Yasmine kitchen

24/10/2026

#وصفاتي

كرواسون بطريقة بسيطة وسهلة التحضير

المقادير :
كوب حليب دافي
١٢ جرام خميرة فورية
٢ معلقة كبيرة سكر
بيضة
فانيليا
معلقة صغيرة خل
٤٠ جرام زبدة لينة ( داخل العجين)
ربع كوب زيت
كيلو الا معلقتين من دقيق المخبوزات ( مهم جداً مخصص مخبوزات وانا بستخدم خمس نجوم
معلقة صغيرة ملح
ماء دافي للعجن وده يضاف بالتدريج

للتوريق
٢٥٠ جرام زبدة لينة بحرارة المطبخ

الطريقة :
اول حاجه بنخلط كل المقادير السايلة مع بعض وننزل عليهم المقادير الجافه ونعجن جيدا عجان او يدوي مش هتفرق نهائي ونلم العجين ونسيبها تخمر لمدة ساعة وبعد كده نفردها علي شكل مستطيل وتكون متساوية الارتفاع بقدر الامكان ونفرد الزبدة اللينة علي العجينة ونوزعها كويس تكون واخدة طبقة زبدة كويسه ونبدأ نعمل قطعات بالقطاعه ونطبق العجين وتكون زي المربع في النهاية ونلفها باستريتش غذائي ونسيبها في الثلاجه ليلة كامله او ٤ ساعات وبعد كده نفردها مستطيل ونساوي الاطراف ونقطعها مثلثات مقاس بعض ونلف شكل الكرواسون المعروف ونسيبها تخمر تاني علي صنية الخبز وورق الزبدة لمدة ساعه ونسخن الفرن جيدا وندهن الوجه ( صفار البيض مع معلقة صغيرة خل وماء ) فقط ولو عندك بخاخ ممكن افضل تحطي فيه الخليط ده وترشي الكرواسون علشان يحافظ علي ارتفاع تخميره والهواء الداخلي
يخبر رف وسط حرارة ١٦٠ والفرن بيكون ساخن مسبقاً

بس كدة

Yasmine kitchen

22/10/2026

#وصفاتي

📌الـ Quesillo (كيسيّو) مشهور جدًا في فنزويلا 🇻🇪، وبيُعتبر من الحلويات التقليدية المعروفة هناك، وبيتقدم في المناسبات وأعياد الميلاد.

📌 إيه اللي بيميزه عن الكريم كراميل؟ 🍮
🇻🇪 Quesillo الفنزويلي: غالبًا بيتعمل بالحليب المكثف المحلّى والبيض والحليب والفانيليا، وبيكون غني وكريمي، وممكن تظهر فيه فقاعات صغيرة.
🇫🇷 Crème Caramel الفرنسي: بيعتمد عادةً على الحليب والسكر والبيض، وبيتميز بقوام ناعم وحريري

Yasmine kitchen

20/10/2026

19/10/2026

#وصفاتي

🥐🤎 أسرار نجاح الكرواسون الفرنسي | Croissant Secrets 🇫🇷

✨ سر الطبقات المورّقة والهشة في 5 خطوات:

🧈 زبدة جيدة ومناسبة للتوريق.
❄️ الحفاظ على برودة العجينة أثناء الفرد.
🥐 توريق صحيح وطبقات متساوية.
⏳ تخمير مضبوط من غير استعجال أو زيادة.
🔥 خبز في فرن مُسخّن مسبقًا للحصول على اللون الذهبي والقوام المقرمش.

افتكري دايمًا: سر الكرواسون الناجح في التفاصيل الصغيرة! 🤍

معاكم في كل وصفة ناجحة من مطبخي لمطبخكم ❤️

Yasmine kitchen

#الكرواسون

17/10/2026

#وصفاتي

🧁🤎 إيه الفرق بين الكب كيك والمافن؟

عارفين إن شكلهم ممكن يكون متشابه، لكن الحقيقة إن فيه فرق بين الاتنين! 😍

🧁 أولًا: الكب كيك | Cupcake
✨ قوامه ناعم وهش وخفيف.
✨ غالبًا بيكون حلو وغني بالزبدة والسكر.
✨ بيتزيّن بالكريمة، الشوكولاتة أو ألوان وزينة مختلفة.
✨ مثالي لأعياد الميلاد والمناسبات والتقديم بشكل شيك.

🫐 ثانيًا: المافن | Muffin
🤎 قوامه غالبًا أكثف شوية من الكب كيك.
🤎 طريقة تحضيره عادةً أبسط، ومش محتاج تزيين بالكريمة.
🤎 ممكن نضيف له الفواكه، الشوكولاتة، المكسرات أو الشوفان.
🤎 مناسب للفطار أو كسناك لذيذ خلال اليوم.

👩🏻‍🍳 طيب إيه الفرق الأساسي؟

الفرق مش في الشكل بس، لكن كمان في طريقة التحضير، والقوام، والمكونات، وطريقة التقديم. وطبعًا النتيجة بتختلف حسب الوصفة المستخدمة.

