27/03/2026
صباح الخير .. معلش ده بوست دمه تقيل بس مضطره اكتبه
الفترة اللي فاتت كذا حد سأل ليه مش بنكتب الاسعار في البوست و نريح الناس و وصلت ان في ناس تطاولت بالألفاظ و حرفيا شتمتنا ..
ف دول اتعمل لهم بلوك من على الصفحة .. بس حأوضح للمحترمين اللي سألونا ب ذوق
أولا .. لما كنت باكتب الاسعار في البوستات ( و ده اسهل ليا و ليكم ) ماكانش بيبقى في تفاعل على الصفحة و لا تعليقات لان غالبا اللي بيعلق بيكون سؤاله عن الاسعار ف الصفحة مابقيتش توصل لحد و لا بقى فيها حياة يا دوب رسايل الناس اللي بتطلب و ده مش بيعمل تفاعل للصفحة نفسها
ثانيا .. لما كنت باكتب الاسعار و التفاصيل في البوستات كنت بالاقي ان الرسايل بتسألني عن الاسعار و التفاصيل 🤔 اللي فعلا مكتوبة .. طيب ايه لزومها بقى ؟! ما انا كده كده بأعيد عالخاص نفس المكتوب و كمان ماحدش بيعلق ف من هنا بطلنا كتابة الاسعار .. و اللي مهتم بيسأل و اللي مهتم بيبعت اما اللي بيفقدوا الشغف ف دول اللي بيتسلوا بس لكن مش جديين في سؤالهم ف يفقدوه براحتهم ..
معلش طولت عليكم بس حبيت اوضح الموضوع للناس المحترمة اللي يهمني أمرهم
