What are the opening hours?

Monday 8am - 7pm Tuesday 8am - 7pm Wednesday 8am - 7pm Thursday 8am - 7pm Friday 8am - 7pm Saturday 8am - 7pm Sunday 8am - 7pm

https://www.facebook.com/1240926312621946/

LingLing Food, 4 asling, Melbourne (2026)

20/01/2025

#របៀបធ្វើនំបាញ់ឌុក តោះសាករៀនធ្វេី!

#គ្រឿងផ្សំ
- ម្សៅអង្ករខ្សាយ 250ក្រាម
- ម្សៅឆា 250ក្រាម
- ទឹកស្លឹកតយ (ស្លឹកតយ 5-10សន្លឹក, ទឹក 1លីត្រកន្លះ)
- អំបិល 1ស្លាបព្រាកាហ្វេ
- ល្ងរលីង ដាក់តាមការចូលចិត្ត

+ វិធីធ្វើ
1. ដំបូងយកឆ្នាំងមកដាក់ម្សៅអង្ករ, ម្សៅឆា, អំបិល និងទឹកស្លឹកតយ រួចកូរចូលគ្នាឲ្យសព្វ។
2. បន្ទាប់មកយកមកដាក់លើភ្លើងកូរ(ត្រូវកូររហូត) 2ទៅ3នាទីដំបូងដាក់ភ្លើងខ្លាំង បន្ទាប់មកទៀតដាក់ភ្លើងក្តៅល្មមបានហើយ កូរប្រហែលជា 20ទៅ30នាទី។
3. 25នាទីនំបានឆ្អិនលើកវាយកមកចាក់ដាក់ក្នុងថាសវាចឲ្យស្មើ រួចហើយទុកឲ្យត្រជាក់
4. បន្ទាប់ពីនំបានត្រជាក់យកមកកាត់ជាដុំៗ តាមដែលចង់បាន ហើយយកវាមកញ៉ាំជាមួយទឹកស្ករ និងខ្ទិះដូងរោយល្ងរដាក់ពីលើ

វិធីធ្វើ ទឹកស្ករ៖
- ស្ករត្នោត500ក្រាម, ទឹក 400មីលីលីត្រ, អំបិល បន្តិច, ខ្ញី 1ដុំចិតបន្ទះៗ ដាក់ចូលក្នុងឆ្នាំងទាំងអស់ ដាក់ដាំឲ្យពុះបន្ថែម ម្សៅឆា 1ស្លាបព្រាបាយ(លាយជាមួយទឹកកូរអោយរលាយសព្វ) កូរវាបន្តិចទៀតជាការស្រេច

វិធីធ្វើ ទឹកខ្ទិះដូង៖
- ខ្ទិះដូង 500មីលីលីត្រ, ស្ករស 1ស្លាបព្រាបាយ, អំបិល កន្លះស្លាបព្រាកាហ្វេ, ម្សៅឆា 1ស្លាបព្រាបាយ(លាយជាមួយទឹកកូរអោយរលាយសព្វ) ដាក់ចូលក្នុងឆ្នាំងទាំងអស់កូរវាឲ្យសព្វយកវាដាក់ដាំឲ្យពុះជាការស្រេច

15/01/2025

#របៀបធ្វើបាញ់ចានឿកគ្រាប់សាគូ 🤤❤️ចូលចិត្តណាស់
#គ្រឿងផ្សំ
- សាគូ 400ក្រាម
- ម្សៅដំណើប 100ក្រាម
- ខ្ញី 4_5ចំណិត
- ល្ងរ ស

#គ្រឿងផ្សំធ្វើស្លូល
- សណ្តែកបាយ 150ក្រាម
- ខ្ទិះដូងដើម និង ខ្ទិះដូងចុង
- ស្ករស ឬ ស្ករត្នោត 350ក្រាម
- អំបិល កន្លះ ស្លាបព្រាកាហ្វេ
-ស្លឹកខ្ទឹម

