Virundhombal

30/08/2026

செள செள பொரிச்ச கூட்டு

தேவையான பொருட்கள்

செள செள - 2
வேகவைத்த பாசிப்பருப்பு - 1 கப்
மஞ்சள்தூள் - 1/4 டீஸ்பூன்
தேங்காய்த்துருவல் - 1/4 கப்
உளுத்தம்பருப்பு - 1/2 டீஸ்பூன்
மிளகு - 1 டீஸ்பூன்
சீரகம் -‌ 1/2 டீஸ்பூன்
மிளகாய் வற்றல் - 1
கறிவேப்பிலை - சிறிதளவு
கடுகு உளுந்து - 1 டீஸ்பூன்
தேங்காய் எண்ணெய் - 2 டேபிள் ஸ்பூன்
உப்பு - தேவையான அளவு

செய்முறை

1. செளசெளவை கழுவி தோல் சீவி பொடியாக நறுக்கிக் கொள்ளவும்.

2 . கடாயில் 1/2 டீஸ்பூன் தேங்காய் எண்ணெய் விட்டு சூடானதும் உளுந்தை சேர்த்து லேசாக சிவந்ததும் மிளகு, சீரகம் சேர்த்து வறுத்து அதோடு மிளகாய் வற்றல் மற்றும் கறிவேப்பிலை சேர்த்து வறுக்கவும். பின் தேங்காய்த்துருவல் சேர்த்து அடுப்பை அணைத்து அதன் சூட்டிலேயே சில நிமிடங்கள் வறுத்து ஒரு தட்டில் மாற்றி ஆறவைத்துக் கொள்ளவும்.

3. பின் சிறிது தண்ணீர் விட்டு அரைத்துக் கொள்ளவும்.

4. அகலமான பாத்திரத்தில் நறுக்கிய செள செள, மஞ்சள்தூள் மற்றும் 1/2 கப் தண்ணீர் சேர்த்து மூடி வைத்து மிதமான சூட்டில் வேகவைக்கவும். நடுவே திறந்து கலந்து விடவும்.

5. செள செள பூவாக வெந்ததும் தேவையான அளவு உப்பு, வேகவைத்த பாசிப்பருப்பு மற்றும் அரைத்த தேங்காய் விழுதையும் சேர்த்து 1/2 கப் தண்ணீர் சேர்த்து மிதமான சூட்டில் பச்சை வாசனை போகும் வரை கொதிக்க வைத்து இறக்கவும்.

6. கடாயில் தேங்காய் எண்ணெய் விட்டு சூடானதும் கடுகு உளுத்தம்பருப்பு மற்றும் சிறிது கறிவேப்பிலை சேர்த்து தாளித்து சூடான கூட்டில் கலந்து மூடி வைக்கவும்.

29/08/2026

கொண்டைக்கடலை சாலட்

தேவையான பொருட்கள்

கொண்டைக்கடலை - 3/4 கப்
வெள்ளரிக்காய் - 1
கேரட் - பாதியளவு
தக்காளி - 1
பச்சை மிளகாய் - 1 (சிறியது)
வறுத்து பொடித்த சீரகப்பொடி - 1/2 டீஸ்பூன்
மிளகுத்தூள் - 1/2 டீஸ்பூன்
கொத்தமல்லி தழை - சிறிது
தேங்காய் எண்ணெய் - 1/2 டீஸ்பூன்
எலுமிச்சை சாறு - 1 டீஸ்பூன்

செய்முறை

1. கொண்டைக்கடலையை இரண்டு முறை கழுவி போதுமான நீரில் 8 மணிநேரம் ஊறவைத்துக் கொள்ளவும். பின் மீண்டும் ஒருமுறை கழுவி பிரஷர் குக்கரில் தேவையான அளவு தண்ணீர் மற்றும் சிறிது உப்பு சேர்த்து வேகவைத்துக் கொள்ளவும்.

2. குக்கரில் இருக்கும் ஆவி தானாக அடங்கிய பின் ஒரு வடிகட்டியில் தண்ணீரை முழுவதும் வடித்துக் கொள்ளவும்.

3. வெள்ளரிக்காய், கேரட்டை மெலிதாக நறுக்கிக் கொள்ளவும். தக்காளியை பொடியாக நறுக்கிக் கொள்ளவும்.

