https://www.facebook.com/840994659103679/

Homey -هومي, شارع وزير،دمياط،مصر, Damietta (2026)

Q: What is the address?

شارع وزير،دمياط،مصر

26/12/2025

سفرة كلاسيك..... لعميل كلاسيك ♠️✨....
#القاهرة

23/12/2025

The Sun Chair | كرسي الشمس ☀️
كواليس مش هتشوفها غير هنا ....

16/12/2025

هل الأثاث لازم يناسب بيتك؟
ولا بيتك هو اللي لازم يناسب الأثاث؟ 🤔
السؤال ده بييجي في دماغ ناس كتير وهي بتجهز بيتها،
وغالبًا من غير ما نحس بنجاوب عليه وإحنا بنشتري.

بس السؤال الحقيقي بيظهر بعد ما تعيش مع القطعة شوية.
بعد أول قعدة طويلة.
بعد أول عزومة.
بعد أول أسبوع استخدام.

الكنبة شكلها حلو،
بس القعدة مش مريحة.

الترابيزة مناسبة للمكان،
بس ارتفاعها مش عملي.

الدولاب شكله مظبوط،
بس التقسيم مش مناسب لطريقة استخدامك.

انا معاك ان الجاهز بيقدّم حلول سريعة،
مصممة إنها تناسب أكبر عدد ممكن من الناس.

وده في حد ذاته ميزة…
بس في نفس الوقت،
معناه إنك أحيانًا بتتنازل عن تفصيلة هنا
أو راحة هناك.

وهنا بيظهر الفرق بين إنك تختار قطعة
“تمشي مع المكان”،
وإنك تختار قطعة معمولة علشانك.

الأثاث بالعمولة بيبدأ من نفس القطعة،
لكن بسؤال زيادة:
إنت هتستخدمها إزاي؟

ومن باب الإنصاف،
التفصيل بياخد وقت أكتر من الجاهز.
ومحتاج متابعة في تفاصيل
زي الخشب، القماش، واللون.

بس خلّينا نبص للصورة كاملة.

إنت بتجهّز بيتك كل يوم؟
ولا دي قطع هتصحى وتشوفها،
وتقعد عليها،
هتشاركك افراحك واحزانك
وتعيش معاها سنين ؟

ساعات فرق بسيط في ارتفاع قعدة،
أو عمق كنبة،
أو توزيع دولاب،
بيخلّيك تحس ان القطعة معمولة ليك فعلًا.

وده سبب يستاهل
إنك تستنى شوية
وتشارك في تفاصيلها.

وفي Homy،
بحكم إننا بنتعامل مع الأثاث يوميًا،
وشوفنا تنفيذات وتجارب كتير،
بقينا نؤمن إن الفرق الحقيقي
مش في جاهز ولا عمولة…

الفرق في إنك تختار وانت فاهم الفرق.

مش علشان أسرع حل،
ولا علشان اسم،
لكن علشان تعيش مرتاح
مع اللي اخترته.

#ديكور
#خشب

#تفصيل
#هومي

13/12/2025

السهل… الممتنع.
تفاصيل بتبان بسيطة… لكن تنفيذها محتاج دقة. ✨

#ديكور
#خشب

#تفصيل
#هومي

12/12/2025

"الكرسي… قبل ما يبقى كرسي." ✨

#ديكور
#خشب

#تفصيل
#هومي

11/12/2025

🪵 هو فيه خشب طبيعي… وخشب مغشوش؟ ولا ده بس كلام بيتقال؟ 🤔

قبل ما نجاوب… اسأل نفسك:
يعني إيه "خشب طبيعي"؟
وإيه الفرق بينه وبين بدائل الخشب؟
وهل بدائل الخشب وحشة… ولا استخدامها الصح هو اللي بيفرق؟

تعالى ناخد جولة بسيطة جوّه دمياط ونفهم اللي محدش بيقوله…

---

🌳 أولًا: الخشب الطبيعي (Solid Wood)

ده اللي جاي من شجرة مباشرة… وكل نوع ليه “شكل” و"ملمس" يميّزه:

🔸 الزان – Beech Wood
جاي من شجرة الزان الأوروبية 🌳
مسامه ناعمة، شكله هادي وراقي، ولونه فاتح يميل للوردي.
ليه الناس بتستخدمه؟ لأنه متين، شكله راقي، وغالبًا بيتعمل بيه قطع أثاث تتحمل وقت طويل زي الكراسي مثلا

🔸 الأرو – Oak Wood
جاي من شجرة البلوط 🌰
أشهر حاجة فيه: العروق الواضحة اللي بتعمل شكل فاخر مميز.
قشرته مختلفة والعروق بتبان حتى بعد التلوين.
ليه الناس بتستخدمه؟ لأنه قوي جدًا ومتين، شكله كلاسيكي، وبيتحمل الاستخدام اليومي الشديد، زي ترابيزات السفرة والخزائن الكبيرة.

🔸 البياض (الموسكي) – Pine Wood
جاي من شجرة الصنوبر 🌲
مظهره فاتح في غامق بشكل عشوائي بسيط، يعطي إحساس دافي وهادي.
ليه الناس بتستخدمه؟ لأنه خفيف وسهل التعامل معاه، مناسب للناس اللي بيحبوا يجددوا ديكور بيتهم باستمرار .

