06/06/2026
KALULUWANG NALILIGAW
HINDI BA AT IKAW AY INILUKLOK NG KAPWA MO KATUTUBO?
SA KATUNGKULAN PAGSILBI AT SINUMPAANG PAMUMUNO?
KATAPATAN SA BAYAN TULOYAN MO NA BANG ISINUKO?
PILIPINAS KUNG MAHAL,
PATAWAD SA AKING KAPALALUAN,
DAHIL SA KALANSING NG PILAK AKO AY KUMALIWA.
LANDAS NG ISANG TAKSIL ANG NAPILING TAHAKIN.
AT SA AKING KAPATID NAPABILANG NA KAAWAY NARIN.
Sa KAMAY NG MGA HENERAL AKO'Y HIRAP KUMAWALA,
KAHIT ANONG PAGPUMIGLAS HINDI PARIN MAKAALPAS.
SA MANDO NILA NA TILA BA BATAS,
BUHAY KO YATA AY NAKASANGLA.
KAYA TILA KALAYAAN KO AY SA KAMATAYAN ANG PAHINGA.
SANA ANG MAKABAYANG KONSENSYA SA AKIN AY DUMAPO PA.
DALANGIN KO LANG SANA, AY GABAY NG PANGINOONG AMA.
NAWA AY ANG DASAL NG TULAD KONG MAKASALANAN AY KANYA PARIN DINGGIN. AT ANG ANGHEL NG PAG-GABAY SANA NAMAN LUMITAW. GABAY PABALIK SA LANDAS NG PRINSIPYO, KASABAY NG PAG UUSIG SA KONSENSYA KO NA SANA MAGKATOTOO.
MANGIBABAW SANA,
SA PUSO KO KAPWA,
ANG AKING PAGKA PILIPINO,
AT PAGIGING MAKA-BANSA.
SA ATING MGA NINUNO,
AT SA KANILANG KABAYANIHAN.
NAWA'Y MAALALA KO PA, SAKRIPISYO NILA AT TAPANG.
SA TINATAMASANG KALAYAAN TILA NALIMOT KONA PALA, NA BUHAY NILA ANG KAPALIT AT INSTRUMENTONG SUMALBA.
SA KATAWA-TAWANG TEATRO, NA INYONG NILIKHA. HINDI MO PARIN BA RAMDAM ANG GINTONG HIYA?
SA MGA LIDER NA MAPAG-MANIPULA.
SA MGA BULAGSAK AT PALALO SA PERA NG MADLA.
SA LUGMOK NATING SISTEMA,
AT LUBOG SA BURAK NA HUSTISYA.
MAY PAG-ASA PA BA KAYA NA DUMAPO SA INYO SI KONSENSYA?
IKAW BA TALAGA AY MANANATILING BULAG?
LALO HINDI KA PANAMAN SIGURO ISANG BINGI?
SUBALIT, BAKIT PINIPILI MO PARIN ANG MAGING ISANG P**I?
PANGINOON NA AMING AMA, DASAL NAMIN HARINAWA, HIPOIN MO PO SANA ANG PUSO NG BAWAT ISA SA AMIN AT MANAIG NA SANA SA LAHAT ANG PAGKAKAISA.
======={}======{}======{}======{}======
NASAAN KA MAKABAGONG KABATAAN?
NAAALA MO PA BA ANG WINIKA NI DR. JOSE RIZAL? NA TAYO DAW MGA KABATAAN, ANG PAG-ASA NI INANG BAYAN.
ISANTABI ANG IBA'T-IBANG KULAY NA NAIS KATAWANIN AT NAWA'Y MAGKAISA AKING PANAWAGAN PAKIUSAP INYONG DINGGIN.
KAPWA KO KABATAAN NASAAN ANG IYONG TINIG PARA KAY INANG BAYAN?
KAPWA KO KABATAAN SANA'Y BOMOSES RIN SA TAMA, HINDI LANG SA PAGHANGA.
MAKABAGONG PILIPINO AT MAKABAGONG HENERASYON, DANGAL NAMAN NI INANG BAYAN ANG IYONG IPAGTANGGOL.
MAKABAGONG PILIPINO SI INANG BAYAN NAMAN AT TAMA NA KAY IDOLO.
MAKABAGONG HENERASYON TUMINDIG KA PARA SA BAYAN MO. PARA SA PILIPINAS, NA IYONG BAYANG SINILANGAN.
KABATAAN PILIIN MO NAMAN ANG IYONG KAMALAYAN, DANGAL, AT PRINSIPYO, NA SIYANG SUMASALAMIN SA DUGONG PILIPINO. DIGNIDAD PANGALAGAAN LABAN SA KUMINISTANG POLITIKO.
AT HUWAG SANA IPAGBILI, BAYARAN KAMAN NG PILAK AT GINTO.
SA BAWAT BARYA NA NILIKOM MULA SA PAWIS NG HIKA-OS. SA KABAN NI INANG BAYAN TILA SUSI AY NALUSAW.
BAKIT TILA GOBYERNO NA NGAYON ANG KUMAKATAWAN SA WALANG HABAS NA MAGNANAKAW?
PAKIUSAP KABATAAN, REYALIDAD NAMAN ANG IYONG BIGYANG TONO.
ISA PUSO NAWA ANG PAGLIKHA NG MAKABAYANG KWENTO.
SOBERANYA NG IYONG TAHANAN MAGSILBING HANGAWAY KA, TILA BA SIBAT AT MATIBAY NA PANANGGALA.
BAKIT TILA KAY HIRAP MONG PAKIUSAPAN KAPAG SIYA NA ANG NANGAILANGAN?
PAKINGGAN MO ANG PAGTANGIS NG ATING SALIGANG BATAS. PRINSIPYO MO ANG TAGHOY NG ATING INA SA PANG-AALIPIN GUSTO NG MAKAALPAS. KAYA NASAAN KA MAKABAGONG KABATAAN?
