One touch

One touch Contact information, map and directions, contact form, opening hours, services, ratings, photos, videos and announcements from One touch, Home decor, Minya.

21/05/2025

الكونسول والمرايا فى مدخل الباب أو الطرقة لازم يكون فيه نوع من الإبداع والتنسيق مع ستايل ونمط الديكور علشان يحقق التناغم و الراحة البصرية

✅ 50 حاجة متعملهاش وانت بتشطب شقتك ✋1. بلاش تعمل سيراميك في السقف.2. بلاش تشتغل بند النقاشة قبل بند السيراميك.3. بلاش تش...
28/04/2023

✅ 50 حاجة متعملهاش وانت بتشطب شقتك ✋

1. بلاش تعمل سيراميك في السقف.
2. بلاش تشتغل بند النقاشة قبل بند السيراميك.
3. بلاش تشتغل من غير ما تعمل تصميم لشقتك.
4. بلاش تضيق مساحة المطبخ لأنه أهم مكان في الشقة.
5. بلاش تجيب نيش، إعمل كوفي كورنر أحسن.
6. بلاش تختار سيراميك مقاساته كبيرة، لو حابب توفر.
7. بلاش تركب البورسلين بمونة زي السيراميك.
8. بلاش تجيب ل مبيض المحارة جبس.
9. بلاش تسمع كلام السباك، ومتعملش عزل في الحمام.
10. بلاش تعتمد على الشفاط اللي فوق البوتاجاز بس.

11. بلاش تشتغل تأسيس كهرباء بسلك غير معتمد.
12. بلاش تعمل رسومات كتير في السقف بالجيبسوم بورد.
13. بلاش تخلي الصنايعي يسقي السيراميك بأسمنت أبيض.
14. بلاش تعمل قاعدة الحمام دفن، لو حابب توفر.
15. بلاش تجيب بورسلين للأرضيات لو حابب توفر.
16. بلاش تعمل جيبسوم بورد في السقف لو مش محتاجه.
17. بلاش تعمل دهانات ديكوية زي القطيفة والبيرل، لأنها هتزود عليك التكلفة في الخامات والمصنعيات.
18. بلاش توزع الإضاءه بشكل عشوائي، اعمل دراسة صح للموضع دا، لأنه مهم جدا.
19. بلاش تبعد الوحدة الداخلية للتكييف عن الوحدة الخارجية، لأنك كدا هتحتاج تعمل تأسيس فريون.
20. بلاش تستعجل، وخطط لكل بند كويس جدا قبل ما تبدأ فيه.

21. بلاش تعمل حمام ضيوف لو شقتك ضيقة ووسع على نفسك كدا، مفيش ضيوف ولا حاجه.
22. بلاش تجيب دهانات لامعه أو مط الربع لامعة أشيك كتير.
23. بلاش تشتري سيراميك فرز أول ورا وحدات المطبخ كدا كدا هيتدارى، هات سيراميك فرز تاني أو ثالت.
24. بلاش تخلي الصنايعية يخمروا مونه جمب الحوائط ابداَ.
25. بلاش تتفق مع صنايعي أو مهندس قبل ما تشوف شغله الأول.
26.بلاش تنفذ حاجه شوفتها على النت كما هي، اعمل تصميم وشوف المساحة والنسب عندك الأول.
27. بلاش تعمل أباليك على الحوائط لو المحارة عندك مش مظبوطة، عشان هتبيبن عيوبها.
28. بلاش تنسي تعمل كشافات الطوارئ، عشان لما النور يقطع.
29. بلاش تجيب حاجه مش هتستخدمها.
30. بلاش تضيق باب المطبخ، وسعه على أد ما تقدر.

31. بلاش تكتر من ورق الحائط الـ 3D.
32. بلاش رخامة في المطبخ خليها جرانيت أفضل.
33. بلاش تعمل بلاعة في المطبخ.
34. بلاش تستخدم الاضاءة الصفراء في مكان مذاكره.
35. بلاش تدهن الأبواب لاكيه لو عايز تبين ثمرة الخشب.
36. بلاش تختار الألوان الغامقة لو مساحة شقتك صغيرة.
37. بلاش تشتري أثاث حجمه كبير لو شقتك مساحتها صغيرة.
38. بلاش تحط البوتاجاز والثلاجة والحوض على ضلع واحد في المطبخ واعمل مثلث حركه بينهم.
39. بلاش تعمل مطبخ امريكاني لو هتعمل ستايل كلاسيك.
40. بلاش تخلي خرطوم التكييف ينقط على الجيران، واعمل شبكة صرف داخلي للتكييفات.

