https://www.facebook.com/556235290913859/

Jagath Hewapanne Arts, 304/9, Naiwala Road, Udugampola, Gampaha (2026)

06/06/2026

හෙට ජුනි මස 07 වැනිදා ඉරිදා 'සිළුමිණ' (June 07 Sunday Silumina) කෙටිකතාව

ෂර්මිලා බංදුනී දංවත්ත ලියූ 'දුක දියකිරීම'

හැරියට් පවුලේ එකම දරුවා. පප්පා කිව්වේ " මයි ලිට්ල් රෝස් බඩ්" කියලයි . හැරියට් ඉපදුනේ පිරිසුදු කතෝලික පවුලක. පප්පගේ පරම්පරාව එංගලන්තයට නෑකම් කිවුවා. අම්මා මොරටුවේ සිංහල කතෝලික. හැරියට්ට තවම හැටකට වැඩිය නැහැ. ඒත් හැත්තෑ පහක පෙනුමයි. ඒ මේ ලෙඩේ හින්දා. කණ්ණාඩියෙන් දැක්කම තමන්ට තමන් අඳුනගන්න බැහැ. ඒ කාලේ තිබුණු ලස්සන කොහේ හැංගිලාද මන්දා තමන්ට තමන් මඟහැරුණේ රිචඩ්ගේ මරණෙත් එක්ක කියලයි හැරියට්ට හිතෙන්නේ.
හැරියට්ට තවමත් හොඳට සිංදු කියන්න පුළුවන්. ප්ලේයර් එක දාගෙන හයියෙන් සිංදු කියනවා. රිචඩ්ගේ පරණ කෝට් එකක් ඇඳගෙන තනියම නටනවා. උදේට බෝඩිං වෙලා ඉන්න ළමයි
" ඇන්ටිට ඊයේ ටිකක් වඩි වුණා නේද?"
අහනකොටනම් හැරියට්ට ලැජ්ජයි.

Jagath Hewapanna

#සිළුමිණ ゚viralシfypシ゚

31/05/2026

අද මැයි මස 31 වැනිදා ඉරිදා 'සිළුමිණ' (May 31 Sunday Silumina) කෙටිකතාව

කංචන කොඩිතුවක්කු ලියූ "සෝබන පිංකම්"

“කැමරාව හරිද?”
“හරි සර්.”
“මගේ නම පේනවද?”
“පේනවා සර්. බෝධි ප්‍රාකාරයට උඩින්ම පේනවා.”
රන්ජිත් සිරිවර්ධන කණ්ණාඩියෙන් තම මුහුණ බැලුවේ පින්කමට නොව, ඊලඟ රූපගත කිරීමට සූදානම් වන නළුවෙකු මෙන්ය. සුදු ජාතික ඇඳුම, රන් පැහැති ඔරලෝසුව, නළලේ සුවඳ කුඩු තිලකය, අතේ රන් මුදුව, ඔහුට තමන්ම දකිද්දී පවා තමන් ගැන ආඩම්බරයක් ඇති විය....
අනෙක් අය ඔහු දෙස බලනවාද කියාත් බලමින් ආඩම්බර කාර ලෙස බෙල්ල දහ අතේ හරවන්නට විය..

පන්සලේ ධර්ම ශාලාව ඉදිරිපස අලුත් පුවරුවක් තිබුණි.
“මෙම ධර්ම ශාලාව ගම්පහ දිස්ත්‍රික් සමාජ සේවක රන්ජිත් සිරිවර්ධන මැතිතුමාගේ පූර්ණ ධන පරිත්‍යාගයෙන් නිම කොට පූජා කරන ලදි.”

පුවරුවේ අකුරු බුදු පිළිමයට වඩා දිස්නෙ දෙන්න විය...

පන්සලේ ඉදිරිපස වලාකුළු බැම්මේ එල්ලූ කිරි කිරි බැනරයකි. අද දින පිංකමේ දන්සලේ සියලුම බර පැන රන්ජිත් සිරිවර් ධන මහත්තයා ගෙන් බව ඒකේ පොල්ගෙඩි අකුරෙන් මුද්‍රණය කර තිබුණේ කාටත් ඈතටත් පෙනෙන ලෙසිනි.

“අජිත්, ෆේස්බුක් ලයිව් පටන් ගන්න කලින්, මගේ කතාවේ පළවෙනි කොටසට ටිකක් සද්දෙට මගේ ගැන කියැවෙන අර රෙකෝඩ් කරපු හඳුන්වාදීම දාන්න. මිනිස්සුන්ට ඔලුවට පපුවට හැඟෙන්න ඕනේ.”
“හරි සර්.”
“මට ‘ප්‍රධාන ධානපති මැතිතුමා ‘ කියලා කියන්න කියලා හාමුදුරුවන්ට මතක් කළාද?”
අජිත් නිහඬව හිස නමන ලදී.

