11/04/2026
خبز النخالة… 🥖
برشا مبالغة صايرة، وكأنو خبز فيه شوية نخالة ولى حاجة خطيرة!
يا جماعة، هو نفس الخبز العادي، الفرق الوحيد إنو زادولو نسبة صغيرة من قشور القمح… موش أكثر 🤷♀️
باش تكون الأمور واضحة 👇
الخبز الأبيض: فقير في الألياف
خبز النخالة: فيه ألياف أكثر شوية، تساعد على الهضم، تنقص الإمساك، وتخليك تشبع أسرع
أما خلّينا واقعيين:
نسبة 7% ما تعملش فرق كبير برشا، يعني لا هو خبز “سحري صحي”، ولا هو حاجة تخوّف!
🔴 شكون ينتبه؟
اللي عندهم مشاكل في القولون الأفضل يخففوا من الألياف بصفة عامة.
🟢 والبقية؟
كلوا عادي وما تقلقوش 😄
وزيدوا غذائكم يكون فيه:
خضرة 🥗
بقوليات (عدس، حمص…)
باش الجسم ياخذ حاجته من الألياف بطريقة متوازنة وبسيطة.
وفي الأخير ❤️
الموضوع الكل يتمحور حول التوازن والكمية…
موش نوع الخبز هو المشكلة.
وإذا تنجم تعمل خبزك في الدار 👌
يكون خير، أنظف، وتعرف بالضبط شنوّة تاكل