4. ஒர் அகலமான பாத்திரத்தில் வேகவைத்த கொண்டைக்கடலை, நறுக்கிய வெள்ளரிக்காய், கேரட், தக்காளி, வறுத்து பொடித்த சீரகப்பொடி, மிளகுத்தூள் மற்றும் தேவையான அளவு உப்பு சேர்த்து கலந்து கொள்ளவும்.

28/08/2026

கொண்டைக்கடலை மசாலா

தேவையான பொருட்கள்

வெள்ளை கொண்டைக்கடலை – 200 கிராம்
வெங்காயம் – 2
தக்காளி – 4
பூண்டு பற்கள் – 10
இஞ்சி – 1 டீஸ்பூன்
பச்சை மிளகாய் – 1
மிளகாய்த்தூள் – 1.5 டீஸ்பூன்
தனியா தூள் – ‌1 டீஸ்பூன்
மஞ்சள்தூள் – 1/4 டீஸ்பூன்
உலர்ந்த மாங்காய்த்தூள் – 1/4 டீஸ்பூன்
வறுத்து பொடித்த சீரகப்பொடி – 1/4 டீஸ்பூன்
கரம்மசாலாதூள் – 1 டீஸ்பூன்
வெல்லம் – சிறிது
வெண்ணெய் – 1 டேபிள் ஸ்பூன்
பிரிஞ்சி இலை – 1
பட்டை – சிறிய துண்டு
கிராம்பு – 3
கொத்தமல்லி தழை – சிறிது
எண்ணெய் – 5 டேபிள் ஸ்பூன்
உப்பு – தேவையான அளவு

செய்முறை

1. கொண்டைக்கடலையை கழுவி 8 மணிநேரம் ஊறவைத்து குக்கரில் தேவையான அளவு தண்ணீர் சிறிது உப்பு சேர்த்து 10 விசில் வரும் வரை பூவாக வேகவைத்துக் கொள்ளவும்.

2. கடாயில் 2 டீஸ்பூன் எண்ணெய் விட்டு சூடானதும் இஞ்சி, பூண்டு சேர்த்து சில நொடிகள் வதக்கி வெங்காயம் சேர்த்து வதக்கவும். பின் தக்காளி சேர்த்து 5 நிமிடங்கள் மிதமான சூட்டில் வதக்கவும். பின் அடுப்பை அணைத்து ஒரு தட்டில் மாற்றி ஆறவைத்துக் கொள்ளவும்.

3. பின் மிக்ஸியில் நைஸாக அரைக்கவும். தேவைப்பட்டால் சிறிது தண்ணீர் சேர்த்து அரைக்கவும்.

4. கடாயில் மீதமுள்ள எண்ணெய் விட்டு சூடானதும் அதில் பிரிஞ்சி இலை, பட்டை மற்றும் கிராம்பு சேர்த்து தாளித்து கீறிய பச்சை மிளகாய், மிளகாய்த்தூள், தனியா தூள் மற்றும் மஞ்சள் தூள் சேர்த்து கருகிடாமல் வேகமாக கிளறவும்.

5. பின் அரைத்த விழுதை சேர்த்து வதக்கவும். அவை வதங்கியதும் தேவையான அளவு உப்பு மற்றும் 1/2 கப் தண்ணீர் சேர்த்து கரம் மசாலா தூள், வறுத்து பொடித்த சீரகப்பொடி மற்றும் உலர்ந்த மாங்காய்த்தூள் சேர்த்து கலந்துக் கொள்ளவும்.

6. பின் வேகவைத்த கொண்டைக்கடலை சேர்த்து கலந்து 10 நிமிடங்கள் மிதமான சூட்டில் வைத்து கொதிக்க விடவும்.

7. பின் வெல்லம் மற்றும் வெண்ணெய் சேர்த்து மேலும் 7 நிமிடங்கள் எண்ணெய் மிதக்கும் வரை கொதிக்க வைத்து கொத்தமல்லி தழை தூவி இறக்கவும்.