“සර්, හාමුදුරුවෝ ඒක අමතක කරන්නේ නැහැ.” රන්ජිත් සිනාසුණේය.
“අමතක නොකරන එක හොඳයි. මේ පන්සලට මම කරපු දේවල් නැතුව, අද මෙතැන පන්සලක් නෑ.”

“අනික ඔයාගෙ ටීම් එකට කියන්න මං ලඟට ඇවිත් කතා කරන, වඳින , උදව් ඉල්ලන මිනිස්සු සේරම රෙකෝඩ් කරගන්න කියලා, මම එයාලට ආදරෙන් කතා කරන හැටි, ජීවිතේ ගැන කියල දෙන හැටි, ඊට පස්සෙ ඒවයින් කෑලි කපල දැම්ම ම නැගල යනවා.... මිනිස්සු මාව උඩින්ම තියනවා”
කියමින් බර හිනාවක් දැම්මේ අජිත් ගේ පිටට තට්ටුවක් ද දමමිනි.

“ඒ සේරම හරි සර් “ කියමින් අජිත් ද හිනාවට සම්මාදම් විය.

Jagath Hewapanna

#සිළුමිණ ゚viralシfypシ゚

30/05/2026

පිංබර වෙසක් මංගල්‍යයක් වේවා! 🪔🏮✨☸️

දහමට නතුව තුන් සිත පහදා බැතින
මෙත් සිත් වඩා ලෝ සත වෙත දයාවෙන
සම්බුදු තෙමඟුලේ අසිරිය කියා දෙන
සාමයෙ මල් පිපේ ලොවටම වෙසඟ දින

සංකල්පනාව - ඉසවි
සිතුවම - ජගත් හේවාපන්න

Jagath Hewapanna Inoka Samarawickrama Kapila.M. Gamage

#වෙසක් #සිළුමිණ ゚viralシ

23/05/2026

හෙට මැයි මස 24 වැනිදා ඉරිදා 'සිළුමිණ' (May 24 Sunday Silumina) කෙටිකතාව

උදාර නිශ්ශංක ලියූ "දූරං ගමන් ඒක චරං"

රැයටත් අඳුරු නොවන කුටිය තුළ දින දෙකක් ගතව ගියේය. පොලිස් පරීක්ෂකවරයා නැවතත් මුඩු හිසැති පුද්ගලයා අභියසට පැමිණ ඇත. අවුල්ව ගිය හිසකෙස්, තැනින් තැන එළියට පැන තිබුණු උඩු රැවුල් ගස්, දින දෙකක් පුරා නොකැපූ රැවුල මෙන්ම බොත්තම් කීපයක් නොපියවූ නිල ඇඳුම පෙර දිනයට වඩා ඔහු අසතුටුදායක තත්ත්වයකට ඇද වැටුණු බවට සාක්ෂි සැපයීය.
”මොකද අලූත් තත්ත්වය?” පැනය එල්ලවූයේ එම කුටියේ තිබුණු එකම ගෘහ භාණ්ඩය වුණු මේසයට හිස බරකරගෙන සිටි පුද්ගලයා වෙතිනි.
එම කුටියේ එකම ගෘහ භාණ්ඩය මේසය වුවද එහි ඇඳක් ලෙස බාවිතා කළ හැකි කොන්ක‍්‍රීට් නිමැවුමක් තිබුණි. එය ගෘහ භාණ්ඩයකට වඩා එම කුටියේම කොටසක් ලෙස පැවතුණු අතර එහි තිබුණු මේසයද ඇණවලින් බිමට සවිකර තිබුණේ ඒ බව පිටට නොපෙනෙන ලෙසකිනි.
”තත්ත්වය... තත්ත්වය නම්...”
”තත්ත්වය හිතුවට වඩා සංකීර්ණයි? ඒක කියන්න ඔච්චරම තටමන්න ඕන නෑ.”
”ඔව්. එහෙම තමයි පේන්න තියෙන්නෙ.”
”අහ්... නියමයි. එතකොට මම කියපු කරුණු ගැන මොකද කියන්න තියෙන්නෙ?”
”සියල්ලම සටහන් කරගෙන ආවා.”
”ඊට අමතරව වෙන මොනවත් කියන්න තියනවද?”
”ඔව්. අතිවිශේෂ දෙයක්.”
”එහෙමනම් අපි එතැනින් පටන් ගනිමු.”

