https://www.facebook.com/474585805731427/

S&Z For Decoration and construction, Faiyum (2026)

01/11/2024

العزل الأسمنتي 👌
العزل الأسمنتي موجود في السوق المصري بقاله حوالي 20 سنه، وفيه شركات كتير جدا بتنتجه زي شركة (سيكا - CMP - سافيتو - دراي ميكس - باسف)، وبنعزل بيه الحمامات والمطابخ، بندهنه علي الخرسانه مباشرة ويفضل يكون السطح أملس.
✅ إيه التجهيزات اللي بنعملها قبل ما نبدأ في العزل الأسمنتي؟
1- قبل ما تبدأ في أي حاجه هتخلي السباك يكسر مكان المواسير بتاعته ويركب مواسير التغذية.
2- بعد كدا هينضف الارضية كويس جدا ويكنسها بالمقشة لإزالة أي أتربه أو كسر.
3- بعد هيرش مايه علي السطح اللي هنعمل عليه العزل ويسيبه شويه لحد ما ينشف.
✅ طيب إيه العزل اللي بنستخدمه؟
احنا بنستخدم مجموعة عزل سيكا سيل 105، ودي عبارة عن جيركن 5كجم وشيكارة 50كجم، بنقلبهم ببعض كويس جدا عن طريق خلاط ميكانيكي لمدة 3 دقائق، وبندهن وجه طولي ووجه عرضي بفاصل زمنى لا يقل عن 6 ساعات بين الوجهين.
✅ طيب إيه الفرق بين سيكا 105 و 107؟
سيكا 107 أقوي من سيكا 105 عشان كدا بنستخدمها في الخزانات اللي ارتفاعها أكتر من 3 متر عشان تتحمل ضغط المياه، أما 105 في المنشأت السكنية والتجارية ..الخ.
✅ طيب أنا عزلت، اختبر ازاي؟ واعرف اذا كان فيه تسريب ولا لأ ازاي ؟؟
- بتملا الحمام مياه وبتسيبها من ٢٤ ل ٤٨ ساعه.
-وبعد مالمده تخلص بتبدأ تبص علي الحوائط الجانبيه للحمام والشقه السفليه
لو ظهرت رطوبه يبقي فيه مشكله في العزل ولازم تعزل مره اخري او تعيد علي الجزء اللي بيكون منه التسريب.
مع فريق عمل S&Z كل الي بتحلم بيه في بيتك 👌 هنقدر نحققه بأفضل جودة و أقل وقت و أقل تكلفة .
للتواصل من خلال رسائل الصفحة او بالإتصال على :
📞 : 01090318881 - 01119157908
‏📱 What's app : 01090318881

#تشطيبات
#عقارات

31/10/2024

السيفون الدفن 🌠✨
فكره بسيطه هتفرق في شكل بيتك وخصوصا لو مساحة الحمام عندك صغيره😃
هيساعدك في تقسيمة الحمام مهما كانت مساحته ،، وأشكاله مختلفه وعصريه 🤩✨
-فى البدايه هو عباره عن قاعدة تواليت جزء منها بيركب فى مرحلة تأسيس السباكه ودا إسمه الخزان او التانك وفى cover بلاستيك بيجي مع خزان الدفن وده لازم تركبه علي فتحه التانك في مرحله التأسيس عشان تتجنب دخول أى رواسب او بواقي أسمنتيه داخل التانك أثناء مرحلة تركيب السيراميك او أى أعمال بوجه عام والجزء التانى بيركب مع التشطيب ودى القاعدة الصينى 🚽
طب ليه بنلجأ لتركيب القاعدة الفلاش تانك؟👀
-السبب الرئيسي لتركيب النوع دا من القواعد هو الناحيه الجماليه بجانب الناحيه العمليه
-بيضيف لمسة رقى للحمام بعيداً عن الشكل التقليدى للقاعده العاديه وبتسمحلك بعمل مناسيب وتشكيلات ديكوريه خصوصاً مع إستخدام الإضاءة الغير مباشرة لو تم توظيفها صح😉👌
*في النهايه مهم جدا ال يركب خزان الدفن يكون حد متخصص ويكون عنده خبره كافيه في تركيبه علشان تتجنب أى خساير او مشاكل مستقبليه😌
-و لو في استفسارات او حد محتاج نصائح في التشطيبات برجاء التواصل مع فريق عمل S&Z كل الي بتحلم بيه في بيتك 👌 هنقدر نحققه بأفضل جودة و أقل وقت و أقل تكلفة .
للتواصل من خلال رسائل الصفحة او بالإتصال على :
📞 : 01090318881 - 01119157908
‏📱 What's app : 01090318881

