Anoj's House

Anoj's House بيت انوج مش زى اى مكان . بيت انوج عشان كل طفل يتعلم مهارات حياتيه ويعرف ازاى يتواصل مع العالم الخارجى

27/02/2026

من خلال شغلي مع حالات "بطء التعلم" وصعوبات التعلم، حبيت أشارككم خلاصة بسيطة تفرق جداً في استيعاب الطفل:..
—————————————
#أبدأى بالواقع الملموس قبل الورقة والقلم، استخدمي أدوات من البيت زي الكوباية والقلم والمعلقة

#التنويع في الانشطه هيساعد طفلك ان يفهم اكتر وكمان يقدر يعمم

#استخدمي الألوان والرموز هتساعد طفلك كتير في حفظ المعلومه وتميزها بصريا

وأهم حاجه استخدمي استراتيجية #تعدد الحواس علشان نضمن ان المعلومات تم تثبيتها في الذاكره طويله المدي

التعليم مش بس معلومة، التعليم طريقة توصيل تحبب الطفل في اللي بيتعلمه. ❤️

25/02/2026

ما تفكروش في عيالكم قبل ما تفكروا في نفسكم.
أيوه زي ما بقولكم كده… الأول نفسكم...

لأنكم لو ضايعين
مكسورين
مطحونين
متهانين
تعساء
ومتبهدلين نفسيًا كل يوم
إزاي هتنقذوا حد؟
إزاي هتربوا؟
إزاي هتكونوا قدوة؟

الأم والاب اللي عايشين تحت ضغط
وتوتر
وإهانة
وقهر
وحزن
ومستحملين بحجة “علشان العيال”
بتدوهم درس أخطر بكتير من الطلاق أو الفقر أو الظروف.

بتعلموهم إن السكوت على الإهانة طبيعي.
بتعلموا الولاد إن الذل عادي.
و إن القهر مسموح.
وانه يستحمل يعيش حياته حزين
إنتِم فاكرين إنكم بتضحوا؟
ممكن تكونوا من غير ما تاخدوا بالكم
بتورّثوهم ضعفكم وقلة الحيله
بتعلمهم ان دينا عاجز قدام حل المشاكل رغم ان الدين اتكلم فى كل حاجة
العيال مش بس بتسمع كلامكم…
العيال بتشوفكم
بتشوف نظرتكم المكسورة.
بتشوف دمعتكم اللي بتستخبى وراء ضحكه مزيفه
بتشوف خوفكم . بتشوف ان الحزن عايش معاكم وانكم عايشين مع بعض عشان مجبرين
وبيخزنوا ده جواهم كأنه “النموذج الطبيعي للحياة”.
اوعوا تفتكروا ان العيال اغبياء دول عارفين كل حاجه
إزاي ولادكم يكبروا ويبقوا اقوياء
وهم شايفنكم مستسلمين وغير قادرين على اسعاد انفسكم اللى هى أحق حد بالسعاده . انتم كده بتعلموهم يتنازلوا طول حياتهم عن ابسط حقوقهم
علشان كده بقولها واضحة:
لو فكرتوا في نفسكم الأول
وقويتوا شخصيتكم ..
وعرفتوا ايه هى حقوقكم وواجباتكم ساعتها هتعلموها لاولادكم عشان تحموهم من الزمن
ساعتها بس تقدروا تنقذزهم
القوى والقدوه
مش اللي يستحمل لحد ما ينكسر،
لا
اللي يعرف ازاى يوقف النزيف
ازاى يكون قوى فى الحق وازاى يتمسك بحقه عشان اعلم ولادى انهم يتمسكوا بحقهم
لأن عيالكم محتاجين يشوفوا
أم واب محترمين بينهم تفاهم وتواصل حتى لو منفصلين لان الزواج مش اربع حيطان وبس . وحياه بايظه جوا
بطلوا تحافظوا على البرواز من غير ماتهتموا ان الصورة تكون حقيقية. لان اللى هيدفع ثمن زيف الصورة مش انتم لوحدكم دول ولادكم كمان ... خلينا نعلمهم انهم يعيشوا كل حاجه حقيقيه

وأوعوا تفتكروا إن صبركم على حياه تعيسه بطولة…
البطولة الحقيقية إنكم تحموا نفسكم
علشان تحميهم.

