Green Garden flower and plants Nursery

28/03/2026

28/03/2026

11/01/2025

01/10/2024

11/09/2024

11/09/2024

🌿 ඇයි මේ තුලිත පොහොරම බෝග වලට දාන්න කියන්නේ ?

(මේ ලිපියෙන් රසායනික පොහොර භාවිතා කිරීමට රුකුල් දීමක් නොකරන අතර රසායනික පොහොරභාවිතා කරන ජනතාවට අවභාවිතා කිරීම වලකාලීමට මඟපෙන්වීමක් ලබාදීමට අදහස් කරනවා)

ගොවියා :
පොල් වලට ගෙනාපු රසායනික පොහොර තියනවා මගෙ ලඟ ...
ඒ පොහොර වලින් ගම්මිරිස් වැලකට කොච්චරක් දාන්න ඕනේද ?

🍀 මේ අපි නිතර අත් විඳින ගැටලුවක් .. ලේසියට හුඟක් අය පෙළඹිලා ඉන්නේ එක බෝගයකට ගෙනාපු පොහොර මිශ්‍රණයම තව බෝගයකට දාන්න ...

🍀 හැබැයි අපි තේරුම් ගන්න ඕනේ බෝග වර්ගයෙන් වර්ගයට , ප්‍රභේදයෙන් ප්‍රභේදයට, වර්ධන අවධිය මත, පෝෂක අවශ්‍යතාවය වගේම මිශ්‍ර වී තිබිය යුතු පෝෂක සංඝටකය වල අනුපාතය පැහැදිලිවම වෙනස් වෙන බව ...
(ඇතැම් බෝගයකට නයිට්‍රජන් අවශ්‍යතාවය වැඩිවිය හැකි අතර ඇතැම් බෝගයකට පොස්පරස් අවශ්‍යතාවය වැඩිවිය හැකිය)

🍀 ඒවගේම ඇතැම් බෝගයන්ට, ඇතැම් පෝෂකයන් අවශ්‍ය නොවන අවධීන් තියෙනවා ...

එහෙම උනොත් වෙන බෝගයක පොහොර මිශ්‍රණයක් යෙදීමේදී එම අවශ්‍ය නොවන පෝෂකය තිබීම මඟින් විවිධ වූ ගැටළු ඇතිවීමට පුළුවන් ...

🟢 බෝගයකට අවශ්‍ය කරන පෝෂක නිවැරදි ප්‍රමාණයන්ගෙන්, නිවැරදි අනුපාතයන්ට තිබේනම් එම පොහොර මිශ්‍රණය එම බෝගයෙහි තුලිත පොහොර මිශ්‍රණයක් වෙනවා ...

🟢 යහපත් අස්වැන්නක් වගේම තිරසාර ගොවිතැනක් පවත්වා ගැනීමට, නිවැරදි අවස්ථාවේදී, ප්‍රමාණවත් වගේම, තුලිත ශාක පෝෂක ප්‍රමාණයක් යෙදීම අතයාවශ්‍යම කාරණාවක් වෙනවා ...

🟢 තුලිත පොහොර භාවිතා කලහොත්,

🌿 යෙදූ පොහොර කාර්යක්ෂමව බෝගයට ලබා ගන්නවා ...

🌿 බෝග අස්වැන්න හා ඒවායෙහි ගුණාත්මය වැඩි වෙනවා ...

🌿 පසෙහි ඉතිරි වී අපතේ යන පෝෂක ප්‍රමාණය අවම වෙනවා ...

🌿 පෝෂක අතර වෙන්න පුළුවන් ප්‍රතිවිරෝධී ක්‍රියා අවම වෙනවා ...
එම නිසාවෙන් විෂ වීම් ඉතා අවම වෙනවා ...

🌿 බෝග අවශේෂ වල පෝෂක අගය වැඩිවෙනවා ...
ඒවා පොහොර ලෙස භාවිතා කල හැකිවීමද, ඒවායේ පෝෂණීය තත්වය යහපත්වීමද වෙනවා ...

🌿 අනවශ්‍ය ලෙස පොහොර භාවිතා කිරීම නිසාවෙන් බෝග මාංසල වූ විට පළිබෝධ හානි වැඩිවීම සිදුවනවා ...
තුලිත පොහොර නිර්දේශ භාවිතා කිරීම නිසාවෙන් එසේ නොවී පළිබෝධ නාශක අවශ්‍යතාවය අඩුවී ශරීරයට හිතකර ආහාර නිපදවීම සිදුකල හැකිවෙනවා ...

🌿 අපතේ යන පොහොර නිසාවෙන් සිදුවිය හැකි අහිතකර තත්වයන් අඩු වීම සිදුවෙනවා ...
( භූ ජලය, වාතය දූෂණය වීම )

🟢 අසමතුලිත පොහොර භාවිතා කල හොත්,

🌿 පසෙහි ස්වාභාවිකව පවතින පෝෂකයන් අනිසි බලපෑම් සිදුවී, පසෙහි ගබඩා වී ඇති පෝෂක ප්‍රමාණ අඩුවීම සිදුවෙනවා ...

