https://www.facebook.com/998583983344403/

Kook Saam, Jeffrey's Bay (2026)

10/04/2026

Jeffreysbaai, as jy nog nie The Infood Club by Infood Jeffreys Bay probeer het nie, mis jy uit 👀🔥

Hierdie is nie net ’n gewone club sandwich nie — dit is ’n smaakbom met sappige hoender, romerige avo, tamatie, karamel-uie, feta, rocket, crispy bacon en kewpie mayo 🤍🥑🥓

Elke hap was smaakvol, sappig en heerlik. Die diens was vinnig en die atmosfeer rustig, wat dit die perfekte spot maak vir ’n lekker ontspanne ete in JBay.

Definitief een om op jou lys te sit as jy in Jeffreysbaai is 🙌

09/04/2026

🥓 𝘼𝙡𝙛𝙧𝙚𝙙𝙤 𝙋𝙖𝙨𝙩𝙖
Daar is min dinge so lekker soos ’n warm bord romerige Alfredo pasta. Hierdie gereg is eenvoudig, vullend en perfek vir ’n vinnige aandete.

Voorbereidingstyd: 15 minute
Kooktyd: 25 minute
Totale tyd: 40 minute
Porsies: 4–6

𝑩𝒆𝒔𝒕𝒂𝒏𝒅𝒅𝒆𝒍𝒆:

𝘗𝘢𝘴𝘵𝘢
300 g fettuccine pasta
Water en sout vir kook

𝘏𝘰𝘦𝘯𝘥𝘦𝘳
500 g hoenderfilette, in blokkies of repies gesny
1 eetlepel olie
1 teelepel aromat of hoenderspeserye
½ teelepel paprika

𝘈𝘭𝘧𝘳𝘦𝘥𝘰 𝘚𝘰𝘶𝘴
2 eetlepels botter
2 knoffelhuisies, fyngedruk
2 eetlepels koekmeel
2 koppies melk
1 koppie vars room
1 koppie gerasperde wit kaas
½ koppie gerasperde mozzarella
Sout en swartpeper na smaak
½ teelepel gemengde kruie of Italiaanse kruie

𝘌𝘬𝘴𝘵𝘳𝘢 (𝘰𝘱𝘴𝘪𝘰𝘯𝘦𝘦𝘭)
200–250 g spek, in klein stukkies gesny

𝘉𝘰-𝘰𝘱
½–1 koppie ekstra gerasperde kaas
Vars pietersielie of ekstra kruie (opsioneel)

𝙎𝙩𝙖𝙥-𝙫𝙞𝙧-𝙨𝙩𝙖𝙥 𝙄𝙣𝙨𝙩𝙧𝙪𝙠𝙨𝙞𝙚𝙨

1. 𝘒𝘰𝘰𝘬 𝘥𝘪𝘦 𝘱𝘢𝘴𝘵𝘢
- Kook die fettuccine in soutwater volgens die pakkie se instruksies.
- Dreineer en sit eenkant.

2. 𝘉𝘳𝘢𝘢𝘪 𝘥𝘪𝘦 𝘩𝘰𝘦𝘯𝘥𝘦𝘳
- Verhit die olie in ’n pan oor medium hitte.
- Geur die hoender met aromat of hoenderspeserye, paprika, sout en swartpeper.
- Braai die hoender totdat dit mooi goudbruin, sappig en gaar is.

3. 𝘔𝘢𝘢𝘬 𝘥𝘪𝘦 𝘈𝘭𝘧𝘳𝘦𝘥𝘰 𝘴𝘰𝘶𝘴
- Smelt die botter in ’n kastrol.
- Voeg die knoffel by en braai liggies vir ’n paar sekondes.
- Roer die koekmeel by en kook vir 1 minuut terwyl jy aanhoudend roer.
- Voeg die melk stadig by en roer goed sodat daar nie klonte vorm nie.
- Gooi die room by en laat die sous begin verdik.
- Voeg die mozzarella by.
- Roer totdat die kaas heeltemal gesmelt is en die sous romerig is.
- Geur met sout, swartpeper en gemengde kruie.