#تشطيبات
#عقارات

30/10/2024

لو شقتك مساحتها صغيرة تعمل ايه 🙄
1- إختار الألوان الفاتحة لأنها بتعمل بهجة وبتدي إحساس بالراحة والوسع 😍
2- حاول يكون فى مرايات على الحوائط لأن المريات بتدى إحساس بالوسع وبتعكس الضوء الطبيعى فبتخلى المكان ينور أكتر.
3- وانت بتختار الأثاث حاول يكون حجمه صغير وفيه مساحات تخزين لأن الأحجام الكبيرة بتعمل زحمة وبتكون صعبة في التنظيف ومش عملية 🤯
4- خلى إضاءه الشقة لونها أبيض وحاول توزعها صح.
5- متعملش حمام ضيوف عشان الضيوف مش بيجوا غير كل سنه مره، فمتزنقش نفسك على الفاضى.
متستقلش بالحاجات البسيطه دى لأنها فعلا بتفرق جدا.
-و لو في استفسارات او حد محتاج نصائح في التشطيبات برجاء التواصل مع فريق عمل S&Z كل الي بتحلم بيه في بيتك 👌 هنقدر نحققه بأفضل جودة و أقل وقت و أقل تكلفة .
للتواصل من خلال رسائل الصفحة او بالإتصال على :
📞 : 01090318881 - 01119157908
‏📱 What's app : 01090318881

#تشطيبات
#عقارات

29/10/2024

بند السباكة يعتبر من أهم البنود اللي لازم تتأسس صح، لأن أي غلطه في البند ده هتعملك مشاكل كتير بعد كدا.
بس قبل ما ندخل في تفاصيل البند ده، هنتكلم عن حاجه مهمه جدا إسمها " الشرب " .. الشرب دا علامة بتكون علي مسافة 1 متر من التشطيب والرمز بتاع الشرب بيكون مثلث مقلوب، وفايدة الشرب إنك بتعرف تحدد مسافة كل حاجه من مستوي تشطيب أرضيتك سواء سيراميك أو بورسلين، زي علب الكهربا السفلية والعلوية ودي لازم كلها تكون علي نفس المستوي، مينفعش يكون فيه علبه عاليه وعلبه واطيه.
طيب لسه الشقة بتاعتي مش متشطبة هحدد الشرب دا ازاي؟ المفروض إن تشطيب أرضية المدخل قدام باب الشقه تكون على نفس مستوي تشطيب أرضية الشقة، ف هنقيس مسافة 1 متر من تشطيب الأرضية ونعمل الشرب والسباك بينقله جوا الشقة بميزان الخرطوم.
- طيب إيه هو ميزان الخرطوم وبنستخدمه ازاي؟
دا عباره عن خرطوم رفيع بيكون فيه مايه، واحد بيمسك ناحيه ويثبتها عند الشرب اللي عملناه قدام باب الشقة، وواحد بيبدأ يثبت الخرطوم علي حيطه جوه الشقة، لحد ما مستوي المياه يقف على الشرب اللي بره عند باب الشقه، في الوقت دا مستوي المياه ف الخرطوم بره وجوة بيكون على نفس المستوي، بكدا نكون حددنا الشرب، نبدأ بقي ...
- السباك لما يدخل الشقة بيكون محتاج يعرف منك كذا حاجه زي:
1- هتحط القاعدة فين ؟
2- هتحط الحوض فين ؟
3- هتعمل حوض بركبة ولا بعمود ولا حوض ساقط رخامة ؟
4- هتركب سيفون دفن ولا عادي ؟
5- هتعمل شطاف بارد بس ولا بارد وساخن ؟
6- هتعمل شاور ولا بانيو ؟
7- أماكن التكييف هتكون فين ؟ لأن التكييف بيكون ليه صرف داخلي في الشقة.
نيجي للخامات :
- بالنسبة لمواسير التغذية المايه فيها بتمشي تحت ضغط، وزمان كانوا بيعملوها من الزهر لكن دلوقتي بنستخدم مواسير بولي بروبلين، وأغلب الموجود منها في مصر خامات مستوردة أشهرها (أكواثيرم ودي ألماني وسعرها غالي شوية، بولو بلاست ودي ألماني وسعرها متوسط) والمواسير دي بتسحمل ضغط المياه وطول الماسوره بيكون 4 متر.
هيبدأ السباك يكسر ويعمل مسار لمواسير التغذية ويركب المواسير ويخلص شبكة التغذية كاملة وبعد كدا ينضف الأرضية كويس جدا من بواقي التكسير، بعد ما السباك بيخلص لازم نختبر المواسير عشان مكتشفش بعد ما أسكن إن فيه تسريب، واختبار الضغط بيتم كالآتي:
أطبب كل الفتحات ما عدا مخرج واحد ده اللي هدخل منه المكنه وأقعد أكبس وكل ما أكبس العداد اللي عندي بيقرأ ضغط المياه في الماسورة بوحدة البار، والمايه عادة بتكون ماشيه في المواسير بضغط 7 بار، عشان كدا لما نيجي نختبر بنختبر بـ 10 بار، وأسيب الضغط ده شغال لمدة نص ساعة لو مفيش عندي أي تسريب يبقي المواسير دي زي الفل ومش هيحصل فيها تسريب بعد كدا، واللي بيعمل الاختبار ده مندوب من الشركة، وبعد الاختبار بيديلك شهادة ضمان مدي الحياة.
- وبالنسبة لمواسير الصرف بنعملها من خامة اسمها U-PVC، وأشهر الماركات في مواسير الصرف ( الشريف – الحجاز)، والمواسير دي مبتتحملش الضغط، لأن المايه فيها بتمشي مع الجاذبية، وطول الماسوره بيكون 6 متر. هيبدأ السباك يركبها مع مواسير صرف التكييفات، وبعد ما يخلص " يحبش " عليها بمونه عشان يحميها إن حد يدوس عليها لأنها بتكون مظبوطة بميل معين.
- بالنسبة للصيني ( القاعدة – الحوض ..الخ) أفضل ماركات فيها (إيديل - ديورافيت).
- بالنسبة للنواكل ( الخلاطات – والحنفيات – الاكسسوارات .. الخ) أفضل الماركات (جروهي – جاكوب).
- أفضل طريقة لفرش الحمام :
1- البيبة لازم تكون في أحد أركان الحمام ويضل تكون جمب القاعدة، بلاش في النص خاالص.
2- الحوض : أحطه في أقرب نقطة للباب.
3- القاعدة: تكون تحت الشباك عشان الصرف بتاعها يكون سهل.
4- الغساله لو هنحطها في الحمام ممكن نحطها تحت السخان.
- ملاحظات أخيرة:
1- مستوي مخرج صرف التكييف في الحائط لازم يكون خلف وحدة التكييف شمال التكييف والحاجة الأهم إنك لازم تعمل حساب سقوط الجيبسم بورد ان وجد، والتكييف بيحتاج تقريبا من 35-40 سم تحت سقف الجيبسم بورد
2- متديش السباك كل حسابه إلا لما يخلص خالص، ويفضل اللي هيأسس هو اللي يشطب.
مع فريق عمل S&Z كل الي بتحلم بيه في بيتك 👌 هنقدر نحققه بأفضل جودة و أقل وقت و أقل تكلفة .
للتواصل من خلال رسائل الصفحة او بالإتصال على :
📞 : 01090318881 - 01119157908
‏📱 What's app : 01090318881