41. بلاش تجيب بورسلين لو مش هتركبه صح.
42. بلاش تنسى تعمل مفتاح ديفياتير في الطرقة وجمب السرير.
43. بلاش تستخدم في الحمام ألوان زاهية، خليك في الالوان الهادية وتكون متناسقة مع بعضها.
44. بلاش تركب التكييف فوق الشباك، عشان تقدر تركب عليه ستارة براحتك .
45. بلاش تعمل شباك مفصلي لو مساحة شقتك صغيرة، اعمله جرار أفضل عشان يوفر مساحة.
46. بلاش تسترخص في جودة خامات التأسيس.
47. بلاش تنسى تأسس تكييفات لكل الغرف حتى لو مش هتركب التكييف دلوقتي.
48. بلاش تسترخص فى لوحة الكهرباء الرئيسية للشقة عشان مهمة جدا.
49. بلاش ابوس ايدك سيراميك في سقف المطبخ والحمامات.
50. بلاش تعمل زي الناس انت حر.

معلومة مهمة فى الديكور والتصميم الدلخلى والتشطيبات ..فى بند السيراميك......🔻ازاى تفرق بين سيراميك فرزا ول وسيراميك فرزثا...
06/09/2022

معلومة مهمة فى الديكور والتصميم الدلخلى والتشطيبات ..

فى بند السيراميك......

🔻ازاى تفرق بين سيراميك فرزا ول وسيراميك فرزثاني ؟
ركز كده معايا يا هندسة وانت ببساطة تقدر تفرق بينهم بعد كده بسهولة :
- افتح الكرتونة وافرد البلاط اللى فيها جمب بعضه لو لقيت اختلاف فى تون البلاطة ( درجة اللون ) حتي لو حاجات بسيطة يبقي بتتكلم في فرز تاني او اقل .
- حط بلاطة فوق بلاطة ولف اللى فوق لو لفت معاك يبقي فرز ثاني لانها هتلف عشان مقوسة مش مستوية ولو ملفتش يبقي فرز اول وتقدر برده تلمح التقويسة فى البلاطة بعينك لو مسكتها وبصيت عليها من تحت .
- حط اربع بلاطات جمب بعض ولاحظ الاختلاف بينهم فى الطول والعرض حتي لو فيه فرق بسيط يبقي برده فرز تاني او اقل .
- لو اطراف البلاطة مش محرفة ( فيها تعريجة ) يبقي فرز اول لو فيها يبقي فرز تاني او اقل .
- الفرز الاول مفيهوش اى تنميل الفرز التاني فيه تنميل بسيط فى البلاطة ( شروخ بسيطة جدا ) .
كام معلومة على السريع :
- المطبخ ميفرقش لو ركب فرز تاني لان الالوميتال بيغطي معظمه فحتي لو فيه اى ديفوهات بسيطة مش هتبان .
- احيانا الفرز التاني او التالت فى بعض الشركات الغالية بتكون انضف بكتير من فرز اول شعبي
استلام اعمال السيراميك :
=============
لما اجي استلم حائط ,تقف في اول الحائط وتبص بعينك علي شكل اللحام هل ماشي خط مستقيم ولا بيطلع وينزل بنسميها في الموقع مسننه او مسلمه (عامله زي السلم),
لكن ممكن صنايعي يقولك البلاطه اصلا مش مظبوطه ................... حل البلاطه المش مظبوطه(فرز تعبان فرز قليل تالت ولا تاني) انا بفتح اللحام شويه بحيث اقدر اتحكم في البلاطه ويكون فيه مرونه نسبيه ,,
نفس الشئ نقط التقاء الاربع بلاطات(الصليبه)تكون مستويه