#របៀបធ្វើ
1. ដំបូង យកគ្រាប់សាគូមកលាងទឹកឲ្យស្អាតហើយត្រឹមវាមួយសន្ទុះ រួចយកវាទៅស្ងោរក្នុងទឹកក្តៅប្រហែល5នាទីឲ្យវារីកល្អ បន្ទាប់មកស្រង់គ្រាប់សាគូចេញពីទឹកក្តៅ ទុកវាឲ្យត្រជាក់បន្តិចទើប ចាក់ម្សៅដំណើបចូល គ្រាប់សាគូហើយច្របល់ចូលគ្នាឲ្យសព្វ។
2.ពេលធ្វើទឹកបង្អែម យើងយកទឹកខ្ទិះដូងចុង ចាក់ចូលក្នុងឆ្នាំងមួយ បន្ទាប់មកដាក់ស្ករ និងអំបិលចូល កូរវាឲ្យសព្វលើភ្លើងទើបដាក់ខ្ញីចូល ។
3. ពេលធ្វើស្នូល ដំបូងយើង យកសណ្តែកបាយត្រាំទុកចោល1ម៉ោង ហើយ យកវាស្ងោរឲ្យរីកសិន ដាក់ទឹករំងាស់វាឲ្យរីកហើយឆ្អិនល្អ អាចយកដៃមកច្របាច់គ្រាប់សណ្តែកបានដើម្បីប្រាកដថាវាឆ្អិនល្អ។
បន្ទាប់មក ខ្ទះឆា ដើម្បីឆាស្លូលសណ្តែក ដាក់ប្រេងឆាបន្តិច រួចចាក់សណ្តែកបាយចូល ថែមខ្ទិះដូងដើម5ស្លាបព្រាបាយ ស្ករ1ស្លាបព្រាបាយ អំបិលកន្លះស្លាបព្រាកាហ្វេ កូរវាឲ្យចូលគ្នារហូត ដល់សណ្តែកល្មួតល្អ ដាក់ស្លឹកខ្ទឹមចូល ប៉ុន្តែពេលធ្វើត្រូវបើកភ្លើងតិចៗ ប្រុងប្រយ័ត្នវាខ្លោច។ ហើយយើងយកវាមកពូតជាដុំៗដើម្បីដាក់ធ្វើជាស្នូលបាញ់ចានឿក។
4.បន្ទាប់ពីរៀបចំគ្រឿងផ្សំរួចហើយ យើងចាប់ផ្តើម ខ្ចប់ម្សៅសាគូនិងស្នូល ពេលខ្ចប់វាបងៗគួរខ្ចប់ពេលដែល ម្សៅសាគូនៅក្តៅអ៊ុនៗតិចៗទើបស្រួលលុញ អាចលុញតាមទំហំបងៗចង់បាន តែកុំធ្វើធំៗពេក ។
5.ពេលខ្ចប់រួចបងៗ យកវាទៅស្ងោរក្នុងទឹក ឲ្យបានឆ្អិនល្អ អាស្រ័យលើទំហំនំ ស្ងោរធ្វើមិចឲ្យវាឆ្អិនម្សៅសាគូឆ្អិនល្អហើយឡើងថ្លា ឆ្អិនដល់ស្នូលខាងក្នុងផងដែរ។
ចុងក្រោយបងអាចដួសបាញ់ចានឿកយើងដាក់ចូលចាន រួចស្រូបទឹកបង្អែមដែរយើងធ្វើទុកនោះ ហើយ ស្រូបខ្ទិះដូងដើមបន្តិចនិង រោយល្ងរ ជាការស្រេច។.
#ស៊ែទុកធ្វើកុំអោយពិបាកគិត #ម្ហូបឆ្ងាញ់ៗប្រចាំថ្ងៃ #ស៊ែរម្នាក់មួយផង #បង្អែមខ្មែរ #បង្អែម #នំខ្មែរ

15/01/2025

#របៀបធ្វើខ្ទឹមជ្រក់ខៀវ 💚😋ធ្វើនៅផ្ទះដោយខ្លួនឯង
#គ្រឿងផ្សំ
-ខ្ទឹមស 0,5គីឡូ ឬ កន្លះគីឡូ
-ស្ករស 3_4ស្លាបព្រាបាយ
-អំបិល 1ស្លាបព្រាបាយ
-ប៊ីចេង 1ចុងស្លាបពា្រ (ដាក់ក៏បានអត់ក៏បាន តាមចំណូលចិត្ត)
-ទឹកខ្មេះ 200 ml
-ទឹកធម្មតា 200ml

