14/06/2026
وراء كل فيديو بتشوفوه، وكل بوست بينزل.. في ساعات طويلة من التعب ما بتظهر للكاميرا.
لما ينتهي التصوير، وينزل المحتوى، وصفي حسابي من مئات الرسائل والتعليقات.. أول شي بعمله إني ببعد الموبايل عني، وبقعد تلات ساعات بالصمت.. بس لحتى عقلي يستوعب كمية الضغط ويهدى ليخليني نام.
إدارة المنصات مو مجرد كبسة زر.. هي مسؤولية، وتفكير، وملاحقة تفاصيل. الإعلان الواحد الجاهز بياخد ساعتين من الوقت، فكيف إذا كنت عم تدير تلات صفحات وبتتعامل مع عيلة كبيرة فيها أكتر من 200 ألف متابع؟
بعتذر إذا أوقات بطوّل بالرد، أو بنسى، أو بيبين عليي التعب.. الضغط كبير، بس اللي مخليني كمل بـ هالطريق هو محبتكن اللي عم شوفها بكل خطوة، وإحساسي إني عم قدم شي لأهلي وناسي واخدمهن على قد استطاعتي وقدرتي.
محبتكن هي الطاقة، وممتن لكل شخص بيعذر وبيقدر. 💚