شويه نصايح حتنفعك في تشطيب الحمام والمطبخ ● الشياكه في البساطة لو عاوز حمام فندقي يبقي لازم تجيب:◦ قاعده معلقة◦ وحده حو...
28/08/2022

شويه نصايح حتنفعك في تشطيب الحمام والمطبخ
● الشياكه في البساطة لو عاوز حمام فندقي يبقي لازم تجيب:
◦ قاعده معلقة
◦ وحده حوض
◦ باب الحمام يكون خشب
● ممكن تدخل كذا لون في الحوائط المهم التناسق والتوزيع المناسب
اعمل تصميم 3D علشان تشوف الحمام قبل التنفيذ...
● مواسير التغذيه والصرف هات
اكوا ثيرم أو بي ار أو الشريف
وهات الشركه تكبس علشان نطمئن
بس لو ضامن السباك وعندو ماكينه كبس
هو يبقى أفضل
● لو هتركب سيراميك أبيض بلاش تركبه بمونة سوداء عشان في أنواع بتتشرب اللون وبتغير لونها
● متركبش الأرضيات سيراميك مط علشان حيتعب المدام ومبيبنش فيه نضافة
● لو حتركب سيراميك بلاطات كبيرة
أو مقاسات صغيرة جدا
لازم تمحر الحوائط الاول
● لو معاك فلوس كتير متعملش بورسلين في حوائط للحمام
ركب رخام حتي لو جانب واحد
● لو مش حتركب چاكوزي اعمل شاور رووم، البانيو العادي مالوش لازمه غير في غسيل السجاد
● كابينة شاور الحمام الزجاج السيكيوريت أشيك من الأكريليك
● مراية الحمام لازم تكون حاجه شيك جدا علشان دي اللي حتنور...
● السخانات الفورية هي أفضل وآآمن أنواع السخانات ومش بتستهلك كهرباء كتير زي ماهو شائع عنها، بشرط يكون ماركة محترمة ويتم تأسيس الكهرباء ليها وفقاً لمواصفات الشركة المنتجة...
● لو عندك ڤيلا ركب سخان شمسي أو غلايه غاز أفضل بكثير...
● أركان الحمامات وحول الأجهزة الصحية والتقفيل حول البانيو استخدم فيهم مادة مليء فواصل جاهزة أفضل 1000 مرة من الأسمنت الأبيض أو السليكون
● بالنسبه الخزانات الدفن منتجات جروهي مش احسن حاجه في الدنيا في حاجات كتير تانيه كويسه....
منهم جيبريت او روكا
● لو هتعمل تعديلات وتهد حوائط بلاش بالمرزبة عشان الحوائط هتنمل، النحات يستخدم هيلتي التكسير أو المطرقة
● لو هتكمل على حيطة مبنية قبل كدة، هد الحيطة كلها وابنيها مرة أو اربط الحيطتين بكانات حديد
● اعمل إضاءة أسفل وحدات المطبخ العلوية
● لو حتعملي دواليب كتير في المطبخ متركبهوش سيراميك
اعمل الجزء اللي باين مبين الوحدات العلوية و السفلية جرانيت زي باقي المطبخ
● القاعدة المعلقة هتستحمل ومش هتقع ماتخافش (بتشيل لحد وزن 400 كجم)
● السيفون المدفون بيتعمله صيانة عادي على فكرة
ومش أفضل حاجه جروهي
في ايديال ستاندرد
وجيبريت و سمارت
● ركب أرضيات واستنى من أسبوعين لـ 3 أسابيع قبل ماتبدأ معجون حوائط
● البورسلين مابيركبش بمونة.. البورسلين مابيركبش بمونة
اوعى تركب بورسلين بدون فواصل 2 مم على الأقل
● علشان تركب بورسلين في الأرضية
لازم الصنايعي يدرع الأرضية الأول
وبعد كده يركب بمادة لاصقة
● اللي نعرفه أحسن من اللي مانعرفوش ده لما تيجي ترتبط حضرتك إنما في التشطيب ممكن يبقى اللي ماتعرفوش أحسن من اللي تعرفه
● وسع باب المطبخ على قد ما تقدر
● ممكن تلزق سيراميك جديد على سيراميك قديم عادي ومش هيفك
● أي رخام بيتنضف بمية فقط بدون أي صابون أو مواد كيماوية
● صور مسارات السباكة والكهرباء عشان لو حبيت تخرم في الحوائط بعد كدة
● لو مضطر تدفع عربون لحد ماتعرفوش خد صورة بطاقته ومضيه على إيصال دي ماتزعلش إلا لو هو ناوي ينصب عليك
● اختار الأجهزة الكهربائية قبل ما تفصل المطبخ عشان المقاسات تظبط
● في شفاطات صغيرة قطرها 10 سم بس وقدرة شفطها عالية وما بتعملش أي صوت، لو فلوسك تسمح هاتها
● الشفاط ممكن تركبه في السقف لو عامل سقف ساقط
● كبر شباك المطبخ صغر شباك الحمام
● اعمل بريزة فوق حوض الحمام
● ارضيه الشاور روم لازم تتعمل رخام أو ازمالدو وبيركب بميول كويسه علشان ميركنش مياه
● مش كل حاجة تشوفها على النت لما تنفذها هتعجبك زي الشرا أونلاين بالظبط
● اللي يقولك عزل الحمام مالوش لازمة قوله شكراً للنصيحة
بعد ماتقوله شكراً اعزل الحمام برضه
● لما تعزل الحمام اعزل 30 سم على الأقل من أسفل الحوائط
● ماتخليش الصنايعية يخمروا المونة جنب الحوائط أبدا
متنساش اهم حاجه في البيت
الحمام والمطبخ....
بالنسبه لأسعار المصنعيات تختلف من صنايعي للتاني المهم تجيب حد خبرة وثقة حتي لو سعره غالي شويه علشان متخسرش كتير ولو مش واثق فيه متشغلهوش !