#របៀបធ្វើ
+បកសំបកខ្ទឹមឲ្យមានស្អាតល្អ រួចកាត់ក្បាលវាចេញបន្តិច កាត់គ្រប់ខ្ទឹមទាំងអស់ រួចយកខ្ទឹមសនោះទៅ ច្របាច់អំបិលប្រហែលជា 8នាទី រួចយកវាលាងទឹកចេញ។
+បន្ទាប់មកលាងសំអាតខ្ទឹមសជាមួយនឹងទឹកធម្មតាឲ្យស្អាត រួចទុកឲ្យស្រស់ហើយស្ងួតទឹកមួយឡែកសិន។
+យកចានគោមមួយ ដាក់ទឹកខ្មេះ ស្ករស អំបិល ប៊ីចេង ទឹកធម្មតា លាយបញ្ចូលគ្នាឲ្យរលាយល្អសិន ទើបយកទៅចាក់ចូលក្នុងឆ្នាំង ដាំវាមួយរំពុះ។
+តម្រៀបខ្ទឹមស ចូលក្រឡកែវមួយ ហើយចាក់ទឹកគ្រឿងផ្សំរបស់យើងចូល ទាំងនៅក្តៅ ចូលក្រឡខ្ទឹមនោះ តែកុំទាន់បិទគំរប ទុកចូលឲ្យវាចុះត្រជាក់សិនទើបបិទគំរប។
+បិទគំរបទុកក្នុងផ្ទះបាយក្រៅទូរទឹកកក រយ:ពេល 4_7ថ្ងៃ ទើបអាចឡើងពេលខៀវល្អ។ ខ្ទឹមនេះអាចយកហូបជាមួយមី ឬ គុយទាវ បាន ។ ស៊ែរមួយបងៗ 🙏❤️

#ម្ហូបឆ្ងាញ់ៗប្រចាំថ្ងៃ #ស៊ែរម្នាក់មួយផង #ស៊ែទុកធ្វើកុំអោយពិបាកគិត #ម្ហូបខ្មែរ

15/01/2025

👍 #របៀបធ្វើបង្អែមសណ្ដែកអង្គុយ ឬ #បង្អែមបបរចាដូវ

+ គ្រឿងផ្សំ៖
– សណ្តែកអង្គុយ ១ចានចង្កឹះ (លាងត្រាំទឹកឲ្យរីក)
– អង្ករដំណើប ១ចានចង្កឹះ (លាងត្រាំទឹកឲ្យរីក)
– ស្ករស ៥០០ ក្រាម
– អំបិល ១ ស្លាបព្រាកាហ្វេ
– ខ្ទិះដូង ដើម១ចានចង្កឹះ ខ្ទិះដូងចុង ២ ចានគោម

+ វិធីធ្វើ៖

១. មុនដំបូងយកទឹកខ្ទិះចុងដាក់ចូលក្នុងឆ្នាំងដាំឲ្យពុះ បន្ទាប់មកដាក់សណ្តែកអង្គុយចូលដាំឲ្យផុស។

២. បន្ទាប់ពីសណ្តែកផុសហើយដាក់អង្ករដំណើបចូលរួចដាំបន្តទៀតឲ្យអង្ករឆ្អិន។

៣. យកអំបិល ស្ករស កូរឲ្យរលាយចូលគ្នាសពរហូតដល់ឆ្អិន លើចុះ ដាក់ដាំខ្ទិះដូងដើមអោយពុះ នៅពេលញុាំដួសខ្ទិះដូងដើមដាក់ពីលើធ្វើអោយកាន់តែមានរស់ជាតិឆ្ងាញ់៕😋😋😋

15/01/2025

របៀបធ្វើបង្អែមចេកខ្ទិះអោយឆ្ងាញ់

#គ្រឿងផ្សំ៖

- ចេកទុំ 1ស្និត កាត់ជាកង់ៗ
- ស្ករត្នោត ឬ ស្ករស
- ស្លឹកតយ 4 សន្លឹក
- ខ្ទិះដូងដើម 1 កូនចានចង្កឹះ
- ខ្ទិះដូងទឹកទីពីរ 2 កូនចានចង្កឹះ
- អំបិលកន្លះស្លាបព្រាកាហ្វេ
- គ្រាប់សាគូ ត្រាំទឹកឲ្យរីក

#វិធីធ្វើ៖

១. ចេកទុំ 1ស្និត កាត់ជាកង់ៗ ត្រាំទឹកអំបិល ក្រោយមក ស្រង់ចេញ ទុកមួយអន្លើ។

២. ក្រោមដាក់ឆ្នាំងដាំឲ្យក្ដៅ ថែមទឹកខ្ទិះដូងទឹកទីពីរ ស្លឹកតយ ចេកទុំកាត់ជាកង់ៗ គ្រាប់សាគូ និងអំបិល ស្ករស ហើយដាំឲ្យពុះ រួចបន្ថយភ្លើងបន្តិច ហើយបន្តដាំរយៈពេល 10 នាទីទៀតរហូតដល់ឆ្អិនល្អ

៣. ដាក់កូនឆ្នាំងមួយទៀតដាំលើចង្ក្រាន ដាក់ខ្ទិះដូងដើមដាក់អំបិលបន្តិច ពេលដែលវារលាយចូលគ្នា អោយពុះលើចុះ

៤. លើកចេញពីចង្ក្រាន ហើយដួសទទួលទានក្ដៅៗ ឬដាក់ទឹកកកឲ្យត្រជាក់ៗ កាន់តែឆ្ងាញ់។

14/01/2025

#របៀបធ្វើបង្អែមបបរសណ្ដែកខៀវ
#គ្រឿងផ្សំ៖
- សណ្តែកខៀវ ៣០០ ក្រាម
- ស្កសរ ៣០០ ក្រាម
- ខ្ទិះដូងចុង ៥០០ ក្រាម ខ្ទិះដូងដើម១០០ក្រាម
- សាគូរ ១០០ ក្រាម ត្រាំទឹក
- អំបិល 1 ចុងស្លាបព្រាកាហ្វេ

#វិធីធ្វើ:

១. ជាដំបូងអ្នកត្រូវយកសណ្តែកយកទៅលាងទឹកឲ្យស្អាតបន្ទាប់មកយកខ្ទិះដូងចុងដាក់ដាំអោយពុះ ដាក់សណ្ដែកខៀវ ចូល រហូតដាំទាល់តែសណ្តែករីក។
២. យកសាគូរយកទៅលាងទឹកឲ្យស្អាត និងត្រាំទឹកក្តៅឲ្យរីកប្រហែលជា ១៥ - ២០ នាទី។
៣. ពេលដែលមើលទៅសណ្តែករីកល្អហើយ ទើបអ្នកដាក់សាគូរចូលគ្របមួយភ្លក់មើលតាមចំណូលចិត្តចង់បាន ក្រោយមកទើបអ្នកបន្ថែម ស្កសរ, ខ្ទិះដូងដើម និងអំបិលបន្តិចនោះជាការរួចស្រេច៕

12/01/2025

#របៀបធ្វើពងមាន់អាំង
**គ្រឿងផ្សំ៖
-ពងមាន់ ១០ គ្រាប់
-ម្រេចម៉ត់ ១ ស្លាបព្រាកាហ្វេ
-ស្ករស ១/២ ស្លាបព្រាបាយ
-ម្សៅស៊ុប ១/២ ស្លាបព្រាកាហ្វេ
-អំបិល ១/២ ស្លាបព្រាកាហ្វេ
-ទឹកស៊ីអ៊ីវ ១ ស្លាបព្រាបាយ
-ប្រេងខ្យង ១ ស្លាបព្រាបាយ
**វីធីធ្វើ៖
1- គោះពងមាន់ (បក់សំបកតែបន្តិច) ដាក់ក្នុងចានមួយ រួចវៃវាអោយម៉ត់ល្អ។
2- យកគ្រឿងផ្សំទាំងអស់លាយជាមួយពងមាន់ រួចវៃអោយចូលគ្នាសព្វល្អ។
3- បន្ទាប់មកយកពងមាន់ទៅចាក់ចូងក្នុងសំបកវិញ រួចយកពងមាន់ទៅចំហុយ ប្រហែលជា ១០ ទៅ ១៥ នាទី ឲ្យឆ្អិនល្មមរួចយកទៅដាក់អាំង
4- ក្រោយអាំងឆ្អឹន ទទួលទានជាមួយអំបិលម្រេចក្រូចឆ្មារ និងស្លឹកជីជាការស្រេច៕

12/01/2025

#របៀបធ្វើចេកសាយឿ🍌
**គ្រឿងផ្សំ៖
_ចេកចាស់ (កុំទុំពេក)
_ខ្ទិះដូង
_គ្រាប់សាគូរ
_ស្ករ អំបិលបន្តិច
_ល្ងរ
**វិធីធ្វើ៖
_យកចេកទៅស្ងោរអោយឆ្អិនរួចហាន់ជាបន្ទះៗ
_យកខ្ទិះដូងដាក់ដាំអោយពុះ រួចដាក់សាគូចូលទុកអោយរីក ហើយដាក់ស្ករ និង អំបិលចូលបន្តិច ធ្វើអោយខាប់ ហើយភ្លក្សមើលផ្អែមខ្លាំង ឬផ្អែមល្មម តាមការចូលចិត្ត
_ពេលទទួលទាន យកចេកដែលហាន់ហើយ ស្រោចទឹកខ្ទិះពីលើ ហើយរោយល្ងរបន្តិច រួចរាល់ជាការស្រេច។

