السلام عليكم ورحمه الله وبركاته �
حابة بس أنوه لحاجة علشان نكون مبسوطين مع بعض أكتر في التعامل �
� أولًا مافيش ديزاين بيطلع شبه اللي قبله بنسبه 100%
لازم يكون في إختلاف ولو بنسبة بسيطه لإن ببساطة إحنا مش آلات ولا مكن ولا إيدنا كربون بنطلع نسخ متساوية .. حتى لو أنا اللي منفذه الديزاين بنفسي قبل كدة عمره ماهيطلع نسخنه طبق الأصل المرة الجاية .. إحنا بنجتهد علشان نطلع أقرب شكل ممكن يبسطكوا �
وهي د
ي فكرة الهاندميد عامة إنها قطعة مُميزة مالهاش مثيل
كمان حاولو أنتم من نفسكم تطلبو ده علشان تبقى قطعتك مميزه و ملهاش شبيه �
� ثانيًا إختارتيني أنا أنفذلك الأوردر بتاعك سواء حد رشحني ليكي أو أنتي شوفتي شغلي وفيدباك وعجبك يبقى خلاص أنتي واثقه فيا وفي إختياراتي وإني هطلعلك حاجة تبسطك �
� ثالثًا طالما بدأت شغل في الأوردر وإتفقنا على كل حاجة ممنوع أي تعديل يتطلب لإني بكون سستمت شغلي على ديزاين وماتيريال معينة �
� رابعاً .. بالله عليكم ماتدخلوش على أغلى شغل عندي ولما أقولكم سعره تتخضوا أو تفاصلوا علشان تآخدوه بسعر بخس في حين إن ممكن حاجات تانيه تكون بنص تمنه لإن الشغل ده مش من فراغ وحصيله وقت ومجهود ولف ومواصلات وماتيريال غاليه ..
أنا بقولك السعر من كذا لكذا وأنت بتقوليلي البادچيد المناسبه ليكي وبنظبط شغل بيها تمام �
� آخر حاجة إحنا في الهاندميد بنعمل كل حاجة بإيدينا من الألف للياء حرفيًا فياريت يكون في تقدير لده �
دُمتم سالمين من كل سؤ ��
