اميره الحجاب

15/09/2026

يا جماعه #هو ليه المأزون بيغطي إيد العريس ووكيل العروسة بالمنديل وقت كتب الكتاب الحركة دي كلنا بنشوفها في كل الأفراح والمناسبات وبقت طقس أساسي مفيش كتب كتاب بيتم من غيره.. لدرجة إن المنديل نفسه بقى بيتفصل مخصوص وبيتطرز عليه أسامي العرسان. بس الغريب إن الحركة دي ملهاش أي علاقة بشروط عقد الزواج في الإسلام، والعقد بيصح تماماً من غيرها! يا ترى إيه السر ورا المنديل ده؟ وليه المأزونين بيصروا عليه من سنين طويلة لحد النهاردة؟ وليه مبيكتبوش الكتاب وإيديهم مكشوفة؟ وهل دى سنه ولا ايه
شاركونى في التعليقات: تفتكروا إيه السبب الحقيقي؟

14/09/2026

سؤال محتاج إجابة صريحة ومن غير لف ودوران: لما البنت المنقبة تتوصف بالاحتشام الكامل، وتتعرض برضه للتحرش.. ليه لسه في رجالة بتجيب العيب علي البنت وتبرر الراجل الشيخ هنا
بيقول العيب فى الكحل والنقاب وهو، إيه الحجة الجديدة اللي هتخترعوها للمنقبة
#التحرش #متابعه

13/09/2026

11/09/2026

سؤال لأصحاب الخبرة في التربية.. لو مكان الأب ده، هتتصرف بعقلك ولا بقلبك؟
تخيل كده.. تدخل البيت في يوم، وتكتشف إن بنتك -حتة من قلبك- بتحب واحد.. والواحد ده كمان بيحبها وميت فيها! 😮💔يا ترى أول رد فعل هييجي في بالك إيه؟ 🤔🔥 هتتحول لـ "سي السيد" وتقلب البيت دراما، والزعاق يجيب لآخر الشارع؟🤝 ولا هتاخدها في حضنك وتسمعها كصاحب، وتشوف الحكاية من أولها؟الموضوع مش سهل خالص، وعارفين إن أول حاجة بتضرب في دماغ أي أب أو أم هي "الخوف والقلق". بس فكر فيها دقيقة.. البنت في السن ده بتبقى محتاجة "أمان" مش "إرهاب" ⛔لو قفلت الباب في وشها، ممكن تفتح أبواب تانية كتير من وراك.. لكن لو فتحت لها قلبك، هتكون أنت حيطتها السد والناصح الأول والوحيد ليها في الدنيا.شاركونا في التعليقات بكل صراحة ومن غير مثالية: لو اتحطيتوا في الموقف ده، أول تصرف هتعملوه إيه؟ وهل هتدوروا على الشاب ده وتعرفوا هو مين، ولا هتقفلوا الموضوع من قِصره؟ 👇🗣️ #تربية #فضفضة

10/09/2026

كفاية جهل باسم الدين! وكفاية خراب بيوت وعقد نفسية تحت مسمى البر! ❌🔥في البوست اللي فات، كمية "العاطفة العمياء" والجهل بالشرع في التعليقات كانت مرعبة! كله داخل يعمل فيها بار بوالديه ويقولك: "أمي طبعاً والبنات كتير".. على أساس إن بنات الناس لعبة في إيدكم، أو إن البر معناه تظلموا بنات ملهمش ذنب وتكسروا قلوبهم لمجرد "مزاج" أو "تحكم"!الفيديو ده هيفوقكم من الوهم ده ويحط النقط فوق الحروف:👇اسمعوا وعوا كلام أكبر شيوخ وعلماء الأمة اللي طالعين في الفيديو، واللّي بيقولوا لكم في وشكم: (الأهل مالهمش أي حق شرعي يتدخلوا في اختيار الزوجة، وطاعة الأم في الموقف ده مش فرض اصلاً!)الدين مش بالعافية، والبر مش معناه إنك تكون "ابن أمك" ملغى الشخصية، تظلم إنسانة محترمة وشايف فيها بيتك ومستقبلك عشان والدتك حاطة شروط على مزاجها! الراجل اللي يعمل كده يبقى ضعيف شخصية وظالم، مش بار!اتفرجوا على الفيديو واعرفوا دينكم الصح اللي بيدي كل ذي حق حقه، وبلاش تداروا ضعف شخصيتكم وراء شعارات دينية مش في مكانها.بعد ما تسمعوا الشيوخ، عايز أشوف مين لسه عنده الجرأة يدافع عن الظلم والتحكم في التعليقات؟ ورونا هتقولوا إيه للشيوخ! 👇💥

