အညာသူ-မယ်နွေး

အညာသူ-မယ်နွေး အညာအိမ်ချက်လက်ရာဟင်းမယ်များနဲ့ အညာဒေသထွက်အစားအစာများ 💛👩‍🌾

23/06/2026

ဒါလေးက ဘာဟင်းလဲ သိကြလား?.. 😬😬
မနက်ဖြန်ကျရင် ချက်နည်းတင်ပေးမယ် 👱🏼‍♀️💛

#အညာမယ်နွေး
#နေ့စဥ်ဟင်းမယ်
#ဟင်းချိုင့်ဆွဲ

23/06/2026

၂၄ရက်နေ့ အတွက် ဟင်းမယ်များ....

#ငါးသံချိတ်ပေါက်ကြော် - 12000
#ဝက်သားနီချက် - 12000
#ကြက်ဥဖောက်ချက် - 6500
#ခရမ်းချဥ်သီးငါးခြောက်ချက် - 1000

#ပဲပြားချဥ်စပ် - 4000
#ကန်စွန်းရွက်ကြော် - 3500
#ငပိရည်တို့စရာ - 2500
#ချဥ်ပေါင်ရွက်ချဥ်ဟင်း - လက်ဆောင်

စေတနာတွေအပြည့်နဲ့
#အညာမယ်နွေး👱🏼‍♀️💛
စားလို့မြိန်ပါစေရှင်🙏👱🏼‍♀️
#ဟင်းချိုင့်ဆွဲ
#နေ့စဥ်ဟင်းမယ်

23/06/2026

🌙 အခုလို ဆက်တိုက်လိုလိုဖြစ်နေသော ရန်ကုန်မိုးတွင်းနေ့ရက်တွေမှာ မလုပ်ချင်ဆုံးအလုပ်က ဘာများဖြစ်မလဲ....❔❔❔

မယ်နွေးရဲ့ အဖြေကတော့ "စျေးသွားခြင်း" ပါ 😬😬

🌧 မနက်စောစောလေးထပြီး စျေးသွားမယ်လို့တွေးထားကာမှ မနက်စောစောမိုးကတဖျောက်ဖျောက်.စျေးသွားရင် စိုစိစိုစိနဲ့ညစ်ပတ်နေမှာ စျေးသွာချင်တော့ဘူးကွာ ဒီနေ့တော့အိမ်မှာရှိတာနဲ့စားကြတော့.

👨‍👩‍👧‍👧 ပိတ်ရက်လေးမိသားစုစုံစုံလင်လင်ရှိတဲ့ရက်လေး မြန်မာထမင်းဟင်း ဖွယ်ဖွယ်ရာရာလေးစားချင်လိုက်တာ.. စသဖြင့်. စသဖြင့် အတွေးပေါင်းများစွာကို တခါထဲနဲ့ဖြေရှင်းပေးမယ့် မယ်နွေးပါရှင် 💛👩‍🌾

***** မယ်နွေးရဲ့ အားသာချက်များ *****

*** အချိုမှုန့်၊ စားအုံးဆီ ❌ လုံးဝလုံးဝ❌ အသုံးမပြုခြင်း

*** အော်ဒါရှိသလောက်နဲ့ မယ်နွေးရဲ့မိသားစုတွေစားဖို့ပဲချက်တာမို့ ရက်ကျန်ဟင်းများမရှိခြင်း (တခါတလေ အိမ်ကသူတွေစားဖို့တောင်မကျန်😁)