💬 قوليلي بقى بتحبي إيه أكتر: الكب كيك بالكريمة ولا المافن بالشوكولاتة؟ 😍

مع Yasmine kitchen هنكتشف كل يوم أسرار المخبوزات ونتعلم مع بعض وصفات ناجحة بكل حب ❤️

#مافن

27/09/2026

Cookies 🍪 recipe

Yasmine kitchen

08/08/2026

#وصفاتي
⬅️⬅️علشان العيش ينجح 👇

📌نوع دقيق يكون مناسب للمخبوزات
📌خميرة نوع كويس وتاريخ صلاحية حديث
📌المكونات بدرجة حرارة المطبخ
📌لازم العجين تخمر قبل وبعد التشكيل تاخد وقتها
📌مهم جدا جدا نوزن كل المقادير
📌ونوزن واحنا بنشكل علشان كل رغيف يكون قد التاني
📌الفرن يسخن قبل التسوية
📌مهم جدا نخصص بخاخ مياه يكون للمخبوزات اول ما تخرج 📌من الفرن نرشها ونغطيها علشان تحتفظ بتراوتها

Yasmine kitchen

07/08/2026

#وصفاتي

بسكوت يتجهز في اقل وقت خفيف بدون امكانيات كتير

⬅️المقادير:
٢ بيضة
فانيليا
كوب سكر بودرة ناعم
كوب زيت
٢ ونصف كوب دقيق
ربع كوب نشا ( مهم جدا)
معلقة صغيرة بيكنج بودر
رشة ملح
٣ معلقة كاكاو خام
معلقة قرفة ناعمة كبيرة ( اختياري)

⬅️الطريقة:
في الخلاط هنخلط البيض والفانيليا والسكر والزيت ونجهز الخليط الجاف وننزل عليه الخليط ال خلطناه في الخلاط ونلم العجينة ونقسمها وناخد نص نضيف عليه الكاكاو والقرفه ومعلقة كبيرة زيت ونلمها ونلف كل جزء في استرتش وعلي التلاجه نص ساعة وبعدين ونخرجهم ونفرد كل جزء علي ورقة زبدة ونحطهم علي بعض ونلفهم رول ونقفل عليه كويس باسترتش ونحطها في الفريزر بس ١٠ دقايق علي ما الفرن يسخن ونقطعه شرايح وعلي الفرن ١٠ ل ١٢ دقيقه رف وسط حرارة ١٨٠

بس كده 🌷
Yasmine kitchen

04/08/2026

#وصفاتي

المقادير:
كوب حليب دافئ
كوب ماء
معلقة كبيرة خميرة فورية (١١ جرام)
٢ معلقة سكر كبيرة
بيضة
فانيليا
معلقة كبيرة حليب بودرة ( بتعلي من الطعم )
٦٥٠ جرام تقريبا دقيق أبيض
رشة ملح
نصف كوب زيت علي زبدة ذائبة
تشوكلت شيبس

للتوريق
٢٥٠ جرام زبدة 🧈

للوجه :
صفار بيضة
فانيليا
ماء
معلقة صغيرة خل

بس كدة
مدة التسوية ( ٢٥/٣٠ دقيقة)
رف وسط
حرارة ٢٠٠ فوق وتحت مع بعض

اول ما يطلع من الفرن برش عليه القليل من الماء واغطيه

بس كده
Yasmine kitchen

02/08/2026

#وصفاتي
👩‍🍳عجينة ناجحة من اول مرة

⬅️المقادير :
٢٠٠ مل ماء دافي
٨٠ مل حليب
بيضة
١١ جرام خميرة فورية
معلقة كبيرة خل
٢ معلقة كبيرة سكر
٢ معلقة زبدة بحرارة المطبخ
٥٠٠ جرام دقيق أبيض
رشة ملح
معلقة زيت نلم بيها العجينة في الاخر

للوجه:
صفار بيضة + ٢ معلقة ماء + معلقة صغيرة خل
سمسم

⬅️الطريقة :
هنخلط المقادير السائلة وننزل عليها المقادير الجافه ونعجن لمدة ٧ دقايق ونسيبها تخمر ٣٠ دقيقة ونبدأ نقسمها كور ومهم جدا نوزن العجينة علشان كل رغيف يكون قد التاني ووقت التسوية يكون واحد انا بوزن الرغيف ١٤٠ جرام علشان يبقي فرنساوي ولو عايزاه بيتي بان هيكون وزنه ٥٠ جرام
بشكلهم وارصهم في الصنية علي ورق زبدة غير لاصق واغطيهم يخمروا ساعه علي الاقل ثم ادهن الوجه وارش السمسم ويدخل فرن ساخن لمدة ٢٠ دقيقه

📌افضل تسوية لو متاح فرن كهربائي هنشغل فوق وتحت رف وسط حرارة ١٨٠
اول ما يخرج من الفرن هنرشه ب بخاخ مياه ونغطيه بس كده
تقدري تشيليه في الفريزر وتسخني بيكون طازة فريش علطول

Yasmine kitchen