09/01/2025

មុខម្ហូបប្រចាំថ្ងៃ😍

08/01/2025

😁ជាតិណាស់ ទំនងខ្លាំង

របៀបធ្វើពងមាន់ត្រាំទឹកស៊ីអ៉ីវ

គ្រឿងផ្សំ ៖
- ពងមាន់ 10 គ្រាប់
- ទឹកខ្មេះ 1 ស/កាហ្វេ
- អំបិល 1 ស/កាហ្វេ
- ស្លឹកខ្ទឹម
- ម្ទេស
- ខ្ទឹមស
- ទឹកស៊ីអ៉ីវ 200 មីលីលីត្រ
- ទឹក ២០០មីលីលីត្រ
- ស្ក 3 ស្លាបព្រាបាយ
- ល្ងស 1 ស្លាបព្រាបាយ
- ប្រេងល្ង
- 1 ស្លាបព្រាកាហ្វេ

របៀបធ្វើ ៖
1. ជាដំបូង យើងត្រូវស្ងោរពងមាន់រយៈពេល 8-10 នាទី ដោយដាក់ទឹកដាំឲ្យពុះ និងដាក់ទឹកខ្មេះ 1 ស្លាបព្រាកាហ្វេ និងអំបិល (ដើម្បីធ្វើឲ្យពងមាន់ស្រួលបក និងមិនបែក)។ រួចស្រង់វាដាក់ក្នុងទឹកត្រជាក់ ទើបស្រួលបក។
2. ហាន់ស្លឹកខ្ទឹម ខ្ទឹមស និងម្ទេសឲ្យសើ្តងៗ។
3. លាយទឹកសុីអុីវ 200 មីលីលីត្រ ជាមួយទឹក 200 មីលីលីត្រ រួចចាក់ស្កចំនួន 3 ស្លាបព្រាបាយពេញ រួចចាក់ស្លឹកខ្ទឹម ខ្ទឹមស និងម្ទេស ដែលយើងបានហាន់អំបាញ់មេញ ជាមួយប្រេងល្ង និងល្ង ចូលទាំងអស់ រួចកូរឲ្យសព្ធ។
4. ជំហានបន្ទាប់ ត្រូវយកពងមាន់ទាំងអស់មកបកសំបក រួចដាក់ចូលក្នុងប្រអប់មួយ ហើយចាក់ទឹកសុីអុីវដែលបានលាយខាងលើចូលឲ្យលេចពងមាន់ រួចគ្របទុកចោលយ៉ាងតិច 4 ម៉ោងមុនយកមកពិសារ។ (បើចង់ឆ្ងាញ់ត្រូវទុកឲ្យបាន 1-2 យប់)។

08/01/2025

#មីនុយសំរាប់ថ្ងៃអាទិត្យជុំគ្រួសារ 😘😘 សាច់ជ្រូកអាំងពិសេស
គ្រឿងផ្សំ៖
+ ឆ្អឹងជំនីជ្រូក
+ ខ្ទឹមស & ខ្ញី
+ ពងទា
+ អំបិល ស្ករ ប៊ីចេង ម្រេច តាមចំណូលចិត្ត
+ ទឹកសុីអុីវ
+ ទឹកសុីអុីវខាប់
+ ប្រេងខ្យង
+ ស្រាសំរាប់ធ្វេីម្ហូប
+ ម្ស៉ៅម្ទេស
+ម្ស៉ៅពោត
វិធីធ្វេីខាងក្រោម អាំងជាមួយម៉ាសុីន Air fryer

LingLing Food

20/01/2025

15/01/2025

15/01/2025

15/01/2025

15/01/2025

14/01/2025

12/01/2025

12/01/2025

09/01/2025

08/01/2025

08/01/2025

Address

Opening Hours

Website

Alerts

Shortcuts

Share

Category

Monday	8am - 7pm
Tuesday	8am - 7pm
Wednesday	8am - 7pm
Thursday	8am - 7pm
Friday	8am - 7pm
Saturday	8am - 7pm
Sunday	8am - 7pm