العيال بيتربوا باللي بيشوفوه مش باللي بنقوله.
فلو عايزنهم يكبروا وما يقبلوش الزيف
ابدئوا بأنفسكم الأول.
#حياه

25/02/2026

“أنا ما ضربتوش، ما خوفتوش، ما حرمتوش، عيشته حياة أحسن بكتير من حياتي… طب ليه بيتصرف كأنه عاش مأساة؟”

السؤال ده بيتكرر في بيوت كتير

وسنين طويلة كانت الإجابة السهلة: تدليل، ضعف، حساسية زيادة، جيل متدلع

لكن يمكن لأول مرة العلم بدأ يقدّم إجابة مختلفة

مش نفسية بس، لكن بيولوجية كمان 🧠

تخيّل أب اتربّى تحت عنف جسدي ولفظي وهو طفل

كان عايش طول الوقت في حالة استعداد: يا يدافع أو يهرب

جسمه اتعلم يقرأ أي حركة كأنها خطر
الصوت العالي تهديد، والغضب كارثة، والغلط عقاب

كبر وقرر يكسر الدائرة

قال: ابني مش هيعيش اللي أنا عشته أبدًا

وفعلًا ما مدّش إيده عليه يوم

لكن فجأة يلاقي ابنه:

بيتفزع من الصوت العالي
يدافع بسرعة كأنه بيتهاجم
يتوقع الرفض قبل ما يحصل
يغضب فجأة بدون سبب واضح
ويعاني من أعراض قلق رغم إن حياته آمنة

فيقف الأب محتار:

“هو مين عمل فيه كدة؟”

وأحيانًا الإجابة المؤلمة: ولا حد

ممكن يكون الجسم ورث “لغة الخوف”

مش الذكريات، لكن الاستعداد العصبي

لأن العلوم العصبية والـ Epigenetics، علم طريقة تشغيل الجينات، بدأت تفتح باب مهم:

هل ممكن التجارب القاسية تسيب أثر يعبر للأجيال؟

في 2013 الباحثين برايان دياس وكيري ريسلر عملوا تجربة شهيرة

عرّضوا ذكر فأر لريحة شبه اللوز، وكل مرة يشمها ياخد صدمة كهربائية، وبعد فترة مجرد الريحة بقت تخليه يرتعب

ده مفهوم

تعلّم

لكن المفاجأة حصلت بعد كده

أخدوا الحيوانات المنوية منه ولقّحوا أنثى ما شافتوش أبدًا وما شمتش الريحة أصلًا

ولما ولادهم كبرو خافو من نفس الريحة اللي عمرهم ما اتعرضو ليها أصلا !

لا تربية
لا تقليد
لا تجربة مباشرة

كأن الجسم كتب رسالة وقال:

“خلي بالك… الحاجة دي خطر”

العلماء لقوا علامات كيميائية فوق الجينات تغيّر طريقة تشغيلها من غير ما تغيّر الحمض النووي

ملاحظات صغيرة فوق كتاب التعليمات

والفكرة هنا مش مرعبة

يمكن دي كانت عبقرية التطور 🌿

تخيّل جدك الأول خرج للصيد واتأذى من حيوان مفترس

اتعلم بالطريقة الصعبة إن صوت أو رائحة معينة معناها خطر

لو كل جيل يبدأ من الصفر يمكن البشرية ما كانتش تكمل

لكن لما الجسم ينقل التحذير للأبناء فرص النجاة تزيد

كأن الطبيعة بتقول:

“مش لازم كل واحد يتكسر علشان يتعلم”

الخبرة انتقلت من جسد لجسد علشان تحمي

علشان كده بعض الأطفال بيتولدوا حساسين للخطر بزيادة

مش ضعف

يمكن بقايا نظام حماية قديم

وده يمكن يكون جزء من سبب تطورنا

إننا بنتعلم من أخطاء السابقين حتى لو ما حضرناهاش

لكن المشكلة إن العالم اتغير

الخطر اللي كان زمان ينقذ الحياة ممكن دلوقتي يمنعها

الجهاز العصبي اللي اتصمم للهروب من غابة بقى عايش في مدرسة أو شغل أو علاقة

فبدل ما يحمي… يبدأ يمنع الحياة نفسها

وهنا بييجي الجزء الأجمل ✨

نفس العلم اللي قال إن الصدمة ممكن تنتقل قال كمان إن المخ قادر يتغير طول العمر

‏Neuroplasticity — المرونة العصبية

يعني المخ يعيد كتابة نفسه

كل مرة حد يسمعك بدون حكم… خلية جواك بتتنفس

كل علاقة آمنة… رسالة جديدة بتتوصل للجسم

كل احتواء حقيقي… كأنه بيقول للجهاز العصبي:

“اهدَى… انتهت الحرب”

الأمان مش رفاهية

الأمان علاج

التعاطف مش ضعف

التعاطف إعادة برمجة 🧠

يمكن أجدادك حملوا الخوف علشان تنجو

لكن يمكن دورك أنت…

تتعلم إزاي تعيش

تشكر الألم على الرسالة اللي وصلها…

وبعدين تسيبه يمشي

لأن الشفاء مش إنك تنكر اللي حصل

الشفاء إنك ما تفضلش عايش فيه

الأمان الحقيقي
الاحتواء
التراحم
عدم إصدار الأحكام
العلاقات الدافئة
العلاج النفسي
التنفس الواعي
الصيام والتأمل

كل تجربة أمان جديدة بتكتب ملاحظة جديدة فوق القديمة

وده مش معناه التساهل مع السلوك أو تجاهل العواقب

لكن تعاطف مع المشاعر والاستجابات الجسدية اللي أحيانًا لا نملك التحكم فيها، مع قوانين واضحة ومتسقة تناسب كل مرحلة عمرية

يمكن زمان كان لازم نحمل أعباء أجدادنا علشان نعيش

لكن يمكن دلوقتي جيه الوقت إن أول جيل ينجو فعلًا

هو الجيل اللي يختار يضع الأحمال القديمة على الأرض

كأن الجسم يقول:

“شكرًا على التحذير… لكن مش محتاجه بنفس القوة دلوقتي”

مش خيانة للماضي

لكن تكريم له 🤍

لأن أعظم امتنان لألم أجدادك…

مش إنك تكمله

لكن إنك تنهيه ✨
#تربية

25/02/2026

“إن الله إذا أحب عبدًا،
كشف له حقيقة مَن حوله”

عارف معناها إيه؟
يعني لما ربنا يلاقي قلبك طيب، ونفسك نقية، وماشي في الدنيا بنيّة الخير والسلام، بيحبك لدرجة إنه مايرضاش يسيبك مخدوع في ناس حواليك لابسين أقنعة، أو بتستغلك وأنت فاكرهم سند.

ربنا بيحبك، فبيكشفلك وشوش الناس على حقيقتها،
والمواقف بتبدأ تبيّن...
واحد يظهر نفاقه
وواحدة يبان غدرها
وحد كنت شايله فوق دماغك، تكتشف إنه ما يستحقش حتى تبصله!

وطبعًا في الأول هتزعل، هتتكسر، وهتقول:
ليه بيحصل معايا كده؟ ليه الناس دي طلعت مش حقيقية؟
بس الحقيقة... إن دي مش خسارة، دي نعمة
لأن ربنا نضف لك دايرتك قبل ما توصل لوجع أكبر

لما تنكشفلك الحقيقة، مش معناها إنك فشلت في اختيار الناس
ده معناها إنك تحت عين ربنا،
وهو اللي بيصفيهم من حواليك عشان مايتعبكش حد أكتر، ولا يكمل تمثيله عليك.

اللي ربنا بيحبه... بيكشفله
وبيفتح له عينه حتى لو كانت الحقيقة موجعة،
لأن الألم دلوقتي أهون من صدمة بكرة.

فلو خسرت ناس بعد ما ظهرت حقيقتهم... ما تزعلش
خسارتهم مكسب
وكشفهم رحمة
واللي راح... كان لازم يروح
علشان تفضى المساحة للي يستحق فعلاً يبقى موجود.🤍🍂

25/02/2026

رائع ومفيد
عن التركيز والانتباة وتدريبات رائعة
تحياتى/ استاذه جيجى طنطاوى اخصائية تخاطب وتعديل سلوك صعوبات تعلم وتنمية مهارات
للتواصل ٠١٠٦٤٦٨٦٧٩٣

الانتباه والتركيز
أولا : تعريف الانتباه .
ثانيا : أنواع الانتباه .
ثالثا :أشكال الانتباه .
رابعا : مكونات الانتباه .
خامسا : العوامل التى تؤدى إلى جذب الانتباه .
سادسا : العوامل التى تؤدى إلى تشتت الانتباه .
سابعا : أضطراب الانتباه لدى الاطفال ذوى الاعاقة الذهنية .
ثامنا : علاج ضعف الانتباه لدى ذوى الاعاقة الذهنية .