🌿 අවශ්‍ය නොවන පෝෂක ප්‍රමාණයන් පසට ලැබුණු විට එම පෝෂක නිරපරාදේ අපතේ යෑම සිදුවනවා ...

🌿 අසමතුලිත පෝෂක මිශ්‍රණය මඟින් සමහර පෝෂක බෝගයට වැඩිපුර උරාගනී ... එය ප්‍රයෝජනවත් නොවනාතරමවිෂවීම ද සිදුවිය හැකිය ...

🌿 මෙලෙස අසමතුලිත පොහොර භාවිතය ආර්ථික නොවන අතරම එය පොහොර සහ සම්පත් අපතේ හැරීමක් වෙනවා ...

🌸 රසායනික පොහොර නිර්දේශ මතම වගාවකට යොමුනොවී, කාබනික පොහොර සමඟින් රසායනික පොහොර භාවිතයට යොමු වී ( ඒකාබද්ධ ශාක පෝෂණ කළමණාකාරණය ) වැඩි අස්වනු ලබා ගත හැකි බවද මතකයේ තබාගතයුතු වෙනවා ...

🟢 අනවශ්‍ය රසායනික නිර්දේශයන්ට නොයා,
එහෙමනම් අදාල බෝගයට, අදාල වර්ධන අවධිය මත අදාල අනුපාතයන්ට අනුව තුලිත පොහොර නිර්දේශයන් ලබාදීමෙන් යහපත් අස්වනු ලබාගනිමින් අනවශ්‍ය කරදර වියදම් නොලබමින් "අතමිට සරු හෙට දිනකට" යමු ...

සටහන,
එච්. ඒ. එල්. සමිත්‍රී,
ව්‍යාප්ති නිලධාරි, අපනයන කෘෂිකර්ම දෙපාර්තමේන්තුව

11/09/2024

🌸 ඔබේ පුවක් අස්වැන්නට වැඩි මිලක් ...

🌿 " මඩ පුවක් "

නම ඇහුව ගමන්ම මතක් වෙන්නේ ගඳ ගහන පුවක් නිෂ්පාදනයක් නේද ? 😷

නිකන් ගඳක් නෙමෙයි, මඩ ගඳක් වහනය වන පුවක් තමයි ඔබේ මතකයට එන්නේ ...

🌿 ඇත්තටම "මඩ පුවක්" කියන නම ජලයේ ගිල්වල සකස් කරන හැම පුවක් නිෂ්පාදනයකටම අපි කියන්න හුරුවෙලා තියන නමක් ...

එහෙමත් නැත්තන් පුවක් ජලයේ ගිල්වන්නට අනුගමනය කරන එක් ක්‍රමයක් නිසාවෙන් දීපු නමක් ...

🌿 කලින් සඳහන් කරා වගේම නිවැරදිව සඳහන් කලයුතු නම තමයි " ජලයේ ගිල්වූ පුවක්" ...

වසරේ පුවක් අස්වනු බහුලව ලැබෙන කාලසීමාවේදී පුවක් මිල පහලට වැටෙනවා ...

අස්වනු අඩු කාලයේදී මිල ඉහල යනවා ...

එහෙනම් වැඩි අස්වනු ලබාදෙන මිල අඩුකාලයේදී ඔබේ පුවක් අස්වැන්න කල්තියාගන්න පුළුවන් නම් අඩු අස්වනු දෙන මිල වැඩි කාලයේදී , ඒ අස්වැන්න අලෙවි කිරීමෙන් අතමිට වැඩිපුර සරු කරගන්න ඔබට පුළුවන් වෙනවා ....

අන්න ඒකට සුදුසු කල්තබා ගැනීමේ ක්‍රමයක් විදිහට " ජලයේ ගිල්වූ පුවක් " සකස් කිරීම හඳුන්වන්න පුළුවන් ...

🌿 කොහොමද ජලයේ ගිල්වූ පුවක් නිවැරදිව සකස් කරගන්නේ ...

• හොඳින් ඉඳුනු මධ්‍යම ප්‍රමාණයේ පුවක් භාවිතා කරන්න ඕනේ ...

• අමුගෙඩි ඉවත් කිරීම, හොඳින් ඉදුනු ගෙඩි තවදුරටත් ප්‍රමාණයමත වෙන් කිරීම (ශ්‍රේණි කිරීම) කරනවනම් තවදුරටත් ඔබේ අස්වැන්නට වැඩි වටිනාකමක් දෙන්න පුළුවන් ...

• අනතුරුව මෙහෙම තෝරගත්ත පුවක්
මාස 4 ක් 5ක් පමණ ජලයේ ගිල්වා තියන්න ඕනේ ...

