24/02/2025
စာဗူ့သီးကြိုက်ကြလား 😋
စာဗူ့သီး ဆိုတာ ချင်းရိုးရာအစားအစာပါ ။
ဟားခါးစကား ဖြစ်ပြီး “စာ”ဆိုတာ အသား၊ “ဗူ့သီး” ဆိုတာ ပြောင်းဖူးပြုတ်ရည်တဲ့ ။
အာ့မို့ မြန်မာလိုဆို အသားနဲ့ ပြောင်းဖူးပြုတ်ရည်ပေါ့ ။ 😁
ချင်းပြည်မှာ နွားနောက်သားနဲ့ စားကြပေမယ့် ဒီမှာတော့ ဝက်သား၊ အမဲသား ၊ ကြက်သား နဲ့ စားကြတယ် ။ 🍲
စာဗူ့သီး တစ်ပွဲလို့ မှာလိုက်ရင် အခွံချွတ်ထားတဲ့ ပြောင်းဖူးဆန်ကြမ်းကို အမဲအူ ၊ ဝက်အူ နဲ့ ရောပြုတ်ထားတဲ့ ပြုတ်ရည်ပျစ်ပျစ် ပူပူနွေးနွေးလေးလာချပေးမှာ ။
ဒီတိုင်းစားလို့ မရသေးဘူးနော် 😉
ကိုယ်ကြိုက်ရာ အသား၊ ဆား၊ ဟင်းခတ်မှုန့် ၊ သံပုရာသီး ၊ ချင်းငရုပ်သီးထောင်း တွေထည့်ပြီး စားရတာ။
ရှယ်ကောင်း ။🤤
စာဗူ့သီးဆိုင်ရောက်ရင် နောက်ထပ် try ကြည့်သင့်တာတစ်ခုက ဝက်အူသုပ် ၊ အမဲအူသုပ် ။ 🤭
ရန်ကုန်မှာ ပုံမှန်တွေ့နေကျ အမဲအူသုပ် ၊ ဝက်အူသုပ်တွေလို ဂေါ်ဖီတွေ အချဉ်တွေနဲ့ အသုပ်ပုံစံ သုပ်ထားတာမဟုတ်ပဲ ကလီစာပြုတ်တွေကို အဆီအနှစ်လေးတွေ စမ်းထားတာပဲ လာချပေးမှာ ။
အာ့ဒါကိုမှ အချဉ်၊ အငံ၊ အစပ် အရသာ ကိုယ်လိုသလိုထည့်ပြီးသုပ်စားရတာ ။
ဆွေမျိုးမေ့အောင်ကို ရှယ်ကောင်းတော်။ 🥹
ဖြူဖြူဆို ကြိုက်လွန်းလို့ တစ်လ ၁ခါ ၊ ၂ခါတော့ အမြဲစားဖြစ်တယ် 😋
အခုလိုသတိဖော်ပေးလိုက်တော့ တခြားသူတွေလည်း စားချင်သွားလောက်ပြီ 🫢
မစားဖူးသေးတဲ့သူတွေလည်း try ကြည့်နော် (တကယ်ကောင်းလို့) နောက်ကျ မစားရမနေနိုင် ဖြစ်သွားမှာ 🥹🫶
#စာဗူ့သီး
#ဝက်အူသုပ်