---

📦 ثانيًا: بدائل الخشب (Engineered Wood)

مش “خشب طبيعي”… لكنها خامات معمولة للتصنيع السريع، وكل واحدة ليها طبيعتها وميزتها:

🔸 تشيب بورد (Particle Board )
مكوّن من نشارة خشب مضغوطة + مواد لاصقة.
ليه الناس بتستخدمه؟ لأنه رخيص وسريع التصنيع، ممتاز للأثاث اللي مش محتاج يتحمل وزن كبير، زي بعض دواليب الملابس أو الرفوف الصغيرة.

🔸 MDF – الخشب المضغوط
نشارة خشب ناعمة جدًا + مواد رابطة، بيتضغطوا لصنع لوح متجانس وناعم.
ليه الناس بتستخدمه؟ لأنه أساسي في الأثاث الداخلي الحديث، خصوصًا للناس اللي بيحبوا يجددوا ديكور بيتهم باستمرار أو يحبوا القطع اللي ممكن يضيفوا ليها لمستهم الشخصية بسهولة، زي خزانات المطبخ والرفوف المزخرفة.

🔸 الكونتر – Blockboard
شرائح خشب طبيعي متجمعة، فوقها طبقات حماية أو سطح نهائي.
العروق هنا أكثر ترتيبًا، واللوح أقوى من التشيب بورد وال MDF.
ليه الناس بتستخدمه؟ لأنه أقوى وأفضل للتحمل، مناسب للطاولات الكبيرة والأسطح اللي هتتعرض لاستخدام يومي شديد، زي المكاتب أو طاولات السفرة.

---

وبعد ما شفنا بعض الانواع ، أهم حاجة نفهمها:
مش لازم حد يبعلك فكرة إن في شيء “وحش” أو “ممتاز” من غير سبب واضح. الحقيقة إن كل نوع خشب، سواء طبيعي أو بدائل، له استخدامه وطبيعته.

المهم إننا نعرف: كل خامة جايه من إيه، وبتستخدم إمتى، وإيه ميزتها وعيوبها، قبل ما نتسرع في أي شراء.

اخيرا : المعرفة والوعي هما اللي بيخلّوا اختيارنا صائب… مش مجرد اسم أو سعر أو شعار تسويقي.

#هومي

#ديكور

09/12/2025

الفكرة بدأت بصورة شافتها… وحبت تنفذها بطريقتها.
واحنا مشينا معاها خطوة بخطوة… لحد ما بقت قطعة حقيقية. ✨

#تفصيل
#خشب
#ديكور

#هومى

08/12/2025

🪵 الكرسي ده اتباع بمليار و214 مليون جنية مصري
آه… الرقم زي ما قريته كده، ومش هزار.
الكرسي ده اتباع ب €21,905,000

طب إيه حكايته؟ وليه حد يدفع فيه كده ❓
خلّيني أحكيلك…

الكرسي ده اسمه Dragons Armchair 🐉
اتصمّم من أكتر من 100 سنة على إيد المصممة الإيرلندية Eileen Gray… واعتبره كتير إنه مش “كرسي”
ده قطعة بتجمع بين الفن، الغموض، واللغز.

بس قبل منعرف ليه خلينا نتكلم عن تصميمة

تصميم الكرسي فيه تأثيرات من فنون الشرق ✨
والنقوش على هيئة تنانين ملفوفة حوالين دراع الكرسي، متشابكة بطريقة تخليك تحس إنك مش واقف قدّام خشب بس…
لكن قدّام نحت ثلاثي الأبعاد مليان تفاصيل.

ومع اختلاف زوايا الإضاءة، تفاصيل التنين بتبان أو تهدى حسب الظل والنور.
وده تأثير بصري طبيعي في أي قطعة منحوتة بدقة عالية…
لكن بيخليك تحس إن الشكل “بيتغيّر” قدّام عينك.

القطعة اتنحّت يدويًا بالكامل على إيد حرفيين محترفين،
مش بأداة واحدة،
لكن باستخدام أكتر من أداة في مراحل مختلفة،
عشان كل منحنى في جسم التنين يطلع دقيق ومتوازن.

بعض الاساطير بتقول ان التناين فعلا بتظهر وبتبان لما الاضاءة تكون قوية وبتسحر فعلا الي قدها،
وبعض الاساطير بتقول ان الكرسي اختفي بعد ظهورة اول مرة ومحدش عرف هو فين.

ولكن الحقيقة المؤكدة إن الكرسي كان موجود داخل مجموعات خاصة لفترات طويلة،
ومكانش ظاهر في السوق أو المزادات العامة،
لحد ما ظهر فجأة في مزاد باريس سنة 2009، وحقق الرقم الخرافي ده.

وعشان كده في المزادات، اللي بيشتريه مش بيشتري خشب ولا جلد بس…
بيشتري قصة، وزمن، وقيمة فنية 🎨

بس الحقيقة؟
مش لازم تدفع ملايين عشان يكون عندك أثاث جميل.
القيمة مش دايمًا سعر…
القيمة في الإتقان، في اللمسة الحلوة، وفي الذوق
اللي يخلي القطعة تِدخل قلبك قبل بيتك ✨

بس السؤال هنا:
انتا ممكن تدفع كام في الكرسي ده ❓

#هومي

07/12/2025

هومي — Coming Soon ✨

Homey -هومي

26/12/2025

23/12/2025

16/12/2025

13/12/2025

12/12/2025

11/12/2025

09/12/2025

08/12/2025

07/12/2025

Address

Telephone

Website

Alerts

Contact The Business

Shortcuts

Share

Category