https://www.youtube.com/channel/UC94ZOCc0E9Qu0qfNDYwAkIw

مطبخى - Emee selim, Cairo (2026)

25/01/2026

٣٠ أكلة متنوعة لرمضان و كل عام و انتم بخير ✨💕

29/03/2025

يوم الاحد المتمم لشهر رمضان الكريم ويوم الاثنين ان شاء الله هو اول ايام عيد الفطر كل عام وانتم بخير عيد سعيد عليكم يا رب 🫶🏻🥰

24/03/2025

نصايح مهمه قبل ماتعملي بسكوت عشان يطلع معاكي احسن من افخم حلواني 👌👌👌

-1- لازم يكون السكر ناعم جدا مفيهوش اى حبيبات علشان كدا بننخله الاول قبل ما نشتغل .
2- خلينا نتفق ان البيتي فور والبسكويت والسابلية بنشتغل بزبدة مش سمنه لان السمنة مش هتخليه خفيف وهش الزبده نتيجتها احلى لان الزبده فيها كميه من الميه بتتبخر في الفرن بتديله توريقه وهشاشه -
3 الزبدة تكون فى التلاجه متكونش سايحة ونضربها كويس مع السكر لما يدوب خالص لانه لو ما دابش كويسها يخلى البسكويت يفرش وكمان يلزق فى الصاج وكمان تشتغلى في جو مش حر علشان الزبدة متسیحش منك وتفصل
-4- النشادر ندوبها مع اللبن ولو مش عندك نشادر استبدليها ببيكنج بودر .
5 - ما نعجنش خالص يدوب نجمع العجينه عشان لو اتعجنت ممكن الزبده تفصل بعد كده عن العجينه ونزود دقيق حسب ما تحتاج العجينه في ايدينا
6_ما تزوديش دقيق كتير قوى لحد ما العجينه تلم زي ماقلت لك هتحسيها فى الاول انها طريه شوية متخافيش سيبيها ترتاح شويه وتشرب السوائل والزبده تجمد وهتلاقيها بقت متماسكه اكثر من الاول لاننا لو زودناها دقيق كتير من الاول وسيبناها ترتاح ممكن تلاقيها جبست وبقت ناشفه ومش ها تمشى كويس في الكيس والبسكويت هيبقى محجر لما يستوى كمان
7 - لما تيجى تشتغلى اول مرة بالكيس لقيتي العجينة سايلة لان الجو حر حطيها شوية في التلاجة تمسك نفسها مش اكثر من خمس دقايق واشتغلى تانى
8- بعد التقطيع نخلى بالنا نسيب فراغات بين البسكويت عشان هیزید
9=وترصى على صاج مدهون زيت خفيف
10 - متسويش البسكويت مرة واحدة لا استنى سوى صاج واحد تجربة فيه بسكويتين او تلاته بس نجربهم في الفرن لو ظبط معاكى يبقى تمام اما لو لقيتيه فرش يبقى محتاج دقیق تانی فهناخد العجينه ونزود لها دقيق ونلفها وهكذا
11- ونخبز على فرن متوسط مايل للهادي شويه (160-170)
علشان ياخد راحته فى السوا كويس ويبقى لونه دهبی مش ابيض لو ابيض هيطرى بعد كده منك لكن الذهبى ده هيفضل مقرمش لاخر واحدة
12 - لما تطلعيه من الفرن متلمسيهوش قبل ما يهدي شويه لانه بيبقي ناعم و ممكن يتكسر بسهولة
13 - وعلشان يفضل مقرمش على طول حطيه بعدما يبرد في علبة صاج محكمة الغلق
-14 - البسكوت فرش جامد او النقشة راحت منه ده بیبقی یا اما زودتی السكر عن المقدار المحدد او زودتى النشادر عن المقدار المحدد او زودتى البيكنج بودر او ضربتي الزبدة كتير ودخلها هوا او تركتيه فترة قبل التسوية فخمر زيادة والحل انك تزودى دقيق و تلفیه تانی وتشكليه
15 - البسكوت ناشف وده بسبب ان مقدار از بده اقل من المطلوب وكمان السوائل الكتير بتنشفه ممكن تستبدلي اللبن الحليب بالحليب المجفف افضل
16 - كل ماتكترى المادة الدهنية يكون البسكويت ناعم ومش كريسبي ويتكسر
17 - - لو عاوزاه بالبرتقال هتستبدلي اللبن بعصير برتقال وبشر برتقال لومفيش برتقال برضه قدامك عصير تانج وتدوبيه في مية اولبن او تضيفي روح برتقال

صلوا على الحبيب المصطفى ❤️

22/02/2025

يادوب نلحق الأكلة دي قبل رمضان 😂
كل سنة و انتم طيبين 🎉💕

13/02/2025

" ..🤎🥮"

#المقادير
2 كيس بسكوت شاي مطحون
ربع اصبع زبدة مذابه
علبه قشطة
ظرف دريم ويب
3 حبات جبن كيري أو مثلثات
4 ملاعق حليب محلى (نستله) أو حسب الرغبة والذوق
صوص بستاشيو
كنافة مفرومة فرم خشن ونحمسها على النار
بزبدة حتى يتغير لونها
فستق وورد محمدي للتزين

#الطريقة
نعجن البسكوت المطحون مع الزبدة ونحطها
طبقة أولى
نخلط ( القشطة والدريم ويب والجبن والنستله ) ونضيفه على البسكوت .
الطبقة الثالثة : صوص البستاشيو
نزينه بالكنافة والفستق والورد المحمدي

وندخله الثلاجة لين يبرد أو الفريزر نص ساعة لو مستعجلين .

