08/10/2026
عمري 30 خطبني وحد الكائن عمرو 38 طلب يحكي معايا قلتلو مانحبش نحكي بزاف في التلفون ولا في المواقع مذا بيا نتعرفو اكثر بصح في حدود قالي مش مشكل في الرؤية الشرعية بانلي لاباس ماحكيناش بزاف
دارهم ماشاء الله مام سقسينا عليهم قالو ناس ملاح
بديت نحكي معاه الناس تركز على امور مهمة على الاقل البداية تكون شابة
هو في الدقيقة الاولى صدقو او لا تصدقو قالي الو اسمعي غدوة روحي للطبيبة
مافهمت والو قلتلو علاش ؟؟
قالي شوفي شحال بقاولك البيضات
اقسم بالله ماراني نزيد كلمة
قالهالي هكدا البيضات
ماقدرتش نشد روحي جاني ضحك هستيري كوبالي في وجهي قريب متت من الضحك 🤣 ساعة هكذاك عاودلي
قالي كي نحكي معاك سيريور اكدولي على سيريور قالي ماتضحكيش فهمتي قلتلو صحا مولاي سمعا وطاعة
وين قلتي روحي؟
قالي للطبيبة تاع الجينيكو
قلتلو نروح للطبيبة تاع الجينيكو نشوف شحال من بيضة بقاتلي ؟ قالي ايه قلتلو ايا صحا مايكون الا خاطرك السيد حلاتلو خليتو في نيتو وعرفت بلي مافيهاش معاه وفي نفس الوقت قلت ممكن راه يضحك لخاطر في الشوفة يبان انسان لاباس عليه وفي الحالتين قررت نكمل ونشوف وش راح يدير
ليوم عاود عيطلي قالي واش رحتي ؟
قلتلو للطبيبة تاع الجينيكو قالي ايه
قلتلو رحت قالتلي بقاولك زوج بيضات وبداو يفسدو قلتلو كي وصلت للدار درت ببهم شوي صابلي خليتلك شوي اذا تجي تدي ! ويبدا يغلي وكي مرمدتو رجعت ماشي بنت فاميليا
قلتلو روح للطبيب الجينبكو تاع الرجال ديرلي هذو 🤣
Spermogramme...Spermoculture..Bilan hormonal (Testostérone, FSH, LH).. ..NFS / Numération Formule Sanguine...Sérologies (VIH, Hépatites B et C, Syphili....Sérologies (VIH, Hépatites B et C, Syphilis) ...Spermogramme
قالي وش معناها كي فهمتو كلا لحمو انا راجل ومافياش العيب وبلا بلا ....الخ كوبيتلو في وجهو ورحت لبابا حكيتلو
بابا عيطلو ديراكت قالو ليزانلليز لي قالتلك عليهم بنتي وقتاش تجيبهم؟ قالو بصح راني لاباس عليا قالو وبنتي شكون قالك راهي مريضة ؟ قالو المرا مش كيما الراجل وخفت ما تولدش بابا عطالو درس وليكيداه دوك رسلي ميساج قالي كنت نضحك برك كبرتيها بلوكيتو
لوكان تشوفوه تكذبو اذا هذا الانسان يخمم هكدا غاضتني عمري
المرا دايما دايرين فيها العيوب كامل والراجل اله مايمرض مافيه العيب مايكبر
وكي تدافعي على روحك يرجعوك ماتحشميش وماشي بنت فاميليا
الحاجة لي حيرتني وش جابو عندي مافهمتش يروح يخطب وحدة عمرها 18 جاي عندي وعلابالو شحال عمري وموسوس مني معامن رانا نتقاسمو الاوكسيجين غاضتني كلمة قالهالي لوكان تبقى بينو وبين الجنة السماح تاعي والله مايديه
خاوتي قبل ما تنوو تخطبو شوفو وحدة
لي تقنعو بيها من العمر للشكل لكلش
ماشي تخطبو وخلاص من بعد تبدوا تجرحو في الوليات
ولبنات كيف كيف اعرفو تخيرو
ربي يجيب الخير.
#راءيكم
