Little Journey

Little Journey ​溫哥華 x 香港生活誌 🇭🇰🇨🇦
手作甜品 ｜ 分享美食 | 旅行景點 🍰✈️
Sharing baking tips & my little journeys

🥮 今年嘅月餅，終於全部完成啦！由計劃口味、調整配方，到一盒盒包裝好，除咗考驗體力同耐力，仲要測試自己嘅穩定度☺️多謝大家一路以來嘅支持、喜愛同擁戴 ❤️ 今年收到好多好多心意，真係好感恩🥰 第一次咁樣玩，總有啲地方仲可以慢慢進步，請多多包...
24/09/2026

🥮 今年嘅月餅，終於全部完成啦！

由計劃口味、調整配方，到一盒盒包裝好，除咗考驗體力同耐力，仲要測試自己嘅穩定度☺️

多謝大家一路以來嘅支持、喜愛同擁戴 ❤️ 今年收到好多好多心意，真係好感恩🥰 第一次咁樣玩，總有啲地方仲可以慢慢進步，請多多包涵🙏

好啦，今年正式收爐！🔥 可以暫時放低月餅模、奶黃餡同包裝盒，休息吓先～

多謝大家令今年嘅月餅季咁圓滿 🥮❤️ 下年再玩過！✨

#流心奶黃月餅 #特濃抹茶流心月餅

第一次同教會團友一齊做奶黃月餅🥮事前已經先炒好、雪凍、分割，再逐粒滾圓 50個奶黃餡；跟住再重複一次——搓 50個餅皮、雪凍、分割、滾圓……😅未開始教之前，已經先完成一半體力勞動🤣完全係力同耐力嘅表現💪🏻😅不過見到大家教一次就識，最後個個都...
21/09/2026

第一次同教會團友一齊做奶黃月餅🥮

事前已經先炒好、雪凍、分割，再逐粒滾圓 50個奶黃餡；跟住再重複一次——搓 50個餅皮、雪凍、分割、滾圓……😅

未開始教之前，已經先完成一半體力勞動🤣
完全係力同耐力嘅表現💪🏻😅

不過見到大家教一次就識，最後個個都成功整到靚靚月餅，真係覺得一切都值得！❤️

感恩神一路嘅預備同帶領，願神祝福大家，中秋有喜樂、有平安，月圓人更圓🌕🙏🏻🥮

年年都要做嘅指定動作——試爐溫 😅🔥 今年繼續努力改良：💛 金沙流心奶黃月💚 特濃小山園流心抹茶奶黃月室溫切開有少少流心，鍾意再流啲？叮 5–8 秒都得 😆 流心月餅睇落簡單，做落先知每一項都考功夫💪💛 流心餡：要夠流，但又唔可以太稀，包嗰...
16/09/2026

年年都要做嘅指定動作——試爐溫 😅🔥 今年繼續努力改良：

💛 金沙流心奶黃月
💚 特濃小山園流心抹茶奶黃月

室溫切開有少少流心，鍾意再流啲？叮 5–8 秒都得 😆

流心月餅睇落簡單，做落先知每一項都考功夫💪

💛 流心餡：要夠流，但又唔可以太稀，包嗰陣仲要保持狀態。
🥚 奶黃餡：要濃厚、香滑，太乾唔夠潤；太濕又難包，焗嘅時候亦容易爆。
🍪 曲奇外皮：要薄、香、脆，仲要包得靚唔穿皮。
🔥 爐溫：最關鍵！唔夠高唔上色、唔夠脆，仲容易「象腳」🐘；太高又會上色太快。

所以最後要做到嘅係 —— 外皮香脆＋餡料濃厚＋流心啱啱好，真係每一part 都要配合 🫶

你哋覺得流心月餅最難係邊一part？ 👀🔥

#流心奶黃月
#流心小山園抹茶奶黃月


暑假完結，生活終於回復正常😂 即刻約啲 friends 去 hea 吓 ☕🥐呢間 Cafe 真係幾 chill，位多又好坐，坐成朝都唔覺有壓力～ 咖啡 OK，不過食物就麻麻😅我哋朝早去，基本上都係半滿，反而 lunch time 就多人啲。...
15/09/2026

暑假完結，生活終於回復正常😂 即刻約啲 friends 去 hea 吓 ☕🥐

呢間 Cafe 真係幾 chill，位多又好坐，坐成朝都唔覺有壓力～ 咖啡 OK，不過食物就麻麻😅

我哋朝早去，基本上都係半滿，反而 lunch time 就多人啲。下次應該會揀星期三再去，因為有 $4 Latte 優惠🤭 仲有其他優惠，大家可以睇相～

📍C Market Coffee (Main St.)