أولا: تعريف الانتباه .
الانتباه هو القدرة على حصر وتركيز حاسة أو أكثر من حاسة فى مثير ما داخلى ( فكرة – إحساس معين والتركيز فيه ) أو مثير خارجى ( الانتباه لشئ – شخص – صورة )
- ويعتبر الانتباه من أهم العمليات العقلية التى تلعب دورا هاما فى النمو المعرفى لدى الفرد حيث إنه يستطيع من خلاله أن ينتقى المنبهات الحسية المختلفة التى تساعد على إكتساب المهارات وتكوين العادات السلوكية الصحيحة بما يحقق له التكيف مع البيئة المحيطة به .
- الانتباه يسبق الادراك ويمهد له (كلهما عملتين عقليتين) فالانتباه هو انتباه للشئ أم الادراك فهو التعرف وتفسير ماهية هذا الشئ .
ثانيا أنواع الانتباه .
- ينقسم الانتباه من حيث مصدر إستقباله إلى :
( انتباه بصرى ، وسمعى ، وشمى ، وتذوقى ، ولمسى )
أى حسب الحاسة التى تستقبل الانتباه .
- ويمكن أن تحدث عملية الانتباه من خلال حاسة واحدة فقط مثل الانتباه البصرى للصور والاشخاص ، كما يمكن أن تشترك أكثر من حاسة فى عملية الانتباه لمثير معين مثل عند تذوق شئ ما وليكن تفاحة فهنا انتباه بصرى لشكل التفاحة ،وتذوقى لطعمها ،ولمسى عند الامساك بها .
ثالثا: أشكال الانتباه .
1- انتباه موزع :
حيث يكون فيه الانتباه موزعا بين عدد من المنبهات المختلفة مثل الشخص الذى يكتب على الكمبيوتر ويتحدث مع شخص أخر .
2- انتباه موجه (انتقائى) :
هو توجيه الانتباه وانتقائه لمنبه معين من بين المنبهات التى تقع فى مجال وعى الفرد .
رابعا: مكونات الانتباه .
1- البحث :
يقصد به تحديد موقع المنبه فى مجال الفرد .
- ويوجد نوعان من البحث :
أ- بحث خارجى :وهو بحث خارج المنشأ ويحدث لا إراديا مثل الانتباه المفاجئ لضوء خاطف ظهر فى المجال البصرى .
ب- بحث داخلى :وهو بحث داخلى المنشأ ويحدث إراديا بحيث تكون عملية البحث اختيارية ومخططة لمثير أو منبه له صفات محددة .
2- التصفية :
هى عملية انتقاء لمثير ما ، أو لصفة محددة وتجاهل المثيرات أو الصفات الاخرى التى توجد فى مجال إدراك الفرد .
3- الاستعداد للاستجابة :
يقصد بها التهيئة أو توقع ظهور الهدف أو تحويل الانتباه للهدف وهى تشير إلى محافظة الفرد على الاستيراتيجة التى استجاب بها للهدف السابق لكى يستجيب بها للهدف القادم ، أو تغيرها وتعديلها .
خامسا : العوامل التى تؤدى إلى جذب الانتباه :
- تنقسم إلى نوعين :
1- عوامل خارجية :
تتعلق بخصائص المنبه وظروف الموقف الذى يظهر فيه،وهى:
- ( الحركة - تغير المنبه - موقع المنبه - حجم المنبه - شدة المنبه - الاعتياد - طبيعة المنبه - حداثة المنبه - تكرار المنبه - التباين أو التضاد - الحاجة الزائدة للتنسيق ) .
-
ب- عوامل داخلية :
تتعلق بالفرد ودوافعه وميوله واهتماته وحالته الجسمية والنفسية وهى تنقسم إلى :
1- العوامل المؤقته :وهى
- التهيؤ الذهنى .
- النشاط العضوى .
- الدافع :
2- العوامل المستديمة :
- مستوى الاستثارة الداخلية .
- الميول والاهتمامات .
- الراحة والتعب :
سادسا : العوامل التى تؤدى إلى تشتت الانتباه :
- وهى تنقسم إلى :
1- العوامل الاجتماعية :
مثل النزاع المستمر بين الوالدين ، الصعوبات المالية والعائلية التى تجعل الفرد يلجأ إلى أحلام اليقظة لكى يهرب من الواقع ،الصعوبات المختلفة التى يجدها الفرد فى علاقاته مع الاخرين .
2- العوامل النفسية :
مثل عدم ميل الطالب لمادة معينة ، الخوف والقلق ، الاسراف فى الانشغال الذاتى .
3- العوامل الجسمية :
مثل الارهاق والتعب الجسدى ، عدم النوم بالقدر الكافى ،عدم الانتظام فى تناول وجبات الطعام ، سوء التغذية ، اضطرابات فى إفرازات الغدد .
4- العوامل الفيزيقية :
