Aklat_wafaa

Aklat_wafaa Lots of easy food recipes you can find inside this page hope you will enjoy them �

25/09/2026

عجينة المناقيش على التقلاية

المقادير:
٤ أكواب طحين
٢ ملعقة كبيرة حليب بودرة
¼ ملعقة صغيرة ملح
١ ملعقة كبيرة سكر
٢ ملعقة كبيرة لبن (روب)
١ ملعقة كبيرة خميرة
١ و¼ كوب حليب
¼ كوب زيت

الطريقة:
منحط كل المقادير مع بعض ونعجنها منيح لحتى نحصل على عجينة طرية وناعمة.

منتركها ترتاح ٥ دقايق، بعدها منقسمها لـ ١٢ قطعة، منحور كل قطعة ومنتركها ترتاح ربع ساعة، حتى تصير سهلة كتير بالفرد.

منمد كل قطعة على شكل دائري، ومنحطها على تقلاية سخنة على نار متوسطة.

أول ما تطلع فقاعات، منقلبها عالجهة التانية حوالي ١٠ ثواني، وبعدها منرجعها عالجهة الأولى ومنحط الحشوة.

أنا حشيتها زعتر + جبنة + موزاريلا، وطويتها وتركتها شوي عالتقلاية ليدوب الجبن وتاخد المنقوشة لون بني ذهبي حلو 😍

وبس والله ❤️
مناقيش طرية، سريعة، وبتطلع بتفتح النفس!

ملاحظة: فيكن تستبدلوا الحليب بالمي إذا ما توفر، بس الحليب بيعطيها تحميرة ولون أطيب.

#مناقيش #منقوشة

23/09/2026

💚بستاشيو تشيزكيك

حجم القالب: 22 سم

طبقة البسكوت:
• 250 غ بسكوت سادة مطحون
• 100 غ زبدة سايحة
• 1 ملعقة كبيرة كاكاو بودرة
• رشة قرفة

بنطحن كل المكونات مع بعض، وبنمدّهم بقالب التشيزكيك بعد ما نكون بطّنّاه بورق الزبدة، وبنضغط على طبقة البسكوت منيح.

طبقة الجيلاتين:
• 10 غ جيلاتين بودرة
• 50 غ ماء بارد

بنرش الجيلاتين فوق الماء البارد وبنتركه 5–10 دقايق ليتشرّب، وبعدها بنذوّبه بلطف من دون ما يغلي.

خليط الجبنة:
• علبتين جبنة كريمية، المجموع 560 غ
• 1 ملعقة صغيرة فانيلا
• عصير نصف ليمونة
• ملعقتين سكر

بنخفق الجبنة الكريمية مع الفانيلا وعصير الليمون والسكر.

وبنضيف الجيلاتين المذاب بالتدريج مع الخفق ليتوزع الخليط بشكل متساوي.

الكريمة:
• كوب حليب بارد كتير
• 3 ظروف بودرة كريمة خفق
• سكوب بروتين بنكهة الفانيلا
• 1 ملعقة عسل

بنخفق كل المكونات سوا لحد ما نحصل على كريمة متماسكة.

بنضيف الكريمة على خليط الجبنة والجيلاتين، وبنخلطن سوا ليتجانس الخليط.

بعدها بنصب الخليط فوق طبقة البسكوت، وبنساوي الوجه منيح.

بنحط القالب بالبراد 6 ساعات على الأقل، والأفضل ليلة كاملة ليتماسك التشيزكيك منيح.

آخر طبقة 💚 زبدة البستاشيو الكريمية

رح نزلكن طريقة تحضير زبدة البستاشيو الكريمية بفيديو لحالها بعد هيدا الفيديو، لتكمّلوا فيها التشيزكيك وتطلع الوصفة كاملة عندكن.

#تشيزكيك #حلويات

22/09/2026

سندويشة آخر أيلول 🍇🤎
التين والعنب من جنوب لبنان 🇱🇧 فكان لازم اعمل هاي السندويشة

المكونات:

* خبز لبناني
* تين مقطّع
* عنب مقطّع
* رشة سكر
* ¼ ملعقة صغيرة زبدة
* جبنة كريمية
* جوز (عين الجمل) مكسّر
* عسل

الطريقة:

1. قطّعي العنب إلى نصفين، وحطيه بمقلاة على نار متوسطة مع رشة سكر وربع ملعقة صغيرة زبدة.
2. قلّبيه كم دقيقة لحد ما يطرى شوي ويتكرمل ويصير لامع، وبعدين ارفعيه عن النار.
3. افتحي الخبز اللبناني وادهنيه بطبقة سخية من الجبنة الكريمية.
4. وزّعي شرائح التين والعنب المكرمل فوق الجبنة.
5. رشي الجوز المكسّر، وآخر شي نزّلي عليه شوية عسل.
6. سكّري السندويشة وقدّميها فورًا.

