https://www.facebook.com/102046722714159/

Amarna Art, No. 397/A, Malangama, Ratnapura (2026)

20/04/2026

"කාලෙකින් ඔන්න මමත් සිංහල හින්දු අලුත් අවුරැද්දටම වැඩ ඇල්ලුවා 🙄😁....

ලෝභ නැතිව ගුණ දොස් කියන්නෝන යාලුවනේ..."

07/04/2026

"වස්තූ 😁.... පුරාවස්තු ❤....

30/03/2026

"ගල් දුන්න...."

"දුන්න යනු ඉතා ඈත අතීතයේ සිට මිනිසා විසින් නිර්මාණයකර භාවිතයට ගනු ලැබූ ආයුධයකි. මෙහි විශේෂත්වය වූයේ කඩුව, කිනිස්ස වැනි ආයුධ මෙන් සතුරා සමග ඉතා ආසන්නයේම සිට සටන් කිරීමකින් තොරව දුර සිට පහර දීමේ හැකියාවෙන් සමන්විත වීමයි.

එනම් දිගුදුර ආයුධයක්වන ⁣දුන්නේ, ලණුවේ සිට සතුරා වෙත විදිනු ලැබූයේ බොහෝවිට ලෝහයෙන් කළ ඒ සඳහාම සැකැසූ ඊතලයන් ය. මෙහි කෙලපැමිණියෙක් ලෙස දුටුගැමුණු සේනාවේ සිටි වේළුසුමණ සෙනෙවියා නම් කළ හැකිය.

එහෙත් මාවිසින් පහත දැක්වෙන සැලැසුම්වලින් පෙන්වා ඇත්තේ එවැනි ලෝහයෙන් කළ ඊතල භාවිතා කරනු ලබන දුන්නක් නොව ස්වභාවික ගල් භාවිතාකරන දුන්නක් ය.

දිගු දුන්නක් (Long Bow) ලෙසම සකසා ඇති මෙහි විශේෂත්වය වන්නේ ආයුධය ලෙස ගල් උපයෝගී කරගනිමින් දුන්න අතදරන්නාට අවශ්‍ය කාර්යය ඉටුකර ගැනීමේ ඇති හැකියාවයි.

මෑතක් වනතෙක්ම, ශක්තිමත් නම්‍යශීලී ලීයක් ද, ශාඛ පට්ට ආධාරයෙන් ගොතා සකසන ලද රැහැන්වලින් ද සමන්විතව නිර්මාණය කළ ගල් දුන්න බොහෝවිට යොදාගනු ලැබූයේ සතුන් දඩයම් කිරීම වැනි දෑ සඳහා ය.

එහෙත් මෙය අතීතයේ යුද කටයුතුවල දී ද භාවිතා වන්නට ඇතැයි සිතිය හැකිය. මන්දයත් සීගිරිය සහ යාපහුව වැනි අතීත බලකොටුවලින් උණ්ඩ සේ භාවිතා කළ ගල් බෝල හමුවීමෙන් තහවුරැ වනුයේ යාන්ත්‍රික කැටපෝල වැනි උපකරණ යුද පිටියේ දී උපයෝගී කරගත් බව යි.

වර්තමාන කාලතුවක්කුවල මූලික අවදිය සේ ගිනිය හැකි ගල් විදින ලද විශාල කැටපෝලවල කුඩා ආයුධය වශයෙන් මෙම ගල් දුන්න භාවිතා කරන්නට ඇතැයි සිතීම සහේතුක ය.

මහ පැරකුම්බාවන් සිය සංග්‍රාමයන් සඳහා දුනු භාවිතයේ ප්‍රවීනයන් වූ වැදි ජනතාව යොදාගත් බවට මහාවංසයේ ද සඳහන්වන බැවින් එම සේනාවේ ඊතල මෙන්ම ගල් භාවිතාකළ ධනුද්ධරයන් ද වූයේ යැයි සිතිය හැකිය.

