Fil-kċina ma’ Xef Xandra

11/06/2026

STUFFAT TAĊ-ĊIĊRI, PATATA ĦELWA U KARI! Dan hu tassew TAJJEB fit-togħma u fih biss madwar 500 kalorija kull porzjon!

Ingredjenti:
Patata ħelwa kbira mqattgħa f’dadi
Basla kbira mqattgħa
3 sinniet tewm imqattgħin
200g ċiċri niexfa
Żewġ tadamiet imqattgħin
Qarabagħlija mqattgħa f’dadi
Mgħarfa mburġata mango chutney
Mgħarfa trab tal-kari
Kuċċarina kosbor, oħra kemmun, oħra mixed spice, oħra turmeric
Dada tal-ħaxix
Mgħarfa coconut oil
150ml meraq tat-tadam

Metodu: xarrab iċ-ċiċri ftit sigħat, saffi; qalli l-basla, ħwawar, patata, ċiċri u qarabagħli fiż-żejt; żid t-tadam, id-dada, il-meraq tat-tadam; għatti bl-ilma u tektek għal madwar siegħa u nofs; żid bajda u ġbejna friska kull wieħed u sajjar; servi mar-ross mgħolli. KUL GĦAL QALBEK!

05/06/2026

SIDRA TAT-TIĠIEĠ BIL-PESTO FRISK!

Ingredjenti:
600g sidra tat-tiġieġ
100ml pesto frisk
Żewġ patatiet ħelwa
100g high protein cottage cheese
Ftit għasel, bżar, melħ u trab tat-tewm

Metodu: idlek it-tiġieġ bil-pesto u ħallieh jimmarina ftit; ixwi ftit minuti fuq kull naħa; ħallat il-cottage cheese mal-għasel u l-bżar, il-melħ u t-trab tat-tewm; aħmi l-patata u aqsam min-nofs; roxx bżar, melħ, trab tat-tewm; idlek bik-cottage cheese u fuq kollox poġġi t-tiġieġ mixwi; servi ma’ ħaxix staġjonali mixwi.KUL GĦAL QALBEK! fans

28/05/2026

Ili ftit ma ntella’ regolari għax kont imħabbta kif ukoll ma niflaħx! Nittama li daqt nerġa’ nkun magħkom b’mod regolari daqt!

Hawn hi ikla sempliċi iżda tajba u bi ftit kaloriji: PULPETTI TAL-ĠBEJNIET U L-ISPINAĊI MOĦMIJA BIR-ROSS! Kaloriji totali madwar 1700 jekk taqsan f’4 porzjonijiet madwar 425 kalorija biss!

Ingredjenti:
Għall-pulpetti: 250g irkotta
250g spinaċi
Basla mqattgħa
30g ġobon maħkuk
2 ġbejniet friski
Bajda mħabbta

500ml zalza lixxa (tadam, polpa, basla, tewm u ħabaq)
Kikkra ross mgħolli
60g ġobon maħkuk (ċedar u pecorino)
Bajda mħabbta

Metodu: ħallat l-ingredjenti tal-pulpetti u ffurmahom; aħmi għal ftit ħin fuq 160; ħallat ir-ross ma’ nofs iz-zalza, il-bajda u ftit mill-bqija tal-ġobon; ifrex fil-qiegħ ta’ dixx u fuq ir-ross poġġi l-pulpetti; ifrex il-bqija taz-zalza u l-ġobon u aħmi fuq 160 għal madwar siegħa; ħalli toqgħod ftit qabel ma taqta’.

25/05/2026

Itjeb milli li tagħmel int mhawnx! Dan l-għaġin BIL-PESTO FRISK U T-TADAM
CHERRY tagħmlu malajr u FERM itjeb milli tixtri lest!