#تشطيبات
#عقارات

28/10/2024

بند الدهانات ❤️
--------------------------
بند الدهانات يعتبر من أهم البنود في التشطيب لأنه بيدي جمال وروح للشقه😍
مبدأيا الدهانات زي المزيكا 🎻، ممكن تبقي مزيكا هاديه وتفصلك عن العالم وممكن تقلب شعبي ومهرجانات.🎤🥁
- التجهيز لبند الدهانات:🤔
--------------------------------------
قبل ما نتكلم في البند ده ، لازم نقولكم على مرحلة مهمه جدا قبل ما نشتغل ف الدهانات، خلصنا سباكه وكهربا ؟ هنجيب حد يشتغل في "مرمات المحاره" والمرمات دي اماكن التكسير في المحاره مكان السباك والكهربائي .. المرمات دي فيه ناس بيستسهلوا وبيجيبوا اي مبيض محاره ويشتغل فيها بدون ما يراقبوه او يركزوا ف الفنيات اللى لازم تتم في المرمات.
فحضرتك بتجيب مبيض محاره كويس وبتجيبله: أسمنت ورمل وبتوفرله المياه، وجركن من مادة " أديبوند " ودا بيعلي خواص المونه اللى بيشتغل بيها مبيض المحارة بحيث إنها تمسك في المحاره القديمة كويس وبتجيب الجركن ده من اي شركة زي #سيكا أو CMP. بتجيب كمان سلك شبك، ودة بيتحط على وش أي مجموعة خراطيم بحيث المكان دة بيكون عرضه إن المحاره تفصل فيه بعد كدة وتشرخ .. فاحنا بنحطه ف الأماكن دي عشان متفصلش وتتسبب لينا مشاكل بعد كدا احنا في غني عنها.
- الفرق بين الدهانات البلاستيك ودهانات الزيت:🤔
------------------------------------------------------------------
هنوضح الفرق بين الدهانات البلاستيك والزيت لان في ناس كتير مبتكونش عارفه ايه الفرق بينهم.
1- الدهانات الزيت : دي دهانات أساسها زيتي، ودي دهانات قابله للغسيل عادي، عشان كدا زمان كانوا بيستعملوها بكثره.
2- الدهانات البلاستيك : دي دهانات أساسها مائي وغير قابله للغسيل عشان كدا الناس كانت متخوفه منها ومبتتجهش ليها لحد ما عملوا دهانات بلاستيك قابلة للغسيل انتهت الدهانات الزيت، يعني قليل أوي لما تلاقي حد عامل شقته دهانات زيت، كله بلاستيك دلوقتي.
- ماركات الدهانات البلاستيكية 🤠
--------------------------------------------
عندي ماركات كتير طبعا في السوق ولكن الماركات المضمونه والمستعملة بكثره هي ( جوتن - سكيب - سايبس - الجزيره - ناشيونال ).
فكل اللي عليك إنك بتشتري معجون جاهز وبويه، المعجون ده بنسميه معجون التأسيس، والبويه بلاستيك بتتباع جوه #بستله او #جازله .. البستله بيكون مقاسها كبير، والجازله بيكون مقاسها صغير.
- وانا رايح اشتري لازم أخد بالي من شوية حاجات😟
-------------------------------------------------------------------
1- درجة اللون: ودي بتختارها من كارتلة الألوان وبتكون دهانات كمبيوتر يعني بتختار الدرجه تطلع هيا اللي اختارتها مش حاجه قريبه منها.
2- درجة اللمعان: فيه عندي 3 درجات .. #مط ودا تحس ان الدهان مطفي كدا ومش حلو بصراحه، #لامع ودا تحس ان الدهان بيبرق أوي ومش حلو برضو، وده حاجه وسط بين الإثنين اللي فاتوا وده أحلى واشيك.
3- القابلية للغسيل : هتلاقيه بيقولك في حاجات قابله للغسيل وفيه حاجات غير قابله للغسيل ، الأحسن طبعا زي ما قولنا القابل للغسيل.
- الخامات التانيه اللي هتحتاجها :
--------------------------------------------
- سيلر مائى (أحسن سيلر من شركة جوتن).
- معجون للحوائط والأسقف (GLC أو جوتن او سكيب).
- صنفره.
- تيب.
- بلاستيك للبطانه (بلاستيك أبيض رخيص).
- علب ألوان مركزة (من سكيب).
- ازاي ابدأ في تنفيذ بند الدهانات🤗
-------------------------------------------------
1- هتجيب النقاش يبص على الموقع، بعد كدا هيكتبلك الخامات اللي هيحتاجها هتروح تشتريها، وهيقولك أنا هنزلك يوم كذا نبدأ الشغل.
2- أول خطوه النقاش بيعملها لما ينزل الموقع حاجه اسمها (مراشمة الحوائط) يعني بينضف الحوائط من الأتربة وبواقي الجبس، إما بسنفره أو حجر جلخ أو سكينة معجون.
3- وش سِلر : بندي للحيطه وش من مادة السلر عشان تقفلي المسام بتاعت الحيطه، عشان متشربش ماية المعجون.