4. 𝘔𝘦𝘯𝘨 𝘢𝘭𝘭𝘦𝘴
- Voeg die gaar fettuccine by die Alfredo sous.
- Voeg die gebraaide hoender by en meng goed deur.
- Maak seker die pasta is mooi bedek met die romerige sous.

5. 𝘚𝘱𝘦𝘬 𝘢𝘴 𝘦𝘬𝘴𝘵𝘳𝘢 (𝘰𝘱𝘴𝘪𝘰𝘯𝘦𝘦𝘭)
- Braai die spek apart totdat dit gaar en effens bros is.
- Stooi dit oor die pasta of meng dit by vir ekstra geu

6. 𝘉𝘢𝘬 (𝘰𝘱𝘴𝘪𝘰𝘯𝘦𝘦𝘭)
- Skep die mengsel in ’n gesmeerde oondbak.
- Strooi die ekstra kaas bo-oor.
- Bak teen 180°C vir 10–15 minute totdat dit goudbruin en borrelend is.

7. 𝘉𝘦𝘥𝘪𝘦𝘯 𝘦𝘯 𝘎𝘦𝘯𝘪𝘦𝘵
- Warm ciabatta of broodrolletjies
- Geroosterde groente
- ’n Griekse slaai

🔥 𝙒𝙚𝙣𝙠:
Moenie die pasta te lank kook voor jy dit met die sous meng nie — hou dit net-net al dente, want dit trek nog bietjie verder gaar in die warm sous. As jy lus is vir ’n meer souterige en vleiserige smaak, kan jy gerus die spek bysit vir ekstra geur en ’n rokerige twist.

Hoop jy geniet dit net so baie soos ons!

09/04/2026

𝙃𝙚𝙚𝙧𝙡𝙞𝙠𝙚 𝙈𝙖𝙖𝙡𝙫𝙡𝙚𝙞𝙨𝙡𝙖𝙨𝙖𝙜𝙣𝙚

Hierdie maalvleislasagne is ryk, sappig en smaalvol met spek, sampioene, ’n heerlike sous en romerige witsous tussenin. Dis perfek vir ’n gesinsete of vir wanneer jy vooraf wil kook.

Voorbereidingstyd: 20 minute
Kooktyd: 45–50 minute
Totale tyd: 1 uur 10 minute
Porsies: 6–8

𝑩𝒆𝒔𝒕𝒂𝒏𝒅𝒅𝒆𝒍𝒆:

𝘔𝘢𝘢𝘭𝘷𝘭𝘦𝘪𝘴𝘮𝘦𝘯𝘨𝘴𝘦𝘭
1 kg maalvleis
200 g spek, in klein stukkies gesny
250 g sampioene, in skywe gesny
1 groot ui, fyn gekap
2 knoffelhuisies, fyngedruk
2 eetlepels olie
2–3 eetlepels Ina Paarman se Braai & Grill
250–300 ml Miami Hammy Relish – Smoky Barbecue
3 eetlepels tamatiepasta
1 koppie water
Sout en swartpeper na smaak

𝘞𝘪𝘵𝘴𝘰𝘶𝘴
3 eetlepels botter
2 eetlepels koekmeel
1 eetlepel Maizena
3 koppies melk

𝘝𝘦𝘳𝘥𝘦𝘳
250–300 g lasagnevelle
2–3 koppies gerasperde Gouda kaas

𝙎𝙩𝙖𝙥-𝙫𝙞𝙧-𝙨𝙩𝙖𝙥 𝙄𝙣𝙨𝙩𝙧𝙪𝙠𝙨𝙞𝙚𝙨

1. 𝘔𝘢𝘢𝘬 𝘥𝘪𝘦 𝘮𝘢𝘢𝘭𝘷𝘭𝘦𝘪𝘴𝘮𝘦𝘯𝘨𝘴𝘦𝘭
- Verhit die olie in ’n groot pan oor medium hitte.
- Braai die spek vir 2–3 minute totdat dit begin gaar word.
- Voeg die ui en knoffel by en braai tot sag en geurig.
- Voeg die maalvleis by en braai tot dit mooi verbruin en gaar is.
- Voeg die sampioene by en kook nog 3–4 minute.
- Voeg die Ina Paarman se Braai & Grill by en roer goed deur.
- Roer die tamatiepasta, Miami Hammy Relish en 1 koppie water by.
- Laat die mengsel vir 15–20 minute prut totdat die sous lekker dik en geurig is.
- Geur met sout en swartpeper indien nodig.