කෙසේවෙතත් මාඅතින් මෙම ගල් දුන්න නිර්මාණය වීම සඳහා පාදක වූයේ රත්නපුර දිස්ත්‍රික්කයේ, පල්ලෙබැද්ද ගල්පාය ග්‍රාමයේ දුටු සැබෑ ගල් දුන්නක් ය. එහි විසූ දඩයමින් දිවි ගෙවන ලද තැනැත්තෙක් විසින් සිය අවශ්‍යතා පිණිස නිමකළ ගල් දුන්න අනුසාරයෙන් මාගේ මෙම සැලැසුම් නිර්මාණය වූ බැව් පවසනුයේ කෘතවේදීත්වය එතුමන්ට ද ලබාදෙමින් ය...."

13/03/2026

"පැරණි පෙට්ටගමක් සැරසූ මාගේ සිතුවම්....."

"පෙට්ටගම... ඔව් පෙට්ටගම කියන්නේ අතීතයේ එනම් මීට වසර 100 - 200 ට පමණ පෙර මෙරට නිවෙස්වල තිබූ ප්‍රමුඛතම ගෘහ භාණ්ඩයක්. තම තමන්ගේ අත්‍යවශ්‍ය බඩුබාහිරාදිය තැන්පත් කිරීමට යොදාගත් මේ අංගය කළුවර හෝ ඇත්දලවලින් කළ මෝස්තර භාවිතා කරමින් සම්පූර්ණයෙන්ම දැවයෙන් තැනූ එකක්.

මෙම ගෘහභාණ්ඩය ක්‍රමාණුකූලව භාවිතයෙන් අභාවයට ගියද... එහි ඊටම අනන්‍ය වූ අලංකාරත්වය සහ නිර්මාණ සුවිශේෂත්වය හේතුවෙන් නැවතත් බොහෝ නිවෙස්වල ආලින්දයන් අලංකාර කරගැනීමට භාවිතාකරන අයුරැ දැකගත හැකිය. එම පෙට්ටගම් අද වනවිට ඉතා අලංකාර සිතුවම්වලින් සැරසීම ද බොහෝවිට කරනු ලබන කාර්යයකි.

මේ සඳහා මෙරට අතිබහුතරයක් නිර්මාණකරැවන් යොදාගනු ලබන්නේ ශ්‍රී ලාංකීය උඩරට කලා සම්ප්‍රදායේ සිතුවම් ශෛලිය යි. ඒ අනුව මා විසින් ද මෙම පෙට්ටගම විචිත්‍රවත් කිරීම පිණිස භාවිතා කරනු ලැබූයේ එම ශෛලියට අයත් ලියවැල්, මල් රටාවන් සහ සත්ත්ව මෝස්තරයන් ය.

මා මෙම ගෘහභාණ්ඩය සිතුවම්කරණය සඳහා ප්‍රවිශ්ට වූයේ, පළමුව පරිමාණුකූල සැලැසුමක් නිර්මාණයකර, ඉන්අනතුරැව ඊට උචිත මෝස්තර රටාවන් පරිගණකයේ ෆොටෝෂොප් මෘදුකාංගයෙන් සැකැසීමෙන් අනතුරැව ය. එසේම මේ සඳහා යොදාගනු ලැබූයේ ප්‍රමිතිගත ඇක්‍රලික් වර්ණයන් ය.

ඔබගේ නිවහන, කාර්යාලය, නිවාඩු නිකේතන වැනි ඕනෑම ස්ථානයක් හෝ මෙවැනි ගෘහ භාණ්ඩයන් හෝ විචිත්‍රවත් සභ්‍යත්වයක ඓතිහාසික සහ කලාත්මක අගයෙන් යුත් කලාකෘතීන්ගෙන් සරසා ගැනීමට අවශ්‍ය නම් නොපමාව අමතන්න..."