مثل ضعف الاضاءة أو سوء توزيعها ، سوء التهوية ، ارتفاع درجة الحرارة أو الرطوبة ، الضوضاء .
سابعا: اضطراب الانتباه لدى الاطفال ذوى الاعاقة الذهنية:
أن ضعف القدرات العقلية لدى هؤلاء الاطفال تؤدى إلى ضعف قدرتهم على الانتباه ( بإعتبار أن الانتباه قدرة عقلية).
- ويشمل ضعف الانتباه لدى الاطفال ذوى الاعاقة الذهنية كلا من ( مدى الانتباه – ومدة الانتباه ) .
مدى الانتباه : هى السعة الانتباهيه لدى الطفل ، أى قدرته على الانتباه للأكثر من منبه فى وقت واحد ( المرونة فى نقل الانتباه).
مدة الانتباه : هى الفترة الزمنية التى يستطيع الطفل تركيز انتباهه فيها على مصدر التنبيه .
- كذلك لدى الاطفال ذوى الاعاقة العقلية لديهم ضعف فى الانتباه للخصائص والصفات الفيزيائية التى تميز أحد المثيرات البصرية عن غيره والتى هى أساس عملية التعليم .
تشخيص اضطراب الانتباه
- يمكن قياس تشخيص الانتباه بإحدى الطريقتين :
1- تشخيص اضطراب نقص الانتباه وفرط الحركة فى الدليل التشخيصى والاحصائى الرابع للاضطرابات العقلية والنفسية الصادر عن الجمعية الامريكية ( DSM-IV) .
- ينطوى على ثلاث أنماط :
أ- اضطراب نقص الانتباه وفرط الحركة الذى يغلب عليه نقص الانتباه .
ب - اضطراب نقص الانتباه وفرط الحركة الذى يغلب عليه فرط الحركة – الاندفاعية .
ج- النمط المختلط الذى يجمع النمطين .
2- يشخص من خلال إستمارة الانتباه .
صعوبات الانتباه
- تتمثل مشكلات وقصور الانتباه فيما يلى :
• قصور ونقص فى تركيز الانتباه.
• نقص مدة تركيز الانتباه.
• عدم القدرة على المرونة فى نقل الانتباه.
• النشاط الحركى المفرط.
• الأندفاعية.
تدريبات تركيز وجذب الانتباه
(الانتباه البصرى)
• يلتفت إلى نقطة ضوء ثابتة ( الليزر ) .
• يلتفت إلى أشياء توضع أمامه ( مكعبات- مجسمات- صور ).
• أدخال خرزة فى الكوب أو حبل .
• تركيب مكعب فوق الاخر .
• تركيب بازل قطعة واحدة .
• إحضار لون من بين لونين .
• إحضار صورة حيوان من بين صورتين .
تدريبات زيادة مدة الانتباه
(الانتباه البصرى)
• زيادة عدد تركيب المكعبات بالتدريج .
• زيادة عدد تركيب قطع البازل بالتدريج .
• تلوين صور ذات أجحام مختلفة ( بالتدريج ) .
• اللعب بالخزر أو الكونكت فور مع زيادة عدد القع بالتدريج.
- أى نقس أنشطة جذب الانتباه البصرى مع الزيادة فى مدة الانتباه بزيادة عدد الادوات والقطع .
تدريبات المرونة فى نقل الانتباه
( الانتباه البصرى )
• لعبة الخرز والكوب المتحرك .
• تركيب قطع البازل مع تحريك لوحة البازل .
• متابعة ضوء متحرك .
• تلوين الاشكال بألوان مختلفة ( العربية بالاحمر- الموز بالاصفر...وهكذا)
• التعرف على الاختلاف بين صورتين .
• شطب صورة معينة من بين مجموعة صور .
• عمود الحلقات ( تصنيف الالوان فى الاعمدة ) .
تدريبات تركيز وجذب الانتباه
(الانتباه السمعى)
• الانتباه لوجود الصوت من عدمه من خلال :
• اللعب بالبيانو من خلال غلق وفتح أزراره .
• اللعب بزجاجتين أحداهما فارغة والاخرى بها خرز .
• اللعب بزجاجتين أحداهما فارغة والاخرى بها خرز والاثنين مغطاتين .
• النقر أسفل المنضدة أو على الباب .
• العب بمجسمات حيوانات أووسائل مواصلات أو من خلال الكمبيوتر مع تشغيل وغلق الصوت .
تدريبات زيادة مدة الانتباه
(الانتباه السمعى)
• تحديد مصدر الصوت .
• تمييز الصوت من خلال صورتين .
• تمييز الصوت من خلال ثلاث صور .
تدريبات المرونة فى نقل الانتباه
(الانتباه السمعى)
• وضع أشياء حسب سماع الصوت ( وضع مكب فى صندوق عند سماع نقرة واحدة ثم وضع مكعبين عند سماع نقرتين )
• تحريك الاشياء حسب طول وقصر الصوت ( تحريك العربة بسرعة مع الصوت الطويل وتحريكها ببطء مع الصوت القصير )
