Quel est le site Web ?

https://www.facebook.com/906799695830547/

نَحْنُ

Informations de contact, plan et itinéraire, formulaire de contact, heures d'ouverture, services, évaluations, photos, vidéos et annonces de نَحْنُ, Boutique d’art et d’artisanat, ابن باديس (الهرية) قسنطينة, Constantine.

هنا تبدأ قصّة نَحْنُ…حيث نصير جملة، وظلّ، ورفقة، وزينة، وهديّة، وشعور.
نَحْنُ؛ المسافة بيني وبينك… وبين كلّ ما يجعلنا معًا.
نحن.. حيث يلتقي الفنّ والإبداع اليدويّ بالمعنى..♡⁠

الطلب يكون قبل أسبوع على الأقل 🪡
(منتجات مطرزة _تطريز يدوي+ بيك بيك_/ كروشي)

08/07/2026

"البانش نيدل (Punch Needle) فن ممتع ويعتبر نوعا ما سهل، بصّح في البدايات كاين أخطاء وتفاصيل صغار يقدروا يفسّدوا الجهد كامل وتقولي ما نجحتش فيها!
وأنا نعلم في عائشة، صرالها هاد الأخطاء الشّائعة وحبّيت نشاركم نتوما تاني أخطاءها باه تتولهولهم إذا حابّين تتعلمو البيك بيك
.
شكون صراتلها هاد الأشياء كي بدات تتعلم؟ خلّيولي أسئلتكم فالّتعليقات ونرد عليكم كامل إن شاء الله !
#نحن

#قسنطينة #تطريز

16/06/2026

من شغف صغير وبأدوات بسيطة، نحاول في نَحْنُ أن نترك بصمة دافئة في كل قطعة نُطرزها ننسج قصصاً تشبهنا جميعا.
اليد التي تلامس الطّبيعة وتستلهم منها، هي نفسها اليد التي تحوّل الخيوط والصّوف والقماش إلى لوحات تنبض بالحياة، سواء بغرزة الـ Punch Needle أو بالتطريز اليدوي الدقيق، أو الكروشي..
نحن لا نبيع مجرّد قطع.. نحن نغزل لكم جزءاً من روحنا ووقتنا لتزيّن تفاصيل أيامكم، وننسج مشاعرنا ومشاعركم في قطع فنّيّة ثقيلة معانيها جميلة تفاصيلها..

ما هي أوّا قطعة التي لفتت انتباهكم في الفيديو؟

#نحن #قسنطينة #تطريز

14/06/2026

مراحل تشكّل قطعة السّكّر ✨️

كوستر أو حامل كأس على شكل يد قِط، لطيف جميل ومفيد 🧶

#نحن
#قسنطينة #هدايا

13/06/2026

هدايا #نحن part2

من #قسنطينة إلى العاصمة✨️

#تطريز

12/06/2026

248?
تابعونا واعرفوا واش معناها.. part1

#هدايا #نحن #تطريز #قسنطينة #الجزائر

05/06/2026

واش تتوقّعوا قصّة الرّقم 248؟

04/06/2026

بزّاف مرّات كي نكونوا نخدموا حوايج بيدينا (أيّ شيئ مش شرط هذا المجال)، نركّزوا كامل مع التّفاصيل والوقت يفوت بلا ما نحسّوا.. 🪡🧵
أنا شخصياً، كنت نحسّ ببعض الضّغط كي يطوّل العمل في يدي ويوجعوني مفاصلي، حتّى نهار جرّبت قانون الخمس دقائق.
واش هو؟
كلّ ما نقعد نخدم، نخصّص أوّل 5 دقائق للتّسبيح والاستغفار المسموع ورا بعضاه. هاد العادة مش برك جابتلي البركة والهدوء في الخدمة، بل رجّعتني نخلّص القطع بسرعة أكبر وبنفسّية مرتاحة، صح التّعب يبقى موجود والمفاصل يبقى ألمهم بصّح كاين تغيير إيجابي، وكيما شفتوا.. الخدمة تولي متعة وأجر في نفس الوقت. ✨💛
إذا عجبك القانون.. قوليلي:

واش هي العادة أو الذّكر اللي يرافقك دايماً وأنتِ تخدمي في خدمتك؟ خليونا نستفادوا كامل في التعليقات 👇🏻
#نحن

03/06/2026

في لغة الزّهور، اللافندر (الخزامى) ماشي مجرّد نبتة عطرية.. هي رمز للهدوء، الصّبر، والرّاحة النّفسية. 🌿✨
كي بديت نخمّم في أوّل تطريزة فالتوتباڤ الأوّل لمشروع 'نحنُ'، حبّيت ندير حاجة تشبّه للرّوح اللي حابّتها تكون في هاد المكان.. حاجة تمثّل 'الفن الهادئ للنّاس الهادئة'، الفن اللي يخليك ترتاحي كي تشوفيه بلا ما يدير حسّ بزّاف.. الفن اللي يخلينا 'نزهر في الهوامش'.
#توتباق هادي في الطّبيعة، نحسّها تعبّر على الخفّة والرّاحة اللي نتمناها لكل وحدة فيكم تهزّ قطعة من عندنا. 🪡💜
إذا وصلتي هنا في القراءة.. قوليلي:
واش هي الزّهرة أو النبتة اللي تحسّيها تشبّه لشخصيتك وتعطيك راحة؟
#نحن #الجزائر
#قسنطينة

02/06/2026

لالالا ❌️
#نحن #توتباق #الجزائر

01/06/2026

الوسائد اللي كامل يحوسوا عليها ✨
من أكثر القطع طلبًا خاصّة من العرائس
طلبية متّجهة لعروسة جميلة من المدينة الجديدة علي منجلي ربي يهنّيها 🔥
طرز بانش نيدل بإتقان يعطي دفء ورقي للمكان، وقماش لاتوال كانفا من النّوع الجيّد🪡🧶
الأشكال والألوان حسب الطّلب💌

السّعر:
الوسائد الكبيرة: (الغلاف فقط 1600 دج/ وسادة كاملة 1800دج)
الوسائد الصّغيرة بالحروف: ( الغلاف فقط 1400دج/ الوسادة كاملة 1600 دج)

إذا حبيتي نفس اللمسة الراقية في بيتك، راسليني في الخاص📩

ملاحظة: الطلب يكون قبل 10 أيام على الأقل🔻

Adresse

ابن باديس (الهرية) قسنطينة
Constantine

Site Web

facebook.com

Notifications

Soyez le premier à savoir et laissez-nous vous envoyer un courriel lorsque نَحْنُ publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.