11/10/2024
🌿🌿🌿01 🌿🌿🌿
ඕනම කෙනෙක්ට තමන් ජීවත් වන ඕනෑම තැනක් සුන්දර තැනක් බවට පත් කිරීමට ඇති හැකියාව පුදුමාකාරයි ...
සතුට සුවපහසුව රැදිලාතියෙන හොදම තැන ස්වභාදහමත් එක්ක අපේ මුලික සම්බන්දතාවය ගොඩනැගෙන්නේ අපේ ගෙවත්තෙන්.
ලෝකයේ රටින් රටට සංස්කෘතියෙන් සංස්කෘතියට වෙනස්වන ගෙවතු අලංකරණ රටා බොහෝය.ලෝකයේම පිලිගත් ලස්සන කලාවක් තමයි මේ ගෙවතු අලංකරණය.
ගෙවත්ත විශාල උවත් කුඩා උවත් තට්ටු නිවාසයක උවත් හිත නිවන පරිසරයක් ගොඩනැගීම ඉතා වටිනා කාර්යයක්.
🏡️01.ගෙවත්තෙන් ඉටුවියයුතු අවශ්යතා මොනවද කියලා තීරණය කල යුතුයි.
*දරුවන්ට සෙල්ලම් කරන්න ඉඩක්
*නැවුම් එළවලු පළතුරු ගෙවත්තෙන් සපුරගන්න ඉඩක්
*පවුලේ අයට එකතුවෙලා නිදහසේ කාලය ගත කරන්න ඉඩක්
*වටපිටාවේ ඇති අප්රසන්න දසුනක් සැගවීමට ඇති අවශ්යතාව
*නිවසේ අලංකරණය ආරක්ෂා කර ගැනීම
🏡️02.භූමියේ ස්වභාවය තීරණය කිරීම.
කලාත්මක මෙන්ම අලංකාර ගෙවත්තක් නිර්මාණය කර ගැනීමට භූමියේ ස්වභාවය බලපායි.
*පසේ ස්වභාවය
*ඒ පසේ හොදින් වර්ධනය වන ශාක පිළිබද අවබෝධය
*ගෙවත්තට අවශ්ය ජලය සපයා ගැනීම
*වර්ෂා කාලයේදී එකතුවන ජලය බැස යාමට අවශ්ය පහසුකම් සැලසීම
*දේශගුණය පිළිබද අවබෝධය
*දවසේ විවිධ වෙලාවන්වල හිරු එළිය වැටෙන දිශාව ගැන සැලකිලිමත් වීම
*සුලගේ දිශාව
*භූමියේ ස්වභාවය
*උණුසුම් කාලයේදී වැඩි සෙවනක් ලැබෙන ස්ථාන තීරණය කිරීම
🏡️03.ගෙවතු විලාසිතාවන්
ව්ධිමත් සහ අවිධිමත් ලෙස කොටස් දෙකකට ගන්න පුලුවන්.
විධිමත්
හොදින් සැලසුම් කර ඇති සමමිතික හා ජ්යාමිතික ස්වභාවය ගන්නා ගෙවත්තයි.
අවිධිමත්
භූමියට සරිලන අවශ්යතා අනුව උස් පහත්ව නිදහසේ ගැලපෙන ආකාරයට කරන නිර්මාණයි
මෙහිදී ගෙදර විලාසිතාවට ගැලපෙන අයුරින් නිර්මාණය කර ගත යුතුයි.
🏡️04.ශාක ස්ථානගත කිරීම.
සැලසුමකට රටාවකට අනුව ශාක ස්ථානගත කිරීමේදී පාත්ති වල සිටවන ශාක මෙන්ම තනි තනිව සිටවන ශාක පිළිබඳව සැලකිලිමත් විය යුතුය.
මෙහිදී දර්ශන තලය ගැන සැලකිලිමත් විය යුතුය.සිරස් හා තිරස් අතට ගමන් කරන අවකාශයට ගැලපෙන ශාක ස්ථානගත කල යුතුය.