• لعبة القطة العمياء ( مع تحريك مصدر الصوت )
• لعبة الكراسى الموسيقى .
• تصنيف أصوات الحيونات من بين عدة أصوات ( مثل رفع اليد عند سماع صوت القطة )
تدريبات تركيز وجذب الانتباه
(الانتباه المسى)
• التعرف على ملمس الاشياء (مجسمات فاكهة- خضروات – حيونات- أشكال هندسية ) .
• التعرف على المتضادات ( طويل وقصير – خشن وناعم – بارد وساخن ) .
- وذلك من خلال أن يغمض الطفل عينه ثم يمسك الشئ ويتعرف عليه لمسيا .
تدريبات زيادة مدة الانتباه
( الانتباه اللمسى )
• التعرف على ملمس الشئ الواحد من خلال جميع أشكاله
( مثل التعرف على الموز من خلال مجسم ، بازل ، متاهة ...)
- وهكذا بالنسبة للاشكال الهندسية ، ومجموعة الحيوانات ، الخضروات ، أدوات الطعام .... (المجموعات الضمنية ).
تدريبات المرونة فى نقل الانتباه
(الانتباه اللمسى )
• وضع أشكال هندسية مختلفة داخل صندوق أو شنة أو كيس غير شفاف ويطلب من الطفل أن يأتى بشكل معين من خلال لمس يده لهذه الاشياء دون أن يراها .
• وكذلك مجسمات مختلفة مثل الفواكه والحيوانات .
• وكذلك التمييز بين عدد كبير بين المعكوسات بنفس الاسلوب السابق (الخشن والناعم – طويل وقصير – ساخن بارد) .
تدريبات تركيز وجذب الانتباه
( الانتباه الشمى )
• الانتباه لروائح الفواكة المختلفة ( تفاح – موز - برتقال )
دون لمسها أو رؤية .
• التمييز بين الروائح المحببة والروائح الغير محببة أو الكريهة (مثل العطور – التوابل – المنظفات .... )
تدريبات زيادة مدة الانتباه
(الانتباه الشمى)
• الانتباه للروائح المحببة بأكثر من نوع من العطور .
• الانتباه للروائح الغير المحببة بأكثر من نوع من المنظفات .
• الانتباه للروائح النفاذة بأكثر من نوع من التوابل .
• الانتباه لرائحة الفاكهة بمختلف أشكالها ( التفاح مثلا ) من خلال التفاح الحقيقى – مجسم تفاح عليه رائحة تفاح – الفواكة برائحة تفاح .
تدريبات المرونة فى نقل الانتباه
(الانتباه الشمى)
• أن يميز الطفل رائحة العطور من بين عدة روائح أخرى وهى مغمض العين من خلال أن يرفع يديه عند شم هذه الرائحة .
• أن يميز الطفل رائحة الفاكهة ( التفاح مثلا ) من بين عدة روائح أخرى بنفس الاسلوب السابق ، وهكذ بالنسبة لجميع الفاكهة والخضروات الاخرى .
تدريبات تركيز وجذب الانتباه
( الانتباه التذوقى )
• الانتباه لطعم الاشياء الساخنة والاشياء الباردة ( شاى- أيس كريم ) من خلال الفم دون التعرف عليها من خلال أى حاسة أخرى .
• الانتباه للطعم الحلوى والطعم اللازع ( شيكولاته – عصير ليمون )
• الانتباه لطعم الفاكهة والخضروات المختلفة .
تدريبات إطالة مدة الانتباه
( الانتباه التذوقى )
• التعرف على طعم الشئ فى كل أشكال (البرتقال يأكله – يشربه عصير – كيك برتقال...).
• وهكذا بالنسبة لأطعمة كثيرة .
تدريبات المرونة فى نقل الانتباه
( الانتباه التذوقى )
• تميز الطعم الحلو من بين عدة أطعمة ( من خلال أن يرفع يده كلما تذوق الطعم الحلو )
• تميز طعم الاشياء الساخنة من بين عدة أطعمة كما سبق .
• تميز طعم الاشياء الباردة من بين عدة أطعمة كما سبق .
علاج النشاط الحركى المفرط
• تدريب الطفل على الأسترخاء من خلال الأخصائى النفسي.
• تدريب الطفل على النمذجة من خلال الأخصائى .
• الهدوء والثبات الأنفعالى مع الطفل وعدم الثورة فى وجه.
• تجزئة المهام المقدمة للطفل.
• تفريغ طاقة الطفل.
• التدريب التدريجى على الجلوس فى هدوء.
علاج الاندفاعية
• التدريب على النمذجة فى التعامل مع الأنشطة المختلفة من خلال الأخصائى .
• تدريب الطفل على الأسترخاء من خلال الأخصائى النفسي.
• أستخدام لعبة شمس وقمر

