SinoO kitchen

23/06/2026

طبعاً مش هحكي لكم عن الكيكة بتاعتي، لأنها وبكل ثقة ملهاش منافس! هشة، مظبوطة، وبتدوب في البُق مع أول بوق شاي بلبن. ☕🍰 الجواب بيبان من عنوانه، والقلبة والتقطيعة في الفيديو بيتكلموا عن نفسهم 😎👑

ابدأوا يومكم بحاجة بتحبوها ودلعوا نفسكم.. لإنكم تستاهلوا كل حاجة حلوة في الدنيا. 🤍

#روقان

23/06/2026

حجم الباميايا اللي يرضيني ❤️🤗

22/06/2026

الساعة ٦ الصبح بس الشارع مقتنع إنها ٦ المغرب.. أجواء وقفة عيد مش ماتش كورة خالص! مبروك لمصر 🇪🇬❤️
#مصر
#منتخب

22/06/2026

اللهم الإلحاح واليقين ثم الدهشة بمعجزة الإجابة.. 🤲✨

غدايا من كام يوم.. أكلة بسيطة بس بتعدل المزاج وتساوي ملايين. شكشوكة بـ 4 بيضات ألوانهم تفتح النفس، وطبق جبنة قريش بالخيار والزيت، والراحة كلها في قرمشة العيش الناشف ده. 🥖✨
اللي يتربى على البساطة ويشبع بأقل حاجة بيعيش ملك ومفيش حاجة تكسره.. لأن سعادته بتطلع من تفاصيل صغيرة ومفيش حاجة بتعقد حياته الراحة عمرها ما كانت بالفلوس الراحة في الرضا باللقمة الهنية. شاركوني، إيه أكتر أكلة بسيطة بتفرحكم؟ 🥰
#ونس


#أكله _حرشه
#روتين

22/06/2026

الشهور دي عاوزه مننا ايه اقسم بالله

هي ليه الدنيا بتيجي من أول شهر ٦ وتبقى صعبة أوي كده

20/06/2026

يقول الله تعالى لقلبك المستعجل: صبرًا، فإنّ ما ترجوه آتٍ، وقريبٌ جداً بأمر الله.

وعدُ اللهِ حق، وإن طالَ الانتظار.. {أَلَا إِنَّ نَصْرَ اللَّهِ قَرِيبٌ} 🏔️
✨

19/06/2026

حب نوح وناي في وادي الذئاب المنسية يثبت إن قلم عمرو عبد الحميد مش بس بيبهرنا بالخيال والغموض، لأ ده كمان بيعرف يلمس قلوبنا بأرق المشاعر. كل ما بشوف حب أبطال الروايات بنبهر أكتر بجمال وصدق التفاصيل.. استمتعت بيها جداً ❤️
#روايات
#ونس
#فانتازيا
#حب

17/06/2026

أنا اللي قومت عجنت في الفجرية يا جماعة 😂🏃‍♀️



#ونس

16/06/2026

فتح الفطير ده كان طقس أساسي عند ماما الله يرحمها ويغفر لها، طلعت لقيتها بتعمله بحب وبتوزع على الجيران وحبايبها.. كانت دايماً تقول "البيت اللي فيه خبيز، فيه بركة". والنهارده بنت أختي حبيبتي كانت معايا ومونّساني في المطبخ وأنا واقفة بعلمها وبعلمكم سر الصنعة! 🥰
في الفيديو ده هقول لكم على كل الأسرار والغلطات اللي بتوقعوا فيها:
من غير ما ينشف منك في الفرن
ولا تطلع مكتومة ومعجنة من جوه ❌
شوفي الفيديو للآخر عشان تعرفي سر تكة البيكنج بودر، وحركة "حبس الهواء" اللي هتخليه يقب وينفخ معاكي ويطلع مورق ورقاق زي الجاهز بالظبط! جربوه بالهنا والشفا، وما تنسوش تدعوا لأمي بالرحمة والمغفرة. 🤲
شاركوني في الكومنتات.. بتحبوا تاكلوا الفطير ب الجبنة القديمة ولا بالعسل الأبيض والقشطة؟ 🍯🧀

16/06/2026

بمناسبة السنة الهجرية الجديدة حبيت أعمل حاجة مميزة.. وكل سنة وأنتم في أحسن حال 🥰✨
تفتكروا دي قرمشة وتوريقة جاهز ولا معمول في البيت؟ 🤔

أنا مش هحكي كتير، الصورة بتتكلم عن نفسها
الفطير المشلتت الفلاحي في أبهى صوره، مورق وخفيف وواخد اللون الذهبي الصح اللي يفتح النفس.
تعبت فيه جداً عشان يطلع بالنتيجة المظبوطة دي بدون تعقيد، وبإذن الله النتيجة هتبهركم❤️

#طبخ