"و بألف هنا..🤎🥮"

13/02/2025

Happy Valentine's day 💌💘
عيد حب سعيد يا جماعة 😂😂😂

05/02/2025

ياجماعة
خزنوا الطماطم دلوقتي وهي رخيصة عشان سعرها هيغلي جدا الفترة الجية
الناس ال معندهاش ديب فريزر ومفيش مكان في فريزر التلاجة وعاوزة تخزن الطماطم من غير ما تبوظ تعالي هقولك تعملي احلي صلصة طماطم في البيت تحطيها علي رف التلاجة لمدة ست شهور وتفضل بنفس الطعم والله انا نفسي شغالة بيها كده علي طول

الكمية هاتي عشرة او عشرين كيلو

الطريقة
شيلي من الطماطم الجزء الاخضر واغسليها كويس
حطي الطماطم سليمه عادي جدا في حلة كبيرة علي النار مع نص كوب ميه وهي هتنزل ميه كتير
خليها علي النار تتسلق وبعدين تبرد اضربيها في الخلاط او الهاند بلندر رجعيها الحله تاني وارفعيها علي نار في الاول عالية اول ماتغلي وطي النار خالص زي الشمعة وسبيها لحد ما تتخن وتتخلصي من الميه ال فيها
حطي علي الخمسه كيلو تلت معالق سكر ومعلقة صغيرة ملح ليمون دي مادة حافظة تحفة
ولو عاوزة تمليحها وتحطي فلفل اسود عشان تبقي جاهزة للطبخ علي طول
تبرد عبيها في برطمانات وحطي علي وشها زيت

اقسم بالله هتعيش معاكي لو سنة كاملة علي الرف ما هيحصلها حاجه

وابقي ادعيلي علي الفكرة الرهيبة دي

ملحوظه
لما تيجي تستعمليها لو للمكرونة يدوب هتحطي زيت يسخن وانزلي بالكمية ال تناسب كم المكرونة يدوب تغلي غلوتين وانزلي عليها بالمكرونة

اما لو تعملي منها طبيخ خدي الكم ال انتي عاوزاه وزوديه ميه ومعلقة صلصة طماطم جاهزة
واتفرجي علي حلاوتها
والف هنا

01/02/2025

سر من أسرار #مكرونة المطاعم هتبقى شيف فى بيتك✌️
لو هتعملى اى نوع مكرونة بالصلصة هيبقى فى شوية تكات بسيطة هتنقل الطعم فى حته تانيه خالص😋💥

المكرونة اسلقيها ٨٠ فى الميه علشان تكمل تسويه فى الصلصة وشيلى كوبايه من ماية سلق المكرونة هنحتاجه بعدين واوعى تغسلى المكرونة بعد السلق

فى الخلاط حطى الطماطم وعليها بصلة مكعبات وقرن فلفل حار او بارد حسب الرغبة حطى معلقة ثوم مقطع فى الزيت ولما يصفر انزلى عليه بمعلقة من معجون الطماطم ومعلقة خل قلبى وانزلى بعصير الطماطم ضيفى رشة زعتر وفلفل اسود وبابريكا والملح ونص معلقة صغيرة سكر واتركيها لحد ما تتسبك تماما والزيت يطلع على وش الصلصة وشمى الريحه بقى يا عسسسل🤗

ضيفى كوبايه من ماية سلق المكرونة تغلى مع الصلصة بعدين انزلى عليها بالمكرونة قلبيها كويس واقفلى الناااار علشان تفضل جوسى وماية سلق المكرونة هتدى الصلصة قوام سميك

جربوها جميلة جدا مش هتبطلوا تعملوها قدموا المكرونة مع المشويات او البانيه أوالبطاطس المقليه وبألف هنا 🥰 ❤️
منقول

01/02/2025

معلومة تهمك 🫶🏻

31/01/2025

ف حب ورق العنب 😋
#دولمة #محشي

31/01/2025

اللهم امين يارب 👐🏻
جمعة مباركة عليكم جميعاً 🫶🏻❤️

30/01/2025

طريقه عمل 😍 بمقادير مظبوطه 👌
هو ده وقتها مع كوبايه شاى ☕☕
#المقادير 😘
كيلو دقيق ابيض
كوب زيت
ربع كوب سمنه
باكو خميره
معلقه كبيره سكر
كوب ماء دافئ
رشه ملح
معلقتين كبار سمسم
معلقه صغيره يانسون ومعلقة صغيره شمر محمصين على النار وده اختيارى
#طريقه التحضير 👍
اول حاجه نقدح السمن والزيت على النار لحد ما يسخن
جامد يعنى يكون قدح معانا
هندوب الخميرة مع السكر في ربع كوب ماء ونتركها على جنب لمده خمس دقائق لتتفاعل
هنجيب طبق كبير ونضع فيه الدقيق والملح
والسمسم والينسون والشمر ونقلت كل المواد الجافة مع بعض وننزل بالسمن المقدوح عليه ونقلب بمعلقه خشب لحد ما يشرب الدقيق السمنه واهم حاجه البس يعنى تبسيه كويس وبعد كده ننزل بالخميره
والماء الدافئ ونقلت كويس لحد ما العجينه تبقى لينه من غير تشققات وتقطعى العجينة وترص في صوانى ونتركها ترتاح لمدة نصف ساعة
وبعد كده تتدخل الفرن على الرف الوسط وبعد كده تحت الشوايه وبألف هنا وشفا 🌹

مطبخى - Emee selim

25/01/2026

29/03/2025

24/03/2025

22/02/2025

13/02/2025

13/02/2025

05/02/2025

01/02/2025

01/02/2025

31/01/2025

31/01/2025

30/01/2025

Address

Website

Alerts

Shortcuts

Share

Category