"ඉතිම් මගේ නිර්මාණයේ ගුණ දොස් කියන්නත් අමතක කරන්නෙපා... "

ඉන්දික - 0711363516 (Whatsapp)

03/03/2026

"කිසිම දෙයකට ඕනෑවටත් වඩා සාම්ප්‍රදායික වෙන්නවත්... ගතානුගතික වෙන්නවත්... තමන් උගත් දේ එලෙසම පවත්වාගෙන එන්නවත් එපා... සුළුවෙන් හෝ තමන්ට හැකි පමණින් අත්හදාබැලීම් කරන්න... වෙනස්කිරීම් කරන්න... මෙලොව සියලු විෂයයන්ට වගේම පුරාවිද්‍යාවේ එන පුරාවස්තු ඇඳීමටත් ඒක පොදුයි 🙄😁.... "

"කළු පෑනකින් පුරාවස්තු අඳින ක්‍රමවේදයෙන් බැහැරවෙලා දුඹුරැ වගේ වෙනත් වර්ණවලින් මෙවැනි පැරණි නිර්මාණ කරන්නත්..... බහුතරයක් භාවිතාකරන තිත් රටාවෙන් බැහැරවෙලා රේඛාවලින් පුරාවස්තු ඇඳීමටත් පුරැදු වෙමුද... "

"පුරාවිද්‍යා ක්ෂේත්‍රයේ ඉන්නවානම් ඔයාලත් මේ වගේ සුළු ⁣දේවල්වත් අත්හදා බලමුද යාලුවනේ..."

17/02/2026

"අලුත් වැඩක් කළා... කියන්න බලන්න හොඳයිද කියලා... "

"මවිසින් බදාම ස්ථරයක් මත ඇඳි මහියංගනය චෛත්‍යයේ ධාතු ගර්භ සිතුවමක්....."

"ඌව පළාතේ, බදුල්ල දිස්ත්‍රික්කයේ පිහිටි මහියංගනය රජමහා විහාරය වූකලී ක්‍රිස්තු පූර්ව යුගයේ දී ආරම්භ වූ බෞද්ධ පුදබිමකි. මෙහි ඉතාමත් පෞරාණික සහ වැදගත්ම ස්මාරකය සේ සලකනුයේ ස්තූපය යි.

යකෂයින් පළවා හැරීමට ලක්දිවට වැඩි බුදුන්වහන්සේ වැඩවිසූ ස්ථානයේ, උන්වහන්සේගෙන් ලබාගත් කේශධාතු තැන්පත්කර සුමන සමන් දෙවියන් විසින් මෙම චෛත්‍යය ඉදිකළ බැව් වංසකතාවේ සඳහන් වේ.

සොළොස්මස්ථානයට ද අයත් මෙම චෛත්‍යයේ පැවැත්ම උදෙසා, දේවාම්පියතිස්ස (ක්‍රි. පූ. 247 - 207), දුටුගැමුණු (ක්‍රි. පූ. 161 - 137), වෝහාරිකතිස්ස (ක්‍රි. ව. 209 - 231), II සේන (ක්‍රි. ව. 853 - 887), IV කාශ්‍යප (ක්‍රි. ව. 894 - 914), මහා විජයබාහු (ක්‍රි. ව. 1055 - 1110), මහා පරාක්‍රමබාහු (ක්‍රි. ව. 1153 - 1186), නිශ්ශංකමල්ල (ක්‍රි. ව. 1187 - 1196) යනාදී රජවරැන් විසින් විවිධ මැදිහත්වීම් සිදුකර ඇත.

කෙසේවෙතත් විසිවන සියවස මැදභාගය වනතෙක්ම ගරාවැටුණු දාගැබක් සේ පැවති මේ ස්මාරකය, පළමු අගමැති ඩී. එස්. සේනානායක මැතිතුමාගේ මූලිකත්වයෙන්, මහචාර්ය සෙනරත් පරණවිතානයන් ගේ මැදිහත්වීමෙන් කැණීම්කර සංරක්ෂණය කිරීම ඇරඹූ බැව් සඳහන් වේ.

