04/2026

شفتو علاه نحب الذكاء الاصطناعي 🥱🥺❤️

03/04/2026