Kate's Gastro Page

20/05/2026

პატარა ტარტები
მოხარშული კრემით და მარწყვით

ფხვიერი ბაზისთვის:
კვერცხის გულები -4 ცალი (0კატეგორია)
კარაქი- 170გრ.
შაქარი- 100გრ.
ვანილი- 1შეკვრა
არაჟანი- 1სავსე ს.კ.
მწიკვი მარილი
გამაფხვიერებელი- 10გრ.
ფქვილი- 380გრ. (დაახლოებით)

ფქვილს დავამატოთ გამაფხვიერებელი, მარილი, ვანილი და გავაფხვიეროთ კარაქით.
ცალკე ჭურჭელში გავთქვიფოთ შაქარი და კვერცხი, დავამატოთ არაჟანიც.
ფქვილიან მასაში გავაკეთოთ ჩაღრმავება, გადავიტანოთ კვერცხიანი მასა და მოვზილოთ რბილი ცომი. დიდხანს ნუ მოზელთ, როგორც კი შეიკვრება, გადაახვიეთ ცელოფანში და მოათავსეთ მაცივარში 1 საათით ან საყინულეში 30წუთით.
დასვენებული ცომი დავყოთ ბურთებად და ჩავაკრათ ფორმებში.
ვაცხობთ 190 გრადუსზე, გახურებულ ღუმელში შეოქროსფერებამდე. ღუმელში მოთავსებამდე ცომი დაჩხვლიტეთ.

კრემის რეცეპტი:

ჰაეროვანი, მოხარშული კ რ ე მ ი

ინგრედიენტები:
კვერცხის გული 2 ცალი (0კატეგორია)
შაქარი- 280გრ.
გაცრილი უ/ხ ფქვილი ზუსტად 150გრ.
ვანილი- 1 შეკვრა ან ვანილის პასტა- 1სავსე ჩ.კ.
რძე- 1ლიტრი
კარაქი- 250გრ.

მომზადება

რძე ჩავასხათ ქვაბში და შევაცხელოთ. მასში გავხსნათ 200გრამი შაქარი.
დარჩენილი შაქრით, კვერცხის გულებით და ვანილით გავაკეთოთ ფუმფულა გოგლი-მოგლი. დავამატოთ ცოტა შემთბარი რძე და ფქვილი, მასა ძალიან კარგად გავხსნათ ხელის სათქვეფელით. შემდეგ წვრილი ნაკადით დავამატოთ რძის დარჩენილ ნაწილს, მოვურიოთ კარგად, ერთიანი მასის მიღებამდე და შემოვდგათ ნელ ცეცხლზე მოსახარშად.
მუდმივი მორევით მიგვყავს ადუღებამდე, პირველი ბუშტების გამოჩენისთანავე გამოვრთოთ და ცხელშივე ჩავადნოთ 50გრ. კარაქი.
ცხელი მასა გადავიტანოთ სხვა ჭურჭელში, თავზე გადავაკრათ გრინი კრემთან კონტაქტში და გავაციოთ ბოლომდე.
ცალკე ჭურჭელში, დაახლოებით 10წუთის განმავლობაში , გათეთრებამდე გავთქვიფოთ 200გრ კარაქი. მოხარშული კრემიც, რამდენიმე წამის განმავლობაში გავთქვიფოთ მიქსერით და შემდეგ თითო კოვზობით, აუჩქარებლად შევურიოთ კარაქს.(რა თქმა უნდა მიქსერის დახმარებით)
ჰაეროვანი და უგემრიელესი, პრიალა კრემიც მზადაა!

გააფორმეთ მარწყვით

19/05/2026

ფხვიერი კალათები

კვერცხის გულები -4 ცალი (0კატეგორია)
კარაქი- 170გრ.
შაქარი- 100გრ.
ვანილი- 1შეკვრა
არაჟანი- 1სავსე ს.კ.
მწიკვი მარილი
გამაფხვიერებელი- 10გრ.
ფქვილი- 380გრ. (დაახლოებით)

