14/08/2026
اليوم، في عيد المرأة التونسية 🇹🇳❤️، نحب نوجّه كلمة من قلبي لكل امرأة.
لكل مرأة مكافحة، طاحت وقامت، تعبت وما استسلمتش…
لكل مرأة شايلة دار وعائلة ومسؤولية، تخدم وتتعب وتربي في صغارها وتحارب كل يوم باش تعمل مستقبل خير ليها ولعيلتها.
لكل مرأة تضحك قدّام الناس، أما كان ربي يعلم شنوة مخبّي قلبها وشنوة تعدّت بيه في حياتها…
لكل أم، لكل زوجة، لكل بنت ولكل أخت…
للي حققت أحلامها وللي مازالت تحارب باش توصل.
للي اضطرت تبدأ حياتها من الصفر.
للي وجعتها الدنيا، خيّبتها، وكسرتها برشة مرات… أما كل مرة لمّت روحها وعاودت وقفت على ساقيها.
عمرك ما تنسي قيمتك. ❤️
موش لازم تكون قوية كل وقت… عندك الحق تتعب عندك الحق تبكي، عندك الحق تضعف… أما أهم حاجة ما تفقدش روحك.
كون فخورة بالمرأة اللي وليت عليها، وفخورة بكل خطوة عملتها، حتى الخطوات اللي ما شافهم حد كان ربي.
ربي يحفظ كل مرأة، ويقويها، ويريّح قلبها، ويعوّضها على كل وجيعة عاشتها بالفرحة والخير وراحة البال. ❤️
عيد مرأة سعيد لكل التونسيات 🇹🇳🌹