27/08/2026

பூசணிக்காய் சாம்பார்

தேவையான பொருட்கள்

துவரம் பருப்பு - 1/8 கப்
பாசிப்பருப்பு - 1/8 கப்
நறுக்கிய பூசணிக்காய் - 1 கப்
சின்ன வெங்காயம் - 15
மஞ்சள்தூள் - 1/4 டீஸ்பூன்
புளி - சிறிய நெல்லிக்காய் அளவு
பெருங்காயம் - சிறிது
வெல்லம் - சிறிது
கடுகு உளுந்து - 1/2 டீஸ்பூன்
கறிவேப்பிலை - சிறிது
கொத்தமல்லி தழை - சிறிது
எண்ணெய் - 2 டீஸ்பூன்
உப்பு - தேவையான அளவு

சாம்பார் பொடி செய்ய

தனியா - 1 டேபிள் ஸ்பூன்
கடலைப்பருப்பு - 1 டேபிள் ஸ்பூன்
மிளகாய் வற்றல் - 6

செய்முறை

1. குக்கரில் கழுவிய துவரம்பருப்பு மற்றும் பாசிப்பருப்பை சேர்த்து 3/4 கப் தண்ணீர் ஊற்றி 5 முதல் 7 விசில் வரும் வரை வேகவைத்துக் கொள்ளவும்.

2. புளியை இளம் சூடான நீரில் ஊறவைத்து 1/2 கப் தண்ணீரில் கரைத்துக் கொள்ளவும்.

3. வாணலியை சூடாக்கி தனியா, கடலைப்பருப்பு மற்றும் மிளகாய் வற்றல் சேர்த்து மிதமான சூட்டில் வாசம் வரும் வரை வறுக்கவும். பின் ஆறவைத்து மிக்ஸியில் பொடித்துக் கொள்ளவும்.

4. வாணலியில் எண்ணெய் விட்டு சூடானதும் சின்ன வெங்காயம் சேர்த்து வதக்கவும். பின் நறுக்கிய பூசணிக்காய் துண்டுகளை சேர்த்து லேசாக வதக்கி 1 கப் தண்ணீர் சேர்த்து மஞ்சள்தூள் சேர்த்து மூடி வைத்து வேகவைக்கவும்.

5. பூசணிக்காய் வெந்ததும் வேகவைத்த துவரம் பருப்பு, புளிகரைசல் மற்றும் தேவையான அளவு உப்பு சேர்த்து கலந்து கொள்ளவும். பின் பொடித்த சாம்பார் பொடி, வெல்லம் & பெருங்காயம் சேர்த்து மேலும் 1/2 கப் தண்ணீர் சேர்த்து நன்கு கலக்கவும்.

6. சாம்பார் 7 நிமிடங்கள் கொதித்ததும் பொடியாக நறுக்கிய கொத்தமல்லி தழை தூவி இறக்கவும்.

7. வாணலியில் சிறிது எண்ணெய் கடுகு உளுந்து மற்றும் கறிவேப்பிலை சேர்த்து தாளித்து சூடான சாம்பாரில் கலந்து மூடி வைக்கவும். இட்லி தோசைக்கு சூப்பரான பூசணிக்காய் சாம்பார் தயார்.

26/07/2026

Kadala Curry
Recipe link
https://www.virundhombal.com/2024/01/kadalai-curry-kerala-style-kadala-curry.html

23/07/2026

Tomato Mint Leaves Chutney

Tomato Mint Leaves Chutney | Easy Kara Chutney for Idli, Dosa & Millet Dosa Chutney Recipes Easy Chutney Tomato Chutney

03/07/2026

கேழ்வரகு (ராகி) மாவு ரவா தோசை

தேவையான பொருட்கள்

கேழ்வரகு மாவு - 3/4 கப்
ரவை - 3/4 கப்
கோதுமை மாவு - 3/4 கப்
அரிசி மாவு - 3/4 கப்
வெங்காயம் - 1, பொடியாக நறுக்கியது
பச்சை மிளகாய் - 2, வட்டமாக நறுக்கியது
கடுகு - 1/4 டீஸ்பூன்
சீரகம் - 1/4 டீஸ்பூன்
கடலைப்பருப்பு - 1 டீஸ்பூன்
கறிவேப்பிலை - சிறிது, பொடியாக நறுக்கியது
கொத்தமல்லி தழை - சிறிது, பொடியாக நறுக்கியது
முந்திரிப்பருப்பு - 7, உடைத்தது
உப்பு - தேவையான அளவு
எண்ணெய் - தேவையான அளவு

செய்முறை

1. ஒரு அகலமான பாத்திரத்தில் ராகி மாவு, கோதுமை மாவு, அரிசி மாவு, ரவை மற்றும் தேவையான அளவு உப்பு சேர்த்து கலந்து தேவையான அளவு தண்ணீர் விட்டு கட்டிகளின்றி ரவா தோசை மாவு பதத்திற்கு கலந்து மூன்று மணி நேரம் மூடி வைக்கவும்.