2. 𝘔𝘢𝘢𝘬 𝘥𝘪𝘦 𝘸𝘪𝘵𝘴𝘰𝘶𝘴
- Plaas die melk en botter in ’n groot mikrogolfvaste bak en verhit totdat die melk warm is en die botter gesmelt het.
- Meng die koekmeel en Maizena in ’n aparte bakkie met ’n klein bietjie melk tot ’n gladde 'paste'.
- Voeg ’n bietjie van die warm melk stadig by die paste en roer goed sodat daar geen klonte is nie.
- Gooi die mengsel terug by die res van die warm melk en roer goed deur.
- Sit dit terug in die mikrogolf en verhit vir 1 minuut op ’n slag, roer elke keer goed.
- Herhaal totdat die witsous mooi verdik het.

3. 𝘗𝘢𝘬 𝘥𝘪𝘦 𝘭𝘢𝘴𝘢𝘨𝘯𝘦
- Smeer ’n dun lagie maalvleis onder in ’n oondbak.
Pak dan die lae soos volg:
Lasagnevelle, Maalvleis, Witsous en ’n bietjie gerasperde kaas, Maalvleis, lasagnevelle en laastens die Witsous met kaas bo-op.
- Maak seker die boonste laag het genoeg witsous en kaas sodat dit mooi goudbruin bak.

4. 𝘉𝘢𝘬 𝘥𝘪𝘦 𝘭𝘢𝘴𝘢𝘨𝘯𝘦
- Bedek die oondbak met foelie.
- Bak teen 180°C vir 30 minute.
- Haal die foelie af en bak nog 15–20 minute totdat die lasagne goudbruin en borrelend is.

5. 𝘓𝘢𝘢𝘵 𝘥𝘪𝘵 𝘳𝘶𝘴
- Laat die lasagne vir 10–15 minute rus voordat jy dit sny en bedien.
Dit help dat die lae mooi set en makliker bedien.

6. 𝘉𝘦𝘥𝘪𝘦𝘯 𝘦𝘯 𝘎𝘦𝘯𝘪𝘦𝘵
Bedien met:
- Knoffelbrood
- Groen slaai

🔥 𝙒𝙚𝙣𝙠:
Hierdie lasagne is selfs nóg lekkerder die volgende dag, want die geure trek deur en word net al hoe lekkerder. Dis die tipe trooskos wat die hele huis heerlik laat ruik en almal tafel toe trek 😍
Kom kook saam en laat weet of jy dit net so baie geniet het!

20/03/2026

🍔 𝙂𝙚𝙪𝙧𝙞𝙜𝙚 𝙏𝙪𝙞𝙨𝙜𝙚𝙢𝙖𝙖𝙠𝙩𝙚 𝙋𝙖𝙩𝙩𝙞𝙚𝙨 🇿🇦🔥
Kom ons kook saam en maak geurige tuisgemaakte burger patties by die huis.

𝘎𝘦𝘶𝘳𝘪𝘨𝘦 𝘗𝘢𝘵𝘵𝘪𝘦𝘴
- maalvleis
- ui
- crushed garlic
- sout & swartpeper
- paprika
- mixed herbs
- mosterdpoeier
- knoffelpoeier
- Worcestersous
- eier
- broodkrummels
- Oom Freddy’s Legacy Sprinkle

Volledige resep in die kommentaar.

19/03/2026

🧀 𝙆𝙖𝙨𝙚𝙧𝙞𝙜𝙚 𝙈𝙖𝙘𝙖𝙧𝙤𝙣𝙞 𝙚𝙣 𝙆𝙖𝙖𝙨 🇿🇦🍝

Daar is min disse wat so troos soos ’n warm, romerige macaroni en kaas. Dis eenvoudig, vinnig en perfek vir enige dag van die week.