🌿 මේ විදිහට පුවක් ජලයේ ගිල්වල තියන්න පුළුවන් ක්‍රම රැසක් තියනවා ...

🌿 ගුණාත්මක නිෂ්පාදනයක් ඉදිරිපත් කරන්නට නම් දුර්ගන්ධයෙන් තොරවීම, පැහැය හා රසය වෙනස් නොවීම අතිශයින් වැදගත් වෙනවා ...

• පුවක් ජලයේ ගිල්වීමේදී , පුවක් ගෙඩි තට්ටු වශයෙන් අසුරමින් පුවක් තනි ටට්ටුවක් අතරට උණ කොළ, පුවක් කොළ හෝ කුරුඳු කොළ තට්ටුවක් සමඟින් මාරුවෙන් මාරුවට ඇසීරීම මඟින් පුවක් ගෙඩිවල පැහැය ආරක්ෂා කර ගන්න පුළුවන් වෙනවා ...

• ඒ වගේම දවස් 3 - 4 වරක් ජලය පල් නොවන ලෙස මාරුකිරීම මඟින් දුර්ගධය අඩුකරගන්නත් පුළුවන් වෙනවා ...

• මතුපිටින්ම ඇති කොළ තට්ටුව මතින් බරක් තැබීමෙන් නිර්වායු තත්වය යටතේ සංරක්ෂණය වීමත්, ප්‍රරෝහනය වීමත් වලක්වාගන්න පුළුවන් ...

• අවසානයේදී මෙම බහාලුම් වසා තැබීම මඟින් මදුරුවන් බෝවීමද වලකා ගැනීමට වගබලාගන්න ඕනේ ...

🌸 ජලයේ ගිල්වූ පුවක් වඩාත් ක්‍රමානුකූලව සෑදීම කලහොත් පුවක් මදයේ පැහැය වැඩි දියුණු වන අතර රසයද ඉහල තත්වයකට පත්වෙනවා ...
සැපීමටද පහසු වෙනවා ...

🌿 මේවා අවශ්‍ය අවස්ථාවේදී ජලය ඉවත් කර වෙළඳපලට නිකුත් කරන්න පුළුවන් ...

🌸 පුවක් ජලයේ ගිල්වීමට අනුගමනය කරන විවිධ ක්‍රම ...

• කොන්ක්‍රීට් ටැංකි -

නිරන්තරයෙන් ජලය මාරු කිරීමටත්, ඉහත සඳහන් කල ආකාරයට නිවැරදිව පුවක් අසුරාගත හැකි නිසාවෙනුත් පැහැය හා රසය ආරක්ෂා කරගත හැකි නිසාවෙන් ගුණාත්මක ජලයේ ගිල්වූ පුවක් සකස් කර ගැනීමට සුදුසුම වන ක්‍රමය මෙයයි ...

• ගලා යන ජල මාර්ග වලින් ජලය ලබාගනිමින් පුවක් ගබඩා කිරීම -

ගලා යන ජලය සහිත ඇල මාර්ග වලින් ජලය නිරන්තරව ලැබෙන ලෙස ටැංකි සාදා ඒවා තුළ නිවැරදිව පුවක් අසුරමින් ද ගුණාත්මක පුවක් නිෂ්පාදනයක් ලබාගැනීමට පුළුවන ...

• මැටි මුට්ටි හෝ බැරල් භාවිතය -

සුළු පරිමාණයෙන් සිදුකරන නිෂ්පාදකයින්ගේ ක්‍රමයක් වන අතර ජලය මාරුකරන්නේ නම් වඩාත් සුදුසු වෙනවා ...

• මඩ පුවක් වලවල් -

ජලය හිඟ නොවන කුඹුරක් වැනි ස්ථානයක කපන ලද වළවල් මේ සඳහා යොදා ගන්නවා ... ජලය මාරු කිරීමට අපහසු නිසාවෙන් සෑදෙන නිෂ්පාදනය ඉතාමත් දුර්ගන්ධයකින් යුක්ත වෙනවා ...
ලෙල්ලේ පැහැයද ආරක්ෂා වෙන්නේ නෑ ...

• ළිං භාවිතය -

අත් හරින ලද ළිං භාවිතා කරනු ලබන අතර මෙහිදී ද ලැබෙන පුවක් අස්වැන්නේත් ගුණාත්මක බව අඩුවෙන්නේ ජලය මාරු කරන්න නොහැකි නිසායි ...

ඔන්න එහෙනම් " මඩ පුවක් " නෙමෙයි " ජලයේ ගිල්වූ පුවක් " නිවැරදිව සකස් කරගන ඔබේ අස්වැන්නට වැඩි මිලක් ලබාගන්න ...

සටහන,
එච්. ඒ. එල්. සමිත්‍රී
ව්‍යාප්ති නිලධාරී
අපනයන කෘෂිකර්ම දෙපාර්තමේන්තුව

03/09/2024

Scotch bonnet dark green plants
0705846707

03/09/2024

KADUPUL 💛