*** အသီးအရွက်တွေ၊ အသားငါးတွေကို ဆား၊ ရှာလကာရည် စသည်တို့ဖြင့် သေချာစွာဆေးကြောသန့်စင်ပေးခြင်း

*** အသား၊ ငါးများကိုလဲ တရက်စာတရက်ပဲစျေးကဝယ်ချက်ခြင်း၊ ရေခဲသေတ္တာထဲသိုလှောင်ထားပြီးမချက်ပါဘူးရှင်

*** သန့်ရှင်းလတ်ဆတ်သော အညာဒေသရာသီစာ လေးတွေကို သူ့ရာသီစာအလိုက်ချက်ပြုတ်ပေးခြင်း

ကဲ...ကိုယ်ချက်ကိုယ်ကောင်းအဖွဲ့ကမို့ ကိုယ်ကောင်းကြောင်းတွေ ရေးလို့မကုန်ဖြစ်နေပြီ။ ဒါ့ကြောင့်မို့ #ဟင်းချိုင်ဆွဲ #နေ့စဥ်ဟင်းမယ် ကြိုက်နှစ်သက်ရာ ကိုအမြန်လေးသာအားပေးလိုက်ကြတော့..💛👩‍🌾

မယ်နွေးရေ. ဒီဟင်း ဒါလေးတွေ စားချင်နေတာ စီစဥ်ပေးပါအုန်းဆိုလဲ စီစဥ်ပေးတာမို့ ဘာလိုသေးလဲရှင်.
အမြန်လေးမှာယူဖို့ပဲ လိုနေတာပါရှင် 💛💛

📲09797798322
တခါတလေ ဟင်းချက်နေတဲ့ချိန် Gas အိုးတွေနားမှာမို့၊ စျေးသွားနေတာတို့၊ နေ့လည်ခဏနားတဲ့အချိန်တို့ဆိုဖုန်းမကိုင်ဖစ်ခဲ့ရင် Page cb/ Viber/ Telegram တို့မှာ မယ်နွေးရေလို့သာခေါ်ခဲ့လိုက်ပါ၊ အမြန်ဆုံးပြန်လည်ဆက်သွယ်ပေးပါမယ်ရှင်။

စေတနာတွေအပြည့်နဲ့
#အညာသူမယ်နွေး💛👩‍🌾

21/06/2026

ကျွန်မရဲ့ Healing Coner လေး.... 💐🌸🌼

ဝရံတာပြတင်းပေါက်ကနေ အိမ်ရှေ့ခန်းထိကို မွှေးကြိုင်ထုံသင်းနေတာပါပဲရှင်..💛

တကယ်ကို စိတ်ကြည်လင်အေးချမ်စေသောလေး.. 😀💛 အခုလိုမျိုး ဖူးပွင့်ဝေဆာပြီး အေးချမ်းမှူတွေပေးတဲ့အတွက် ကျေးဇူးပါကွယ်... 🌸💛


#အညာသူမယ်နွေး
#ဟင်းချိုင့်ဆွဲ

လှောင်အိမ်ထဲက ကမ္ဘာငယ်လေးထဲမှာ ကိုယ်ပိုင်တဲ့ အစိမ်းရောင် အိုအေစစ်လေး...🌿✨ မြင်ရုံနဲ့တင် စိတ်အမောပြေစေတဲ့ Healing Corner ...
17/06/2026

လှောင်အိမ်ထဲက ကမ္ဘာငယ်လေးထဲမှာ ကိုယ်ပိုင်တဲ့ အစိမ်းရောင် အိုအေစစ်လေး...

🌿✨ မြင်ရုံနဲ့တင် စိတ်အမောပြေစေတဲ့ Healing Corner လေးပေါ့.. သစ်ရွက်လေးတွေ လှုပ်ခတ်တာကို ကြည့်နေရုံနဲ့တင် နှလုံးသားတစ်ခုလုံး အေးချမ်းသွားစေတာပါပဲရှင် 🍃☕️

ဒီအိုအေစစ်လေးထဲမှာ ဇလပ်ပန်း၊ နယ်ကအိမ်မှာမေကြီးစိုက်ခဲ့တဲ့"ငွေလာဂမုန်း" လို့ခေါ်တာလား နာမည်‌ကိုသေချာမမှတ်မိ..အဖြူရောင်အပွင့်လေးတွေပွင့်တာ အနံ့လဲအတော်မွှေးတယ်။ ပြီးရင် နှင်းဆီအဝါ၊ ကံ့ကော်ပင် အဲ့ဒီပန်းလေးတွေ ထပ်စိုက်ချင်သေးတယ် 🏞️🌲☘️