1951 වසරේ දී සිදුවූ මෙම පුරාවිද්‍යා කැණීම්වල ප්‍රතිඵලයක් ලෙස ස්තූපය අභ්‍යන්තරයේ ගඩොලින් බැඳ තිබූ සිතුවමින් අලංකාරවත් කළ ධාතු ගර්භය සොයාගෙන ඇත. අඩි 4ක් දිග පළලැති මෙහි තිබී කාසි, ලෝහ ප්‍රතිමා සහ ⁣තවත් පුරාවස්තු හමුවී ඇති අතර, මින් වැදගත්ම සොයාගැනීම වූයේ බිත්ති පුරා ඇඳි සිතුවම් ය.

මහාවංසයේ සඳහන් මහා විජයබාහු රජු ගේ මහියංගන ස්තූප ප්‍රතිසංස්කරණය මෙම ධාතු ගර්භයේ තිබී හමුවූ පුරාවස්තු අනුව තහවුරැ වී ඇති අතර, ඒ අනුව බිතුසිතුවම් ද 12වන සියවසට අයත් බැව් නිසැකවම කාලනීර්ණය වී ඇත. අද වනවිට මෙම මාහැඟි සිතුවම් ගොන්න අනුරාධපුර පුරාවිද්‍යා කෞතුකාගාරයේ ස්ථිර ප්‍රදර්ශනයට තබාතිබෙනු දැකගත හැකිය.

දැව ඵලකයක මාවිසින් ප්‍රනිර්මාණය කළ, මෙම චිත්‍රය ද ධාතු ගර්භයේ කැඩී බිඳී ගොස් තිබී හමුවූ නොයෙකුත් සිතුවම් අතරින් තෝරාගත් එක් සිතුවමකි. වර්ණ මාධ්‍යය ලෙස ඇක්‍රලික් උපයෝගී කරගනිමින් ඇඳි මෙම සිතුවම් කැබැල්ලෙන් දැක්වෙනුයේ බුදුරදුන් සමග එක් හිමිනමක් ද, නැතහොත් භික්ෂූන් වහන්සේලාම දෙනමක් ද යන්න නිසැකවම පැවසීම අවිනිශ්චිතය.

සැබෑ බදාම මත ඇඳ තිබූ මෙම සිතුවම් හා සමාන වීම පිණිස මවිසින් මේ ප්‍රතිනිර්මාණය සිදුකරනු ලැබූයේ ලෑල්ල මත කෘත්‍රීම ආලේපනයක් (Modelling & Texture Paste) තැවරීමෙන් අනතුරැව ය.

එසේනම් ඔබට ද ඔබගේ නිවහන, කාර්යාලය, නිවාඩු නිකේතන වැනි ඕනෑම ස්ථානයක් මෙවැනි විචිත්‍රවත් සභ්‍යත්වයක ඓතිහාසික සහ කලාත්මක අගයෙන් යුත් කලාකෘතීන්ගෙන් සරසා ගැනීමට අවශ්‍ය නම් නොපමාව අමතන්න..."

ඉන්දික - 0711363516 (Whatsapp)

15/02/2026

"බුදුන්ටත් වෙඩිතැබූ මාර පුත්‍රයෙක් 🙄😰....."

"මධ්‍යම පළාතේ, මාතලේ දිස්ත්‍රික්කයේ පිහිටි දඹුල්ල විහාරය වූකලී උඩරට සම්ප්‍රදායේ බිතුසිතුවම් සහිත මහා කලාගාරයක් බඳු වූ බෞද්ධ පුදබිමකි.