Ingredjenti:
Għall-pesto:
5 sinniet tewm
Bukkett ħabaq frisk
100g ġobon Pecorino u Parmeġġjan
50f lewż pinoli (pine nuts)
100ml żejt taż-żebbuġa pur
Bżar u melħ

Metodu: itfa’ l-weraq biss tal-ħabaq u l-bqija tal-ingredjenti ġo proċessatur; għalli l-għaġin, saffi; qalli ftit tadam cherry fi ftit żejt taż-żebjuġa u tewm; żid ftit mill-pesto, ftit ilma tal-għaġin u ħawwad; iktar ma żżid pesto iktar se jiġi qawwi; ħawwad it-tadam cherry u servi! N.B. Tista’ sservi kiesaħ bħala insalata! fans KUL GĦAL QALBEK!

21/05/2026

QUICHE TAL-ISPINAĊI, ĠBEJNIET U PANĊETTA!

Ingredjenti:
Biċċa għaġina tat-torti jew puff (daqs 350g)
6 bajdiet imħabbta
250g irkotta
Żewġ ġbejniet friski mfarrkin
Basla mqattgħa
500g spinaċi
Ftit ġobon parmeġġjan u grana padano maħkuk
Ftit ċedar
Noċemuskata
100g panċetta f’dadi
Ftit tadam cherry

Metodu: qalli l-basla u żid l-ispinaċi, noċemuskata, ftit bżar u melħ; kessaħ; idlek dixx bi ftit butir u roxx ftit frak tal-ħobż fil-qiegħ; iksi bl-għaġina u fil-qiegħ erġa’ roxx iktar frak tal-ħobż; dan biex l-għaġina ma tixxarrabx u tiġi tqarmeċ; roxx l-irkotta u l-ġbejniet, l-ispinaċi u ftit mill-panċetta; roxx il-bajd fuq kollox u żid ftit bżar u melħ; fuq kollox ferrex il-ġobon; poġġi t-tadam fil-wiċċ u roxx il-bqija tal-panċetta, ftit bżar u ftit iktar ġobon; aħmi fuq 170 għal madwar siegħa. fans KUL GĦAL QALBEK!

19/05/2026

ROLL TAS-SIDRA TAD-DUNDJAN! L-ikla kollha, bil couscous u tzaziki, jekk taqsam fi tnax-il biċċa, u sservi 4, fiha madwar 500 kalorija biss!

Ingredjenti:
250g ikkapuljat tas-sidra tad-dundjan
100g pancetta rqiqa
100g prosciutto
3 biċċiet ġobon Edam
Bajda mħabbta
Vasla mqattgħa
300g spinaċi mgħollija
Bajda oħra mħabbta
30g pecorino maħkuk
Qalba ta’ bieba ħobż imfarrka
Qoxra maħkuka ta’ lumija
Tursin imqatta’

Metodu: ħallat l-ikkapuljat mal-basla, bajda u żid ftit bżar, melħ u ħwawar; aqta’ biċċa foil u oħra karta forno u poġġi fuq xulxin; fuq ilkarta forno ifrex il-panċetta, it-taħlita tal-ikkapuljat, il-prosciutto, il-ġobon, l-ispinaċi; ħallat flimkien il-bajda l-oħra, il-ħobż, ġobon, lumi u tursin u ifrex fin-nofs; rembel, għalaq ir-romblu fil-foil u poġġi ġo dixx bl-ilma taħtu; aħmi fuq 170 għal madwar siegħa u nofs; oħroġ mill-forn u ħalli joqgħod; aqta’ f’biċċiet u servi mal-couscous, tzaziki u biċċiet ta’ wrap midluka biż-żejt taż-żebbuġa u mħawra bi ftit ħwawar, melħ u trab tat-tewm; aħmihom għal għaxar minuti. KUL GĦAL QALBEK!

16/05/2026

16/05/2026

PIZZA D-DAR! Għamilna MALTIĊĊOŻA (għax hi taħlita ta’ Capricciosa u Maltija!) u TAL-ĠOBON!