Voorbereidingstyd: 15 minute
Kooktyd: 30 minute
Totale tyd: 45 minute
Porsies: 4–6

𝑩𝒆𝒔𝒕𝒂𝒏𝒅𝒅𝒆𝒍𝒆:

𝘗𝘢𝘴𝘵𝘢
- 250g macaroni pasta
- Water en sout vir kook

𝘙𝘰𝘮𝘦𝘳𝘪𝘨𝘦 𝘒𝘢𝘢𝘴𝘴𝘰𝘶𝘴

- 2 eetlepels botter
- 2 eetlepels koekmeel
- 1½ koppies melk
- ½ koppie tamatie & uie mengsel (bv KOO of Miami)
- 1 eetlepel Mrs Ball’s Chutney
- 1 koppie gerasperde cheddar kaas
- ½ koppie gerasperde gouda/mozzarella (opsioneel vir ekstra kaserig)
- ½ teelepel mosterdpoeier (of gewone mosterd)
- Sout en swartpeper na smaak

𝘌𝘬𝘴𝘵𝘳𝘢 (𝘈𝘢𝘯𝘣𝘦𝘷𝘦𝘦𝘭)

- 250–300g boerewors, in klein stukkies gesny (of 250g maalvleis met ½ teelepel sout, ½ teelepel paprika en ’n knippie koljander vir ’n boerewors-styl en geur)
- 1 eetlepel olie vir braai

𝘉𝘰-𝘰𝘱 (𝘰𝘱𝘴𝘪𝘰𝘯𝘦𝘦𝘭 𝘮𝘢𝘢𝘳 𝘢𝘢𝘯𝘣𝘦𝘷𝘦𝘦𝘭)

- ½ koppie ekstra gerasperde kaas
- ¼ koppie broodkrummels
- 1 eetlepel gesmelte botter
- 1–2 eetlepels vars pietersielie,

𝙎𝙩𝙖𝙥-𝙫𝙞𝙧-𝙨𝙩𝙖𝙥 𝙄𝙣𝙨𝙩𝙧𝙪𝙠𝙨𝙞𝙚𝙨
1. 𝘒𝘰𝘰𝘬 𝘥𝘪𝘦 𝘱𝘢𝘴𝘵𝘢
- Kook die macaroni in ’n pot met soutwater volgens die pakkie se instruksies.
- Sodra dit gaar is, dreineer dit en sit eenkant.

2. 𝘉𝘳𝘢𝘢𝘪 𝘥𝘪𝘦 𝘣𝘰𝘦𝘳𝘦𝘸𝘰𝘳𝘴
- Verhit die olie in ’n pan oor medium hitte.
- Voeg die boerewors stukkies (of maalvleis met speserye) by.
- Braai tot gaar en mooi goudbruin.
- Haal van die hitte af en sit eenkant vir later.

3. 𝘔𝘢𝘢𝘬 𝘥𝘪𝘦 𝘣𝘢𝘴𝘪𝘴 𝘬𝘢𝘢𝘴𝘴𝘰𝘶𝘴
- Smelt die botter in ’n kastrol oor medium hitte.
- Voeg die koekmeel by en roer aanhoudend vir ±1 minuut (dit vorm ’n 'roux').
- Gooi die melk stadig by terwyl jy aanhoudend roer om klonte te voorkom.
- Hou aan roer totdat die sous begin verdik en glad is.

4. 𝘝𝘰𝘦𝘨 𝘣𝘺
- Voeg nou die tamatie & uie mengsel en Mrs Ball’s Chutney by die kaassous.
- Roer goed deur sodat dit heeltemal ingewerk is.
- Laat dit vir 2–3 minute liggies prut sodat die geure meng.

5. 𝘝𝘰𝘦𝘨 𝘥𝘪𝘦 𝘬𝘢𝘢𝘴 𝘣𝘺
- Voeg die gerasperde cheddar en gouda/mozzarella by die warm sous.
- Roer aanhoudend totdat die kaas heeltemal gesmelt is en die sous romerig is.
- Geur nou met mosterd, sout en swartpeper.
- Proe en pas geur aan indien nodig.