ფქვილს დავამატოთ გამაფხვიერებელი, მარილი, ვანილი და გავაფხვიეროთ კარაქით.
ცალკე ჭურჭელში გავთქვიფოთ შაქარი და კვერცხი, დავამატოთ არაჟანიც.
ფქვილიან მასაში გავაკეთოთ ჩაღრმავება, გადავიტანოთ კვერცხიანი მასა და მოვზილოთ რბილი ცომი. დიდხანს ნუ მოზელთ, როგორც კი შეიკვრება, გადაახვიეთ ცელოფანში და მოათავსეთ მაცივარში 1 საათით ან საყინულეში 30წუთით.
დასვენებული ცომი დავყოთ ბურთებად და ჩავაკრათ ფორმებში.
ვაცხობთ 190 გრადუსზე, გახურებულ ღუმელში შეოქროსფერებამდე. ღუმელში მოთავსებამდე ცომი დაჩხვლიტეთ.
რაოდენობა დამოკიდებულია ფორმის სიდიდეზე.

18/05/2026

#მარწყვისსეზონი

პავლოვა
ნაღების და კრემ-ყველის უნაზესი კრემით
#ანაპავლოვა
#მარწყვისპავლოვა

პავლოვა, ჩემი ერთ-ერთი უსაყვარლესი დესერტია. დღეს გავიფიქრე, რამდენი ხანია არ გამომიცხვია-მეთქი
და შევუდექი მზადებას😋😊

ბეზეს კალათებისთვის
ცილა- 160გრ.
შაქარი- 240გრ.
ლიმონის წვენი- 1ს.კ.
ვანილი- 1შეკვრა

ცეცხლგამძლე, სუფთა და მშრალ ჭურჭელში მოვათავსოთ ცილა და შაქარი, დავდგათ ორთქლის აბაზანაზე და ვურიოთ შაქრის სრულ გადნობამდე. დრო და დრო მოხრილი საჩვენებელი თითით ვამოწმებთ ტემპერატურას. როცა ისე გაცხელდება რომ, მასაში ვერცერთი წამით ვერ გავაჩერებთ თითს, გადმოგვაქვს ორთქლიდან და ვიწყებთ მიქსერით თქვეფას. უნდა მივიღოთ ფუმფულა, მყარი ბეზე.
ბეზე თქვეფაშივე უნდა გაგრილდეს სრულად. ბოლოს დავამატე ლიმონის წვენი და რამდენიმე წამი კიდევ მოვატარე მიქსერი.
ვაცხობთ 100 გრადუსზე, გახურებულ ღუმელში დაახლოებით 2,5საათი, დახურული ღუმელის კარით. პირველი 1საათი ზედა- ქვედა წვით, შემდეგ კი მხოლოდ ქვედა წვით.
ამ დროის გასვლის შემდეგ, გამოვრთე ღუმელი, სულ ოდნავ შევაღე კარი და ღუმელშივე გავაციე ბეზეები.

კრემი

მაღალპროცენტიანი ნაღები-300მლ.
კრემ-ყველი 200გრ.
შაქრის ფხვნილი- 1სავსე ს.კ.

ნაღები და კრემყველი უნდა იყოს ძალ8ან ცივი. მოვათავსოთ ჭურჭელში, დავამატოთ შაქრის ფხვნილი და გავთქვიფოთ მიქსერით კრემოვანი ფუმფულა მასის მიღებამდე.
დავკრემოთ სურვილისამებრ და გავაფორმოთ მარწყვით.

(აქვე დავამატებ რომ, მე ბეზეს ცოტა ყავაც დავამატე და ძალიან მოუხდა)

12/05/2026

ნიგვზიან-ქიშმიშიანი
ფახლავა

(ინგრედიენტების ამ რაოდენობით გამოდის, გაზქურის სტანდარტული გამოსაცხობი სინის ზომის ნამცხვარი)

ინგრედიენტები:

კვერცხი- 3ცალი (0კატეგორია)
მაღალპროცენტიანი არაჟანი-300გრ.
კარაქი- 300გრ.
მარილი- 1/2ჩ.კ
გამაფხვიერებელი- 18გრ.
ფქვილი- 800გრ.

გულსართი
ნიგოზი- 350გრ.
5კვერცხის ცილა (0კატეგორია)
შაქარი- 300გრ.

ზედაპირზე გადასასმელად
კვერცხის გული- 2ცალი
რძე- 1ს.კ.