والله شو طلعت طيبة! 😍

فيها حلاوة التين والعنب، مع قرمشة الجوز وملوحة الجبنة الكريمية… وكل لقمة فيها طعم آخر أيلول 🍇🤎

إذا أيلول إلو سندويشة، فهي أكيد هاي. 🍂

#تين #عنب

21/09/2026

ماربل كيك… الكيكة اللي ما بتفشل معي 🤎🤍

إذا بتحبّوا الكيك الهش، الطري، والغني بطعم الفانيلا والشوكولا… هيدي لازم تكون عندكم 😍
ومن الآخر؟ من وصفاتي اللي كل مرة بتنجح معي وبتطلع مرتفعة وهشّة وطعمها بيجنّن!

🍰 المقادير:

* 5 بيضات بحرارة الغرفة
* 1 ملعقة كبيرة فانيلا
* 1½ كوب سكر
* ¾ كوب زيت نباتي
* 1 كوب لبن (زبادي) مخلوط مع 2 ملعقة كبيرة لبنة
* 50 غ زبدة
* 3 أكواب طحين منخول
* 1½ ملعقة كبيرة باكينغ باودر
* ½ ملعقة صغيرة بيكربونات الصوديوم
* 3 ملاعق كبيرة خل

لخليط الشوكولا:

* نصف كمية خليط الكيك
* 3 ملاعق كبيرة كاكاو بودرة
* ¼ كوب ماء

👩🏻‍🍳 الطريقة:

1. بالخلاط، اخفقي البيض مع الفانيلا والسكر والزيت واللبن مع اللبنة والزبدة لمدة 5 دقائق حتى يصير الخليط كريمي ومتجانس.
2. نزّلي الخليط فوق الطحين المنخول، وحرّكي بخفّة فقط ليتجانس الخليط، من دون مبالغة بالخلط.
3. أضيفي الباكينغ باودر والبيكربونات والخل، وحرّكي بخفّة وباتجاه واحد حتى تتجانس المكونات.
4. خدي نصف الخليط وأضيفي له الكاكاو والماء، وحرّكي فقط حتى يتجانس.
5. بقالب مدهون بالزبدة، نزّلي طبقات متبادلة من خليط الفانيلا والشوكولا.
6. دخّليها على فرن محمّى مسبقاً على 180°. اخبزيها أول نصف ساعة على 180°، وبعدها خفّفي الحرارة واتركيها تكمل خبزها حتى تنضج.
7. اختبريها بعود خشبي، ولما يطلع نظيف حمّري الوجه حسب الحاجة.

اتركوها تبرد شوي… واقطعوا أول قطعة 🤎
هشاشة، رطوبة، و�

19/09/2026

من الوصفات اللي بتجمعنا عالطاولة من دون موعد…
زلابية مقرمشة من برا، طرية من جوا، ومعها لبنة وكاسة شاي، وبتصير القعدة إلها طعمة تانية 😍

هيدي طريقتي بالزلابية اللبنانية الجنوبية، بمكوناتها ونكهتها اللي بتذكّرني ببيوت الجنوب ولمّة الأهل.

مين من الجنوب بيعرف هالطعم؟ ❤️🇱🇧

صحتين وهنا من مطبخي لبيوتكن 🌿

🇱🇧

من ريحة الجنوب ولمة الصبح… زلابية مقرمشة من برا، طرية وهشّة من جوا، وطعمتها بتاخدنا دغري لبيت الضيعة ❤️
وأطيب ما تكون مع اللبنة وكاسة شاي!

المقادير

* 1 كيلو طحين
* 2½ كوب ماء
* ½ كوب حليب بودرة
* 1¼ كوب سكر
* 1½ ملعقة كبيرة دقة كعك
* 1 ملعقة كبيرة يانسون مطحون
* 1 ملعقة كبيرة سمسم ني
* 1 ملعقة كبيرة سمسم محمّص
* 1 ملعقة كبيرة حبة البركة
* ¼ ملعقة صغيرة كركم
* ½ ملعقة صغيرة محلب
* رشة ملح
* ¼ كوب زيت
(أنا خلطت زيت نباتي مع زيت الزيتون، وفيكن تستعملوا زيت زيتون فقط)
* زيت غزير للقلي

