28/07/2026
මං මේක කාලෙක ඉදන් ලියන්න හිතුවා. ඒත් මං මේ දේවල් පැහැදිලි කරන්න ඕන නෑනේ කියලත් වෙලාවකට මගේ හිත කීවා.
ඒත් අද මට හිතුනා ඔන්න ඔහේ ලියලා දානවා කියලා.. වැඩි වැල්වටාරම් නැතුව හරිම සරලව මෙහෙම ලියන්නම්.
මං මේ රටට ආවේ 2010 දී. දරුවෝ ලැබුනෙත් මෙහෙදි. 2010 ඉදන් මේ දක්වාම හැම අවුරුද්දේම මං Full body checkup එක කරනවා. ශර්භාශයේ කරන පරික්ශාවන් පවා හැම අවුරුද්දේම කරනවා. ඒක අනිවාර්යයෙන් වෙනවා. අනික මට අවුරුදු 40 ලැබුව දා ඉදන් පියයුරු පරීක්ෂාවත් (Breast checkup) කරනවා. ඒවා මේ රටේ සිස්ටම් එකෙන්ම වෙන දේවල්. එහෙම කරන එක කොච්චර වැදගත් ද කියලා අමුතුවෙන් ඔයාලාට පැහැදිලි කරන්න ඕන නෑනේ.
ඉතින් අපි අපේ ශරීර සෞඛ්යය ගැන සැලකිලිමත්, ඒවා මං මේ කෑම පිටුවේ නොකීවාට.
"සීනි කන්න එපා, තෙල් ඔච්චර කන්න එපා" කියලා ඔයාලා කියන්නේ ආදරේට, මං ගැන පරිස්සම් වෙන්න කියන්න බව මං දන්නවා. ඉතින් මට ඔයාලාට කියන්න ඕන වුනේ අපි අපේ සෞඛ්යය ගැනත් හිතන ගමන් හොඳට කාලා බීලාත් ඉන්නවා කියන එකයි.
කනවා බොනවා විතරක් ම නෙවෙයි, ඇවිදිනවා, දවස් 3 ක් පැය භාගය විතර ව්යායාම කරනවා. මං Zumba පවා කරනවා.
හැබැයි මං කනවා.. කෑම උයන්න වගේම කන්නත් මං හරිම ආසයි. මොකද මං උයන කෑම මට මාර රසයි! 🙈
සතුටින් ඉන්න.. ඕනෑවට වඩා සිරියස් වෙන්න එපා. වෙලා නැති දේවල් වෙයි කියලා භීතියකින් ඉන්නේ නැතුව, කොහොම මොන දේ කරත් අපි කවදා හරි මැරෙනවා කියන ඇත්තට මූණ දීලා හිටියාම සතුටින් ඉන්න පුළුවන්..
හැමෝටම බුදු සරණයි..!
ආදරෙන්,
හෂී 🌸