3- مرحلة التأسيس : ويقصد بها مرحلة #المعجون، طيب ليه أنا بحط المعجون أصلا ما ممكن أدهن علي المحاره وأخلص نفسي ؟ انا مش عايز ملمس المحاره الخشن انا عايز لما اجي أحط ايدي علي الحيطة تديني ملمس ناعم، المعتاد إننا مينفعش نعمل أقل من 2 سكينه معجون، ولو المحاره #مخدومه يكفي سكنتين، إنما لو المحاره تعبانه فهنحط من 3-4 سكاكين، وبعد كدا #اصنفر الحيطه عشان أنعمها، ودي أول مرحلة استلام بتأكد فيها ان مفيش دبابيس في الحيطه ( حته كدا بتكون زي راس الدبوس ).
4- التلقيط ( مرحلة تابعة للمعجون ): ودي بنلجأ ليها لو في أماكن معينه فيها #ريجه فبجيب المعجون وبلقط الحته اللي فيها عيوب.
بكدة يبقي انتهيت من مرحلة تأسيس الدهانات لأنه النقاش هيقف فترة لتركيب السيراميك وبعد كدة هيرجع يكمل في تشطيب الدهانات.
بعد مالسيراميك ينتهي، هينزل النقاش يكمل شغله، ويبدأ يشوف حالة الحوائط ويظبط أي خبطات حصلت من صنايعية السيراميك بالمعجون ويصنفرها كويس وينضف الحوائط من الاتربه ويبدأ في مراحل الدهانات الاخيره وهيا التشطيب.
5- مرحلة ال Finish : ودي بعملها علي مرحلتين:
- : بتكون وش مخفف من البويه اللي انا هدهن بيها عشان أكتم المعجون بحيث مياخدش رطوبه من الجو.
- #النهايات : بتكون بوية شحمه وأدهنها إما 2 وش أو 3.
6- لو عملت جيبسم بورد، بياخد نفس المراحل بس نوع السيلر العازل بيختلف عن السيلرالعادي، بتجيبه " باتريك سيلر " والصنايعي هيقولك عليه باترننج سيلر.
عندنا التنفيذ بيمر بشوية مراحل بسيطه اوي:
- استلام الدهانات😎
-----------------------------
1- قبل ما اطلع استلم اتاكد اني غاسل ايدي كويس عشان متبصمش علي الدهان.
2- العيوب اللي ممكن الاقيها ان الحيطه متكونش ساتره بمعني "مش شحمه" فتيجي تبص علي الحيطه تلاقيها مكشفه، وحلها اننا نعمل وش كمان.
3- مابين سحبة الرولا والتانيه ساعات بنلاقي خط، يبقي النقاش محتاج يلقط الكلام ده.
4- ساعات تلاقي الدهانات مسيله بنسميها #دمعه نتيجة ان الرولا متعصرتش كويس فلازم يظبط الكلام ده برضو.
5- نستلم اهم حاجه طبعا درجة اللون.
6- عشان اضمن ان النقاش مبيشتغلنيش في عدد السكاكين لازم اخلي كل سكينة معجون بلون مختلف ( ابيض و بيج ) واطلع استلم كل واحده فيهم.
7- استلم منه علي الاضاءه النهاريه واستلم منه بالليل لما تنور الشقه ، حطله في كل مخرج اناره لمبة، لان الإضاءة لما بتضرب على الحوائط والاسقف بتكشف أي عيوب في الحوائط.
8- لازم تستلم من النقاش أول بأول، ومتستهونش أبدا بالبند دة لأن دة خلاص الشكل النهائي للشقه عندك.
- شويه نصائح كدا😉
---------------------------
1- اتاكد قبل الدهان انك مغطي كل مخارج الكهرباء والحلق بتاع الباب والاكره والوزره السيراميك والأرضيه كمان.
2- اتاكد ان النقاش عمل عدد سكاكين المعجون اللي انتوا متفيقين عليها 2 او 3 وخليه يعمل كل سكينه بلون واحد مثلا ابيض والتاني بيج مثلا بحيث وانت طالع تشوف تعرف هو عمل كام سكينه معجون.
3- النقاش لازم ينتهي من دهانات السقف قبل دهانات الحيطه.
4- لو عايز اعمل شوية ديكورات في الدهانات ( رسومات) بنعمله علي ورق اسمه #استنسل وبيكون مرسوم عليه الرسمه اللي انا عاوزها.
5- الالوميتال يفضل تركبه بعد اول وش لون مع الابواب، ومعاهم شاسيهات ولقم الكهربا وأي ديكورات خشبية تركب، ولو هتركب كرانيش جاهزة، تركبها لأن النقاش هيحتاج يقفل عليهم.
6- خلي بالك ان أي مخرج اضاءه لازم تركب فيه دواية ولمبة على الأقل ولو فيه سبوتات تركب قبل مالنقاش يخلص عشان متتفاجئش بالعيوب اللى بتظهر بعد الاضاءه ما تركب.
7- هتجيب عينات من كل لون، كيلو من كل لون ومتجيبش كميات الألوان كامله لأن اللون ساعات بيختلف، غالبا بيختلف على الحيطة بدرجه اغمق، والالوان مبترجعش، هتخلي النقاش يعملك عينات علي الحوائط وتتأكد ان الالوان مظبوطة .. وترجع تشتري الالوان بتاعتك بالكميات المطلوبة وتحتفظ بأكواد الدهانات لانك غالبا هتحتاجها في يوم من الايام لو حصل اي مرمه في حيطه.
8- فيه عندي كذا نوع من الدهان ادخل اتفرج عليهم علي النت:
- دهانات ترخيم.
- دهانات اسبونج بس دي لازم تكون زيت.
- دهانات تعتيق.
- دهانات سواحيلي.
- دهانات البيرل.
- دهانات الفيلفيد.
- دهانات القطيفة.
بس خلي بالك ان اي دهانات غير البلاستيك بيكون ليها حساب تاني مع الصنايعي.
فيه موجود في السوق ورق حائط 3D وبيكون شكله تحفه، بس لو هتعمل ورق حائط هتعمله بس علي الحيطه الرئيسية او عمود مثلا.

