08/07/2026
සමහර මිනිස්සු නිවෙන්නේ කොළපාට ලෝකෙක..තවත් සමහරු නිවෙන්නේ නිල්පාට නිමක් නොපෙනෙන ඈත ක්ෂිතිජෙක..එතකොට තව අය කහපාට තැඹිලිපාට රටා ඇඳපු හවසක..
ඉතින් ඇයි මේ වගේ කොන්ක්රීට් පිරුණු වටපිටාවක ඉඳන් බලන් මේ යාන්තමට රැළි ගහන වතුර ටිකක් දිහා බලන් ඉන්නේ..
ඒ මම නිසා..
මට පුලුවන් කොළ පාට විතරක්ම පිරුණ හීනෙක මීදුම් දුමාරෙකින් වැහිලා ගිය පාරක ඈතට ඇවිදගෙන යන ගමං ඒ හීතලෙන් හිතම පුරවගෙන සැනසෙන්න..🍃
මට පුලුවන් ඉමක් කොණක් නොපෙනෙන සීමාවක් නැතිව රැළි ගහන පෙණකැටි පුරවගෙන ඇවිත් දෙපා සිපගෙන ආයෙම ඒ සැනින් ආපිට යන සයුරු තෙරක ඈත දිහා බලාගෙන තනිකමින් හිත පුරවගෙන නිවෙන්න..🌊
එතනින් එහාට මට පුලුවන් දවසක මහන්සිය ඈතකට පාකරලා දාපු හවසක ඇහැට පේන ඈතම කෙළවරේ ලස්සනට පාට වෙච්චි තැඹිලි පාට කහ පාට දම් පාට වගේ මේ ලෝකේ තියෙන ලස්සනම පාට වලින් ඇඳපු සැහැල්ලු හවස් චිත්රෙක සුවඳ පපුව ඇතුලේ පුරවං හුස්ම ගන්න..🌥️
අවසානෙදිත් මට පුලුවන්..කොන්ක්රීට් පිරිච්චි වටපිටාවක් ඇතුලේ හැදුව හරි පුංචි උයනක කොන්ක්රීට් බංකුවක වාඩි වෙලා එන හැමදාම වැටෙන ලා වැහි බිංඳුවක සීතලෙන් මත් වෙලා මේ ලාවට රැළි ගහන මතක දිය දිහා බලාගෙන සුසුම් හෙළන්න..🌧️
කොතන කොහොම උනත්..එතන ඒ ඉන්නේ මම නම්..මම විඳින ඒ ලස්සන ඒ හැඟීම තමයි මගේ සැනසීම ❤️🩹
Hashis' Diary
