Mohamed Ragab Designs

Mohamed Ragab Designs Quality you can live in

16/05/2026

من موقع العمل: ليه بنقضي وقت طويل في مرحلة "التأسيس"؟

كتير من عملائنا بيستغربوا في الأول من كمية التكسير، تمديد العلب والخراطيم، كمية السلك النحاس، اللي بنعملها في بداية المشروع.. وبيكونوا مستعجلين يشوفوا الديكور والفرش.

بس دايماً ردنا واحد: "الجمال اللي بتشوفه في الصور.. بيبدأ من التفاصيل المدفونة و الداخلية ان كل حاجة معمول حسابها من الاول بدقةوبحترافية 👌🏼

13/05/2026

البساطة تصنع الهدوء.. مساحة دافئة ومريحة للروح. 🌿✨

11/05/2026

سر التشطيب المظبوط للجبس بورد بيبدأ من الفواصل! ✂️✨
ليه بنقص ورق الفواصل؟ عشان نخلق مساحة للمعجون يمسك اللوحين في بعض ويبقوا كتلة واحدة تعيش معاك بدون شروخ أو عيوب.
شوف الفيديو لتعرف الخطوات الصحيحة من القص والمعجون لحد الصنفرة والعزل. 👇
#تشطيبات #ديكور

09/05/2026

لو النقاش مش ماسك

"لمبة" في إيد والسنفرة في إيد..
هتشوف فضايح

إزاي تستلم المعجون من "النقاش"؟

عشان تضمن شغل "نقاشة "، اتبع الخطوات دي:

• اختبار الإضاءة (الكشاف): دي أهم خطوة. استخدم كشاف قوي ومرره بجانب الحائط؛ الإضاءة الجانبية بتكشف أي "ريجة" أو عدم استواء في المعجون.

* ��ملمس الحائط: مرر إيدك على الحائط؛ لازم يكون الملمس ناعم جداً وموحد، مفيش مناطق خشنة أو فراغات (سوس).
* ��استقامة الزوايا: تأكد إن زوايا الحوائط (الأركان) حادةومستقيمة مش "ملفوفة".
*
• تغيير الألوان: يفضل إن السكينة الأولى تكون بلون (أبيض مثلاً) والثانية بلون مختلف (أوف وايت) عشان تتأكد إن المعجون غطى الحائط بالكامل في كل مرحلة.

القاعدة الذهبية: استلام المعجون في "الضلمة" بكشاف, أدق 100 مرة من استلامه في نور ربنا!

• نصيحة: لا تقبل بصنفرة الحوائط بدون "لمبة" أو كشاف, لأن عينك المجردة مش هتشوف العيوب اللي هتظهر بعدين لما تدهن المط أو اللامع.

07/05/2026

البداية مش التكسير والهدم ….البداية بالورقة والقلم 🤌🏻👌🏼

04/05/2026

كتير بيسأل: "ليه لازم
نستخدم الهزاز؟
ما إحنا طول عمرنا بنخبط بالشاكوش الكاوتش والدنيا تمام!".. الحقيقة إن العلم بيتطور، وطرق التركيب كمان لازم تتطور.

إليك الأسباب:

1. طرد الفراغات الهوائية
أكبر عدو للبلاط هو وجود هواء تحته. الهزاز بيقوم بتوزيع
"المونة" أو "اللاصق" بشكل متساوي تماماً وبيطرد أي فجوات هوائية. لو فيه هواء، البلاطة هتكون عرضة للكسر بمجرد ما تدوس عليها أو تحط فوقها عفش تقيل.

2. قوة الالتصاق القصوى
الاهتزازات اللي بيصدرها الجهاز بتخلي "السيمنت بورد" أو المادة اللاصقة تتغلغل في مسام البلاطة من الخلف وفي الأرضية، وده بيضمن إن البلاطة والسطح بقوا "حته واحدة"، وصعب جداً تتخلع أو "تطبل" مع الوقت.

3. الحفاظ على البلاط الغالي
البورسلين والرخام أسعارهم بقت غالية جداً. الشاكوش الكاوتش بيضغط على نقطة واحدة بس، وممكن يسبب
"شعرة" أو شرخ غير مرئي يبان بعدين. لكن الهزاز بيوزع الضغط على مساحة البلاطة كلها بأمان.
‏+ (Leveling) تسوية مثالية .4
الهزاز بيساعد الفني إنه يظبط استواء البلاطة مع اللي جنبها بالمللي، وبيتخلص من مشكلة "السن" أو البروز اللي بنشوفها في الشغل التقليدي.