تأثير دهانات الحائط على الفراغ
25/08/2022

تأثير دهانات الحائط على الفراغ

البلكونة مش علشان ننشر فيها الغسيل لاء البلكونة لازم تبقى منتزه الشقه و مكان الراحة والاستجمام فالبيت ولازم تكون بدبل ال...
17/08/2022

البلكونة مش علشان ننشر فيها الغسيل لاء البلكونة لازم تبقى منتزه الشقه و مكان الراحة والاستجمام فالبيت ولازم تكون بدبل الحديقه المنزلية فالشقق

27/07/2022

معلومات مهمة فى الديكور والتصميم الداخلى ...

عند التنفيذ يجب مراعاة الاتى فى بند : الاعمال الصحية والسىاكة
🔸️ارتفاع حوض الحمام عن منسوب بلاط الارضيات ٨٠ سم
🔸️ارتفاع حوض المطبخ عن منسوب بلاط الارضيات ٩٠سم
🔸️ارتفاع البانيو عن منسوب بلاط الارضيات من ٤٥ إلى ٥٠ سم 🔸ارتفاع تغذية البانيو عن منسوب التشطيب 65 سم
🔸️ارتفاع الخلاط عن الحوض او البانيو ٢٠ سم
🔸 ارتفاع الخلاط الدفن في الشاور رووم 110سم
🔸وارتفاع الهد 210سم من مستوي التشطيب
🔸️ارتفاع تغذية و صرف الحوض عن منسوب بلاط الارضيات ٥٠ سم
🔸️ارتفاع تغذية حوض القدم عن منسوب بلاط الارضيات 0.9 م
🔸️ارتفاع تغذية الدش بدون حوض قدم عن منسوب بلاط الارضيات 0.5 م
🔸️ارتفاع صرف قاعدة الحمام عن منسوب بلاط الارضيات ١٠ سم
🔸️ارتفاع تغذية قاعدة الحمام عن منسوب بلاط الارضيات 25 سم و يبعد عن صرف القاعده 40 سم
🔸️ارتفاع تغذية الشطافه عن منسوب بلاط الارضيات ٥٠ سم
🔸ارتفاع تغذية وصرف غسالة الملابس عن منسوب التشطيب 50 سم
🔸 ارتفاع مسامير القاعده المعلقه 32سم
🔸️المسافه بين مواسير السخن و البارد ١٥ سم
🔸️ارتفاع سخان الغاز عن منسوب بلاط الارضيات ١.٤٠ م
🔸️ارتفاع تغذية سخان الغاز عن منسوب بلاط الارضيا١.٢٠ م
🔸️ارتفاع سخان الكهرباء عن منسوب بلاط الارضيات ١.٨٠ م
🔸️ارتفاع تغذية سخان الكهرباء عن منسوب بلاط الارضيات 1.4 م
🔸️ارتفاع صرف المباول عن منسوب بلاط الارضيات ٥٠ سم
🔸️ارتفاع تغذية المباول عن منسوب بلاط الارضيات ١.٢٠ م
🔸️قطر مخرج البيبه 2 بوصه و قطر مداخلها الثلاثه 1.5 بوصه
🔸️قطر عمود العمل ٤ بوصه
🔸️قطر عمود الصرف ٤ بوصه
🔸️قطر عمود التهويه ٢ بوصه
🔸️اتصال خطوط الصرف تكون بزاويه ٤٥ وليس ٩٠