21/02/2026

معلومه من انوج

كثرة انتقاد الابناء
كثرة انتقاد الأبناء، خاصة في الصغر، تدمر ثقتهم بأنفسهم، وتزرع فيهم الخوف من الخطأ والشعور الدائم بالعار أو النقص. هذا الأسلوب التربوي السلبي يُنتج شخصيات تجنبية، انسحابية، أو عدوانية، وربما قلقة في الكبر، بدلاً من تحقيق "التقويم" المرغوب، مما يتطلب استبداله بالتشجيع، التوجيه غير المباشر، والقبول.

أضرار كثرة الانتقاد للأبناء:
زعزعة الثقة بالنفس: الانتقاد المبالغ فيه يجعل الطفل يشعر بأنه "غير كافٍ" أو فاشل.
توليد الرهاب الاجتماعي والشخصية التجنبية: الخوف من الوقوع في الخطأ يجعلهم يتجنبون المبادرة والمشاركة.
جلد الذات: قد يتكون لدى الطفل صوت داخلي ناقد يلوم نفسه باستمرار (جلد الذات).
التمرد أو الكراهية: القسوة في الانتقاد قد تدفع الأبناء للتمرد على الآباء في الكبر.
السعي لإرضاء الآخرين: قد يتعلم الطفل العطاء الزائد بهدف نيل القبول وتجنب النقد.
آثار الانتقاد على شخصية الطفل:
شخصية انسحابية وخجولة.
حساسية مفرطة تجاه أي ملاحظات مستقبلاً.
ضعف في المهارات الاجتماعية والابتكار.