الهزاز مش رفاهية، هو "تأمين" على فلوسك وشغلك عشان البلاط ميفكش أو يتكسر مع الوقت

استلم "المحارة" صح..عشان توفر في "النقاشة" وتريّح "المبلط"!بند المحارة هو "العمود الفقري" للتشطيب. لو استلمته غلط، هتدفع...
03/05/2026

استلم "المحارة" صح..

عشان توفر في "النقاشة" وتريّح "المبلط"!
بند المحارة هو "العمود الفقري" للتشطيب. لو استلمته غلط، هتدفع التمن مرتين: مرة في معالجة عيوب الحوائط بالمعجون (في النقاشة)، ومرة لما تلاقي السيراميك
"مسمّع" أو الفراغات ورا العفش مش مظبوطة.

عشان تستلم محارة زي الكتاب ما بيقول،

جهز عدتك وركز في ال 4 خطوات دول:

1 استلام الاستواء (بالقدة الألومنيوم):

حط القدة على الحيطة في كذا اتجاه (بالطول, بالعرض، ومقص 'X").
• بص ورا القدة: لو شوفت ضوء بيعدي من بين القدة والحيطة، يبقى فيه "تنوير".
• المسموح: الفراغ لا يزيد عن سمك ورقة كوتشينة، لو صباعك عدا أو الضوء قوي.. يبقى الحيطة دي محتاجة
"تربية" أو تكسير.

2 استلام الرأسية (بميزان الخيط - البلبل):
ده أهم اختبار عشان الحيطة ما تبقاش "مكفية" لقدام أو
"راجعة" لورا.
• حط عصفورة الميزان فوق وسيب التقل ينزل تحت.

الصح: الخيط يكون "بيبوّس" الحيطة (يا دوب ملامس ليها خفيف جداً) أو بعيد عنها بمللي واحد. لو التقل "مريح" على الحيطة أو بعيد عنها بمسافة كبيرة..
يبقى الشغل مرفوض.

3 استلام الزوايا (بالزاوية الحديد):

الزوايا القائمة (90 درجة) في أركان الغرف دي "روح" البيت, خصوصاً في المطابخ والحمامات.
• حط الزاوية في الركن.
الصح: مفيش أي فراغ بين الزاويةوالحيطتين.

ليه ده مهم؟: عشان لما تركب سيراميك الأرضيات، أو تركب دولاب المطبخ، لو الزاوية مش 90.. هيظهر عندك
"سمكة" (غلاقة سيراميك شكلها وحش) أو فراغ ورا

4 اختبار "التطبييل":

خبط بقطعة خشب أو سيخ حديد صغير على الحيطة في أماكن عشوائية.
لو سمعت صوت "أجوف" (تطبييل): معناه إن المحارة مش ماسكة في الطوب (فصلت).
• الحل: الجزء المطبّل لازم يتكسر ويتعمل من أول وجديد.

نصيحة أخيرة:
اتأكد إن "شبك السلك" اتركب بين الخرسانة (العمود/ الكمرة) وبين المباني قبل الطرطشة.. ده خط الدفاع الأول ضد الشروخ المستقبلية!

* منشن لصاحبك اللي بيشطب شقته وقوله "القدة والميزان مش مبيكدبوش

02/05/2026

ماتدفعش باقي فلوس النجار قبل ما تعمل الـ ٤ اختبارات دول! ✋

١-اختبار "دراع السند" (زي ما واضح في الفيديو ):

أهم مرحلة هي حقن الفوم بين الحلق والحيطة. الفوم مادة قوية جداً وقت التمدد، ومن غير "الدراع" أو العوارض الخشبية اللي في نص الباب، ضغط الفوم هيخلي الحلق "يلم" للداخل ويقفع.

• الوظيفة: الدعامة دي بتضمن إن عرض الباب يفضل ثابت بالملي من فوق ومن النص ومن تحت.

• التوقيت: ممنوع الدراع ده يتفك غير بعد ما الفوم ينشف تماماً عشان الحلق ما يرحلش.

٢. وزنة الحلق (الميزان):

افتح الباب وسيبه في كذا زاوية.. لو الباب "سرح" لوحده وقفل أو كمل فتح، يبقى الحلق مش موزون رأسي صح. الباب المظبوط بيفضل ثابت في مكانه عند أي زاوية.

٣. اختبار "الخلوص" والنعومة:

• المسافة بين الدرفة والحلق لازم تكون موحدة (حوالي ٢-٣ ملي) من كل الجوانب.
• لسان الكالون لازم يبات في مكانه بنعومة تامة من غير ما تضطر ترفع الأكرة أو تضغط على الباب بجسمك.