-و لو في استفسارات او حد محتاج نصائح في التشطيبات برجاء التواصل مع فريق عمل S&Z كل الي بتحلم بيه في بيتك 👌 هنقدر نحققه بأفضل جودة و أقل وقت و أقل تكلفة .
للتواصل من خلال رسائل الصفحة او بالإتصال على :
📞 : 01090318881 - 01119157908
‏📱 What's app : 01090318881

#تشطيبات
#عقارات

27/10/2024

بما إننا في الصيف، فلازم تهتم بتهوية مطبخك كويس جدا، عشان كدا في البوست دا هنتكلم عن أنواع الشفاطات اللي بنستخدمها في المطبخ، ومميزات وعيوب كل نوع.

1. الشفاط المروحة:
ودا الشفاط اللي هتلاقيه منتشر في معظم بيوتنا وهتلاقيه دايما راكب في الشباك الألوميتال، أو في حائط المطبخ من فوق.
✅ مميزاته:
1. سهل التركيب.
2. بيحتاج تأسيس كهرباء فقط، ومكان في الألوميتال أو الحائط.
3. سعره في المتناول.
4. كفائته عاليه في الاستخدام الطبيعي.
✅ عيوبه:
1. مع الوقت الزيوت والأبخرة بتلزق في المراوح بتاعته فبيحتاج يتنضف بإستمرار، بس عامة دا ميعتبرش عيب أوي.
2. الشفاط المروحة لواحده مش كفايه لو دايما مطبخك في طبيخ وزيوت وأبخرة بإستمرار، في الحالة دي بلجأ لشفاط تاني معاه فوق البوتاجاز.

