20/05/2026
الملوخية الناعمة على الطريقة الحلبية😍
هاي الأكلة بتاخدني لأيام زمان 🤍
طيبة كتير وطعمها ولا أروع!
هالأيام أغلب الناس صاروا يعملوها ورق، بس كتير طلبتوا مني طريقة الملوخية الناعمة، فحبيت أشارككم طريقتي 👇
أول شي منجيب اللحمة، منحطلها ملح وبهار ومندعبلها ومنقليها، وبعدين منحطها عجنب.
بعدين منجيب الملوخية (تكون نظيفة ومفرومة ناعمة).
بطنجرة منحط:
+ ملعقة سمنة + ملعقة دهنة
منضيف ثوم وكزبرة (حوالي ملعقتين) ومنحركهم منيح 👌
بعدها منضيف الملوخية ومنحركها على نار واطية وبهدوء لحتى تتحمّر شوي، بس انتبهوا ما تغمق كتير حتى ما تمرّ.
منضيف مي لحمة إذا متوفرة (وإذا لا، مي عادية)، ومنغمرها.
منضيف ملح وبهار بعدين منرجع اللحمة ومنتركها تغلي من نص ساعة لـ 45 دقيقة 🔥
وبالعافية عليكم 🤍
،
،
،
،
#اسطنبول ✨ #اكسبلور #ملوخية