სიროფი
თაფლი- 3ს.კ. (სავსე)
შაქარი- 30გრ.
წყალი- 80მლ.

ცომის მომზადება
ფქვილს დავამატოთ მარილი და გამაფხვიერებელი. დავამატოთ რბილი კარაქი და ავაფხვიეროთ. შუაგულში გავუკეთოთ ჩაღრმავება ჩავასხათ კაიმაღი/ არაჟანი და კვერცხი. მოვზილოთ ცომი.
გავყოთ 3 ნაწილად, თითოეული გადავახვიოთ ცელოფანში და მოვათავსოთ მაცივარში, მინიმუმ 2 საათით.
ცომის თითოეული ნაწილი გავაბრტყელოთ, გამოსახცობი ფორმის ზომის მიხედვით. შუა ფენას ვაცხობთ წინასწარ, ფქვილმოფრქვეულ ფორმაზე გადაიტანეთ გაბრტყელებული ფენა დაჩხვლიტეთ რომ არ ამოიბეროს ცხობის დროს. ვაცხობთ 200გრადუსზე, ფერის შეცვლამდე.

გულსართისთვის:
ცილას დავამატოთ მწიკვი მარილი, დავიწყოთ თქვეფა ქაფს რომ მოიგდებს ნელ-ნელა დავამატოთ შაქარი. უნდა მივიღოთ მყარი, პრიალა ბეზე.ბეზეში გადავურიოთ წინასწარ მსუბუქად მოხალულ-დაჭრილი ნიგოზი.

ნამცხვრის აწყობა

გამოსაცხობ ფორმაზე მოვაფრქვიოთ ცოტაოდენი ფქვილი, გადავიტანოთ გაბრტყელებული ცომის ფენა, ზემოდან გადავანაწილოთ ნიგვზიანი გულსართის ნახევარი. დავადოთ გამომცხვარი ფენა. შემდეგ კი დარჩენილი გულსართი. ზემოდან კვლავ ვაფენთ გაბრტყელებულ ცომს (ოდავ დიდ ზომაზე გააბრტყელეთ) გვერდები ჩაუკეცეთ. ზედაპირი (შუა ფენამდე) დაჭერით სასურველ ფორმებად. გადაუსვით კვერცხის გულისა და რძის ნაზავი. სურვილისამებრ თითოეული ნაჭერი გააფორმეთ ნიგვზით.(ნიგოზს ვიღებთ საერთო რაოდენობიდან)
ვაცხობთ გახურებულ ღუმელში 190 გრადუსზე 25- 30წთ.
ამასობაში მოვამზადოთ სიროფი.
თაფლი, შაქარი და წყალი გავხსნათ ერთმანეთში და ვადუღოთ 1-2 წთ.
თითქმის მზაობამდე მისული ნამცხვარი გამოვიღოთ. მოვასხათ ცხელი სიროფი და უკან შევაბრუნოთ ღუმელში 3-4 წუთით.
იმედი მაქვს მოგეწონებათ რეცეპტი. გამოაცხვეთ, ისიამოვნეთ და გამიზიარეთ თქვენი შთაბეჭდილებები.
#სიყვარულითგაზიარებული
#ფახლავა
#ჩეხურიფახლავა
Kate's Gastro Page

Send a message to learn more

11/05/2026

ქადები
ღუმელში შებრძანებამდე

Send a message to learn more

11/05/2026

ქადა

ცომი:

ფქვილი- 800
კარაქი - 300გრ.
კვერცხი- 1 ცალი (0კატეგორია)
მაწონი ან არაჟანი- 400გრ.
სოდა- 6გრ.
მარილი- ნახევარი ჩ.კ.
ვანილი-სურვილით

შიგთავსი:
150 გრ. ფქვილი
300გრ. შაქარი
150გრ. კარაქი
1 შეკვრა ვანილი ან 1ს.კ. ვანილის პასტა
ნიგოზი-350გრ. ან გემოვნებით

მომზადება:

ფქვილს დავამატე მარილი. მაწონი გავააქტიურე სოდით, გადავიტანე ფქვილიან მასაში, ჩავამატე ვანილიც და კარგად გავაფხვიერე კარაქით. ჩავახალე 1 ცალი კვერცხი და მოვზილე რბილი ცომი. ცომი ხელზე არ უნდა გვეკრობოდეს. გადავახვიე ცელოფანში და მოვათავსე მაცივარში 2 საათით. რაც მეტხანს დააყოვნებთ მით უკეთესი.
ამასობაში მოვამზადე შიგთავსი:
შაქარი, ფქვილი და ნიგოზი ერთად დავაჩოფერე.დავამატე გამდნარი კარაქი და ხელით კარგად დავამუშავე.