6. 𝘔𝘦𝘯𝘨 𝘢𝘭𝘭𝘦𝘴
- Voeg die gaar macaroni by die kaassous.
- Voeg dan die gebraaide boerewors (of maalvleis) by.
- Meng alles goed sodat die pasta en vleis heeltemal met die sous bedek is.

7. 𝘉𝘢𝘬 (𝘰𝘱𝘴𝘪𝘰𝘯𝘦𝘦𝘭 𝘮𝘢𝘢𝘳 𝘢𝘢𝘯𝘣𝘦𝘷𝘦𝘦𝘭)
- Skep die mengsel in ’n gesmeerde oondbak.
- Sprinkel ekstra kaas en broodkrummels bo-oor vir ’n krakerige kors.
- Bak teen 180°C vir 15–20 minute totdat dit goudbruin en borrelend is.
- Sprinkel die pietersielie net voor opdiening bo-oor die warm macaroni en kaas.

8. 𝘉𝘦𝘥𝘪𝘦𝘯 𝘦𝘯 𝘎𝘦𝘯𝘪𝘦𝘵
Bedien met:
- Vars slaai
- Knoffelbrood
- Of as ’n bykos saam met ’n braai

🔥 𝙒𝙚𝙣𝙠:
Die boerewors gee ’n lekker sout en rokerige smaak wat perfek werk saam met die romerige kaas en effens soet chutney 😍

Dis romerig, dis vol geur en dis pure Suid-Afrikaanse trooskos – kom ons maak kos wat herinneringe bou… ons Kook Saam!

16/03/2026

Op soek na ’n vinnige aandete idee? Hierdie romerige tuna gebak met tamatie en uie, mielies, room en gesmelte kaas is eenvoudig om te maak en vol geur.

16/03/2026

𝐑𝐨𝐦𝐞𝐫𝐢𝐠𝐞 𝐓𝐚𝐦𝐚𝐭𝐢𝐞 𝐞𝐧 𝐔𝐢𝐞 𝐓𝐮𝐧𝐚 𝐆𝐞𝐛𝐚𝐤🐟

Kom ons kook saam!

𝑩𝒆𝒔𝒕𝒂𝒏𝒅𝒅𝒆𝒍𝒆:

- tuna
- tamatie en uie mengsel
- gaar pasta
- mielies
- room
- ui
- cheddar kaas
- olyfolie
- knoffelpoeier
- paprika
- sout en swartpeper

Volledige resep in die kommentaar – probeer dit gerus!

13/03/2026

𝙎𝙩𝙞𝙘𝙠𝙮 𝙈𝙧𝙨 𝘽𝙖𝙡𝙡’𝙨 𝘾𝙝𝙪𝙩𝙣𝙚𝙮 𝙃𝙤𝙚𝙣𝙙𝙚𝙧𝙫𝙡𝙚𝙧𝙠𝙞𝙚𝙨 🇿🇦🍗

Kom ons kook saam en maak ’n eenvoudige ete wat almal sal geniet.

Voorbereidingstyd: 10 minute
Kooktyd: 35 minute
Totale tyd: 45 minute
Porsies: 4

𝑩𝒆𝒔𝒕𝒂𝒏𝒅𝒅𝒆𝒍𝒆:
𝘏𝘰𝘦𝘯𝘥𝘦𝘳𝘷𝘭𝘦𝘳𝘬𝘪𝘦𝘴

- 1 kg hoendervlerkies
- 1 eetlepel olyfolie
- 1 teelepel paprika
- 1 teelepel knoffelpoeier
- ½ teelepel sout
- ½ teelepel swartpeper

𝘊𝘩𝘶𝘵𝘯𝘦𝘺 𝘎𝘭𝘢𝘴𝘦

- ½ koppie Mrs Ball's Original Chutney
- 2 eetlepels sojasous
- 1 eetlepel heuning
- 1 teelepel Dijon mosterd (opsioneel)
- ½ teelepel chilli flakes (opsioneel vir bietjie ekstra skop)