٤. جودة التقفيل (البرور والمفصلات):

• تجميع زوايا "البرور" ممكن يكون على زاوية ٤٥ درجة من غير أي فراغات أو تسنين او سابق ولاحق المهم يكون بدون فراغات

• المفصلات تكون عددها على حسب وزن الباب لا تقل ٤ مفصلات ومتربطة بمسامير كاملة، ويكون اول ٢ الفرق بينهم ١٠ سم وواحده فى النصف وواحدة تحت زى موجود فى الفيديو

التشطيب الهندسي مش رفاهية، ده استثمار بيحمي قيمة بيتك ويوفر عليك وجع الدماغ بعد السكن. ✨

01/05/2026

بلاش زحمة "ليد بروفايل الفخامة في "الاسبوتات"! ⚠️
لو عايز سقف بيتك يبان "رايق" وفخم زي الفنادق، السر مش في كتر خطوط الليد، السر في توزيع الاسبوتات الصح.
ليه الاسبوتات تكسب؟
• هدوء السقف: بلاش تشوه سقفك بخطوط ليد كتير؛ الاسبوتات بتدي "نظافة" بصرية للمكان.
* ��إضاءة هادئة : تقدر توجه الاسبوت على لوحة أو قطعة عفش (Focus) وتظهر جمالها.
* ��سهولة التغيير: لو اتحرق سبوت, تغييره أسهل بكتير من فك وتركيب شريط ليد كامل.
* ��اختار اسبوتات "مانع توهج" (Deep Anti-glare) عشان تنور المكان من غير ما تتعب عينك.
* ��وزعهم بمسافات متساوية (٨٠ سم - ١٠٠ سم) عشان الإضاءة تكون ناعمة ومريحة.
أنت مع السقف الهادي بالاسبوتات ولا لسه بتحب زحمة الليد؟

30/04/2026

الخدش في البورسلين
ملوش علاج!

صورة البلاط وهو متغطي بالكرتون ممكن تبان "مكركبة"، بس النتيجة بعد ما تشيله هي "الراحة النفسية" الحقيقية واوفر بكتير من انك تجيب حد ينظف ويشيل البويه من على الارض مع الحفاظ على الارضيه من التكسير او الخدش

• ليه الكرتون مش القماش؟ القماش بيسرب السوائل للبلاط، والنايلون بيتزحلق ويقطع.. الكرتون هو "الدرع" الوحيد اللي بيمتص الصدمات بجد.

نصيحة تقنية: لو هتعمل شغل تقيل (زي تكسير أو تركيب تكييفات)، افرش "ابلاكاش او جبس مع مشمع" فوق الكرتون في منطقة العمل.. بكده تضمن 100% إن مفيش بلاطة هتشرخ.

تريكة التثبيت: اوعى تلزق بسوليتيب عريض (بلاستيك)
مباشرة على البلاط، مع الحرارة بيسيب غراء بيغلبك في التنظيف.. استخدم "تيب ورقي"
بس

28/04/2026

كتير مننا بيفرح بلون
الحيطة الجديد, بس بعد ما الصنايعي يمشي ونشغل الإضاءة، بنكتشف "بلاوي"! عشان تتجنب الموقف ده، دي الخلاصة عشان تستلم شغل نظيف:

1. الاستلام "على كشاف"
أهم قاعدة في النقاشة: ممنوع تستلم والكهرباء مطفية أو في ضوء النهار العادي بس. لوفيه أي تسيل" في الدهان، أو رايش او صنفرك مش مظبوطة، الكشاف هيفضحها فوراً.

2. ملمس الحيطة (نعومة الحرير)
• مشي إيدك على الحائط لازم يكون الملمس ناعم جداًوموحد.

• لو حسيت بحبيبات رمل أو "خشنة"، ده معناه إن السنفرة كانت كروكي أو الحيطة منظفتش من التراب قبل الدهان. .

3. "التقطيع" والزوايا
• بص على الفواصل بين السقف والحائط، وبين الحائطوالوزرة (السيراميك).
• لازم الخط يكون "مسطرة"! مفيش لون داخل على لون، ولا "لطش" دهان على الكرانيش أو مفاتيح الكهرباء.

4. استواء اللون (مفيش تسييل)
* ��بص على الحيطة من بعيد؛ هل اللون موحد؟ ولا فيه حتة غامقة وحتة فاتحة (ده بيحصل لو الدهان متخففش صح أو "الرولة" مكنتش مليانة).
* ��اتأكد إن مفيش علامات "رولة" (خطوط طولية ظاهرة في الدهان).
5. النظافة العامة
* ��الصنايعي الشاطر هو اللي بيسلمك المكان نظيف.
* ��اتأكد إن مفيش بقع دهان على الأرضية، الأبواب، أوالشبابيك

Address

New Cairo , Cairo
Cairo

Website

Alerts

Be the first to know and let us send you an email when Mohamed Ragab Designs posts news and promotions. Your email address will not be used for any other purpose, and you can unsubscribe at any time.

Shortcuts

Share