16/03/2026
ဘာကြောင့် တုပ်ကွေးကာကွယ်ဆေးကို နှစ်စဉ် ထိုးဖို့လိုအပ်သလဲ?
လူအတော်များများက ရာသီတုပ်ကွေး ဆိုတာအထူးအဆန်းမဟုတ်၊ နှစ်စဉ် ရာသီ အပြောင်းအလဲဆိုရင်ဖြစ်နေကြ၊ ဆေးသောက်ရင်သက်သာသွားတာပဲ၊ ကာကွယ်ဆေးတွေ ထိုးဖို့မလိုပါဘူး ဆိုပြီး သဘောထားတတ်ကြတယ်။
ဟုတ်ပါတယ်။
ရာသီတုပ်ကွေး (Seasonal Influenza) ဆိုတာ အသက်ရှူလမ်းကြောင်း ဆိုင်ရာရောဂါတစ်ခုဖြစ်ပြီး တုပ်ကွေးဗိုင်းရပ်စ် (Influenza Virus) ကြောင့်ဖြစ်တာပါ။
အသက်အရွယ်မရွေး၊ ရာသီမရွေးဖြစ်နိုင်ပေမယ့် မိုးရာသီမှာ အဖြစ်များပါတယ်။
**ရာသီတုပ်ကွေးဟာ နှစ်စဉ် ဖြစ်နေကြမို့ ကာကွယ်ဆေးထိုးမယ်ဆိုရင်လည်း တစ်နှစ်တစ်ခါ ထိုးရပါတယ်။**
တုပ်ကွေးဖြစ်ရင် တကိုယ်လုံး အရမ်းညောင်းကိုက်ပါတယ်။ တချို့ခေါင်းကိုက်တာ အတော်ခံရပါတယ်။ ချောင်းဆိုးတာ တခါတလေ ညဘက် ကောင်းကောင်းအိပ်လို့မရအောင် ထိဆိုးတတ်ပါတယ်။ လည်ချောင်းနာလို့ အစာမျိုရခက်တာ၊ နှာရည်ကျတာ၊ ညဘက်နှာခေါင်းပိတ်လို့ အသက်ရှူရခက်တာတွေအပြင် လူကနှုံးချိပြီး မလှုပ်ချင်မရှားချင် ကွေးနေရတဲ့ အထိ တုပ်ကွေးကဒုက္ခပေးပါတယ်။ ကလေးတွေမှာဆို အန်တာ၊ ဝမ်းပျက်ဝမ်းလျောဖြစ်တာ စတဲ့ လက္ခဏာတွေ ဖြစ်တတ်ပါတယ်။
ကိုယ်ခံအားကောင်းသူ တွေက ရက်တိုတိုနဲ့ သက်သာသွားနိုင်ပေမယ့် တချို့တွေ ၂ပတ်လောက်ခံရတာရှိပါတယ်။
အခန့်မသင့်ရင် အဆုတ်ရောင်နမိုးနီးယားဖြစ်သွားတဲ့အထိ ဆိုးရွားတတ်ပါတယ်။
‼️တကယ်လို့ သင်ဟာ နှစ်စဉ်နှစ်တိုင်း ရာသီတုပ်ကွေးကာကွယ်ဆေး ထိုးထားခဲ့မယ်ဆိုရင် ဒီပြသနာတွေကိုရှောင်ရှားနိုင်ပါတယ်။‼️
ရာသီတုပ်ကွေးကာကွယ်ဆေးထိုးထားပြီးရင် တုပ်ကွေး မဖြစ်တော့ဘူးလားလို့ မေးစရာရှိပါလိမ့်မယ်။
ကာကွယ်ဆေးထိုးထားပေမယ့်လည်း တုပ်ကွေးဖြစ်နိုင်ပါသေးတယ်။
ရာသီတုပ်ကွေးဖြစ်စေတဲ့ (Influenza Virus) ဗိုင်းရပ်စ် မျိုးကွဲများစွာရှိပါတယ်။ တုပ်ကွေး ကာကွယ်ဆေးတွေဟာ အဖြစ်များပြီး ရောဂါဆိုးရွားစေတဲ့ တုပ်ကွေးဗိုင်းရပ်စ် မျိုးကွဲ ၄ မျိုးကို ကာကွယ်ဖို့ ထုတ်လုပ်ထားတာပါ။ ဒါကြောင့် အခြားမပြင်းထန်တဲ့ တုပ်ကွေးဗိုင်းရပ်စ် မျိုးကွဲတွေကို မကာကွယ်နိုင်ပါဘူး။ ဒါကြောင့် တုပ်ကွေးကာကွယ်ဆေး ထိုးထားပြီးရင်လဲ အခြားမပြင်းထန်တဲ့ တုပ်ကွေးဗိုင်းရပ်စ် မျိုးကွဲတွေကြောင့် တုပ်ကွေး ဖြစ်နိုင်ပါသေးတယ်။
👉ဒါပေမယ့် ရာသီတုပ်ကွေးကာကွယ်ဆေးထိုးထားသူတွေမှာ တုပ်ကွေးဖြစ်ခဲ့ရင်လည်း သိပ်ဆိုးဆိုးရွားရွားမခံစားရပါဘူး။ တုပ်ကွေးကြောင့်သေဆုံးနှုန်းကို သိသိသာသာလျော့ကျ စေတယ်။