මෙහි එන සුවිශේෂී නිර්මාණයක් ලෙස ගෞතමයන්වහන්සේ බුද්ධත්වයට පත්වීම වැළැක්වීම සඳහා මාර දිව්‍ය පුත්‍රයා ගන්නා වූ ප්‍රයත්නය දැක්වෙන සුවිසල් වියන් සිතුවම දැක්විය හැකිය.

දඹුලු ලෙන් අතර දෙවන ගුහාව හෙවත් 'මහා රාජ ලෙන' යනුවෙන් හඳුන්වනු ලබන විශාලම සහ වැදගත්ම ගුහාවේ උක්ත සිතුවම දැකගත හැකිය. මෙහි මවිසින් ප්‍රතිනිර්මාණයකර ඇති කොටස, මාර පරාජය සිතුවමේ ඉතා සුවිශේෂී සිතුවමක් ලෙස බොහෝ පිරිසකගේ අවධානයට ලක්වී ඇත.

එනම් සාම්ප්‍රදායික අඳුරැ රතු පැහැය පසුබිම් කරගනිමින් සුදු, රෝස, ⁣කළු සහ අඳුරැ කහ පැහැයන් භාවිතයෙන් වර්ණවත්කර ඇති මෙමගින් නිරෑපණය වනුයේ දුනු, ඊතල, හෙල්ල, ද්විශූල සහ තුවක්කුවක් ගෙන බුදුරදුන්ට හිංසාකරන මාර පුත්‍රයන් කිහිපදෙනෙකි.

දඹුල්ල මාර පරාජය සිතුවම ලක්දිවපුරා ප්‍රචලිත වීමට ප්‍රධාන වශයෙන්ම බලපෑවේ මෙහි ඇති තුවක්කුවක් ගෙන බුදුන්ට වෙඩිතබන මාර පුත්‍රයා නිසාවෙන් ය. බුද්ධකාලීන අවියක් නොවූවද මෙවැන්නක් 18වන සියවසේ ඇඳි මේ සිතුවම් අතරින් හමුවීමට මූලිකම හේතුසාධකය වී ඇත්තේ ඒ අවධිය වනවිට ලාංකිකයින් යුරෝපීයයන්ට ද වඩා ගුණාත්මක තුවක්කු නිෂ්පාදනයෙන් ඉහළටම පැමිණසිටි පිරිසක්වීම නිසාවෙනි.

වානේ, රිදී, දැව වැනි අමුද්‍රව්‍ය උපයෝගී කරගනිමින් අඩි පහක් පමණ වූ සම්පූර්ණ දිගකින් ද, අඩි තුනකට වඩා වැඩි තුවක්කු බටයකින් ද සමන්විත වූ ඉතා ප්‍රබල තුවක්කු එකල සිංහලයින් අතින් නිර්මාණය වී ඇත.

'බොන්ඩිකුල තුවක්කු', 'ගල් තුවක්කු', 'වඩන තුවක්කු' යනුවෙන් ප්‍රධාන තුවක්කු වර්ග තුනක් එකල නිෂ්පාදනයකර ඇති අතර, ඒවායෙන් කුමන තුවක්කු විශේෂයක් දඹුලු මාර පුත්‍රයා ගෙනසිටින්නේ ද යන්න තවදුරටත් අධ්‍යයනය කළ යුතුය.

මාවිසින් ප්‍රනිර්මාණය කළ, මෙම සිතුවම අඳිනු ලැබූයේ අඩි 2.6 x 2 ප්‍රමාණයේ දැව ඵලකයක ය. වර්ණ මාධ්‍යය ලෙස යොදාගනු ලැබූයේ ඇක්‍රලික් ය.

ඔබගේ නිවහන, කාර්යාලය, නිවාඩු නිකේතන වැනි ඕනෑම ස්ථානයක් මෙවැනි විචිත්‍රවත් සභ්‍යත්වයක ඓතිහාසික සහ කලාත්මක අගයෙන් යුත් කලාකෘතීන්ගෙන් සරසා ගැනීමට අවශ්‍ය නම් නොපමාව අමතන්න..."