الطريقة

1. نضع الطحين، حليب البودرة، السكر، دقة الكعك، اليانسون، السمسم الني والمحمّص، حبة البركة، الكركم، المحلب ورشة الملح في وعاء كبير.
2. نضيف الماء تدريجيًا ونعجن المكونات منيح لحتى تتجانس العجينة وتصبح طرية.
3. في الآخر نضيف ربع كوب الزيت ونعجن من جديد ليتوزع الزيت بالعجينة.
4. نغطي العجينة ونتركها بمكان دافئ حتى تختمر ويتضاعف حجمها.
5. بعد التخمير، نقطع العجينة إلى قطع متساوية.
6. نمد كل قطعة ونقطعها على شكل أصابع.
7. نسخّن زي

18/09/2026

يمكن هدّوا البيوت…
ومحوا ملامح الضيعة،
بس ما قدروا يمحوا الضيعة منّا.

كل لقمة من هالسندويشة بتوجّعنا…
لأنها بتذكّرنا بطعمة بيت،
بريحة أرض،
وبأيام صار إلنا منها ذكريات بدل البيوت.

الحجر بينهدم…
بس الأرض إذا سكنت بالقلب، بتضلّ وطن. ❤️
#لبنان

16/09/2026

كفتة بالطحينة واللبن 🥔🤍

المقادير

للكفتة والبطاطا:

* ½ كيلو كفتة، شكّلتها كرات
* 4 حبات بطاطا متوسطة، مقطعة مكعبات
* زيت غزير للقلي

للصوص:

* 1 كوب لبن
* 1 كوب طحينة
* 2 فص ثوم مبروش
* ½ كوب عصير حامض
* 1 ملعقة كبيرة نشا
* ملح حسب الرغبة
* ماء حسب الحاجة للحصول على قوام كريمي

للتقلية:

* 2 فص ثوم مبروش
* 2 ملعقة كبيرة زيت زيتون
* رشة نعنع يابس

الطريقة

1. شكّلي الكفتة كرات، واقليها على نار عالية حتى تتحمّر وتستوي.
2. اقلي مكعبات البطاطا بزيت غزير حتى تتحمّر، ثم صفّيها.
3. بعد ما تستوي الكفتة، زحّيها على جنب بنفس المقلاة، وضيفي البطاطا المقلية. حرّكيهم سوا لدقائق حتى تتجانس النكهات.
4. لتحضير الصوص، اخلطي اللبن والطحينة والثوم وعصير الحامض والملح والنشا. أضيفي الماء تدريجيًا مع التحريك حتى تحصلي على قوام كريمي.
5. ضعي الصوص على النار مع التحريك المستمر حتى يغلي ويتماسك قليلًا.
6. أضيفي الكفتة والبطاطا إلى الصوص، واتركيهم على نار هادئة مع التحريك لمدة 7–8 دقائق.
7. حضّري التقلية: حمّري الثوم المبروش بملعقتين من زيت الزيتون، ثم أضيفي رشة نعنع يابس.
8. اسكبي التقلية فوق الكفتة، حرّكي قليلًا واطفئي النار.

بتتقدّم مع رز بشعيرية، رز أبيض، أو حتى مع خبز للتغميس، وممكن تزيّني الوجه بالمكسرات المحمصة حسب الرغبة.

وصفتها بطريقتي… والصوص كريمي وحامضته بتفتح النفس!

15/09/2026

✨ البصل المحمّر المقرمش… القرمشة اللي بتكمّل أي أكلة!

إذا بتحبّوا البصل الذهبي المقرمش اللي بيضلّ مقرمش وبيعطي الأكل نكهة بتجنّن، هيدي الطريقة لازم تجرّبوها 🤎

🧅 المكونات:

* 5 حبات بصل، مقطّعة شرائح رفيعة
* ¾ ملعقة صغيرة سكر
* رشة ملح
* 2 ملعقة كبيرة طحين
* 2 ملعقة كبيرة نشا
* زيت غزير للقلي

كل التفاصيل والتكنيك بالفيديو 👌🏻

جرّبوها وقولولي مع شو بتحبّوا تاكلوا البصل المقرمش؟ 😋

#مقبلات

12/09/2026

شو بقلو لمحبوبي؟ 🤣❤️
قلو أنا راسي تخربط ولساني تربط…
مش من الحب يا جماعة… من هالعصب! 😂😂
هيدا العصب بدو حبيب، بدو خبز، وبدو قعدة طويلة…
وبعدو حدا يقلي: «كلي لقمة بس»! 🤣🔥

قنبلة جيلاتين وكولاجين… والوقعة وقعة! 😂

#العصب

Address

Kuwait City

Website

Alerts

Be the first to know and let us send you an email when Aklat_wafaa posts news and promotions. Your email address will not be used for any other purpose, and you can unsubscribe at any time.

Shortcuts

Share