18/02/2026
ඊර්ෂ්යා හිත හරියට කණාමැදිරියාව කන්නට එන ගැරඩියා වාගෙයි..
කණා මැදිරියාව පන්නගෙන එන ගැරඩියාගෙන් බොහොම අමාරුවෙන් බේරිලා කණාමැදිරියා අහනවා ගැරඩියාගෙන් ඔහෙගෙ ශරීරයෙ හැටියට මගෙ කන්න දෙයක් ඔහෙට නෑනෙ .මම කාටවත් කරදරයක් නැති පුංචි සතෙක්නෙ. මම නුඹට වරදක් කරලත් නෑනෙ කියලා..
එතකොට ගැරඩියා කියනවා ඔව් මට නුඹ වරදක් කරලා නෑ. අනිත් කරුණුත් ඇත්ත හැබැයි මට පේන්ට බෑ නුඹ ඔය ලයිට් දාගෙන ලස්සනට ඉන්න එක සහා අනිත් සත්තු නුඹව වර්ණනා කරන එක කියලා කියනවා.ඒකයි මට නුඹව කාලා දාන්ට හිතෙන්නෙ කියනවා.
තව කෙනෙක් නැති කරන්න හදන එක සංසාරගත පව් සිතිවිලි.සමහර විට ඕවා මේ ආත්මයෙ ගනුදෙනුත් නෙමෙයි.එයාලා එහෙම උනාට අපි අපෙ කොලිටීස් නැති කර ගන්න ඕනත් නෑ.
තමන්ට රිදවපු වැරදි කරපු කකුලෙන් ඇදපු හැම කෙනෙක්ම සමාව දීලා අතාරින්න...ආය ඊට පස්සේ කවදාවත්ම මතකෙට නොගෙන ඉන්නත් හිත පුහුණු කරන්න
එහෙම අතාරින්න බැරි මිනිස්සු ගැන මිනිස්සු එහෙම තමයි කියලා හිතලා ඕනෑම සිද්ධියක් තප්පර හැටක් තුල ඒ ගැන හිතන එක අතෑරලා දාන්න පුරුදු වෙන්න.
ජීවිතය හරි ටිකයි..අනුන්ගෙ පහත් හිත් එක්ක ගැටී ගැටී ඉන්න කාලයක් නෑ අපරාදෙ.
මනස සුවපත්ව සතුටින් ඉන්න උත්සාහ කරන්න ඒක තුල තියෙන ලාභාංශ මුදලට වත් ගන්න බෑ..
