دليلك السياحى فى مطروح بلا مقابل

29/07/2025

29/07/2025

مطروح

06/07/2025

فطار على البحر يكفى 3 أفراد ب 100 جنيه 😂

02/07/2025

تحذير ماذا يحدث في البحر المتوسط
#زلزال
#تسونانى

#تحذير
#الترند

19/05/2025

أول مرة تروح مطروح؟!
ركز معايا كويس قوي... البوست ده هتدعيلي عليه بعد ما تخلصه!
مطروح = سحر ✨ + روح حلوة ❤️ + خفة دم 😂 + حب من أول نظرة 💘
مدينة بتخطف القلب بجد، وده دليل شامل هيخليك تروح وانت فاهم الدنيا ماشية إزاي هناك، ومتبقاش تايه وسط الزحمة! 🧭

---

أول وأهم حاجة: مطروح متعتها في اللمة ‍👨‍👩‍👧‍👦
لو رايح مع عيلة كبيرة أو شلة صحاب؟ هتتبسط جدًا جدًا جدًا! 🔥
أما لو رايح بعدد صغير؟ ممكن تحس الدنيا فاضية حواليك شويه 🤷‍♂️

---

تعالوا نفهم تقسيمة مطروح سوا 🗺️
تخيل إنك شايف الخريطة من فوق، المدينة بتتقسم كده:

1. اليمين: الفيروز – باب البحر – روميل – الإذاعة والتلفزيون

2. الوسط: شارع إسكندرية – المحافظة – علم الروم

3. الشمال: العوام – البوسيت– الليدو

---
1. منطقة اليمين (الفيروز وما حولها):
أسعارها أرخص 💸، بس ليه؟
علشان المنطقة هادية 😴، ومفيش فيها فسح كتير، ولا شواطئ معروفة.
أشهر شاطئ فيها؟ روميل – مناسب جدًا للأطفال 👶 وآمن قوي ✅
بس كجمال؟ من أقل شواطئ مطروح.
بعيدة عن وسط البلد؟ حوالي 10 دقايق بالعربية 🚗

---

2. منطقة الوسط (شارع إسكندرية والمحافظة):
ده المصيف اللي عليه الكلام! 🔥
شارع إسكندرية = كل اللي تتخيله:
مطاعم 🍽️ – أسواق 🛍️ – تأجير عجل 🚴‍♂️ – محلات سمك 🐟
عيبها الوحيد؟ ملهاش كورنيش مباشر 🌊
بس قريبة جدًا من الشمال.

---
3. منطقة الشمال (العوام – الليدو – البوسيت):
أغلى مكان في مطروح 💰
ليه؟
لأنك هتلاقي:
شقق وفنادق عالبحر 🏨
مطاعم وكافيهات شيك ☕
سيرك وأجواء مصيف بجد 🎪🎉
بس بعيد عن شاطئ روميل اللي فين؟ في الفيروز عاليمين.

معلومة جانبية:
فيه حي اسمه حي الدولار 💵 – ورا العوام، هادي ومش في الزحمة، بس بعيد شوية عن البحر.

---

ملخص تقسيمة مطروح:
عايز فسح وناس وهيصة وأغاني؟ روح الوسط أو الشمال 🎊
بس استعد تدفع أكتر 💵
عايز هدوء وأسعار لطيفة؟ الفيروز هي اختيارك ✌️
بس شواطئها مش واو.

---
نيجي للشواطئ... وسر حبك لمطروح ❤️‍🔥🌊
تقسيم الشواطئ زي المدينة بالضبط:

1. اليمين (روميل): مناسب للأطفال بس مش أجمل حاجة

2. الوسط والشمال: شواطئ متوسطة – روحها لو مكسل تطلع بعيد

3. اللي يجنن بقى... الشواطئ البعيدة في الغرب:

هنا الجمال الحقيقي:
طريق الغرام وكليوباترا: ❌ مش بنصح بيه – زحمة ومبالغة في الأسعار.

الناحية التانية (قلبي أنا بقى!):
الأبيض – أم الرخم – عجيبة 🌊❤️

الأبيض: أنقى مياه – أهدى – أجمل – أنضف 💙

المروة: أمواج عالية – للمغامرين 🏄‍♀️

زمردة وبلوبيتش: راحة نفسية وهدوء 🌿🧘

القوات المسلحة: راقي جدًا – آمان – باركنج – بس غالي شوية 💼

أم الرخم: من أجمل الشواطئ – الراجل اللي ماسكه محترم وبينزل حالة البحر يوميًا ☀️

عجيبة: للتصوير فقط – صخور كتير 📸🪨

---
طب فين نخرج؟ نتمشى؟ نهيس؟ 😍
الفسح مش كتيرة بس عندك:

السيرك 🎪

الطفطف 🚂

تأجير العجل 🚴‍♀️

البيتش باجي 🏍️

تمشية على الكورنيش 🌅

آيس كريم من عند المحلات 🍦

منطقة "السيوية" لو فتحت: قعدة عربي + شيشة + مزيكا + رقص 🎶🕺

---

نصيحة ذهبية: الميــاه 💧
موية مطروح مش أحسن حاجة، فـ خليك مجهز:

مياه معدنية 🥤

أو جراكن من البيت (توفيرًا) 🛢️

---
الأكل؟ مفيش أسهل منه! 🍽️
كل حاجة رخيصة – الأسواق شغالة – محلات السمك في كل حتة – والمطاعم لكل الميزانيات.

---
خد البوست ده معاك مطروح وخليه مرجعك الأول!
وصدقني... هتفتكرني هناك!

واخيرا مطروح مش مجرد مصيف... دي حالة حب من أول نظرة ✨❤

15/05/2025

لو بتخطط لمصيفك في مطروح، أنا جمعتلك أحدث أرقام الفنادق هناك عشان تسهّل عليك الحجز وتستمتع بإجازة ولا أروع!
أماكن كتير بتطل على البحر ومناظر تخطف القلب ⛱️❤️
احجز من بدري وعيش أجواء الصيف على أصولها ☀️

أحدث أرقام تليفونات فنادق مرسى مطروح:

فندق ديلمار: 01097000707

فندق ريم: 01200077750

فندق الفرسان: 0464934090

فندق ريو: 01552189393

فندق بل اير: 0464931433

فندق سانت ماري: 0464939044

فندق نجرسكو: 0464934491

فندق البوسيت: 0464932066

فندق المشير أحمد بدوي: 0464935125

فندق أدرياتيكا: 0464938696

فندق ميامي: 0464931400

فندق نيو ليدو: 0122275443

فندق روميل هاوس: 01224496995

فندق هني مون: 0464930244

فندق سمر بالاس: 0464932214

فندق القصر: 0464930393

فندق المضيفة: 0464931773

فندق الفيروز: 0464932559

فندق ريفيرا تيباروز: 01224878653

فندق السلام: 01007891548

فندق رويال كراون: 0464934293

فندق عروس البحر: 0464934420

فندق راضي: 0464934827

فندق الأبيض (القوات المسلحة): 0464850375

فندق كارولز: 0464851000

فندق كليوباترا: 01021379094

فندق جويل: 0464932353

فندق سرت: 01203940350

متخليش الصيف يعدي من غير ما تعيش لحظات ماتتنسيش
ابعث البوست ده لأصحابك واختاروا الفندق اللي يناسبكم وعيشوا أحلى مغامرة في مطروح! 🌊✨

✍️ Hna Talaat

19/10/2024

الحمد الله علي حياه يدبرها الله لنا بلطفه ورحمته 💚

19/10/2024

﷽
۞إِنَّ اللَّهَ وَمَلَائِكَتَهُ يُصَلُّونَ عَلَى النَّبِي يَاأيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْليما۞