26/09/2025
بنص كيلو دقيق ‼️ اعملي ٤٠قطعه ميني بيتزا ‼️ بعجينه قطنيه وتحفه جدا ‼️
المقادير🩷🩷
نص كيلو دقيق
ذره ملح
معلقه صغيره سكر
نص معلقه صغيره بيكنج بودر
معلقه كبيره لبن بودره اختياري
كوب مايه دافيه
معلقه كبيره خميره
معلقه صغيره سكر
ربع كوب زيت
مايه دافيه العجن حسب نوع الدقيق
الطريقه
كوب مايه دافيها عليها معلقه كبيره خميره ومعلقه صغيره سكر وربع كوب زيت نباتي
نقلبهم كلهم ونغطيها ونسيبها ١٠ دقائق لحد ما تتفاعل
نص كيلو دقيق متعدد استخدامات منخول كويس جدا
نضيف عليه ذره ملح
نص ملعقه صغيره بيكنج بودر
معلقه صغيره سكر.
معلقه كبيره لبن بودره
بعد كده نضيف عليها الخميره ونعجن وتكمل عجن بمايه هتاخد حوالي نص كوب ل كوب الا ربع حسب نوع الدقيق
نعجن كويس جدا لحد ما تتكون معايا عجينه طريه وبتلزق بسيط نحط العجينه في طبق مدهون زيت بسيط وندهن وش العجينه زيت بسيط ونغطيها ونسيبها تخمر
بعد ما العجينه تخمر نفردها سمك نص سم ونقطعها بقطاعه مدوره أو بكوبايه
ونرص في صنيه مش مدهونه اي حاجه
ونخرمها بالشوكه
صلصله البيتزا
٢ معلقه كبيره صلصله طماطم
٢معلقه كبيره كاتشب
معلقه كبيره زيت
معلقه صغيره توم بودره
معلقه صغيره بصل بودره
رشه ملح
معلقه صغيره زعتر
ندهن وش العجينه بصلصه البيتزا
ونحط الحشوه
ميكس جبن
فلفل
زيتون
قطع طماطم (نشيل منها القلب علشان متنزليش المايه في العجينه)
ندخلها فرن ساخن علي الرف الاوسط وتشغل الفرن من تحت بس واول ما تاخد لون وتتحرك معاكي نشغل الشوايه دقيقه ونطفي علي طول