بدائل الانتقاد البناء (نصائح تربوية):
التركيز على نقاط القوة: بدلاً من التركيز على الخطأ، وجه الطفل لنقاط قوته.
التشجيع والحب: يحتاج الطفل إلى كلمات دعم أكثر من الملاحظات السلبية.
السماح بالخطأ: علم طفلك أن الخطأ هو وسيلة للتعلم، لا نهاية العالم.
التعليم بالنمذجة: كن قدوة في تصرفاتك، وتجنب السلوكيات التي تنتقدها فيهم.
النقد غير المباشر: استخدم القصص الهادفة أو الحوار الهادئ بدلاً من الاتهام المباشر.
تحمل المسؤولية: امنحهم مسؤوليات بسيطة لتعزيز شعورهم بالفخر.
في النهاية، التربية الصحية توازن بين التوجيه بذكاء وبين الحب والأمان، فالانتقاد المستمر هو هدم للشخصية وليس تقويماً لها.
انوج .
للاستشارات الاسريه
للتعامل مع جميع الاعاقات
وجميع فئات الاطفال
للتعامل مع التأهيل ما بعد الصدمات
للتواصل 01064686793

21/02/2026

معلومه من انوج

معلومه عن الشخصية التجنبية

الشخصية التجنبية (AVPD) هي اضطراب نفسي يتميز بخوف شديد من الرفض والانتقاد، مما يؤدي إلى تجنب التفاعلات الاجتماعية رغم الرغبة في الصداقة. يعاني أصحابها من تدني شديد في تقدير الذات، وشعور دائم بالدونية، وخجل مفرط، حيث يميلون للعزلة خوفًا من الإحراج، مما يؤثر سلبًا على علاقاتهم وحياتهم المهنية.

أبرز صفات ومعلومات عن الشخصية التجنبية:
حساسية مفرطة للنقد: يفسرون الملاحظات البسيطة بأنها سخرية أو رفض، مما يجعلهم يتجنبون المواقف التي قد يتعرضون فيها للتقييم.
الخوف من الرفض: يتجنبون الوظائف أو الأنشطة الاجتماعية التي تتطلب تواصلاً مباشراً مع الآخرين.
عزلة غير مرغوبة: على عكس الشخصية الانعزالية، يرغب المتجنب في التواصل ولكن خوفه من عدم القبول يدفعه للعزلة.
انخفاض تقدير الذات: يرون أنفسهم غير جذابين، غير أكفاء، أو أقل شأناً من الآخرين.
التردد: يجدون صعوبة كبيرة في خوض تجارب جديدة أو اتخاذ قرارات.
الأسباب: تشير الدراسات إلى دور قوي للجينات (64% من الحالات) بجانب العوامل البيئية مثل الرفض في مرحلة الطفولة، السخرية، أو الإيذاء النفسي.

20/02/2026

معلومه من انوج
اسباب ومؤشرات وجود خلل فى الصحه النفسيه ....
الاسباب ...تشمل الصدمات او فقدان عزيز او عنف موجه وربما يكون لعوامل وراثيه او لنمط حياة غير صحى
المؤشرات ... صعوبه في التركيز . مشاكل فى النوم والاكل . تعكر مزاج مستمر . فقدان الشغف . الانعزال الاجتماعى رغم وجودك وسط اقرب الناس
تعد الصحه النفسيه حق من حقوق الإنسان الذى لابد ان يحترم
لاى استشارة التواصل 01064686793

11/12/2025

علاج صعوبات التعلم
وفرط الحركه
تشتت الإنتباه
التاخر اللغوى
التاخر الحركى
عند انوج فى حل لكل كده يلا احجزوا مع اموج
مدينه نصر الحى السابع 01064686793

11/12/2025

مركز متخصص فى التعامل مع اطفال صعوبات التعلم . واطفال فرط الحركة وضعاف الذاكرة بأنواعها . نتائج هائله مع اطفال صعوبات فى تخطى كل المشاكل الدراسيه . اقوى التدريبات لعلاج الذاكره البصريه والسمعيه
العنوان مدينة نصر الحى السابع
للتواصل 01064683793

Address

عبدالله العربى
Cairo

Opening Hours

Monday 8am - 5pm
Tuesday 8am - 5pm
Wednesday 8am - 5pm
Thursday 8am - 5pm
Saturday 8am - 5pm
Sunday 8am - 5pm

Website

Alerts

Be the first to know and let us send you an email when Anoj's House posts news and promotions. Your email address will not be used for any other purpose, and you can unsubscribe at any time.

Shortcuts

Share

Category