29/11/2025
🤍🤍❤️
- بقالك قد ايه يا حج رأفت ف المجال ده؟
= حوالي ٤٠ سنة
- يعني دي شغلتك؟
= شغلتي بس أنا أساسًا فسخاني
- يا سيدي دي شغلانة عظمة أوي.. طيب ولسة بتفسخ؟
= اه وعندي ولادي بيبيعوا رنجة وفسيخ وسردين في قلب سوق شيديا في إسكندرية
- يعني إنت إسكندراني؟
= اه
- وبتيجي هنا كل سبت؟
= اه باجي هنا يوم الجمعة، ونيجي هنا ع المغرب وأبات هنا علشان أطلع البضاعة بتاعتنا من المخزن ونفرشها لحد ما يطلع علينا النهار
- انت بتشتغل هنا انت وابنك؟
= اه أنا وجبريل ابني
- انت من الأساس فسخاني بقى؟
= لا أنا أساسا كنت جـ.ـزار
- ياااه لا هات من الأول بقى؟!
= لأ أنا مواضيعي كبيرة أوي أوي
- ما احنا عايزين نعرف
= أنا مواضيعي كبيرة مش هقدر أقول حاجة.. بس أنا اشتغلت جـ.ـزارة وأنا عندي ٧ سنين، كنت بنضف المحلات وكدة وبعدين بقيت صنايعي
- ووالدك كان جـ.ـزار برضه؟
= لا والدي الله يرحمه كان سواق ف شركة مصر للحرير الصناعي بس تركنا واحنا أطفال صغيرة وأمي الله يرحمها هي اللي ربتنا وكدة
- واتجوز بقى بعد كدة؟
= اتجـ.ـوز واحدة واتنين وتلاتة، ولما جه يتجـ.ـوز الرابعة طـ.ـلق أمي
- ومكنش بيصـ.ـرف عليكم؟
= اه.. بس مش هقدر أقول غير الله يرحمه
- انتوا كام واحد؟
= احنا ٥ صبيان وبنت
- وأمك كانت بتصرف ع ٦ أطفال؟
= كانت بتشتغل علشان تأكلنا، وأنا سـ.ـيبت المدرسة علشان كدة وهي اللي قامت بدور الأب والأم
- وفضلت قد ايه في محل الجـ.ـزارة ده؟
= لحد ما وصل سني حوالي ٢٠ سنة، بس في التمانينات توبت وسيبت الجـ.ـزارة خالص
- توبت عن إيه؟
= عن الجـ.ـزارة
- هي الجـ.ـزارة الواحد بيتوب عنها؟
= اه
- ليه؟
= الوزن كان بالورق
- الورق تخين؟
= ااه وطبعًا ربنا سبحانه وتعالى بيقول: "وأوفوا الكيل بالقسط ولا تخسروا الميزان"
- ف كنت مأمور توزن بالورق ده؟
= اه وما ينفعش أطيعه ف حاجة زي كدة لأني هتحاسب يوم القيامة
- ده الورق ده فيه حوالي ربع كيلو
= بالظبط كدة الله يفتح على حضرتك، والكبـ.ـدة المجمدة وما أدراك بالكـ.ـبدة المجمدة واللحمة المفرومة
- إنت لما كبرت حسيت بالفـ.ـساد في المهنة دي
= نعم، لكن كان فيه جـ.ـزارين بتخـ.ـاف ربنا
- وروحت فين بعد كدة؟
= اشتغلت سماك، كنت بنزل أجيب سمك من حلقة السمك عندنا في بحري، وجيت ف يوم من الأيام خسـ.ـرت ٣ آلاف جنيه، وجه تاجر اسمه الحاج نجم قالي يا رأفت انت خسـ.ـرت ٣ آلاف جنيه؟ قولتله اه قالي أنا مسامحك فيهم
- ده في التمانينات الكلام ده؟
= اه ومكنتش متخيل إنه يعمل معايا كدة أبدًا، وبعد كدة نقلت على شغلة الرنجة والفسيخ وقعدت ف المهنة دي لحد ما عيالي كبرت، ولجأت للشغلانة دي بيبيع السلع النادرة دي وكنت بفرش ف سوق الجمعة وربيت زبون وكدة
- طيب وإبه اللي جابك هنا؟
= السوق هناك ما بقاش قد كدة، لكن هنا بيبجي زباين مستويات عالية ومش بيخـ.ـسفوا بتمن البضاعة الأرض..