အခုလက်ရှိမှာ ယုဇနပင်မှာ တပင်လုံးအဖူးတွေကြီးပဲ။ နောက် ၂ရက်လောက်ဆို ၀ရံတာလေးမှာ သူ့အနံ့လေးတွေထုံသင်းနေတော့မှာ...💛

#အညာသူမယ်နွေး
#ဟင်းချိုင့်ဆွဲ
#နေ့စဉ်ဟင်းမယ်

14/06/2026

ချက်ရလဲလွယ် အရသာလဲရှိ ကျန်းမာရေးအတွက်လဲ ကောင်းစေမယ့် ဟင်းရည်လေးကိုပြောပြပါမယ်ရှင့်💛

ဘာဟင်းရည်လဲဆိုရင် #မုန်လာဥဖြူဟင်းရည် လေးပါရှင်။ သူ့ကြီးပဲဟင်းရည်ချက်ရမကြိုက်ဘူးဆိုရင် ကြက်သား/၀က်နံရိုး စတဲ့မိမိကြိုက်နှစ်သက်ရာ အသားတို့ကို ဟင်းရည်ထဲမှာထည့်ချက်လို့ရပါတယ်ရှင်💛

မုန်လာဥဖြူကိုအစိမ်းအတိုင်းက ချက်ရတာရိုးရင် အရသာတမျိုးရှိစေပြီး စားရတာထုတ်ထုတ်နဲ့စားလို့လဲကောင်းစေမယ့်နည်းလမ်းလေး မျှဝေပေးပါ့မယ်ရှင့်။

အဲ့ဒီနည်းလမ်းကတော့ မုန်လာဥဖြူကို အနေတော်လေးတွေလှီးဖြတ်ပီး နေပူပူ‌မှာလှန်းပြီးမှ ဟင်းရည်ချက်သောက်ကြတာပဲ ဖြစ်ပါတယ်ရှင့် 🍜🍲🥘

မယ်နွေး ချစ်ရတဲ့အိမ်ရှင်မလေးတို့လဲ ဒီ #မုန်လာဥဖြူဟင်းရည် လေးကို ကိုယ်ချစ်ရတဲ့မိသားစု၀င်တွေကို ချက်ကျွေးကြည့်ပါရှင့်။ ထမင်းစားလို့မြိန်ခံတွင်းတွေ့စေမယ့် ဟင်းရည်လေးဖြစ်မှာပါရှင်။

ဒီဟင်းရည်လေးနဲ့လိုက်ဖက်ဖို့ဆိုရင် #ရှုးရှဲငပိထောင်း ကို ကြက်သွန်နီပါးပါးလှီး သံပုရာသီးလေးညှစ်ပြီး သုပ်တဲ့ ငပိသုပ်လေးတမယ်ပါ ပြင်ဆင်လိုက်ပါရှင်💛🧑‍🌾

စေတနာတွေအပြည့်နဲ့
#အညာသူမယ်နွေး💛🧑‍🌾
စားလို့မြိန်ကြပါစေရှင်🙏🧑‍🌾

13/06/2026

မယ်နွေးဆီက အဓိကရတဲ့ အညာရာသီစာလေးတွေ ဒီ၆လပိုင်းကုန်လောက်ဆို ရပီ.💛👩‍🌾

#အတာတို့ဖူး
#အညာတောင်ရိုးမျှစ်နီပြုတ်
#အညာမျှစ်ထောင်း.. စတာလေးတွေ စားရတော့မယ်ဗျိို့ 😁😁

အညာဒေသရဲ့ရာသီစာလေးတွေကြိုက်တယ်ဆိုရင် မယ်နွေးဆီမှာ #ဟင်းချိုင့်ဆွဲ #နေ့စဉ်ဟင်းမယ် ကြိုက်နှစ်သက်ရာ မှာယူလို့ရပါတယ်ရှင် 💛👩‍🌾