𝘖𝘱𝘴𝘪𝘰𝘯𝘦𝘭𝘦 𝘎𝘢𝘳𝘯𝘦𝘳𝘪𝘯𝘨

- 1 eetlepel sesame sade
- 1 eetlepel vars pietersielie, fyn gekap

𝙎𝙩𝙖𝙥-𝙫𝙞𝙧-𝙨𝙩𝙖𝙥 𝙄𝙣𝙨𝙩𝙧𝙪𝙠𝙨𝙞𝙚𝙨
1. 𝘝𝘰𝘰𝘳𝘷𝘦𝘳𝘩𝘪𝘵 𝘥𝘪𝘦 𝘖𝘰𝘯𝘥
- Voorverhit die oond tot 200°C.
- Voer ’n bakplaat uit met bakpapier of foelie en spuit liggies met Spray & Cook of olie.
2. 𝘎𝘦𝘶𝘳 𝘥𝘪𝘦 𝘏𝘰𝘦𝘯𝘥𝘦𝘳
- Plaas die hoendervlerkies in ’n groot mengbak.
- Voeg die olyfolie, paprika, knoffelpoeier, sout en swartpeper by.
- Meng goed totdat al die vlerkies mooi met die speserye bedek is.
3. 𝘉𝘢𝘬 𝘥𝘪𝘦 𝘏𝘰𝘦𝘯𝘥𝘦𝘳
- Pak die vlerkies in ’n enkele laag op die bakplaat.
- Bak vir ongeveer 20 minute in die oond totdat die hoender begin goudbruin word.
4. 𝘔𝘢𝘢𝘬 𝘥𝘪𝘦 𝘊𝘩𝘶𝘵𝘯𝘦𝘺 𝘚𝘰𝘶𝘴
Meng in ’n klein bak:
- Mrs Ball’s Chutney
- Sojasous
- Heuning
- Dijon mosterd (opsioneel)
- Chilli flakes (opsioneel)
5. 𝘎𝘭𝘢𝘴𝘦𝘦𝘳 𝘥𝘪𝘦 𝘏𝘰𝘦𝘯𝘥𝘦𝘳
- Haal die hoendervlerkies uit die oond.
- Smeer of gooi die chutney sous oor die vlerkies.
- Meng liggies sodat al die vlerkies mooi met die sous bedek is.
- Roer alles goed saam totdat die sous glad is.
6. 𝘉𝘢𝘬 𝘛𝘰𝘵𝘥𝘢𝘵 𝘋𝘪𝘵 𝘚𝘵𝘪𝘤𝘬𝘺 𝘐𝘴
- Plaas die vlerkies terug in die oond.
- Bak vir nog 15 minute totdat die sous karameliseer en lekker sticky raak.
7. 𝘉𝘦𝘥𝘪𝘦𝘯 𝘦𝘯 𝘎𝘦𝘯𝘪𝘦𝘵
- Sprinkel sesame sade en vars pietersielie oor vir ekstra geur en kleur.
Bedien met:
- Skyfies of aartappelwiggies.
- Vars slaai
- Pap en sous
- Of as ’n lekker braai bykos
🔥 Wenk:
Vir ekstra geur kan jy die vlerkies die laaste 3–4 minute op grill sit sodat die chutney nog lekkerder karameliseer.
Kook lekker, eet lekker… en onthou, ons Kook Saam!

10/03/2026

𝙂𝙚𝙪𝙧𝙞𝙜𝙚 𝙇𝙖𝙨𝙖𝙜𝙣𝙚 𝙢𝙚𝙩 𝙈𝙞𝙖𝙢𝙞 𝘽𝙤𝙚𝙧𝙞𝙚 𝙍𝙚𝙡𝙞𝙨𝙝 🇿🇦🍝

Kom ons kook saam en bring die heerlike geure na jou tafel.