ცომი გავაბრტყელოთ თხლად. ( უმჯობესია გავყოთ 2 ნაწილად, შესაბამისად ორ ნაწილად ვყოფთ შიგთავსსაც.)
გაბრტყელებულ ცომს გადავუსვათ ერთი ცალი კვერცხის ცილა, გადაანაწილეთ შიგთავსი და გადაახვიეთ. ზემოდან ოდნავ, მსუბუქად დატკეპნეთ ხელით, დაჭერით სასურველ ზომებად , წაუსვით კვერცხის გულის და რძის ნაზავი.
თავზე მოვაყარე ნუშის ფანტელიც.
გამოაცხვეთ, წინასწარ გახურებულ ღუმელში 180-190გრადუსზე ზედა-ქვედა წვით შეოქროსფერებამდე.
გემრიელად მიირთვით
#ქადები
#ექსკურსია
#ოჯახურადდაგემრიელად

05/05/2026

ნიგვზიან-ქიშმიშიანი ხვეულები
#სიგარეტები

(გავიხსენოთ გემრიელი რეცეპტები)

ინგრედიენტები:

400 გრ.ფქვილი
200 გრ. კარაქი(ან მარგარინი)
200 გრ. არაჟანი
1 ც. კვერცხი
1 ს.კ შაქარი
1 ჩ/კ არაყი
1 ჩ/კ გამაფხვიერებელი
1 ს/კ მცენარეული ზეთი
1 ც. ვანილი
შაქრის ფხვნილი, თავზე მოსაყრელად

გულსართი:

მწიკვი მარილი
1 ჩ/ჭ შაქარი(250 გრ)
1 ჩ/ჭ ნიგოზი და ქიშმიში გემოვნებით
2 ც. კვერცხის ცილა
1 ც. ვანილი

მომზადება: 200 გრამ არაჟანს დავამატოთ 1 ცალი კვერცხი+ შაქარი,ვანილი,არაყი, ზეთი,გამაფხვიერებელი. ვაქციოთ ერთიან მასად.
ცალკე ჯამში, ფქვილს ჩავაჭრათ კარაქი და კარგად გავაფხვიეროთ ხელით. დავასხათ არაჟნიანი სველი მასა და მოვზილოთ ცომი. ცომი ხელზე არ უნდა გეკრობოდეთ. შესაძლოა ცოტა ფქვილის დამატებაც დაგჭირდეთ.
მოზელილი ცომი გავყოთ 4 ნაწილად , გავახვიოთ ცელოფანში და მოვათავსოთ მაცივარში 1-2 სთ. დასვენებული ცომი გავაბრტყელოთ, დავჭრათ სამკუთხედებად, ჩავუდოთ გულსართი ( გატარებულ თხილეულს+ შაქარი+ქიშმიში და ცილა, ცილას არ სჭირდება ბეზედ ქცევა, პირდაპირ შეურიეთ. გადავახვიოთ ცომი და მზადაა გამოსაცხობად.
გამოვაცხოთ გახურებულ ღუმელში, 180-190 °ზე, 15-20 წთ.
გამოდის ძალიან გემრიელი სიგარეტები. რაოდენობა დამოკიდებულია იმაზე, თუ როგორ ზომებად დაჭრით ცომს.

ნამდვილი ბავშვობის გემო
სცადეთ!
#ხვეულები
#ნიგვზიანიხვეულები
#ნამცხვარი
#ბავშვობისგემო

04/05/2026

მარწყვის ნამცხვარი რიკოტას კრემით

ინგრედიენტები:
კვერცხი- 4 ცალი (0კატეგორია)
შაქარი- 220გრ.
რძე- 100მლ.
კარაქი გამდნარი- 120გრ.
ფქვილი- დაახლოებით 260გრ. (უნდა მიიღოთ დასასხმელი საშუალო სისქის მასა)
გამაფხვიერებელი- 15გრ.
ვანილი
მწიკვი მარილი
მარწყვი- 300გრ.