Għall-għaġina:
600g dqiq plain
Pakkett ħmira tal-birra (10g)
Kuċċarina zokkor
200ml ilma fietel
2 imgħaref żejt taż-żebbuġa
Kuċċarina zokkor
400ml ilma fietel

Għall-MALTIĊĊOŻA:
100g mozzarella
Nofs ġbejna tal-bżar mqattgħa
50g perżut imqatta’
Milwa kbira zalzett Malti bla ġilda imqattgħa
Bajda iebsa mqattgħa
Zalza lixxa
Ftit parmiġġan. Grana padano
Ftit żebbuġ aħdar imqatta’
Origanu

Għal tal-ĠOBON:
Zalza lixxa
50g kull wieħed: mozzarella, red leicestershure, ġobon tat-tursina, ġbejna mqattgħa, ċedar, parmiġġan
Ftit żebbuġ tal-għadma

Metodu: ħallat il-ħmira ma’ kuċċarina zokkor u 200ml ilma fietel; ħalli toqgħod 10 minuti sa ma titla’ r-ragħwa; ħawwad id-dqiq, żejt, zokkor, ftit melħ; żid it-taħlita tal-ħmira u ħawwad; zid 400ml ilma fietel u ħaddem f’għaġina ratba; roxx ftit żejt ġo sjuna, poġġi l-għaġina, għatti b’sarvetta u ħalliha toqgħod ftit sigħat; iftaħ l/għaġina fuq karta forno li tkun poġġejt fuq pala tal-pizza; saħħan ġebla tal-pizza fil-forn b’temperatura massima (250); poġġi l-ingredjenti fuq l-għaġina, żerżaq il-pizza bil-karta fuq il-ġebla, u aħmi għal madwar 10 minuti. KUL GĦAL QALBEK! fans Fil-Kċina ma’ Xef Xandra

13/05/2026

INJOKKI/BEBBUX MIMLIJA BL-IRKOTTA U L-ISPINAĊI L-FORN!

Ingredjenti:
500g injokki/bebbux
650g irkotta
Basla mqattgħa
Trab tat-tewm
300g spinaċi mqattgħa
Bajda
100g ġobon maħkuk (parmiġġan, pecorino, ċedar)
Ftit noċemuskata
Zalza lixxa tat-tadam
100ml krema
250ml ħalib xkumat
2 bajdiet imħabbta
30g ċedar maħkuk

Metodu: qalli l-basla, spinaċi u żid n-noċemuskata, bżar, melħ u kessaħ; ħallat mal-irkotta u l-ġobon u l-bajda; imla l-għaġin; ġo dixx poġġi ftit miz-zalza u fuqha poġġi saff għaġin; ferrex ftit ġobon u trab tat-tewm; irrepeti s-saffi spiċċa biz-zalza; ferrex il-krema u l-bajd u l-ħalib fuq kollox; ferrex iċ-ċedar; għatti b’karta forno u foil u ħalli joqgħod ftit sigħat; aħmi mgħotti fuq 175 għal siegħa u nofs; ikxef u aħmi kwarta oħra

10/05/2026

Nawgura lil ommijiet KOLLHA f’dan il-grupp, lil dawk kollha li jħobbu bla kondizzjoni u jindukraw lil min iħobbu daqslikieku huma ommijiethom; nawgura wkoll lil dawk l-irġiel, li fl-assenzja tal-omm, jagħmlu rwol doppju; nawgura wkoll lil dawk li huma ommijiet mod ieħor, tal-annimali tagħna, li nħobbu qishom ulied ukoll! L-aħħar u mhux l-inqas nawgura wkoll lil dawk l-ommijiet li tilfu lil uliedhom jew għad ma kellhomx iċ-ċans li jsiru omm; il-weġgħa tagħhom hi tagħna wkoll; li tkun OMM mhux għax bioloġikament ġibt it-tfal: IŻDA LI TĦOBB BLA KUNDIZZJONI U TPOĠĠI LIL ULIEDEK QABLEK U QABEL L-INTERESSI TIEGĦEK!! Gawdu l-ġurnata mal-familja u ma’ dawk li tħobbu, għax XEJN mhu iktar importanti! Illum mhux se nsajjar iżda sajruli ż-żewġ teżori tiegħi! Iktar riċetti daqt! ### fans Nicole Hammett