2. கடாயில் 1/2 டீஸ்பூன் எண்ணெய் விட்டு கடுகு, சீரகம், கறிவேப்பிலை மற்றும் முந்திரிப் பருப்பு சேர்த்து தாளித்து கலந்து வைத்துள்ள மாவில் கலக்கவும். அதோடு பொடியாக நறுக்கிய வெங்காயம், பச்சை மிளகாய், கொத்தமல்லி தழை சேர்த்து நன்றாக கலந்து கொள்ளவும். மாவு கெட்டியாக இருந்தால் மேலும் தண்ணீர் சேர்த்து கரைத்து கொள்ளவும்.

3. இரும்பு தோசைக்கல்லை சிறிது எண்ணெய் தடவி சூடானதும் ஒன்றரைக் கரண்டி மாவை எடுத்து ஓரங்களில் இருந்து ரவா தோசை போல மெலிதாக ஊற்றி மிதமான சூட்டில் எண்ணெய் விட்டு கீழ்புறம் சிவந்ததும் மெதுவாக திருப்பிப் போட்டு மீண்டும் சில நிமிடங்கள் வேகவைத்து எடுத்தால் சுவையான ராகி மாவு ரவா தோசை தயார். சூடாக பரிமாறவும்.

சிறுதானியங்களில் செய்யும் உணவு வகைகளுக்கு கண்டிப்பாக ஊறவைக்க வேண்டும். இங்கு நாம் மாவாக சேர்த்தாலும் கட்டாயம் மூன்று மணி நேரம் ஊறவைக்கும் போது அவை எளிதில் ஜீரணிக்க உதவும்.

03/07/2026

Bittergourd fry

Bitter Gourd Fry - Crispy Bitter Gourd Fry in Cast Iron with less oil - Cast Iron Series - Bitter Gourd Recipes

02/07/2026

தவா பனீர் வறுவல்

தேவையான பொருட்கள்

பனீர் - 200 கிராம்
பூண்டு விழுது - 1 டீஸ்பூன்
மஞ்சள்தூள் - 1/4 டீஸ்பூன்
காஷ்மீரி மிளகாய்தூள் - 1/2 டீஸ்பூன்
மிளகுத்தூள் - 1/4 டீஸ்பூன்
சாட் மசாலா அல்லது கிச்சன் கிங் மசாலா - 1/2 டீஸ்பூன்
உலர்ந்த வெந்தயக்கீரை இலைகள் - 1 டேபிள் ஸ்பூன்
எலுமிச்சை சாறு - சிறிது
கடலைமாவு - 2 டேபிள் ஸ்பூன்
உப்பு - தேவையான அளவு
வெண்ணெய் அல்லது எண்ணெய் - 2 டீஸ்பூன்

செய்முறை

1. ஒரு அகலமான தட்டில் பூண்டு விழுது, மஞ்சள்தூள், காஷ்மீரி மிளகாய்தூள், மிளகுத்தூள், கிச்சன் கிங் மசாலா தூள் அல்லது சாட் மசாலா தூள் மற்றும் தேவையான அளவு உப்பு சேர்த்து கலந்து கொள்ளவும்.
2. பின் நறுக்கிய பனீர் துண்டுகள், உலர்ந்த வெந்தயக்கீரை இலைகள் மற்றும் எலுமிச்சை சாறு சேர்த்து பிரட்டி விடவும். கடைசியாக கடலைமாவை சிறிது சிறிதாக தூவி பிரட்டி 10 நிமிடங்கள் மூடி வைக்கவும்.
3. இரும்பு தோசைக்கல்லில் சிறிது வெண்ணெய் சேர்த்து தடவிய பின் பிரட்டி வைத்துள்ள பனீர் துண்டுகளை சேர்த்து மிதமான தீயில் வைத்து பொன்னிறமாகும் வரை வறுத்து எடுக்கவும். பத்தே நிமிடத்தில் ஈஸியான தவா பனீர் வறுவல் தயார்.

02/07/2026

Oil free Vegetable Kurma