08/09/2026

سؤالى للجميع
لو انت رايح تتقدم لوحده وانت بتحبها وعايز تجوزها وشايف فيها كل المواصفات اللى هاتريحك
وهى فعلا كويسه ......ولاكن .. مش جايه على مزاج الست الوالده ورفضها تماما وخيرتك وقالت يا .أنا.يا هى
في الحالة دي هتعمل إيه؟ وهتختار مين؟ (أمك) اللي تعبت وربت؟ ولا (البنت) اللي شفت فيها شريكة حياتك ومستقبلك
عايزه الكل يشارك ويقول رأيه بصراحة ومن غير زعل.. القلب ولا البر
يلا نشوف رايكم ايه فى التعلقات

08/09/2026

اأنا لا اقبل أكون خيار بديل، ولا اقبل أكون خانة تانية في حياة حد. أنا يا إما أكون البداية والنهاية، يا إما بلاش من الأساس

07/09/2026

الراجل اللى عيونه زايغة .. الراجل لو عايز يخون هيخون عادى حتى لو جوزتوه أربعة
ومش هيفرق معاه مراته موزة ولا عادية مقضياها دلع ولا مطحونة في البيت مع الولاد. الخيانة مش نقص في الزوجة.. الخيانة رخص في طبع الراجل.
والمشكلة الأكبر إن أغلبهم لما بيغلط أول حاجة بيعملها إنه يتهم المرأة ويحدف اللوم عليها
يقولك: 🤨"أصلها مقصرة، أصلها مبقتش تهتم بيا أصلها نكدية".. شماعات جاهزة لتبرير الوساخة.
الست ممكن يكون فيها ألف عيب، بس مفيش عيب في الكون يبرر الخيانة. اللي مش عاجباه عيشته الباب يفوت جمل، إنما الخيانة دي شغل ندالة.
خيانته ليكي مش شهادة رسوب في حقك كـ ست.. دي ورقة كشف عورة لأخلاقه وأصله
شاركوني في الكومنتات: هل بتعتبروا نظرة الراجل لست تانية برة البيت بتكون بداية الخيانة ولا ده عادي عندكم؟
#العلاقات #اكسبلور

06/09/2026

البنت في حياة أمها مش مجرد خلفة.. دي هي "صاحبة عمرها" وحتة من قلبها.
الولد بيكبر وبياخده الشغل وتفاصيل حياته وبيته وده طبيعي ومش عيب.. بس البنت بتفضل طول عمرها، حتى وهي متجوزة وفي بيتها، عينها وقلبها على أمها.البنت هي اللي بتحس بـ "آه" أمها من نبرة صوتها في التليفون، وهي اللي بتجري عليها تفتح لها دولابها وترتب لها سريرها وتعمل لها كوباية الشاي اللي بتعدل دماغها. البنت هي اللي بتشيل هم زعل أمها وتدلعها وتطبطب عليها لما الدنيا تيجي عليها.الولاد عزوة وسند وربنا يحميهم، بس حنية البنت على أمها دي "حاجة تانية خالص".. رزق وبركة ومابتخلصش.ربنا يحفظ كل البنات ويبارك في حنيتهم، ويخلي كل أم لبناتها يارب.

06/09/2026

مساء الخير عليكم جميعاً.. حبيت أشاركم حيرتي وسؤالي اللي محيرني ومحير نص مصر اليومين دول هو إحنا بنشحن باقة النت الأرضي والمحمول من مرتين لـ 3 مرات في الشهر، وبرضه بنلف في الآخر على كروت الشحن الفكة اللي بالساعات عشان نكمل اليوم 🤷العالم كله بيتكلم عن شبكات الـ 5G والسرعات الفائقة وإحنا هنا لسه بنتحايل على الراوتر يفتح فيديو واحد عدل والجيجات بتتبخر في الهوا قبل نص الشهر إحنا بندفع تمن الباقة كأنها "إيجار قديم" للراوتر مش أكتر عشان ينور في الصالة.قولولي بقى وبكل صراحة.. مين فيكم باقته بتكمل لآخر الشهر؟ ومين اللي عايش زيي على كروت الشحن واللسعات الفكة🙋
اعملوا شير وخلو الصوت يوصل.. يمكن حد يحن علينا ويرحم جيجاتنا الغلبانة وورونا كام واحد باقته بتخلص في أول أسبوعين!