2. الشفاط الهرمي:
ودا الشفاط اللي بيركب فوق البوتاجاز مباشرة.
✅ مميزاته:
1. كونه راكب فوق البوتاجاز، فبياخد كل الابخرة والزيوت وبيخرجها بره المطبخ، فمفيش فرصه لإنتشار البخار في المطبخ وباقي الشقة.
2. بيكون عملي جدا في المطابخ الكبيرة، أو المطابخ اللي بيكون فيها طبيخ بإستمرار.
✅ عيوبه:
1. بيحتاج تأسيس، عن طريق إننا بنوصل منه ماسوره فلكسيبل وبتخرج بره المطبخ، والماسوره دي بنغطيها ب جيبسوم بورد، وبيتعمل ليها نهايه من بره عشان الحشرات.
2. سعره عالي شويه.
3. الفلاتر بتاعته محتاجه تتنضف باستمرار.
4. بياخد مساحة فوق البوتاجاز ودا بياثر على الوحدات العلوية في التخزين.
5. صوته عالي.
-و لو في استفسارات او حد محتاج نصائح في التشطيبات برجاء التواصل مع فريق عمل S&Z كل الي بتحلم بيه في بيتك 👌 هنقدر نحققه بأفضل جودة و أقل وقت و أقل تكلفة .
للتواصل من خلال رسائل الصفحة او بالإتصال على :
📞 : 01090318881 - 01119157908
‏📱 What's app : 01090318881

#تشطيبات
#عقارات

26/10/2024

أسرار الألوان المحايدة 👀
في البدايه، الألوان المحايدة من أنسب الدرجات اللونية داخل أي فراغ، ودا لأن العين بتتقبلها وترتاح معاها.
طيب ايه هيا الألوان المحايدة 🤔
١- اللون الأبيض.
٢- اللون الأسود.
٣- اللون الرمادي.
٤- أي لون بضيفه بنسبة ٥٪ علي اللون الأبيض.
واللون الحيادي معناه إن ملوش شخصيه في الفراغ، عشان كدا بيكون ممتاز كخلفية للألوان اللي ليها شخصية زي الأحمر - البرتقالي ... الخ.
باختصار لازم نستخدم في كل فراغ لون حيادي علي الأقل عشان يوزن الفراغ بتاعي، وتكون الألوان متناسقة.
-و لو في استفسارات او حد محتاج نصائح في التشطيبات برجاء التواصل مع فريق عمل S&Z كل الي بتحلم بيه في بيتك 👌 هنقدر نحققه بأفضل جودة و أقل وقت و أقل تكلفة .
للتواصل من خلال رسائل الصفحة او بالإتصال على :
📞 : 01090318881 - 01119157908
‏📱 What's app : 01090318881

#تشطيبات
#عقارات

25/10/2024

امته نمحر الحمامات و المطابخ؟؟
لما بنركب سيراميك حوائط مقاسه أكبر من 70 سم، لازم نمحر الحمام ونلزق السيراميك بمادة لزق (ستوكس يو) من شركة كيماويات البناء الحديثه CMB ودا لكذا سبب:
١- إن البلاطه بتكون تقيله وطويله ف الصنايعي لما يجي يحط عليها المونه مش هيقدر يتحكم فيها كويس، وممكن تتكسر منه، ف احنا عايزين ماده تكون خفيفه تتحط علي البلاطه عشان الصنايعي يقدر يظبطها صح في مكانها.
٢- مادة اللزق اقوي في التماسك من المونه.
٣- سرعة التركيب .. بمعني لو الصنايعي هيركب بلاطه زي دي بمونه هياخد وقت أطول مما لو ركبها بمادة لزق.
٤- غير كدا ان مادة اللزق بتمنع ظهور أي حشرات فيما بعد لان فيها ماده سامه بتقتل اي نوع من الحشرات، فمش هتلاقي بعد كدا في مطبخك نمله ماشيه ولا الكلام دا خالص 🙌
٥- كمان مادة اللزق فيها ماده بتقفل مسامات المحاره كويس جدا فبتعزل رطوبه معايا.
-و لو في استفسارات او حد محتاج نصائح في التشطيبات برجاء التواصل مع فريق عمل S&Z كل الي بتحلم بيه في بيتك 👌 هنقدر نحققه بأفضل جودة و أقل وقت و أقل تكلفة .
للتواصل من خلال رسائل الصفحة او بالإتصال على :
📞 : 01090318881 - 01119157908
‏📱 What's app : 01090318881