සිරස්ව රෝපනය කල හැකි ශාක වර්ග තාප්ප,විශාල ශාක සමග වැවුන පැලෑටි ,පදුරු වර්ග ,ඉහල සිට පහලට වැවෙන වැල් වර්ග යොදා ගන්න පුලුවන්.
තිරස් ශාක ,ඒ ඒ ශාක වලට ගැලපෙන උස හා පළල අනුව ක්රමනුකූලව පැල සිටවා ගැනීම.
තවත් විශේෂ කාරණාවක් නම් ගෙදර උස මට්ටමේ සිට ශාක උසට වැඩෙන්න ඕනද නැද්ද යන්න ගෙවත්තේ පරිමාවට අනුව තීරණය කිරීම.
🏡️05.ශාක තෝරා ගැනීම
රුචිකත්වයට අනුව තෝරාගැනීම වැදගත්.මල් වලින් පිරුනු පරිසරයකට කැමති කෙනෙක්ට ඒ වගේ ශාක තෝරාගන්න පුලුවන්.
එළවළු පළතුරු වලින් පිරුණු පරිසරයකට කැමති කෙනෙක්ට ඒ ශාක මෙන්ම ඖෂධ පැලෑටිත් රෝපනය කිරීමේ හැකියාවක් තියෙනවා.
අලංකාර පත්ර සහිත ශාක සිටවන්නත් පුලුවන්.
🏡️06.නාභිය ලක්ෂයක් සොයාගන්න
අමුත්තන්ගේ අවධානය යොමු කරගන්න පුලුවන්, ඔවුන්ගේ ඇස් ඉවතට ගත නොහැකි ස්ථානයක් නිර්මාණය කිරීම වැදගත්.
විශාල ගසක්, මූර්තියක්, පොකුණක්, දිය ඇල්ලක් වෙන්නත් පුලුවන්.
🏡️07.ප්රතිචක්රීකරණය
ගෙදර භාවිතා කර ඉවත් කල පරණ ටයර්, ගෘහ භාණ්ඩ යම් යම් අලුත්වැඩියා කිරීම් කරලා ගෙවත්තේ අලංකාරයට යොදාගන්න පුලුවන්.
🏡️08.උද්යාන පිවිසුම හා මාවත්
ප්රදාන පිවිසුම හා කුඩා මාවත් නිර්මාණය.
හරිත ආරුක්කු, දැවයෙන් නිර්මාණය කරන වැට
නිර්මාණශීලී ලෙස බොරළු, දැව, ගල් පතුරු යොදාගෙන නිර්මාණය කිරීම මගින් ස්වාභාවිකව ලස්සන කරයි.
🏡️09.එළිමහන් ගෘහ භාණ්ඩ
එළියට සුදුසු කල් පැවැත්මක් ඇති ගෘහ භාණ්ඩ සකසා ගත යුතුය.
🏡️10.ආලෝකකරණය
ගෙවතු ආලෝකකරණයද වැදගත් අංගයකි.විවිධ තැන්වල විදුලි බුබුළු ස්ථානගත කරන්න පුලුවන්.එමගින් අලංකාරය වගේම ආරක්ෂාවද සැලසේ.
🏡️11.උද්යාන සැරසිලි හා අංග
ගෙවත්තට ගැළපෙන මූර්ති නිර්මාණ යොදා ගැනීම, වතුර ආශ්රිත නිර්මාණ යොදා ගැනීම උදාහරණ ලෙස ගත හැක.
මෙම කරුණු සැලකිල්ලට ගනිමින් ඔබ ජීවත් වන ඕනෑම තැනක් කොලපාට පිරුණු සුන්දර තැනක් බවට පත් කර ගන්න ඕනෑම කෙනෙක්ට පුලුවන්.
ඉතින් ඔබත් ඔබේ නිවස සැලසුම් සහගත ලස්සන තැනක් කර ගන්න පුලුවන්.නිදහසේ ජීවිතේ විදින්න සුවපහසු පරිසරයක් නිර්මාණය කර ගැනීම සිහිනයක් නොව යතාර්ථයක් කර ගන්න.