စေတနာတွေအပြည့်နဲ့
#အညာသူမယ်နွေး💛👩‍🌾
စားလို့မြိန်ကြပါစေရှင်🙏👩‍🌾

11/06/2026

🫚🧄🍈 #ရွှေဖရုံသီးနှပ် နည်း 🍲

မယ်နွေးချစ်ရတဲ့ အိမ်ရှင်မလေးတို့အတွက် ဒီလိုရာသီဥတုနဲ့လဲလိုက်ဖက်ရမယ်၊ အရသာရှိပြီး ထမင်းလဲမြိန်ရမယ်၊ ဈေးလဲမကြီးတဲ့ ဖိုးနည်း၀န်ပါအရံဟင်းမယ်တခွက်အကြောင်း ပြောပြမလို့ 💛💛

ဘာဟင်းလဲဆိုရင် #ရွှေဖရုံသီးချက် ဟင်းမယ်လေးပါ။
ဟွန့်.. ရွှေဖရုံသီးဟင်း ချက်တာလွယ်လွယ်လေးကို ‌ထွေးထူးမရှိတာကို လာပြောနေသေးလို့ မထင်ကြပါနဲ့နော်.

အိမ်ရှင်မတွေဆိုတာက ကိုယ်ရဲ့မိသားစုကျန်းမာရေးအတွက် တထောင့်တ‌နေရာဖြစ်ပြီးအဓိနေရာလို့တောင်ပြောလို့ရတဲ့ မီးဖိုချောင်က‌နေပြီးဂရုတစိုက်ပြုစုချက်ပြုတ်ပေးနေရတာမဟုတ်လား..

ရွှေဖရုံသီးရဲ့ကောင်းကျိုးတွေကတော့ များကြီးပါပဲ။ အဲ့ဒီထဲက ဒီရာသီမှာအဖြစ်များတဲ့ ချောင်းဆိုး၊ ရင်ကျပ်ခြင်း၊ လည်ချောင်းနာခြင်း တို့ကိုသက်သာစေတယ်တဲ့.. ပြီးရင် အသားအရေအတွက်လဲ တကယ်ကိုကောင်းတဲ့အစားအစာဖစ်ပါတယ်တဲ့

အဲ့ဒါကြောင့် ဒီလိုတုပ်ကွေးကကွေးချင်သလို ချောင်းကဆိုးချင်သလို လည်ချောင်းကနာချင်သလိုဖြစ်နေတဲ့ ရာသီမှာ #ရွှေဖရုံသီးချက် လေးကိုချက်ပြီး ချစ်ရတဲ့မိသားစုရဲ့ကျန်းမာရေးကို ဂရုစိုက်ပေးလိုက်ကြပါရှင်။

မယ်နွေးရဲ့ #ရွှေဖရုံသီးနှပ် ချက်နည်းကတော့ ရိုးရှင်းပါတယ်။ မေကြီးချက်ကျွေးခဲ့သလိုပဲ ချက်ပါတယ်။

ဒယ်အိုးထဲကို ရေဆေးသန့်စင်ပြီးတုံးထားတဲ့ ရွှေဖရုံသီးတွေကိုထည့်မယ်။ ပြီးရင် ထောင်းထားတဲ့ ဂျင်း (ဒီဟင်းရဲ့အဓိကပါ၀င်ပစ္စည်းတမျိုးပါ)၊ ကြက်သွန်ဖြူ တို့ကိုထည့်ပါတယ်။ ဖရုံသီးနှပ်ထဲမှာ ဂျင်းတက်ကိုထောင်းပြီးထည့်ချက်စားကြည့်ပါရှင်။ အနံ့လေးမွှေးပြီး တကယ်ကိုခံတွင်းရှင်းပြီးစားကောင်းစေမှာပါ။

