Dash of Dalia

Website

Dash of Dalia • بِـنَفَس فلسطيني 🇵🇸 𓂆
• وصفات، يوميات، وتفاصيل من القلب 🤍
• أفكار سهلة وسريعة لمائدتكم اليومية 👩🏻‍🍳

03/09/2026

مستحيل أمل من هالسندويشة🥹❤️

01/09/2026

اخلاقييي وقت انضغط بالمطبخ 😂😂😂

30/08/2026

جربوا ليالي لبنان ب هالطريقة وادعولي 🤍✨

الطبقة الأولى (أساس ليالي لبنان):
المكونات: لتر حليب (5 كاسات)، كاسة سميد، كاسة سكر.
بس يتقل القوام بضيف
المطيبات: مستكة مطحونة مع سكر، فانيلا، وماء زهر.
بمسح القالب بملعقة قطر قبل صب الخليط فكرة ممتازة وبتسهل التقطيع

الطبقة الثانية (اللمسة الإضافية):
المكونات: علبة قشطة، شعرية باكستانية محمصة بالزبدة (أو كنافة)، وقطر.

بالعافية❤️❤️

16/08/2026

مخلل خيار 🥒❤️

15/08/2026

كباب بالهندي بصينية وحدة 🍅🤤

من أطيب وأسهل وصفات الكباب، وكلها بصينية وحدة 👌🏻

بصينية على الغاز، بنضيف شوية زيت زيتون وقطع البصل، وبنقليهم، وبنضيف:
ملح + فلفل أسود + بابريكا + بهار الثوم + سبع بهارات.

بس يدبل البصل، بنشيله من الصينية، وبنفس الصينية بنقلي قطع الكفتة أو الكباب لحد ما تتحمر.

بعدها بنضيف فوقهم:
🍅 قطع بندورة حمراء
🫑 فلفل
🌶️ فلفل حار (اختياري)

وبرجع بنضيف البصل اللي قلّيناه.

بجانب، بكاسة مي دافية بنضيف ملعقة كبيرة معجون بندورة + ملعقة صغيرة ماجي، بنخلطهم منيح وبنضيفهم على الصينية.

بنتركهم يتسبكوا مع بعض، وبعدها بندخل الصينية الفرن ليتحمر الوجه 😍

بنزينها بالبقدونس، وممكن نخلي فيها شوية صوص وما نخليها تنشف كتير 🤌🏻

قدموها مع رز 🍚 أو مع خبز 🫓

وصحة وألف هنا ❤️

09/08/2026

فتة يلنجي بطريقة بتجنّن 😍🍃

الطريقة باختصار:
• بزيت الزيتون منقلي البصل + التوم
• بنضيف معجون البندورة + ملح + بندورة طازة
• بنحركهم وبنضيف مي مغلية
• ورق عنب مقطع + تومة بوردة + فلفل أسود + ماجي
• منعدّل الملح وبنضيف ليمون أو ملح ليمون + نعنع
• بنتركهم ربع ساعة
وما تنسوا البقدونس متلي

بعدها:
• منضيف كاسة رز مصري منقوع ومغسول
• ونتركه يتسبك ليوصل لأطيب طعم 😋

الصوص السحري:
لبن + طحينية + توم + رشة ملح + ليمون 🤍

جرّبوها وادعولي 🤭✨

06/08/2026

⁨ كرسبي تشيكن برغر بطريقة بتدمن🍔❤️

✨ التتبيلة:
كاري
فلفل أسود
بهار ثوم
بابريكا حلوة
شطة ناشفة (اختياري)
ملح
لبن (بيعطي طراوة بتجنن!)

بنقع الدجاج أقل شي ساعة 🤍
بعدها بنغلفه بالقرشلة (أنا استخدمت نوع فيه سمسم وأوريغانو = نكهة خرافية 😍)

وبعدين على زيت حامي… نقليهم ونقلبهم ليتحمروا ذهبّي من الجهتين 🔥

خبز البرغر محمص بالزبدة
صوص تشيدر
خس
كول سلو
شريحة جبنة

01/08/2026

رز بالزبدة والذرة… أبسط وصفة وأطيب طعم 🤍✨

مكعب زبدة 🧈
نضيف الذرة 🌽 والرز ونحركهم مع بعض
بعدين لكل كاسة رز:
نص معلقة صغيرة ملح
نص معلقة ماجي
وكاسة وربع مي مغلية

أول ما يغلي، نوطي النار لأقل درجة ونغطيه لحد ما يستوي 🤌🔥

سهل، سريع، وبيطلع بطعم ولا أطيب 😍

Address

Tulkarm

Website

Alerts

Be the first to know and let us send you an email when Dash of Dalia posts news and promotions. Your email address will not be used for any other purpose, and you can unsubscribe at any time.

Shortcuts

Share

Category