من داري Men Dari

من داري Men Dari From My Home | من داري 🏠
وصفات سهلة التحضير من الدار 🧑‍🍳
🧠 Cook smart, not hard | طبخ ذكي بدون تعقيدات

18/06/2026

🍒 طريقة سهلة باش نخرجو عضم حب الملوك إلا مكانش عندك une paille لي تكون شادة فراسها.

#المغرب

16/06/2026

هادي ماشي كيش بالطون عادية، هادي كيش بالطون معادياش 🦸. تبعي المقادير:

المقادير:
- 250غ كنافة
- 80غ زبدة دايبة
- 2 حكاك طون مصفيين مزيان
- 150غ ريكوطا ولا جبن طري
- 2 بيضات
- 80غ فرماج محكوك
- 1 حامضة مصيرة صغيرة مغسولة ومقطعة رقيقة
- 2 معالق كبار قزبور ومعدنوس مقطع
- شوية كامون

الطريقة :
1. فرتتي الكنافة وخلطيها مع الزبدة الدايبة. فرشيها فالمول وضغطي عليها مزيان ثم دخليها للفران مسخن على 180° لمدة 10 دقايق يالاه تبدا تتحمر خرجيها.
2. خلطي الطون، الريكوطا، البيض، الفرماج محكوك، الحامض مصير، الربيع والكامون.
3. كبي الخليط فوق الكنافة و رجعيها للفران 25 حتى 30 دقيقة على 180° حتى يشد الخليط، متسنايهش يتحمر حيت مغيتحمرش 😅 ولكن متخافيش كتجي خطييرة.

خليها تبرد شوية عاد قطعيها. بالصحة والراحة 🥰

#المغرب #اكسبلور #كيش

12/06/2026

تشيهيتي شي بيتزا مارغاريتا ولقيتي عندك غير البوبكورن؟ آجي جربي هاد الفكرة 🍕🍿 .
المقادير :
• زلافة كبيرة ديال بوبكورن طبيعي
• معلقة كبيرة ديال الزبدة دايبة ولا زيت الزيتون
• معلقة كبيرة ديال فرماج بارمزون أو أي فرماج مطحون مزيان
• نص معلقة صغيرة ديال الزعتر يابس مطحون
• نص معلقة صغيرة ديال الحبق يابس مطحون
• نص معلقة صغيرة ديال الثومة بودرة
• معلقة صغيرة ديال التحميرة
• الملح

الطريقة:
1. نزيد الزبدة الدايبة على البوبكورن و نخلط مزيان.
2. نخلط العطرية بوحدها من الأحسن أولا زيدها نيشان على البوبكورن: البارميزون، الزعتر، الحبق، الثومة، البابريكا و الملح.
3. نخلط البوبكورن مزياان و بالزربة. بالصحة والراحة 🥰

#المغرب #اكسبلور

11/06/2026

⁨ الشاورما مزيانة و كيوجدها ليك الشيف ف5دقايق و بلا متغسل الماعن.


#المغرب ⁩

10/06/2026

⁨ كل واحد و طريقتو، المهم الواحد يتهدن قبل ما يندن(م). ولكن أنت لي قلبتي عليها حيت أصلا علاش أنتي تمش تجربي شي وصفة علاش و خليتي الوصفات ديالي يالاه؟

#المغرب #اكسبلور⁩

08/06/2026

و إلا بغيتي تصرعيها، حطيه فالثلاجة غيدوز ليك الصيف كامل 😁.


‏ #المغرب

06/06/2026

مكاينش غير الطاجين ديال الفرخ، كاينة حتى مقيلة ديال الفرخ لي كتوجد ف10دقايق إلا تعطلتي، وكاتجي ناااضدية 😍
المقادير :
- نص كيلو ديال الفرخ ولا أي حوت بيض عندك
- 2 ثومات
- عصير حامضة
- تحميرة
- سكينجبير
- شووية الكامون
- بزار/ملح
- معلقة كبيرة الربيع مقطع
- 2 معالق كبار زيت الزيتون
- معلقة كبيرة زبدة

الطريقة :
1. فطبسيل خلطي ثومة محكوكة، عصير نص حامضة، التحميرة، سكينجبير، الكامون، بزار، ملحة والربيع.
2. زيدي الحوت وخليه يشرب الشرمولة واحد 20 دقيقة.
3. سخني مقلة، زيدي 2 معالق زيت الزيتون على الحوت.
4. حطي الحوت يطيب الجيهة اللولة واحد جوج دقايق، عاد قلبيه للجيهة الثانية.
5. ملي يقرب يطيب، زيدي معلقة الزبدة و عصير نص حامضة.
6. خودي الصوص بالمعلقة وسقي بيها الحوت من الفوق.
7. قدميه سخون. كيجي واعر مع soupe الخضرة فالعشاء. بالصحة والراحة 🥰

#المغرب #اكسبلور #الحوت

16/05/2026

واخا دارت ليا عامرة فخاوية، صلحت الموقف 👩🏻‍🔬.


#المغرب #برغر #بيدزا

15/05/2026

⁨ جربوها حتى نتوما وردو عليا الخبار، راه 60 درهم باش شريتو، خاصو يكون فيه حتى الكفتة ماشي غير الدود 🍒.



#المغرب⁩

14/05/2026

بالنسبة للي تلف 🫨 و معارفش واش ياكل اللحم، الدجاج ولا الحوت، هاهي واحد الوصفة ديال الكفتة بالعدس و الخضر بيدما عرفتو شنو غاديرو:

المقادير:
- زلافة كبيرة عدس تقريبا 250غ
- 1 بصلة
- 1 خيزو
- 1 بطاطا
- ملح
- معدنوس وقزبور مقطعين
- 2 حتى 3 معالق كبار ديال فرماج محكوك
- معلقة صغيرة كمون
- معلقة صغيرة تحميرة
- نص معلقة صغيرة خرقوم
- إبزار
- زيت الزيتون

الطريقة:
حطي العدس، البصلة، خيزو والبطاطا فكاسرونة زيدي عليهم الماء مغلي و شوية ملح، وخليهم يطيبو مزيان تقريبا 40 دقيقة.
من بعد مايطيب، صفيهم مزيان، خاص ما يبقى فيهم حتى نقطة ديال الماء . هرسيهم بالفورشيط ولا ولاطحنيهم شوية.زيدي المعدنوس والقزبور، فرماج، الكمون، التحميرة، الخرقوم والإبزار.
خلطي كلشي مزيان بيدك وذوقي واش خاص الملح.
صاوبيهم على شكل كويرات صغار، دهني الطاوة والكفتة بالزيت، دخليها على 200 درجة 20 دقيقة حتى تتحمر.
لا بغيتيها مقلية: قليها فالزيت سخون 3-4 دقايق.

ضاروري تتكال سخونة وتقدري ديريهم فخبز العيش مع صوص الياغورت والثوم أو المايونيز، شوية الخس و ماطيشة، وياااسلام 🤤. بالصحة والراحة 🥰.

#المغرب #اكسبلور #العدس

Address

Casablanca
20000

Website

Alerts

Be the first to know and let us send you an email when من داري Men Dari posts news and promotions. Your email address will not be used for any other purpose, and you can unsubscribe at any time.

Shortcuts

Share

Category