(ဂျင်း - ဒီဟင်းရဲ့ ဒုတိယအရေးကြီးတာက ဂျင်းပါ။ ရွှေဖရုံသီးချက် ထဲဂျင်းထည့်ချက်ရင် တော်တော်လေးကိုမွှေးပြီး စားရတာပိုပြီးခံတွင်းတွေ့စေပါတယ်။ ဂျင်းကလဲ ချောင်းဆိုးတာကို သက်သာစေတယ်တဲ့၊ အစာအိမ်အူလမ်းကြောင်းအတွက်လဲ ဆေးတလက် ဖြစ်တယ်တဲ့. )

ကြက်သွန်နီ ၁လုံးလောက်ကိုလဲ ပါးပါးလှီးထည့်ပါတယ်ရှင်။ ပြီးရင် ပုဇွန်ခြောက်နည်းနည်းထောင်းထည့် ဆီလေးလဲ ပါလေကာ ဆား၊ မျှင်ငပိလေးပိစိ (ပါတယ်ဆိုရုံလေး) နဲ့ အသားမှုန့်တို့ကိုထည့်ပြီး နယ်လိုက်ပါ။

(ဒီရွှေဖရုံသီးနှပ်ထဲမှာ ရုံးပတီသီး‌ကြိုက်တယ်ဆိုရင် ထည့်ပြီးချက်စားကြည့်ပါရှင်။)

ဖရုံသီးနူးအိရုံလောက်ရေပမာဏ ထည့်ပီးချက်လိုက်လို့ရပါပြီရှင်. ရွှေဖရုံသီးလေးတွေ နူးအိလာပြီဆိုရင် အရသာရှိတဲ့ #ရွှေဖရုံသီးနှပ် လေးတမယ် ရရှိလာပါပြီ။

သူနဲ့တွဲဖက်စားဖို့က အသားဟင်းဆိုရင် #ဆိတ်ခြောက်တောချက် အရံဟင်းထဲကတွဲစားဖို့ဆိုရင် အချဉ်ချက်လေးတွေဖစ်တဲ့ #ဂွေးသီးငပိချက် #သစ်တိုသီးငပိချက် စတာလေးတွေနဲ့လိုက်ဖက်ပါတယ်ရှင်။

စေတနာတွေအပြည့်နဲ့
#အညာသူမယ်နွေး💛🧑‍🌾
စားလို့မြိန်ကြပါစေရှင်🙏🧑‍🌾

မနက်ဖြန် ၁၁ရက်နေ့ကို... #ငွေနှင်းမှို ကို လယ်ကန်စွန်းလေးနဲ့ ကြော်ချက်လေးချက်  #ရုံးပတီသီးနှပ် လေးရယ် ချက်မယ်ကွယ်..သူတို့...
10/06/2026

မနက်ဖြန် ၁၁ရက်နေ့ကို...
#ငွေနှင်းမှို ကို လယ်ကန်စွန်းလေးနဲ့ ကြော်ချက်လေးချက် #ရုံးပတီသီးနှပ် လေးရယ် ချက်မယ်ကွယ်..သူတို့နဲ့လိုက်ဖက်မယ့် #ချဉ်ပေါင်ချဉ်ဟင်း ရယ် #ငပိရည်တို့စရာ ရယ် ကမပါမဖစ်ပေါ့

အသားဟင်းကိုတော့ #ငါးဘဲလေးအိုးကပ် #ငါးဖားမငပိကောင်ကြော် #ကြက်အသဲအမြစ်ဆီပြန် ချက်ပါမယ်ရှင်။

စေတနာတွေအပြည့်နဲ့
#အညာသူမယ်နွေး💛🧑‍🌾
စားလို့မြိန်ကြပါစေရှင်🙏🧑‍🌾

Address

Yangon

Opening Hours

Monday 09:00 - 19:00
Tuesday 09:00 - 19:00
Wednesday 09:00 - 19:00
Thursday 09:00 - 19:00
Friday 09:00 - 19:00
Saturday 09:00 - 19:00

Telephone

+959797798322

Website

Alerts

Be the first to know and let us send you an email when အညာသူ-မယ်နွေး posts news and promotions. Your email address will not be used for any other purpose, and you can unsubscribe at any time.

Share