კრემისთვის:
რიკოტას ყველი-400გრ.
კვერცხი(0)- 2ცალი
შაქარი- 60გრ.

მომზადება
ინგრედიენტები უნდა იყოს ოთახის ტემპერატურის. ღუმელს ვახურებთ 170 გრადუსზე.

კვერცხი, შაქარი, ვანილი და მწიკვი მარილი გავთქვიფოთ ფუმფულა, ჰაეროვანი მასის მიღებამდე. დავამატოთ გამდნარი და შეგრილებული კარაქი,შემდეგ კი რძე. ბოლოს ჩავაცრათ ფქვილი+გამაფხვიერებელი. ფქვილი შეგვიძლია გავხსნათ სილიკონის ნიჩბით ან მიქსერის ყველაზე დაბალი სიჩქარით.
მასა გამოსაცხობად გადაგვაქვს პერგამენტჩაფენილ საშუალო ზომის ფორმაში.

ვიწყებთ კრემის მომზადებას:
კვერცხი და შაქარი გავთქვიფოთ ჰაეროვანი,ფუმფულა მასის მიღებამდე და შევურიოთ საცერში გატარებული რიკოტა. კოვზით გავაერთიანოთ, გადავანაწილოთ გამოსაცხობ ფორმაში უკვე გადატანილი მასის თავზე. ზედაპირი თანაბრად გადაასწორეთ.
ზემოდან მოალაგეთ დაჭრილი მარწყვი. (სასურველია ჩამალოთ ნამცხვრის მასაში)

ვაცხობთ 170გრადუსზე, კონვექციის ქვედა წვის რეჟიმით. ცხობის დროს, მასა კარგად რომ ამოფუმფულდება, შემდეგ ვრთავთ ზედა წვასაც, ტემპერატურა გადაგვყავს160გრადუსზე და ცხობას ვაგრძელებთ ორივე წვით. ზედაპირი რომ მსუბუქად შეოქროსფერდება, ვამოწმებთ ხის ჩხირით. ცხობას დაახლოებით 50 წუთი სჭირდება.
სურნელოვანი, სეზონური და გემრიელია
სცადეთ

27/04/2026

ამ დესერტს ნამდვილად შეგვიძლია ვუწოდოთ- კექსი ყავისთვის:)
კაკაო, კონიაკი, ყავა.... და სურვილისამებრ ალუბალი
ძალიან მარტივი, არაგაპრანჭული, მაგრამ სურნელოვანი და ნოტიო კექსი

ინგრედიენტები:
კვერცხი- 5ცალი
შაქარი- 260გრ.
ვანილი
ზეთი- 10ს.კ.
არაჟანი- 200გრ.
ფქვილი- 230გრ
კაკაო- 25გრ.
კონიაკი- 1-2ს.კ
ყავა- 1ჩ.კ
გამაფხვიერებელი- 15გრ.
ალუბალი სურვილისამებრ

მომზადება
ღუმელი გავახუროთ 170გრადუსზე
(კვერცხი და არაჟანი სასურველია იყოს ოთახის ტემპერატურის.)
კვერცხი, მწიკვი მარილი, შაქარი და ვანილი გავთქვიფოთ გაორმაგებამდე.
დავამატოთ კონიაკი, ზეთი და არაჟანი.
ცალკე ფქვილს შევურიოთ გამაფხვიერებელი, კაკაო და ყავა.
მიღებული ნარევი ჩავაცრათ კვერცხიან მასას.
ავიღოთ საშუალო ზომის გამოსაცხობი ფორმა. წავუსვათ ცხიმი და მოვაფრქვიოთ ფქვილი. გადავიტანოთ კექსის მასა.
სურვილისამებრ ვამატებთ ალუბალს.
ვაცხობთ 170გრადუსზე, ქვედა წვის კონვექციის რეჟიმით 45- 50წუთი.
მზაობა შეამოწმეთ ხის ჩხირით.

გემრიელად მიირთვით!