👈👈ملحوظة هامة .. كل المقاسات اللي فاتت من
مستوي التشطيب

🔷️مواسير التغذية بتتكبس علي ١٥ ببار او ٢٠بار و بتجيب الشركه المنتجه تكبس
🔷️بالنسبة للصرف تتأكد من ميول المواسير في الاتجاه الي البيبةاو المخارج الرئيسية
🔷️وخلي بالك صرف الغسالة ميرميش في البيبة ولا صرف حوض المطبخ يرمى على البيبة المطبخ علشان الريحه

27/07/2022

معلومات مهمة فى الديكور والتصميم الداخلى ...

عند التنفيذ يجب مراعاة الاتى فى بند : الاعمال الكهربائيه

🔸️ارتفاع المفاتيح عن منسوب بلاط الارضيات لا يزيد عن ١.٢٠ م
🔸️ارتفاع البرايز عن منسوب بلاط الارضيات لا يزيد عن ٥٠ م
🔸️ارتفاع برايز المطبخ عن منسوب بلاط الارضيات ١.٢٠ م
🔸️ارتفاع الاباليك الحائطية عن منسوب بلاط الارضيات ١.٨٠ م
🔸️ارتفاع لوحة التوزيع الشقة عن منسوب بلاط الارضيات ١.٨٠ م
🔸️ارتفاع الجرس عن منسوب بلاط الارضيات 2.25 م
🔸️قطر خراطيم كهرباء السقف ١٦ او ٢٣ مم
🔸️قطر مواسير كهرباء داخلى ١٦ مم
🔸️قطر مواسير التكييف و الغسالة الفول اوتوماتيك 25 مم
🔸️قطر مواسير الصاعد ١.٥ بوصه و عددها حسب التصميم
🔸️قطر سلك الصاعد يبدأ من ٣٥ مم
🔸️قطر سلك التكييف و الغساله الفول اوتوماتيك ٤او ٦ مم
🔸️قطر سلك السخان ٣ مم
🔸️قطر سلك الاناره ٢ مم
🔸️قطر سلك البرايز ٣ مم
🔸️قطر سلك برايز القوى للماكينات ٣ او ٤ مم
🔸️مفتاح 1 فاز للاناره
🔸️مفتاح 2 فاز للتكييف و الغساله الفول اوتوماتيك و الموتور و السخان
🔸️مفتاح 3 فاز للماكينات
🔸️خط لكل تكييف
🔸️خط لكل سخان
🔸️خط للغساله الفول اوتوماتيك
🔸️دائره للنت
🔸️دائره للتليفون
🔸️دائره للستالايت
🔸️دائره للانتركوم
👈تم استبدال بواطات الحائط ببواطات السقف ( التجميع و التوزيع )

27/07/2022

أهمية التصميم الداخلي في حياتنا اليومية

Address

Minya

Telephone

+201028723577

Website

Alerts

Be the first to know and let us send you an email when One touch posts news and promotions. Your email address will not be used for any other purpose, and you can unsubscribe at any time.

Shortcuts

Share

Category