Voorbereidingstyd: 20 minute
Kooktyd: 40 minute
Totale tyd: 1 uur
Porsies: 6

𝑩𝒆𝒔𝒕𝒂𝒏𝒅𝒅𝒆𝒍𝒆:

𝘎𝘦𝘶𝘳𝘪𝘨𝘦 𝘔𝘢𝘢𝘭𝘷𝘭𝘦𝘪𝘴

- 500 g maalvleis
- 1 eetlepel olyfolie
- 1 medium ui, fyn gekap
- 2 knoffelhuisies, fyn gekap
- 1 koppie Miami Boerie Relish
- ½ koppie water
- 1 teelepel sout
- ½ teelepel swartpeper
- 1 teelepel gemengde kruie

𝘞𝘪𝘵𝘴𝘰𝘶𝘴

3 eetlepels botter
3 eetlepels koekmeel
2½ koppies melk
½ teelepel sout
½ teelepel witpeper

𝘓𝘢𝘴𝘢𝘨𝘯𝘦 𝘓𝘢𝘦

10–12 lasagne velle

𝙎𝙩𝙖𝙥-𝙫𝙞𝙧-𝙨𝙩𝙖𝙥 𝙄𝙣𝙨𝙩𝙧𝙪𝙠𝙨𝙞𝙚𝙨:

1. 𝘝𝘰𝘰𝘳𝘷𝘦𝘳𝘩𝘪𝘵 𝘥𝘪𝘦 𝘖𝘰𝘯𝘥

- Voorverhit die oond tot 180°C.

- Smeer ’n oondbak (ongeveer 30 × 20 cm) liggies met olie / spray & cook.

2. 𝘔𝘢𝘢𝘬 𝘥𝘪𝘦 𝘔𝘢𝘢𝘭𝘷𝘭𝘦𝘪𝘴

- Verhit die olyfolie in ’n groot pan oor medium hitte.

- Voeg die gekapte ui by en braai vir 3–4 minute totdat dit sag is.

- Voeg die knoffel by en braai vir nog 1 minuut.

- Voeg die maalvleis by en braai totdat dit mooi bruin is (ongeveer 5–6 minute).

- Druk die maalvleis met `n lepel sodat dit fyn en egalig kook.

Voeg nou by:

- Miami Boerie Relish, water, sout, swartpeper en gemengde kruie

- Roer goed en laat prut vir 10 minute totdat die sous effens verdik.

3. 𝘔𝘢𝘢𝘬 𝘥𝘪𝘦 𝘞𝘪𝘵𝘴𝘰𝘶𝘴

- Smelt die botter in ’n kastrol oor medium hitte.

- Voeg die koekmeel by en roer goed vir ongeveer 1 minuut om ’n 'paste' te vorm.

- Voeg die melk stadig by terwyl jy aanhoudend roer om klonte te voorkom.

- Hou aan roer totdat die sous begin verdik (ongeveer 4–5 minute).

Voeg by:

- Sout en witpeper

- Roer totdat die sous glad en romerig is.

4. 𝘉𝘰𝘶 𝘥𝘪𝘦 𝘓𝘢𝘴𝘢𝘨𝘯𝘦

- Begin met ’n dun lagie maalvleissous onder in die oondbak.

Pak dan die lae soos volg:

- Lasagne velle

- Maalvleissous

- Witsous

- ’n Handvol gerasperde Gouda kaas

Herhaal die lae totdat al die bestanddele gebruik is.

- Die boonste laag moet witsous en Gouda kaas wees.

5. 𝘉𝘢𝘬 𝘥𝘪𝘦 𝘓𝘢𝘴𝘢𝘨𝘯𝘦

- Bedek die oondbak losweg met foelie.

- Bak vir 25 minute.

- Verwyder die foelie en bak vir nog 15 minute totdat die kaas goudbruin is.

6. 𝘓𝘢𝘢𝘵 𝘙𝘶𝘴 𝘦𝘯 𝘉𝘦𝘥𝘪𝘦𝘯

- Haal die lasagne uit die oond en laat dit 10 minute rus voordat jy dit sny.

Bedien met:

- Vars slaai, Knoffelbrood of geroosterde groente

Lekker kook en geniet elke happie saam!

Kook Saam

10/04/2026

09/04/2026

09/04/2026

20/03/2026

19/03/2026

16/03/2026

16/03/2026

13/03/2026

10/03/2026

Address

Website

Alerts

Shortcuts

Share

Category