22/08/2026
#براونيز #بشوكولاتة
كيجي رائع خفيف و لذيذ و معلك و حسن من لي كنشريو على برا
هادا هو البراونيز المعتمد عندي و ايلا جربتوه متأكدة حتى نتوما غيولي معتمد عندكم 🥰☕🍫 كيكة اقتصادية بمذاق القهوة والشوكولاتة
#المكونات
2 بيضات بدرجة حرارة المطبخ
كاس الا ربع سكر
كيس سكر فانيليا
قبصة ملح
50 غ زبدة حيوانية او ما يعادل 2 ملاعق كبار مملوءة جيدا
نصف كيس خميرة الحلويات او ما يعادل 3 غ
100غ شوكولاتة سوداء او بالحليب او نمزجو بيناتهم حسب الذوق
كاس دقيق ابيض
كيس كاكاو مر
ممكن اضافة ملعقة كبيرة او ملعقتان كاكاو حل او كاوبيل حسب المتوفر
50 غ او ما يعادل ملعقتان كبيرتان كركاع مكسر
ملعقة صغيرة خل
ملعقة كبيرة شوكولاتة حبيبات او نخليو القليل من الشوكولاتة لي غندوبو و نقطعوها قطع صغيرة
طريقة التحضير:
فوعاء، كنخفقو البيض مع السكر، سكر الفانيليا وقبصة الملح مزيان حتى يولي الخليط فاتح اللون وكثيف شوية.
كندوبو الزبدة و الشوكولاتة فحمام مريم او على نار مهيلة حتى كيتجانسو و كنضيفو الخليط بالتدريج مع الاستمرار فالخلط
كنغربلو الكاكاو المر ونضيفوه، ثم كنزيدو الدقيق بالتدريج مع خميرة الحلويات ونخلطو بلطف حتى نحصلو على خليط متجانس.
فالاخير كنضيفو ملعقة الخل و الكركاع و حبيبات الشوكولاتة ونخلطو غير شوية حتى ينساجم مع الخليط.
كنفرشو ورق الزبدة فقالب الحلوى، ثم كنسكبو فيه الخليط و نرشوه بحبيبات الشوكولاتة و لا كركاع مهرمش ولا لوز ايفيلي حسب المتوفر.
كندخلو الكيكة لفران مسخن مسبقاً على 180 درجة، وكنخليوها تطيب تقريباً 20 حتى 25 دقيقة، فران شاعل غير من الاسفل مع اختبار النضج بعود خشبي.
راه دغيا كطيب و خصها تبقى معلكة متخليوهاش حتى تنشف و تكرم.
و كنقدموها ☕ بالصحة والراحة ❤️
لايك للصفحة ليصلكم جديد الوصفات 🥰
#كيك #الشوكولاتة #براونيز #كيك #بالشوكولاطة
#كيكة #كيكات
#حلوةالعيد #حلوياتتقليدية #حلويات #العيد #حلوياتبريستيج
#حلويات2026 #حلوياتي #حلوة #سهلة #حلوياتالعيد #وصفات #ناجحة