#تشطيبات
#عقارات

24/10/2024

وجود التكييف في شقتك بقى من الحاجات الأساسية، ودا لأن مصر جوها مبقاش حار جاف صيفا ولا معتدل ممطر شتاءا 🤚
عشان كدا في البوست دا هقولك عن أحسن مكان تقدر تركب فيه التكييف..
1. حاول قدر الإمكان متركبش التكييف فوق الشباك، عشان تقدر تركب ستاره عليه براحتك.
2. متحطش التكييف فوق التلفزيون، لأن وارد يحصل تسريب من التكييف عليه يبوظه.
3. خلي ارتفاع التكييف ميقلش عن 220 سم، وسيب للتكييف 10 سم بينه وبين السقف.
4. خلي في غرفة النوم التكييف فوق السرير أو جمبه، مش في وش اللي نايم.
5. خلي في الليفنج التكييف في الجمب مش في وش اللي قاعد ولا في ظهره.
6. لو الغرفة مستطيلة الأفضل يكون علي الجنب الطويل.
7. لو عندك أكتر من شباك في الأوضه الأفضل يكون التكييف في وش الحيطه مش في وش الشباك.
8. لو عندك 2 تكييف في مكان كبير الأحسن يكونوا جمب بعض مش في وش بعض.
✅ طبعا دي الحلول الأفضل لو مش هينفع تحط التكييف في الأماكن دي لأي سبب من الأسباب ممكن نتحكم في الريش وكله هيبقي زي الفل.
-و لو في استفسارات او حد محتاج نصائح في التشطيبات برجاء التواصل مع فريق عمل S&Z كل الي بتحلم بيه في بيتك 👌 هنقدر نحققه بأفضل جودة و أقل وقت و أقل تكلفة .
للتواصل من خلال رسائل الصفحة او بالإتصال على :
📞 : 01090318881 - 01119157908
‏📱 What's app : 01090318881

#تشطيبات
#عقارات

23/10/2024

الإضاءه الصفراء ولا الإضاءة البيضاء ؟!
يمكن السؤال دا من أهم الاسئله اللي ممكن تسألها لنفسك في مرحلة التشطيب، فتعالوا نعرف مع بعض في البوست دا ايه الفرق بينهم واستخدام كل إضاءه فيهم.
1- الإضاءة الصفراء: بتبين جمال المكان، وبتدي شياكه وفخامه للتابلوهات والاكسسوارات، وبتخلي المكان دافي ومريح، عشان كدا بنستخدمها في المنازل، والمطاعم، وغرف الفنادق.
- لما تيجي تشتريها هتلاقي مكتوب عليها : 3000 كلفن.
2- الإضاءة البيضاء: بتخليك تشوف الألوان علي حقيقتها، وبتخليك مصحصح وفايق، عشان كدا بنستخدمها في أماكن المذاكرة وفي قاعة المحاضرات والأماكن العامة.
- لما تيجي تشتريها هتلاقي مكتوب علي العلبة 4100 كلفن.
-و لو في استفسارات او حد محتاج نصائح في التشطيبات برجاء التواصل مع فريق عمل S&Z كل الي بتحلم بيه في بيتك 👌 هنقدر نحققه بأفضل جودة و أقل وقت و أقل تكلفة .
للتواصل من خلال رسائل الصفحة او بالإتصال على :
📞 : 01090318881 - 01119157908
‏📱 What's app : 01090318881

#تشطيبات
#عقارات

S&Z For Decoration and construction

01/11/2024

31/10/2024

30/10/2024

29/10/2024

28/10/2024

27/10/2024

26/10/2024

25/10/2024

24/10/2024

23/10/2024

Address

Website

Alerts

Shortcuts

Share

Category