Jagath Hewapanna

#සිළුමිණ ゚viralシfypシ゚

16/05/2026

හෙට මැයි මස 17 වැනිදා ඉරිදා 'සිළුමිණ' (May 17 Sunday Silumina) කෙටිකතාව

සුලිස් ජේ අමරසේකර ලියූ "පිස්සුද නියැන්ඩතාල් මේක අපේ රිසර්ච් එක"

"දෙන්නම එකතුවෙලා මේ රිසර්ච් එක කරන්න ලැබිච්ච එක කොච්චර හොඳයිද නේද ?"
ඔහුගේ දැනුම බෙදාගන්න තවත් අයෙක් සිටීම ඔහුගේ පැත්තෙන්නම් මහමෙරක්.
"මාත් හරි ලකී අනේ, ඒෂියන් බෝයි කෙනෙක්ව වැඩේට සෙට් වුණ එකට"
ඔවුන් දෙදෙනා ආසන්න රටවල් දෙකක පුරවැසියන් වුවද පශ්චාද් උපාධි අධ්‍යයන කෙෂ්ත්‍රය ලෙස තෝරාගෙන තිබුණේ මානව ඉතිහාසයයි. ඒ කේම්බ්‍රිජ් සරසවියේ ඉතිහාසය හා මානවීය අධ්‍යයන පීඨය තුළදී ය.
විවිධ රටවල් ඔස්සේ ලැබෙන සංස්කෘතික හුවමාරුවට අමතරව විවිධ භාෂාවන් ඔස්සේ ලැබෙන පෝෂණය ද ඔවුන්ගේ ජීවිතවලට මහඟු මෙහෙවරක් කරමින් තිබුණේ අධ්‍යයන කටයුතු වලට අමතරවය.

" අපේ ප්‍රොෆෙසර්ගෙ ටොපික් එක නොවෙන්ඩ අපට මේ ගමන නොඑන්ඩ තිබුණා"
"සර් අපිට ෆන්ඩ්ස් හොයලා දුන්නු එකත් ලොකු දෙයක්නෙ නේද ?"
ප්‍රොෆෙසර්ගෙ ඒම් එකට ගියෝතින් අපිටත් ඉතින් PHD ෂුවර් තමයි"
" හායි කොහොමද එතකොට කොල්ලා නිකං ලංකාවට යයි"
" ඇයි අපේ භාරත තරුව"

Jagath Hewapanna

#සිළුමිණ ゚viralシfypシ゚

14/05/2026

සැඳෑ අඳුරේ සැලෙන තරු එළි
මගේ හද තුළ කරයි විමසිලි
නැඟෙන ගනඳුර වඩයි සිතුවිලි
මේ මඟුල් රෑ බිඳෙයි ඉවසිලි
ආදර හැඟුම් .... ආදර හැඟුම් ... 👰🏻‍♀️🤵🏻‍♂️💞

Jagath Hewapanna

゚viralシfypシ゚

09/05/2026

හෙට මැයි මස 10 වැනිදා ඉරිදා 'සිළුමිණ' (May 10 Sunday Silumina) කෙටිකතාව

ලින්ටන් ප්‍රනාන්දු ලියූ "උඩුගම් බලා"

කෝපි එක බොන ගමන් මම ආයෙත් වැස්ස දිහා බැලුව. සැහැල්ලුවෙන් එහා මෙහා යන වලාකුළුවළ මෙච්චරට වතුර තියෙන්නෙ කොහොමද කියලත් හිතෙනව. හෝ හෝ ගාල වතුර වැටෙනව. වහලෙ ටකරං වළට වතුර වැටෙන සද්දෙ හරිම අමුතුයි. වතුර බිමට වැටිල ඔහේ ගලාගෙන යනව. මම ආපු අඩි පාර දිගේ පහළට, වෙල දිහාවට වතුර ගලාගෙන යනව
හරියට අර පොඩි ළමයි ටිකක් එක රොත්තට නිදහසේ දුවගෙන යනව වගේ...
සෑහෙන කාලයක් හිර කරගෙන හිටපු අදහස් දෝරෙ ගලාගෙන යනව වගේ…
කුරුල්ලෝ රංචුවක් නිදහසේ අහසේ පියාසර කරනව වගේ…
කාලෙකට පස්සෙ හමුවුණු මිතුරන් දෙදෙනෙක් කිසිම සීමාවක් ඇතුව සතුටෙන් කතා කරගෙන කතා කරගෙන යනව වගේ..
පෙම්වතියක් පෙම්වතෙකුට නොනැවතී දොඩන ආදර බස් වගේ…..
හොඳ ගුරුවරයෙක්ගෙන් සිසුවෙකුට කිසිම අඩුවක් නැතුව දෙන දැනුම වගේ……
සුළඟක්, ගස් කොලන් ගෙවල් දොරවල් හරහා ගමන් කරනව වගේ…
වතුර ගලාගෙන යනව…
කොච්චර බාධා තිබුණත් එවා මග හරින්නෙ නැතුව ඒවා උඩින්, ඒවත් එක්ක, ඒව ජය ගෙන අපේ ජීවිතය ගෙනියන්න අපිට කියල දෙනව වගේ. වතුර අඩි පාර දිගේ නො නැවතී ගලාගෙන යනව.
මටත් හිතෙනව මේ වතුර වගෙ නිදහසේ ගලා ගෙන ගලා ගෙන යන්න.