ඉන්දික - 0711363516 (Whatsapp)

26/01/2026

"හර්කියුලීස්...."

"රෝම පුරාවෘත්තයන්හි සඳහන් අසමසම වීරයෙකු වූ හර්කියුලීස් කුඩාකල මාගේ සිතුවම්හි ප්‍රධානතම පුද්ගල චරිතයක් විය...

පැන්සල්, ප්ලැටිග්නම්, පැස්ටල් සහ දිය සායම් වර්ණ මාධ්‍යයන් ලෙස යොදාගනිමින් බ්‍රිස්ටල් බෝඩ් හෝ සුදුසු ඕනෑම කඩදාසියක ඔහුගේ වීර චරිතය සිතුවම් කිරීම එකල මාගේ ප්‍රියතම විනෝදාංශයකි...

80 දශකය අගභාගයේ සහ 90 දශකය මුල්භාගයේ චිත්‍රකතා පුවත්පත්වල විශේෂයෙන්ම 'සත්සිරි' පුවත්පතේ සෑම සතියකම හර්කියුලීස් ගේ වික්‍රමාන්විත චරිතය පිළිබඳව චිත්‍රකතා මාලාවක් පළවිය.

බන්දුල කුමාර විසින් සිතුවම්කර ඉදිරිපත්කළ මෙම කතා මාලාව මා විසින් කුඩාකල ආසාවෙන්ම කියවා රසවිඳි අතර මෙහි මා පළකර ඇත්තේ වයස අවුරැදු 9 - 13 අතර කාලයේ මාඅතින් චිත්‍රණය වූ හර්කියුලීස් චරිතය යි....

16/01/2026

"කොහොමද මේක...."

"හොඳ නරක කියමුද යාලුවනේ..."

14/01/2026

"හමුවීම්... ❤"
"වෙන්වීම්... 😪"
"හමුවීම්... ❤"
"වෙන්වීම්... 😪"
"පසළොස් වසක්..... ❤😪👍"

07/01/2026

"මාඅතින් ඇඳුනු අලුත්ම ආලේඛ්‍ය සිතුවම...."

"මේ වගේ එකක් ඕනෙනම් විගහට කියන්නෝනේ... 🙄😁"

ඉන්දික - 0711363516 (Whatsapp)

19/12/2025

"ආදරණීය ලෙන්ගතු නිලධාරිනියකට පිදූ සිත්තම් සිහිවටනය..."

Sumedha Mathota - Director Development, Central Cultural Fund

"එකමත් එක දවසක.... මධ්‍යම සංස්කෘතික අරමුද⁣ලට මම පුහුණු උපාධිධාරියෙක් ලෙස සම්බන්ධ වුණ දවසේ සිට පුරාවිද්‍යා නිලධාරියෙක් විදියට ආයතනයෙන් ඉවත්වුණ දවස දක්වාම එක විදියටම හරිම ආදරෙන් අවංකවම ඔබතුමිය දක්වපු කරැණාව ලෙන්ගතුකම මට අමතක වෙන්නෙ නෑ... අමතක කරන්නත් බෑ..."

"ඉතිම් මාතොට මිස්..."

"මේ ඔබතුමිය ගේ ඒ ආදරණීය නිහතමානී ලෙන්ගතුකමට මගෙන් පිදුව කුඩා සිහිවටනයක් පමණයි..."

"සතුටින් ලස්සනට ඉන්න පතනවා හැමදාමත්......❤😘"

Amarna Art

20/04/2026

07/04/2026

30/03/2026

13/03/2026

03/03/2026

17/02/2026

15/02/2026

26/01/2026

16/01/2026

14/01/2026

07/01/2026

19/12/2025

Address

Telephone

Website

Alerts

Shortcuts

Share

Category