ဟုတ်ပြီ။ ကာကွယ်ဆေးကို ဘယ်အသက်အရွယ်မှာထိုးရမလဲ ဆိုတာလေး ဆက်ပြောပါမယ်။
ရာသီတုပ်ကွေး ကာကွယ်ဆေးကို အသက် ၆လ နှင့်အထက် ရှိသူတိုင်း ထိုးသင့်ပါတယ်။
အထူးသဖြင့် အသက် ၆ လမှ ၅နှစ်အရွယ်ကလေးတွေ၊ အသက် ၆၅နှစ်အထက် လူကြီးတွေ၊ ကိုယ်ဝန်ဆောင်မိခင်တွေ၊ နာတာရှည်ရောဂါအခံ ရှိတဲ့သူတွေ၊ ကိုယ်ခံအားနည်းသူတွေ၊ ကျန်းမာရေးဝန်ထမ်းတွေ ကတော့ မဖြစ်မနေထိုးထားသင့်ပါတယ်။ ကိုယ်ဝန်ဆောင်မိခင်တွေမှာ ထိုးထားရင် ကိုယ်ဝန်ဆောင်မိခင် အပြင် မွေးကင်းစ ၆လအောက် အရွယ်ကလေးတွေကိုပါ အပြင်းအထန်တုပ်ကွေးဖြစ်ခြင်းမှ ကာကွယ်ပေးပါတယ်။
ကာကွယ်ဆေးရဲ့ကောင်းကျိုးတွေသိပြီးပြီမို့ ဘယ်လိုထိုးရမလဲဆိုတာလေး ပြောပြ ပါမယ်။
👶အသက်၉နှစ်အောက် ကလေးတွေ အခုမှ စထိုးမယ်ဆိုရင် ပထမ(၁ကြိမ်) ထိုးပြီး နောက် (တစ်လ/လေးပတ်) အကြာမှာ နောက်တစ်ကြိမ် ထပ်ထိုးရပါမယ်။ စုစုပေါင်း ၂ကြိမ် ထိုးရတာပါ။ နောက်လာမယ့်နှစ်တွေမှာတော့ ပုံမှန်အတိုင်း (၁ကြိမ်) ပဲထိုးဖို့ လိုပါတယ်။
👦🏻အသက် ၉နှစ် အထက် ဆိုရင်တော့ (၁ကြိမ်) ထိုးရင် ရပါပြီ။
အခု ထိုးနေကြတဲ့ တုပ်ကွေးကာကွယ်ဆေး အမျိုးအစားလေးကို ရှင်းပြပေးပါ့မယ်။
ကာကွယ်ဆေးအမျိုးအစားတွေကတော့ လေးမျိုးစပ် နဲ့ သုံးမျိုးစပ် ရာသီကာကွယ်ဆေး ဆိုပြီး ရှိပါတယ်။
💉Vaxigrip Tetra ကတော့ လေးမျိုးစပ်တုပ်ကွေးကာကွယ်ဆေးဖြစ်ပြီး Influenza A subtypes ၂ မျိုး (A/H1N1 pdm09, A/H3N2)၊ Influenza B subtypes ၂ မျိုး (B/Washington, B/Phuket) ကို ကာကွယ်ပေးပါတယ်။
💉Fluarix Tetra, Flu Quadri, Influvac Tetra ဆိုတဲ့ လေးမျိုးစပ်တုပ်ကွေးကာကွယ်ဆေးတွေလဲရှိပါတယ်။
💉သုံးမျိုးစပ် ရာသီကာကွယ်ဆေး Influvac Trivalent ဆိုတာလည်းရှိပါတယ်။
ရာသီတုပ်ကွေးကာလက ဇွန်လကနေ စက်တင်ဘာလလောက်ထိရှိတတ်တာမို့ ဒီကာလ မတိုင်ခင် ကြိုတင်ပြီး ကာကွယ်ဆေးထိုးထားပါ။
ကာကွယ်ဆေးဆိုတာ အခုဆေးထိုးပြီးတာနဲ့ အခုမကာကွယ်ပါဘူး။
ဆေးအာနိသင်ရဖို့ ၁၀ ရက်ကနေ ၂ ပတ်လောက်ကြာတတ်ပါတယ်။
ဒါကြောင့် စောစောထိုးထားလေ ကောင်းလေမို့ ရာသီအကူးအပြောင်း မဖြစ်မီ (မိုးရာသီရောက်ခါနီး) မေလ ရောက်ပြီဆိုရင် ရာသီတုပ်ကွေးကာကွယ်ဆေးထိုးထားကြဖို့ အကြံပြုပါတယ်။
—————————————————
ရာသီတုပ်ကွေးကာကွယ်ဆေးထိုးမယ်ဆိုရင်ဖြင့် cb မှာစာရင်းပေးလို့ရပါပီရှင်
မိုးညှင်း /နန်းမား/ဟိုပင်/မိုးကောင်း/နမ္မတီး/မြစ်ကြီးနား နီးစပ်ရာဆေးခန်း လမ်းပြပါမယ်ရှင့်
ဖုန်းဆက်မေးချင်ရင်ဖြင့် 09788343298ကို တိုက်ရိုက်ဆက်သွယ်လို့ရပါတယ်ရှင်
Crd
