17/03/2026
مقادير المكركعة المغربية:
500غ كركاع (جوز) مطحون (مطحون مزيان ولكن ماشي حتى يولي عجينة).
2 بيضات كبار (أو 3 صغار حسب الخليط).
150غ سكر سنيدة (سكر حبيبات).
1 ملعقة كبيرة زبدة لينة.
1 ملعقة كبيرة مربى المشمش (هو اللي كيعطي التعليكة).
1 ملعقة صغيرة خميرة الحلويات (باكينج باودر).
1 ملعقة صغيرة قرفة (اختياري، كتمواتى بزاف مع الكركاع).
رشة ملح.
للتزيين: سكر كلاصي "سبيسيال" (سكر بودرة نوعية جيدة) ونصف حبات كركاع صحيحة.
طريقة التحضير:
خلط المكونات: في إناء، خلطي الكركاع المطحون مع السكر، الخميرة، القرفة، ورشة الملح.
التعليك: أضيفي الزبدة والمربى واخلطي جيداً بيدك.
إضافة البيض: أضيفي البيضة الأولى واجمعي، ثم أضيفي الثانية تدريجياً. العجينة خاصها تكون كتلصق شوية في اليد باش تجي معلكة (إلى كانت قاصحة غتجي ناشفة بعد الطياب).
التشكيل: دهني يدك بشوية ديال ماء الزهر، وشكلي كويرات متوسطة الحجم.
التفنيد: فندي الكويرات مزيان في السكر كلاصي سبيسيال حتى يتغطاو تماماً بطبقة غليظة.
التزيين: حطي الكويرات في لاطة الفرن (مفرشة بورق الزبدة)، وضغطي فوق كل وحدة بنصف حبة كركاع غير شوية باش تشقق الحلوى من الجناب.
الطهي (مهم جداً):
سخني الفران مزيان من قبل.
دخلي الحلوى وشعلي عليها من الفوق هو الأول (درجة حرارة هادئة 160-170 درجة) حتى تبان ليك بدات كتشقق.
من بعد شعلي عليها من التحت غير واحد 5 لـ 8 دقائق.
ردي البال: المكركعة ما كتحتاجش طياب بزاف، غير ينشف البيض خرجيها، إلى بقات بزاف في الفران غتولي قاصحة.
نصيحة: ملي تخرجيها من الفران ما تقيسيهاش نهائياً حتى تبرد تماماً، حيت كتكون رطبة بزاف وممكن تهرس ليك.
بصحتك وراحتك!
#منقول ٔده
