18/08/2026
الخبز الخالي من الغلوتين علّمني بلي الحاجة اللي تبان بسيطة… مرات تحتاج بزاف صبر وتجارب 🤍
في البداية، كل مرة نحضر العجينة نكون متوقعة نتيجة مليحة، لكن النتيجة ما تكونش ديما كيما حبيت. مرة العجينة ما تتماسكش، مرة الخبز ما يطلعش، ومرة يخرج شكله مليح من الخارج لكن القوام من الداخل ما يكونش كما لازم.
ومع كل تجربة تبدأ أسئلة جديدة:
علاش هبط؟ علاش تفتت؟ علاش خرج ناشف؟ علاش ما عطانيش خبز خفيف وطري؟
الحقيقة أن الخبز الخالي من الغلوتين يحتاج فهم للمكونات، طريقة التعامل مع العجينة، ونِسَب دقيقة… لأنو غياب مكوّن أساسي كان هو المسؤول على التماسك والمرونة في الخبز العادي"الغلوتين"
لكن مع الوقت والتجارب، كل غلطة تعلمنا حاجة جديدة 🌾🤍
وهذا بالضبط علاش حبيت نشارك معاكم حلول بعض المشاكل لي تقدروا تواجهوها مع الخبز الخالي من الغلوتين 🌽
