22/08/2025
ဆီချက်ခေါက်ဆွဲ🧄
-ကြက်သားကို ပဲငံပြာရည်၊ဆား၊သကြားတို့နဲ့ အရသာနယ်ပြီး ချင်း၊ကြက်သွန်မြိတ်အရင်းပိုင်း၊ကြက်သွန်ဖြူတို့နဲ့ ရောပြုတ်
-ဆီချက်ချက်ဖို့ ကြက်သွန်ဖြူကို နုတ်နုတ်စင်းပြီး ကြက်သားပြုတ်ထားတုန်း ဆီထဲထည့်ကြော် (ကျွမ်းသွားတတ်လို့ ကိုယ့်ကို ပြန်မချစ်တဲ့သူကို ဂရုစိုက်ပေးသလိုပဲ သေချာလေး ဂရုစိုက်ပေးပါ)
-ကြက်ဥခေါက်ဆွဲပြုတ်
-ဆီချက်ခေါက်ဆွဲဆော့စ်အတွက် သကြား၊ပဲငံပြာရည်အကျဲ၊ပဲငံပြာရည်အပြစ် ရောထားတာထဲကို ကြက်ပြုတ်ရည် နည်းနည်းထပ်ရောပြီးမွှေထား
-စပ်ထားတဲ့ ဆော့စ်ရယ် ကြက်သွန်ဖြူဆီချက်ရယ် ကြက်ဥခေါက်ဆွဲရယ် ပြုတ်ထားတဲ့ကြက်သားရယ်ကိုရောမွှေ
-ဆီမွှေးရယ် ငရုတ်ကောင်းလေးပေါက်(မထည့်လဲရပါတယ်)
-စားမယ့်ပန်းကန်ထဲထည့် ကြက်ဥပြုတ်တင် ကြက်သွန်မြိတ်ပါးပါးလှီးထားတာလေးဖြူးပြီးစားလို့ရပါပြီ
စာကြွင်း။ပြန်မလာမယ့်သူကို မေ့မရနိုင်တဲ့သူတွေလို မှတ်ဉာဏ်မကောင်းလို့ ကြက်ဥပုံရိုက်ဖို့မေ့သွားတာပါ။မထည့်လဲရပါတယ်။🧄