Jagath Hewapanna

#සිළුමිණ ゚viralシfypシ゚

07/05/2026

Jagath Hewapanna
නිපුණි සන්ධ්‍යා රුද්‍රිගු ගේ
"එක්කෙනෙක් දෙන්නෙක්"

බිඳීගිය තුරු ඉපල් ගෙන
සාදා නිමකළ නිවහනක
ඇතුළත ඇසේ කිචිබිචිය
අතීතේ කඳු ශිඛර පල්ලම් බැස
රැගෙන ඈතකට මගේ හදවත

තවත් කඳු නිම්න
පසු කරන්නට බැරි තැන
වෙහෙසයි කියා නැවතී
ගලන ගඟ වක්කලම් ගසා
මෝය කටින් නික්මුණා එක සැඳෑවක

හිස් නොවුණ මුත් හුස්ම ඇති හදවතක
ඇසේ මට ලබ් - ඩබ් හඬක්
මෙතෙක් නොවූ විලසට

කඩා බිඳ දැමූ පසුවද
තුරු ඉපිල් ගෙන
දඬු සැකිල්ලක් තුඩින් ගෙන අමුණමි
හුස්ම ගන්නට හදවතක්
අවැසි බව නොපවසාම

දැනුදු යළි යළි ඇසේ කිචිබිචිය
ඔව්! මට සිතෙයි
දැන් අපි එක්කෙනෙක්
නොව දෙන්නෙක් වී ඇතැයි නොදැනම
බිඳ දැමූ පසු රැහැන් පට

゚viralシfypシ゚viralシalシ

02/05/2026

හෙට මැයි 03 ඉරිදා සිළුමිණ (May 03 Sunday Silumina) කෙටිකතාව

කංචන කොඩිතුවක්කු ලියූ
'රාමසාමිගේ සපත්තු ඉඳිකට්ට'

වැස්ස පොළොවට වැටෙන්න කලින්ම එය දැනගන්න පුළුවන් දෙදෙනෙක් ගමේ හිටියා. එක්කෙනෙක් නිමලන්, කවුරුත් දන්න විදිහට කල්ලු නිමලන්. අනිත් කෙනා රාමසාමි. නැත්නම් සපත්තු රාමායියා.
බස් නැවතුම අසල, පරණ වැලි ගොඩක් පසුපස, ගැලවුණු ටින් තහඩුවක් යට ඔහුගේ කුඩා කුටිය තිබුණා. කුටිය ඉදිරිපිට නූල් කැබලි, රබර් කපාපු කුඩා තට්ටු, ඉඳිකටු, ගම් බෝතල්, ගැටගසා තැබූ කුඩ කූරු, පරණ සපත්තු , තංගුස් පටියක එල්ලෙන සිප් කැඩුනු බෑග්, ඒ හැම දෙයක්ම බලද්දි එතන වැඩ කරන මිනිහාත් ඒ වගේම කඩතොලු වෙලා, කඩා වැටිලා, ටික ටික ගැලවී යන කෙනෙක් වගේ පේන්නෙ.
ඒ තමයි රාමසාමි.
පැරණි බැනියමක්. කහට පැල්ලම් වැදුණු සරමක්. ඇස් අස්සේ අමුතු සන්සුන්කමක්.
කතා අඩුයි. හිනා අඩුයි.

Jagath Hewapanna

#සිළුමිණ ゚viralシfypシ゚

01/05/2026

ලෝක කම්කරු දිනය අදයි! 👷‍♂️✊ 🌍🚩

#මැයිදින

Jagath Hewapanne Arts

06/06/2026

31/05/2026

30/05/2026

23/05/2026

16/05/2026

14/05/2026

09/05/2026

07/05/2026

02/05/2026

01/05/2026

Address

Website

Alerts

Shortcuts

Share

Category