15/03/2026
لو بتحتارو في اختيار لون الإضاءة المناسبة يبقى لازم تقرأو البوست ده
لازم تعرفو ان الألوان المتاحة الأبيض cool white و الأصفر warm white و الضوء الطبيعي natural white .
أولا / اللون الأبيض المعروف بـ Cool White :
تعرفواه ازاي هتلاقو مكتوب على أي وحدة اضاءة 6000k لـ 6500k "
واللون ده بيناسب لكل ما هو مرتبط بالأعمال المكتبية زي " المباني الإدارية , مكاتب العمل " ولكل ما هو محتاج درجة وضوح عالية زي معارض السيارات والسيراميك والأجهزة
من عيوب اللون الأبيض انه مبيضفش أي تأثير للفخامة أو هدوء للمكان علشان كده مبننصحش باستخدامه ابدا في أي عرض مرتبط بديكور غني بالأعمال الفنية .
وهنا هننتقل للون الثاني .
اللون الأصفر المعروف بـ Warm White :
تعرفواه ازاي هتلاقو مكتوب على وحدة الإضاءة 2700k لـ 3300k "
من الألوان الغنية جدا في الإضاءة اللي بتضيف جو من الفخامة وبتظهر تفاصيل الأعمال الديكور الغنية بالأعمال الفنية واليدوية .
يستخدم غالبا في غرف النوم و المعيشة والصالونات ومناطق الاستقبال الفخمة و صالات العرض .
ومن أبرز مميزاته انه بيضيف راحة للعين وهدوء للمكان " بيسبب الاسترخاء " . وده بيخليه لون غير مناسب اطلاقا لغرف المكاتب أو غرف الدراسة .
اللون الثالث هنا المعروف بـ natural white
ده لون محايد بين الcool white و warm white اقرب جدا لضوء الشمس بنسميه daylight
بنعرفه لما نلاقي مكتوب 4000k لـ 5000k
أهم ميزة أنه بيظهر الألوان بشكل طبيعي زي ما هو في الحقيقة بالظبط وبيستخدم في جميع الأماكن و بالأخص في أماكن العرض اللي بتتطلب درجة وضوح فاصلة في اللون .
يفضل استخدامه في غرف الدراسة لأنه مريح للعين ومبيسببش اجهاد وقت القراءة أو المذاكرة , بس مبيناسبش نهائي الأعمال الديكورية .
📞 للتواصل: 01026158635
#ديكور #إضاءة