12/09/2026

用淨咗啲栗子蓉，唔夠鋪滿餅面，索性跟脆友整個 Jellycat 栗子蛋糕 🌰

伯爵戚風＋栗子 cream＋栗子碎＋栗子泥，再加少少 rum，栗子香味即刻提升咗 🩷

不過今次栗子蓉唔夠，連 Jellycat 個「頭髮」都短咗🤣

#栗子蛋糕

攞番張對上一次整嘅栗子蛋糕 🌰🤎 原來已經係兩年前嘅事喇😂記得嗰陣整呢個蛋糕，真係幾吃力。由栗子 cream 到最後唧花，樣樣都要慢慢摸索，整完都有少少「終於搞掂」嘅感覺😅今日再整返，先發現原來真係熟手咗好多。以前覺得麻煩、覺得難搞嘅位，而...
06/09/2026

攞番張對上一次整嘅栗子蛋糕 🌰🤎 原來已經係兩年前嘅事喇😂

記得嗰陣整呢個蛋糕，真係幾吃力。由栗子 cream 到最後唧花，樣樣都要慢慢摸索，整完都有少少「終於搞掂」嘅感覺😅

今日再整返，先發現原來真係熟手咗好多。以前覺得麻煩、覺得難搞嘅位，而家做落順手咗好多😁

望返兩年前張相，雖然仲有啲生手 feel，
但見到自己嘅進步係幾感觸架🥹

大家又有冇啲「以前 vs 依家」作品分享吓！👇

#栗子蛋糕

04/09/2026

挑戰咗 3️⃣ 次，終於做到唔單止新鮮出爐，就連放咗兩日番熱仲保持到 表面脆身＋少量自然裂紋＋底部微微脆＋入面柔軟✨ 嘅鹽可頌喇🥐😁

原來一個睇落簡單嘅鹽可頌，做落真係唔容易架😂 整形鬆緊、牛油大細、發酵程度、蒸氣控制、爐溫、焗嘅時間，每一步都要慢慢摸索，試咗三次先搵到最適合自己焗爐嘅食譜同做法，不過仲要改善埋上色問題😅

自己屋企都整到，以後就唔使出街捱貴包啦😅🤣

🌟未有時間執條製作過程片，如果有興趣睇，就留言話我知啦🫶

#鹽可頌 #烘焙教室 #食譜分享

✴️✴️✴️食譜✴️✴️✴️
份量：約14個 × 70g

🍞 波蘭種
115g 高筋麵粉
115g 水
0.1g 速發酵母

🥐 主麵糰
285g 高筋麵粉
120g 低筋麵粉
250g 水
22g 糖
8g 鹽
30g 奶粉
40g 軟化無鹽牛油
6.9g 速發酵母
全部波蘭種

🐮 牛油餡
8g × 14 冷藏有鹽牛油

我哋一班教會義工，今個暑假已經加緊跟師傅學習，為嚟緊嘅教會烘焙班新課程做好準備🥐🧁我哋未必係最叻嘅烘焙高手，但一定係一班最有心、最樂意同大家一齊分享烘焙樂趣嘅團隊🫶我哋教會位於 Richmond Capstan 附近，如果你有興趣參加我哋星...
31/08/2026

我哋一班教會義工，今個暑假已經加緊跟師傅學習，為嚟緊嘅教會烘焙班新課程做好準備🥐🧁

我哋未必係最叻嘅烘焙高手，但一定係一班最有心、最樂意同大家一齊分享烘焙樂趣嘅團隊🫶

我哋教會位於 Richmond Capstan 附近，如果你有興趣參加我哋星期六下午嘅烘焙班（暫時麵包班係免費㗎！）歡迎 DM 俾我，我會逐一 回覆詳情俾大家🙏

期待同大家一齊玩烘焙、分享成果！🥰

*********************
請耐心等待🙏
因為大家反應實在太熱烈啦❤️‍🔥 所以俾啲時間我收集同處理大家嘅資料，我會逐一聯絡大家，唔好意思要大家等一等🙏🙏🙏

另外，因為好多戶口都有設定限制，我未必可以主動 DM 個人戶口，所以最好大家直接 DM 我，咁我就可以順利回覆大家啦☺️

多謝大家嘅支持同耐心等候❤️
**********************

朋友又有新任務俾我 😂 主題就得一句：「Gipsy Avenger」然後…… 冇喇🙂剩低嘅就係我自己發揮。做小朋友生日蛋糕，最有趣嘅往往唔係蛋糕本身，而係點樣用顏色、裝飾同唔同元素去配搭，將個主題慢慢砌出嚟。於是由一個蛋糕，慢慢發展到波波、...
26/08/2026

朋友又有新任務俾我 😂

主題就得一句：「Gipsy Avenger」

然後…… 冇喇🙂

剩低嘅就係我自己發揮。

做小朋友生日蛋糕，最有趣嘅往往唔係蛋糕本身，而係點樣用顏色、裝飾同唔同元素去配搭，將個主題慢慢砌出嚟。

於是由一個蛋糕，慢慢發展到波波、星星、發光渦輪、名字、年齡牌…… 逐件人手做，再慢慢上色、襯比例💙

每次朋友俾我一個主題，最後都好似變咗一份 design project 😁

完成嗰刻會覺得：
嗯…… 真係好有滿足感🫶

BTW 最緊要小朋友都滿意🩷




#溫哥華生活
#溫哥華蛋糕

Address

Hong Kong

Website

Alerts

Be the first to know and let us send you an email when Little Journey posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Little Journey:

Shortcuts

Share

Category